Lucas 9:12 - Eibangeilhos en Mirandês

¹² Yá ampeçaba a scurcer i ls doze, achegando-se a el, dezírun-le: «Ampunta las pessonas, que se báian a saber de quemer puls lhugares i aldés que hai por ende alredror, porque neste sítio nun hai un germo.»

Lucas 9:12 Iomraidhean Croise

Mateus 14:13

Jasus, quando oubiu l que se passara, saliu deilhi nun barquito para un sítio zerto i apartado. Mas, quando l soubírun, las multidones fúrun-se atrás del a pie zde las cidades.

Mateus 15:23

Mas el nun le respundiu nien ui nien ai. Ls deciplos, achegando-se a el, pedien-le, dezindo: «Çpacha-la, que ben a boziar atrás de nós.»

Mateus 15:32

Jasus, apuis, chamou ls sous deciplos i dixo-le: «Tengo pena desta giente, porque yá trés dies que ándan atrás de mi i nien raça ténen de quemer; i nun ls quiero ampuntar an ayunas, nun le baia a dar ũa fraqueza pul camino.»

Lucas 9:11

Quando las pessonas soubírun adonde staba, fúrun-se atrás del. El recebie-las, falaba-le de l reino de Dius i sanaba las que percisában de ser sanas.

Lucas 9:13

Anton el dixo-le: «Dai-le bós a quemer.» Mas eilhes dezírun-le: «Solo tenemos cinco fogaças i dous peixes, a nun ser que báiamos nós a mercar de quemer para todo este juntouro de giente.»

Juan 6:1

Apuis, Jasus fui-se pa l outro lhado de l mar de la Galileia, ou de Tiberíades.