1 कुरिन्थियों 1:5 - नुवो नेम (मेवड़ी नया नियम)

⁵ थाँने ईसू मसी में वेन हारी बाताँ में जस्यान बोलबा में, हाराई ग्यान में पाका किदा ग्या हे।

1 कुरिन्थियों 1:5 Iomraidhean Croise

थरप्या तका का काम 2:4

वीं हाराई जणा पुवितर आत्माऊँ भरग्या अन जस्यान पुवितर आत्मा की सामरत वाँने मली वीं तरे-तरे की बोली में बोलबा लागा।

रोमियों 11:12

अस्यान यद्याँ वाँका गलती करबा को मतलब दनियाँ की भरपुरी हे अन वाँका नाकाम वेबाऊँ ज्यो यहूदी ने हा, वाँ मनकाँ की भरपुरी हे, तो वणा हाराई के एक हाते वेबाऊँ तो कतरी ओरी भरपुरी वेई।

रोमियों 15:14

हो मारा भायाँ, मने पाको पतो हे के, थाँ भलईऊँ भरिया तका हो, ग्यान अन एक दूजाँ ने हिकाबा में पाको हो।

रोमियों 15:4

हरेक बात ज्या सास्तर में लिकी गी, वाँ आपाँने हिक देबा का वाते हे। जणीऊँ ज्यो धिज्यो अन हिम्मत सास्तरऊँ मले हे, वणीऊँ आपाँने आस मले।

1 कुरिन्थियों 12:10

अन किंने तो अचम्बा का काम करबा को अन किंने तो परमेसर का आड़ीऊँ बोलबा को वरदान, किंने तो भली-बुरी आत्माने जाणबा को वरदान, किंने तो अलग अलग बोली बोलबा को वरदान, किंने तो वाँ बोल्याँ को मतलब बताबा को वरदान दिदो जावे हे।

1 कुरिन्थियों 12:8

अन ईं आत्माऊँ किंने तो अकलऊँ बात करबा को अन वणीइस आत्माऊँ दूजाँ ने ग्यानऊँ बात करबा को वरदान दिदो जावे हे।

1 कुरिन्थियों 13:2

अन यद्याँ मूँ परमेसर की बाताँ भी बता सकूँ अन मूँ हारोई भेद भी खोल सकूँ, हारोई ग्यान भी जाण जऊँ अन मने अटे तईं विस्वास भी वे के, मूँ मंगरा ने भी हरका सकूँ हूँ, पण परेम ने करूँ, तो मूँ कई भी ने हूँ।

1 कुरिन्थियों 13:8

परेम कदी भी टळे कोयने पण परमेसर का आड़ीऊँ बोलबावाळा को बोलणो खतम वे जाई, अलग अलग बोली में बोलबा को वरदान भी खतम वे जाई अन ग्यान भी खतम वे जाई।

1 कुरिन्थियों 14:26

हो विस्वासी भायाँ जद्याँ थाँ भेळा वेवो तो थाँने कई करणो छावे? थाँ तो जद्याँ भी भेळा वेवो हो तद्याँ थाँ भजन अन बचन, परमेसर का दरसण का बारा मेंईस बखाण करो हो। कुई अलग अलग बोली बोले हे अन कुई वीं बोली को मतलब बतावे हे। अन ईं हारी बाताँऊँ मण्डली आत्मिक रूप में गाटी वेणी छावे।

1 कुरिन्थियों 8:11

अणी रितीऊँ थाँरा ग्यानऊँ वणी कमजोर विस्वासी मनक को नास वे जाई जिंका वाते मसी जान दिदी ही।

2 कुरिन्थियों 4:6

काँके परमेसर क्यो हो के, “अन्दारा में उजितो चमकी” अन वोईस आपणाँ हरदा में चमक्यो हे, जणीऊँ आपाँने ईसू मसीऊँ परमेसर की मेमा का वाते ग्यान को उजितो मल सके।

2 कुरिन्थियों 6:10

अणीऊँ माँ घणा दकी हाँ, पण हमेस्यान राजी रेवा हाँ। माँ गरीब हा, पण माँ तो नरई ने धनवान बणावा हाँ। माकाँ नके कई ने हे, जद्याँ के माकाँ नके हारोई हे।

2 कुरिन्थियों 8:7

अन थाँ हारी बाताँ धनवान हो, जस्यान के विस्वास में, बोली में, ग्यान में, नरई तरियाऊँ भलई करबा में अन जणी परेम की हिक माँ थाँने दिदी ही, वीं परेम में थाँ पाका हो वस्यानीस थाँ अणी दान देबा का काम में भी बड़ता जावो।

2 कुरिन्थियों 9:11

थाँने हरेक तरियाँ धनवान बणाया जाई जणीऊँ थाँ आपणाँ हात ने खोळो राकन दे सको अन ईं दानऊँ जद्याँ माँ किंकी मदत कराँ तो ईं वजेऊँ वीं मनक परबू ने धन्नेवाद देई।

इपिसियों 1:17

मूँ अरज करिया करूँ हूँ के, आपणाँ परबू ईसू मसी का परमेसर जी मेमाऊँ भरिया तका हे, थाँने अकल अन चोड़ो करबावाळी आत्मा दे देई, ताँके थाँ परमेसर ने जान सको।

इपिसियों 2:7

अणा अस्यान किदो ताँके वो आबावाळा जुग में दया का हाते ईसू मसीऊँ ओ दिकाई के खुद की करपा ज्यो आपाँने दिकई ही वा कतरीक हेली हे।

इपिसियों 3:8

मूँ हाराई पुवितर मनकाँऊँ फोरो हूँ, पण मारा पे आ करपा वीं के, मूँ मसी का अनमोल धन ने ज्यो हमजऊँ बारणे हे वींका हव हमच्यार ने ज्यो यहूदी ने हे वाँ लोगाँ ने हूणाऊँ

इपिसियों 6:19

अन मारा वाते भी अरज करज्यो, ताँके जद्याँ मूँ बोलूँ वीं दाण परमेसर मने अस्यो बचन देवे के, मूँ हिम्मत राकन हव हमच्यार को भेंद बता सकूँ।

फिलिपियों 1:9

अन मूँ आ अरज करूँ हूँ के, थाँ परेम, हाँचा ग्यान अन हाराई तरियाँ की हमज का हाते ओरुँ भी वदता जावो,

कुलुसियों 2:3

मसी में हाराई ग्यान अन हमज का भण्डार हप्या तका हे।”

कुलुसियों 3:10

अन थाँ नुवा मनकपणा ने पेर लिदो हे, जणीऊँ थाँ आपणाँ बणाबावाळा परमेसर का जस्यान अन वाँके पाका ग्यान में हमेस्यान नुवा बणता जावो हो।

याकूब 3:13

थाँकामें ग्यानी अन हमजदार कूण हे? ज्यो अस्यान को हे, वो अणाने आपणाँ हव जीवन, नरमई अन अकलऊँ भरिया तका कामाँऊँ बतावे।

2 पतरस 3:18

पण थाँ आपणाँ परमेसर अन छुटकारो देबावाळा ईसू मसी की दया अन ग्यान में आगे बड़ता जावो। वींकी मेमा अबेऊँ लेन जुग-जुग तईं वेती रेवे। आमीन।