Lucas 16:15 - Eibangeilhos en Mirandês

¹⁵ El dixo-le: «Bós sodes daqueilhes que se fázen passar por buonos als uolhos de to la giente, mas Dius conhece ls buossos coraçones, porque l que pa las pessonas ten muito balor, para Dius nun bal nada.»

Lucas 16:15 Iomraidhean Croise

Mateus 23:5

Porque fáien todas las obras deilhes para que séian bistos pulas pessonas: pónen las sues fitas mais anchas i alhárgan las franjas;

Mateus 6:16

«Quando ayunais, nun bos quérgades poner tristes cumo ls falsos, puis zafigúran l rostro para le amostráren a las pessonas que stan a ayunar. Quedai bien ciertos de l que bos digo: Yá recebírun la sue paga.

Mateus 6:2

Quando dires smola, nun deixes tocar la corneta delantre de ti, cumo fázen ls falsos nas sinagogas i nas rues, para tenéren l galardon de las pessonas. Quedai bien ciertos de l que bos digo: Yá recebírun la sue paga.

Mateus 6:5

«Quando rezardes, nun séiades cumo ls falsos, que gústan de rezar de pies nas sinagogas i nas squinas de las praças, pa que séian bistos pulas pessonas. Quedai bien ciertos de l que bos digo: Yá recebírun la sue paga.

Lucas 10:29

Mas el, querendo justeficar-se a el mesmo, dixo-le a Jasus: «I quien ye l miu próssimo?»

Lucas 11:39

L Senhor dixo-le: «Agora bós, ls fariseus, lhimpais la parte de fuora de l copo i de l prato; mas por andrento stais chenos de bícios i de maldade.

Lucas 18:11

L fariseu staba de pies i rezaba assi, alhá cun el: “Á Dius, dou-te grácias por nun ser cumo ls outros homes, que son lhadrones, anjustos i fázen adultério, nien cumo este recebidor de ampuostos;

Lucas 18:14

Digo-bos you: Este tornou justeficado para sue casa i l outro nó. Porque todo l que se agabar a el mesmo, será houmildado; i l que se houmildar, será agabado.»

Lucas 18:21

El retrucou-le: «Todas essas cousas tengo guardado zde la mie mocidade.»

Lucas 18:9

Dixo-le tamien esta parábola, a respeito de uns que tenien muita cunfiança neilhes mesmos, tenendo-se por justos i çpreziando ls outros:

Lucas 20:20

Andában cun el debaixo de uolho, mandando-le spiones, que se fazien passar por justos, para ber se lo agarrában nũa palabra que fusse i assi lo antregáren al poder i a l’outeridade de l gobernador.

Lucas 20:47

eilhes que cómen todo nas casas de las biúdas, fazendo de cunta que rézan muito. Esses inda ban a tener un mais grande castigo.»

Juan 2:25

i nun percisaba que lo anformássen a respeito dũa pessona, porque el bien sabie l que habie andrento dessa pessona.

Juan 21:17

Dixo-le inda ũa treceira beç: «Simon, filho de Juan, tu amas-me?» Simon quedou triste por le haber preguntado ũa treceira beç «amas-me.» I dixo-le: «Senhor, tu sabes todo, tu sabes bien que you te amo.» Jasus dixo-le: «Toma cuonta de las mies canhonas.