Juan 5:25 - Eibangeilhos en Mirandês

²⁵ Quedai bien ciertos de l que bos digo: Ben la hora, i ye agora, an que ls muortos han de oubir la boç de l Filho de Dius; i ls que la oubíren, biberan.

Juan 5:25 Iomraidhean Croise

Lucas 15:24

puis este miu filho staba muorto i tornou a bibir, habie-se perdido i tornou-se a achar.” I ampeçórun a quedar mui cuntentos.

Lucas 15:32

Mas era perciso que quedáramos cuntentos i fazíramos ũa fiesta, porque tou armano staba muorto i tornou a bibir, habie-se perdido i achou-se.”»

Lucas 9:60

Jasus dixo-le: «Deixa que ls muortos antérren ls sous muortos; tu, bai i anúncia l reino de Dius.»

Juan 13:1

L die atrás la fiesta de la Páscoa, sabendo Jasus que habie chegado la sue hora de passar deste mundo pa l Pai, cumo habie amado ls sous, que stában ne l mundo, amou-los até al fin.

Juan 17:1

Apuis de haber falado desta maneira, Jasus alhebantou ls uolhos pa l cielo i dixo: «Pai, chegou la hora: glorfica l tou Filho, para que l Filho te glorfique a ti,

Juan 4:21

Jasus dixo-le: «Acradita an mi, mulhier, ben ende l tiempo an que nien neste cabeço nien an Jarusalen adorareis l Pai.

Juan 4:23

Mas ben ende l tiempo, i ye agora, an que ls berdadeiros adoradores ban a adorar l Pai an sprito i an berdade, puis ye desses adoradores que l Pai anda a saber.

Juan 5:21

Porque, assi cumo l Pai rucecita ls muortos i le dá bida, assi tamien l Filho le dá bida als que el quier.

Juan 5:28

Nun bos admíredes cun estas cousas, porque ben ende la hora an que ls que stan nas sepulturas oubiran la sue boç:

Juan 6:60

Muitos de ls sous deciplos al oubir estas cousas, dezírun-le: «Duras son estas palabras! Quien las puode scuitar?»

Juan 8:43

Porque nun antendeis la mie fala, yá que la mie palabra nun la podeis oubir?

Juan 8:47

Quien ye de Dius, scuita las palabras de Dius; bós nun las scuitais porque nun sodes de Dius.»

Juan 9:27

El respundiu-le: «Yá bos l dixe i oubistes bien. Porque quereis oubir outra beç? Talbeç tamien bos quérgades fazer deciplos del.»