1 कुरिन्थियों 1:10 - नुवो नेम (मेवड़ी नया नियम)

¹⁰ हो विस्वासी भायाँ, आपणाँ परबू ईसू मसी का नाम में मारी थाँकाऊँ विनती हे के, थाँ हाराई एकीस बात केवो, थाँकामें कई भी फुट ने वेवे, एकीस मन अन एकीस मत वेन मल्या तका रेवो।

1 कुरिन्थियों 1:10 Iomraidhean Croise

मत्ती 9:16

अन अस्यानीस, कुई भी जूना गाबा के, नुवा गाबा मूँ फाड़न कारी ने लगावे अन कदी लगा भी दे, तो नुवा गाबा की कारी भेळी वेन जूना गाबा ने भी फाड़ दे अन वो फाट्यो गाबो ओरी हेलो फाट जावे।

मरकुस 2:21

“कुई भी मनक जूना गाबा के, नुवा गाबा की कारी ने लगावे अन जदी लगा भी दे, तो नुवा गाबा की कारी भेळी वेन जूना गाबा ने फाड़ दे अन वो फाट्यो गाबो ओरी हेलो फाट जाई।

मरकुस 3:24

जदी कस्या राज का बचमें फुट पड़ जावे, तो वो राज कदी ने बंच पावे।

यहुन्ना 10:19

अणा बाताँ केड़े पाच्छी यहूदी लोग-बागाँ में एक दाण ओरी फुट पड़गी।

यहुन्ना 17:23

मूँ वाँका में अन थाँ मारा में वेवो, जणीऊँ वीं पुरी तरियाऊँ आपाँ में एक वे जावे। अन दनियाँ जाणे के, थाँ मने खन्दायो हे, अन जस्यान थाँ माराऊँ परेम किदो वस्यानीस वाँकाऊँ भी परेम करो हो।

यहुन्ना 7:43

अस्यान ईसू की वजेऊँ मनकाँ में फुट पड़गी।

यहुन्ना 9:16

अणी पे कुई फरीसी केबा लागा, “जणी मनक यो किदो हे वो मनक परमेसर का आड़ीऊँ ने हे, काँके वो आराम का दन का नेमाने ने माने हे।” दूजाँ क्यो, “पापी मनक कस्यान अस्या परच्या बता सके हे?” अणी बात पे वाँका में आपस में फुट पड़गी।

थरप्या तका का काम 4:32

हारई विस्वास करबावाळा एक मन अन हरदा का हाँ। अटा तईं के, वे आपणी धन-दोलत ने आपणी ने केता हा, पण हारी चिजाँ वाँका भेळा में ही।

रोमियों 1:13

मारा भायाँ थाँने ओ पतो वेणो जरूरी हे के, में घणी दाण थाँका नके आबा की होची, पण हरेक दाण कई ने कई अस्यान को वेता के, मूँ ने आ सक्यो। मूँ थाँका आड़ीऊँ भी वस्योईस फळ पाणो छावूँ हूँ, जस्यो ज्यो यहूदी ने हा, वाँ मनकाँऊँ पायो हो।

रोमियों 12:1

ईं वाते हो मारा भायाँ, मूँ थाँने परमेसर की दया की आद अवाड़न थाँकाऊँ अरज करूँ हूँ के, थाँ थाँकी देह ने जीवता अन पुवितर बलीदान का रूप में परमेसर ने राजी करबा का वाते दिदो। आ थाँकी आत्मा की हाँची सेवा हे, जिंने थाँने करणी हे।

रोमियों 12:16

आपस में एक मन राको। मेपणो मती करो, पण दन-दक्या का हाते संगत करिया करो। अन खुद यो मती होचो के, खाली माँईस अकलवान हा।

रोमियों 15:30

हो मारा भायाँ, मूँ परबू ईसू मसी अन आत्मा का परेमऊँ थाँकाऊँ अरज करूँ हूँ, मारा वाते परमेसरऊँ परातना करता तका, मारी आत्मिक लड़ई में मने जेलो दो।

रोमियों 16:17

हो मारा भायाँ, मूँ थाँकाऊँ अरज करूँ हूँ के, थाँने ज्या हिक मली, वींके खिलाप में थाँकामें फुट नाकबावाळा अन दूजाँ का विस्वास ने बगाड़बावाळाऊँ छेटी रेज्यो।

1 कुरिन्थियों 1:11

काँके खलोए का घराणा का मनक मने थाँ विस्वासी भायाँ का बारा में बतायो हे के, थाँ आपस में एक-दूजाऊँ लड़रिया हो।

1 कुरिन्थियों 11:18

हाराऊँ पेल्याँ तो में ओ हुण्यो हो के, जद्याँ थाँ विस्वासी मनक मण्डली में भेळा वेवो, तो थाँकामें फुट पड़ जावे हे अन मूँ थोड़ो घणो ईंने हाँच भी मानूँ हूँ।

1 कुरिन्थियों 12:25

जणीऊँ देह में फुट ने पड़े अन अंग एक दूजाँ में एक दूजाँ की देक-रेक करे।

1 कुरिन्थियों 3:3

काँके थाँ अबाणू तईं दनियाँ का मनकाँ का जस्यान हो, ईं वाते थाँकामें रिस्याँ बलणो अन कळेस मोजुद हे, तो कई थाँ दनियाँ का सांसारिक मनक ने हो अन थाँ सांसारिक मनकाँ के जस्यान वेवार करो हो?

1 कुरिन्थियों 4:16

ईं वाते मूँ थाँकाऊँ अरज करूँ हूँ के, मारा जस्यान चाल चालो।

2 कुरिन्थियों 10:1

मूँ पोलुस, थाँका हामे मसी की नरमाई अन वींकी करपा की गवई देन थाँकाऊँ अरज करूँ हूँ। लोगाँ को केणो हे के, जद्याँ मूँ थाँका हामे रेऊँ हूँतो मूँ थाँका लारे नरमाईऊँ वेवार राकूँ हूँ, पण जद्याँ मूँ थाँका हामे ने रूँ तो मूँ नरमाई ने राकूँ हूँ।

2 कुरिन्थियों 13:11

हो विस्वासी भायाँ, मूँ अणा आकरी सबदा का हाते अणी कागद ने बन्द कररियो हूँ, राजी रिया करो, थाँका वेवार ने बदलो, एक-दूँजा ने हिम्मत बंदावो, सान्ती अन मेल-मिलापऊँ रो, तद्याँ परमेसर ज्यो परेम अन सान्ती का दाता हे थाँका हाते रेई।

2 कुरिन्थियों 13:9

जद्याँ माँ कमजोर वेवा हाँ अन थाँ जोरावर वेवो हो तो माँ राजी वेवा हा, अन आ परातना भी करा हाँ के, थाँ पाकाऊँ पाका बणो।

2 कुरिन्थियों 5:20

ईं वाते माँ मसी का राजदूत वेन ओ काम कराँ हा अन थाँ ओ मानो के परमेसर माँकाऊँ थाँने चेतारिया हे। ईं वाते माँ मसी का आड़ीऊँ थाँकाऊँ हाता-जोड़ी कराँ हाँ के, थाँ परमेसरऊँ मेल-मिलाप करो।

2 कुरिन्थियों 6:1

माँ परमेसर का हाते वाँको काम करबा का मस थाँकाऊँ अरज करा हाँ के, परमेसर की दया ज्यो थाँका पे वीं हे वींने बेकार मती वेबा दिज्यो।

गलातियों 4:12

हो भायाँ, मूँ थाँकाऊँ हाता-जोड़ी करूँ हूँ के, थाँ हाराई मारा जस्यान वी जावो, काँके मूँ थाँका जस्यान वेग्यो हूँ, मूँ यो ईं वाते ने केरियो हूँ के, थाँ मारा विरोद में कुई बुरो काम किदो हे।

फिलिपियों 1:27

थाँ थाँको जीवन मसी का हव हमच्यार के जोगो जियो, ताँके यद्याँ मूँ आन थाँने देकूँ कन ने देकूँ पण थाँका बारा में मूँ ओ हुण सकूँ के, थाँ एक मन अन एक मकसदऊँ अटल रेन हव हमच्यार का विस्वास का वाते कल्ड़ी मेनत कररिया हो।

फिलिपियों 3:16

पण परमेसर आपाँने ज्यो भी बतायो हे, वींके जस्यानीस आपाँ हाराई ने जीवणो छावे।

1 थिस्सुलुनिक्यों 5:13

अन वाँका कामाँ की वजेऊँ परेम का हाते वाँने घणा आदर-मान का जोगा हमज्या करो अन एक-दूजाऊँ मेल-मिलापऊँ रेवो।

2 थिस्सुलुनिक्यों 2:1

हो भायाँ-बेना, आपणाँ परबू ईसू मसी का आबा अन वाँके नके भेळा वेबा का बारा में, माँ थाँकाऊँ अरज करा हाँ के,

1 तिमुतियूस 5:21

मूँ थने परमेसर, मसी ईसू अन पुवितर हरग-दुत की मोजुदगी में केवूँ हूँ के, थूँ खुला मनऊँ अणा आदेस ने मानज्ये अन ज्यो कई भी थूँ करे, वींने बना पकसपात के करज्ये।

2 तिमुतियूस 4:1

ईसू मसी राजा का रूप में आई अन हाराई जीवता अन मरिया तका को न्याव करी, वाँने अन परमेसर ने गवा मानन मूँ थने आदेस दूँ हूँ के,

1 पतरस 2:11

हे मारा प्यारा भायाँ-बेना, थाँ जो ईं दनियाँ का मयने बारवासी मनकाँ के जस्यान हो, थाँकाऊँ अरज करूँ हूँ के, थाँ पाप करबा की बुरी मरजीऊँ खुद ने बंचान राकज्यो, ज्या थाँकी आत्माऊँ लड़ती रेवे हे।

1 पतरस 5:10

अबे परमेसर, जीं दया करबावाळा अन दया का दाता हे, वींइस थाँने मसी में जुग-जुग का वाते खुद की मेमा करबा वाते बलाया हे। थाँने थोड़ोक दुक जेलबा केड़े, वो खुदई थाँने गाटा, जोरावर अन पाका बणाई।