Juan 19:30 - Eibangeilhos en Mirandês

³⁰ Quando Jasus porbou l binagre, dixo: «Todo stá cumprido.» I, ancostando la cabeça, antregou la sue alma.

Juan 19:30 Iomraidhean Croise

Mateus 20:28

De l mesmo modo, l Filho de l Home nun bieno para ser serbido, mas para serbir i dar la sue bida pa la salbaçon de muitos.»

Mateus 27:50

Mas Jasus, apuis de haber boziado outra beç mui alto, morriu-se.

Mateus 3:15

Mas Jasus respundiu-le: «Por anquanto, deixa las cousas cumo stan, puis tenemos de fazer toda la justícia.» Anton, Juan cuncordou.

Marcos 15:37

Mas Jasus, dando un grito mui fuorte, morriu-se.

Lucas 22:37

Porque bos digo: Ye perciso que se cúmpran an mi estas cousas que stan screbidas: Fui cuntado antre ls malfeitores. Puis l que stá screbido subre mi ha de se cumprir.»

Lucas 23:46

Apuis, Jasus dou un grande bózio, dezindo: «Pai, nas tues manos antrego l miu sprito.» Mal apenas acabou de dezir estas palabras, morriu-se.

Juan 10:11

You sou l bun pastor: l bun pastor dá la bida pulas sues canhonas;

Juan 10:18

Naide me la tira, mas sou you que la dou porque quiero. Tengo l poder de la dar i l poder de la tornar a recebir. Recebi este mandamento de miu Pai.

Juan 17:4

You amostrei la tue glória neste mundo, cumprindo la obra que me deste a fazer;

Juan 19:28

Apuis, sabendo Jasus que yá stában acabadas todas las cousas, para que se cumprira la Scritura, dixo: «Tengo sede.»

Juan 4:34

Jasus dixo-le: «L miu quemido ye fazer la buntade de l que me mandou a fazer la obra del.