Lucas 8:39 - Eibangeilhos en Mirandês

³⁹ «Torna pa tue casa i cunta las grandes cousas que Dius te fizo.» I el fui-se por toda la cidade a apregonar las grandes cousas que Jasus le habie feito.

Lucas 8:39 Iomraidhean Croise

Marcos 1:45

Mas el, mal apenas saliu deilhi, ampeçou a apregonar mui alto i a spalhar la nobidade, de modo que yá nien podie antrar a las claras na cidade. Por bias dessas cousas, quedaba fuora an sítios sien naide i íban a tener cun el de todas las partes.

Marcos 5:18

Habendo-se chubido para ũa barca, l que habie tubido l demonho andrento, pedie-le que l deixasse ir cun el.

Marcos 5:19

Mas el nun l deixou antrar i dixo-le: «Bai para tue casa i pa la tue giente i cunta-le las cousas que l Senhor fizo cuntigo i de cumo tubo pena de ti.»

Lucas 8:38

L home de adonde habien salido ls demonhos pedie-le que l deixara quedar cun el. Mas el mandou-lo ambora, dezindo-le:

Lucas 8:40

Quando Jasus tornou, recebiu-lo un grande juntouro de pessonas, porque stában todos a spera del.

Juan 4:29

«Beni a ber un home que me dixo todo l que you fiç. Se calha ye el l Messias.»