1 कुरिन्थियों 11:2 - नुवो नेम (मेवड़ी नया नियम)

² मूँ थाँकी बड़ई करूँ हूँ काँके थाँ मने हारी चिजाँ में आद करो हो अन ज्या हिक में थाँने दिदी हे, वींको पालण करो हो।

1 कुरिन्थियों 11:2 Iomraidhean Croise

लूका 1:6

वीं दुई परमेसर की देकणी में घणा धरमी हा। अन परमेसर की आग्या को अन वींका नेमाँ को वीं पुरी तरियाऊँ पालण करता हा।

1 कुरिन्थियों 11:17

अबे आगलो आदेस देतो तको मूँ थाँकी बड़ई ने कररियो हूँ, काँके थाँ हाराई को भेळो वेणो नफो ने हे पण नकसाण हे।

1 कुरिन्थियों 11:22

कई खाबा-पिबा का वाते थाँके घर ने हे? कन परमेसर की मण्डली ने बेकार हमजो हो अन जणा का नके ने हे वाँने लाजा मारो हो? मूँ थाँकाऊँ कई कूँ? कई अणी बातऊँ थाँकी बड़ई करूँ? मूँ हाँची में बड़ई ने करूँ।

1 कुरिन्थियों 15:2

अन अणीऊँस थाँ बंचाया जावो हो, पण थाँने अणा बचना ने हूँस्यारी का हाते पकड़न राकणा हे अन यद्याँ थाँ अस्यान ने करो तो थाँको विस्वास करणो बेकार वे जाई।

1 कुरिन्थियों 4:17

ईं वाते मूँ तिमुतियुस ने ज्यो परबू का गट-जोड़ में लाड़लो अन मारा विस्वास जोगो बेटो हे, वींने थाँका नके खन्दायो हे, वो थाँने ईसू मसी में मारा वेवार का बारा में बताई, जिंने में हरेक जगाँ अन हरेक मण्डळ्याँ में हिकऊँ हे।

1 कुरिन्थियों 7:17

परबू जिंने जस्यो वरदान दिदो हे अन जिंने जस्या रूप में चुण्यो हे, वींने वस्यानीस रेणो छावे। हारी मण्डळ्याँ में मूँ ओईस आदेस दूँ हूँ।

1 थिस्सुलुनिक्यों 1:6

थाँ घणा कळेसाँ में भी पुवितर आत्माऊँ मलबावाळा आणन्द का हाते बचन मानन माँके अन परबू का जस्यान चालबावाळा बणग्या हो।

1 थिस्सुलुनिक्यों 3:6

तिमुती थाँका नकेऊँ पाछो आन ज्यो मने थाँका विस्वास अन परेम को हमच्यार हुणायो अन ओ भी बतायो के, थाँ हमेस्यान माँने परेम का हाते आद करो हो अन जस्यान मारो मन थाँने देकबा ने करे हे वस्यानीस थाँको मन भी करे हे।

2 थिस्सुलुनिक्यों 2:15

ईं वाते हो विस्वासी भायाँ, गाटा रेवो अन ज्या हिक माँ थाँने माकाँ मुण्डाऊँ अन कागद में लिकन दिदी हे वींने आपणाँ मन में राको।

2 थिस्सुलुनिक्यों 3:6

हो विस्वासी भायाँ, माँ थाँने परबू ईसू मसी में ओ आदेस देवा हा के, हरेक अस्या मनकाऊँ छेटी रेज्यो जीं आळकातक हे अन ज्या हिक माँ वाँने दिदी हे वींके जस्यान ने करे।