Lucas 20:47 - Eibangeilhos en Mirandês

⁴⁷ eilhes que cómen todo nas casas de las biúdas, fazendo de cunta que rézan muito. Esses inda ban a tener un mais grande castigo.»

Lucas 20:47 Iomraidhean Croise

Marcos 12:40

que cómen todo l que hai nas casas de las biúdas i fázen de cuonta que rézan grandes ouraciones. Estes ban a tener un juízo mais apertado.»

Lucas 12:1

Cumo, nesse antretiempo, s’ajuntou tanta giente que até se pisában uns als outros, el ampeçou-le a dezir als sous deciplos: «Tenei muito cuidado cul furmiento de ls fariseus, que ye la falsidade.

Mateus 23:13

Cuitadicos de bós, scribas i fariseus falsos, porque cerrais l reino de ls cielos a las pessonas! Nien bós antrais nien deixais als outros antrar.

Mateus 23:14

Cuitadicos de bós, scribas i fariseus falsos, que zgraciais las casas de las biúdas, cula çculpa de fazer lhargas ouraciones. Mas inda sereis mais cundanados por bias desses feitos.

Lucas 20:46

«Tomai cuidado culs scribas, que quieren andar a passear cun bestidos mui lhargos i gústan de ser saludados na praça, de las purmeiras cadeiras nas sinagogas i de ls purmeiros campos nas bodas,

Lucas 21:1

Alhebantando ls uolhos, biu ls ricos a botar la sue smola na caixa de las smolas de l templo.