Lucas 6:13 - Eibangeilhos en Mirandês

¹³ Mal apenas rumpiu l die, chamou ls sous deciplos, scolhiu doze deilhes i dou-le l nome d’apóstelos:

Lucas 6:13 Iomraidhean Croise

Mateus 10:2

Estes son ls nomes de ls doze apóstelos: l purmeiro ye Simon, que le cháman Pedro, i Andrés, armano del;

Mateus 19:28

Jasus dixo-le: «Quedai bien ciertos de l que bos digo, bós, ls que benistes atrás de mi, ne l mundo nuobo, quando l Filho de l Home se sentar ne l trono de la sue glória, sentareis-bos tamien anriba de doze tronos, a julgar las doze tribos d’Eisrael.

Mateus 9:36

Al ber aquel juntouro de giente, Jasus anchiu-se de pena deilha, puis staba cansada i deitada na tierra cumo tagalho sien pastor.

Marcos 6:30

Nesse antretiempo, bolbírun ls apóstelos i cuntórun-le a Jasus todas las cousas que habien feito i ansinado.

Marcos 6:7

Adepuis, chamou ls doze i ampeçou a mandá-los als dous de cada beç i dou-le poder contra ls spritos malos.

Lucas 11:49

Pula mesma rezon, tamien diç la sabedorie de Dius: Mandarei-le porfetas i apóstelos i eilhes mataran a uns i a outros andaran contra eilhes.

Lucas 22:30

para que cómades i bébades a la mie mesa ne l miu reino i bos séntedes an tronos para julgar las doze tribos de Eisrael.»

Lucas 6:14

Simon, a quien tamien le dou l nome de Pedro, i Andrés armano del; Tiago i Juan; Felipe i Burtelameu;

Juan 4:33

Ls deciplos dezien-le uns als outros: «Acauso alguien le haberá traído de quemer?»