Lucas 16:10 - Eibangeilhos en Mirandês

¹⁰ Quien ye de cunfiança nas cousas mais pequeinhas, tamien ye de cunfiança nas cousas grandes; quien nun ye de cunfiança nas cousas pequeinhas, tamien nun ye de cunfiança nas cousas grandes.

Lucas 16:10 Iomraidhean Croise

Mateus 24:45

«Quien cuidais que ye l criado de cunfiança i bibideiro, a quien l amo puso a gobernar ls sous criados, para que le deia l quemido a horas?

Mateus 25:21

Dixo-le l amo del: “Baliente! Criado buono i fiél. Fuste fiél an cousas poucas, ponerei-te a gobernar muitas cousas; ben a fazer parte de la felcidade de l tou amo.”

Mateus 25:23

Dixo-le l amo: “Baliente! Criado buono i fiél. Fuste fiél an cousas poucas, ponerei-te a gobernar muitas cousas; ben a fazer parte de la felcidade de l tou amo.”

Lucas 19:17

El dixo-le: “Baliente, criado buono; yá que fuste fiél an cousa tan pequeinha, bás a tener poder subre dieç cidades.”

Juan 12:6

El falou assi nó por s’amportar culs probes, mas porque era lhadron. Cumo era el que andaba cula bolsa, roubaba l que se botaba alhá.

Juan 13:2

A la cena, cumo l diabro yá habie puosto ne l coraçon de Judas Scariotes, filho de Simon, que l atraiçonasse,

Juan 13:27

I apuis de l cacho de pan, Satanás antrou nel. Dixo-le, anton, Jasus: «Faç debrebe l que tenes a fazer.»