Juan 3:29 - Eibangeilhos en Mirandês

²⁹ Quien ten la mulhier ye l home, mas l amigo de l home, que lo acumpanha i oube, queda mui cuntento al oubir la boç de l home. Assi, la mie alegrie yá stá cumprida.

Juan 3:29 Iomraidhean Croise

Mateus 22:2

«L reino de l cielo fui feito acumparado a un rei que fizo la boda de l sou filho.

Mateus 25:1

«Antoce, l reino de ls cielos será acumparado a dieç birges que agarrórun sues lhinternas i fúrun-se a tener cul moço.

Mateus 9:15

I Jasus dixo-le: «Por acaso ls cumbidados de las bodas puoden andar tristes anquanto l moço stá cun eilhes? Ha de benir l tiempo an que le han de tirar l moço i nessa altura ayunaran.

Lucas 15:6

Al chegar a casa, chama ls amigos i bezinos, dezindo-le: “Cuntentai-bos cumigo, puis yá achei la canhona que se m’habie perdido.”

Juan 15:11

Tengo-bos falado destas cousas para quedardes cuntentos cumigo i para que la buossa alegrie seia cumpleta.

Juan 16:24

Até agora nun pedistes nada an miu nome; pedi i recebireis para que la buossa alegrie se cumpra.

Juan 17:13

Mas agora bou-me para an pie de ti i falo estas cousas ne l mundo, para que téngan l miu cuntentamiento andrento deilhes mesmos.

Juan 3:30

Ye perciso que el creça i que you abaixe.