1 कुरिन्थियों 10:6 - नुवो नेम (मेवड़ी नया नियम)

⁶ ईं बाताँ अस्यान वी के, आपणाँ वाते एक हिक बणगी अन आपाँ अस्यी बुरी बाताँ की मनसा ने करा जस्यी वणा किदी ही।

1 कुरिन्थियों 10:6 Iomraidhean Croise

रोमियों 5:14

पण आदमऊँ लेन मूसा का टेम तईं मोत हाराई पे राज करती री। मोत वाँका पे भी ही, जणा आदम के जस्यान पाप ने किदो हे। आदम आबावाळा का जस्यान को हो।

1 कुरिन्थियों 10:11

पण ईं हारी बाताँ, ज्यो वाँका पे अस्यान घटी के वाँका वाते एक हिक वीं अन आपणे चेतावणी का वाते लिकी गी काँके दनियाँ की अन्त टेम नके हे।

इब्रानियों 4:11

ईं वाते आवो, आपाँ भी रईम्बावाळी जगाँ में जाबा का वाते कोसीस करा, कटे अस्यान वे के, कुई मनक वाँके जस्यान आग्याने ने मानन वीं रईम्बावाळी जगाऊँ चूक जावे।

इब्रानियों 9:24

काँके मसी हात का बणई तकी पुवितर जगाँ में ने ग्यो, ज्या जगाँ हाँची पुवितर जगाँ की नकल का जस्यान हे, पण हरग में ग्यो हे, ताँके आपणाँ वाते परमेसर का हामें पेरवई वेवे।

1 पतरस 3:21

वो पाणी भी बतिस्मा का जस्यान हे, जणीऊँ अबे थाँ बंचाया जावो हो। अणी बतिस्मा को मतलब यो कोयने के, देह को मेल धोयो जावे, पण मन ने पुवितर करन खुद ने परमेसर का आड़ी फेरणो वेवे हे, काँके ईसू मसी मरिया तका मेंऊँ पाच्छा जीवता किदा ग्या हा।

2 पतरस 2:6

परमेसर सदोम अन अमोरा जस्या नगरा ने दण्ड देन वानी का ढंगळा बणा दिदा ग्या हा, जणीऊँ पापी मनकाँ का वाते सबक बण सके के, वणा पापी मनकाँ का हाते कई व्यो हो।

यहूदा 1:7

यो भी आद अवाड़ूँ हूँ के, सदोम अन अमोरा नगर ने अन वाँके नके का नगराँ का मनकाँ ने जीं कुकरम करता हा अन बुरा काम का गेले चालता हा। परमेसर वाँने कदी ने बजबा वाळी वादी में नाकन वाँने दण्ड दिदो अन या बात आपणाँ वाते हिक बणी।