Juan 4:21 - Eibangeilhos en Mirandês

²¹ Jasus dixo-le: «Acradita an mi, mulhier, ben ende l tiempo an que nien neste cabeço nien an Jarusalen adorareis l Pai.

Juan 4:21 Iomraidhean Croise

Mateus 18:20

Porque, adonde stan dous ou trés juntos an miu nome, you stou ende ne l meio deilhes.»

Mateus 28:19

Ide, antoce, ansinai a todas las naciones i batizai-las an nome de l Pai, de l Filho i de l Sprito Santo,

Lucas 21:24

cairan cul filo de la spada, seran lhebados prijoneiros para todas las naçones i Jarusalen será apatulhada puls gentius, até que eilhes acáben l sou tiempo.»

Juan 14:6

Jasus dixo-le: «You sou l camino, la berdade i la bida. Naide ben al Pai a nun ser por mi.

Juan 16:2

Botaran-bos para fuora de las sinagogas; mas ben ende la hora an que quien bos matar, cuidará que le stá a fazer un serbício a Dius.

Juan 16:32

Ben ende la hora, i yá stá a quedar acerca, an que bós sereis scamalhados, cada un para sue parte i me deixareis a mi solo; mas you nun stou solo, porque l Pai stá cumigo.

Juan 4:23

Mas ben ende l tiempo, i ye agora, an que ls berdadeiros adoradores ban a adorar l Pai an sprito i an berdade, puis ye desses adoradores que l Pai anda a saber.

Juan 5:25

Quedai bien ciertos de l que bos digo: Ben la hora, i ye agora, an que ls muortos han de oubir la boç de l Filho de Dius; i ls que la oubíren, biberan.

Juan 5:28

Nun bos admíredes cun estas cousas, porque ben ende la hora an que ls que stan nas sepulturas oubiran la sue boç: