Lucas 18:13 - Eibangeilhos en Mirandês

¹³ L recebidor de ampuostos puso-se loinge i nien sequiera tenie coraige de alhebantar ls uolhos pa l cielo, mas batie ne l peito, dezindo: “Á Dius, ten piadade de mi, que sou pecador.”

Lucas 18:13 Iomraidhean Croise

Mateus 10:3

Tiago, filho de Zebedeu, i Juan, armano del; Felipe i Burtelameu; Tomé i Mateus, quebrador de la décima; Tiago, filho de Alfeu, i Tadeu;

Mateus 6:5

«Quando rezardes, nun séiades cumo ls falsos, que gústan de rezar de pies nas sinagogas i nas squinas de las praças, pa que séian bistos pulas pessonas. Quedai bien ciertos de l que bos digo: Yá recebírun la sue paga.

Mateus 9:13

Ide-bos mas ye a daprender l que quier dezir: Mais quiero la mezericórdia do que l sacrafício. Puis you nun bin a chamar ls justos, mas ls pecadores, pa que s’arrepéndan.»

Marcos 11:25

I quando stubirdes a rezar, perdonai-le algo que téngades contra ũa pessona, para que tamien l buosso Pai, que stá ne l cielo, bos perdone ls buossos pecados.»

Lucas 17:12

Antrou nun lhugar i salírun-le al camino dieç homes, chenos de lhepra, que parórun quando inda stában loinge.

Lucas 22:41

Apuis, apartou-se deilhes, nó mais loinge que ũa cantada i, ponendo-se de zinolhos, rezaba

Lucas 23:48

Todo l juntouro de pessonas que habie assestido a aquel spetaclo, al ber l que se passara, iba-se ambora batendo ne l peito.

Lucas 5:8

Al ber todas essas cousas, Simon Pedro botou-se als pies de Jasus, dezindo-le: «Sal d’an pie de mi, á Senhor, que you sou un home pecador.»