Juan 15:16 - Eibangeilhos en Mirandês

¹⁶ Nun fustes bós que me scolhistes a mi, mas fui you que bos scolhi a bós i bos pus para que báiades i déiades fruito i l buosso fruito se mantenga, para que todo l que le pedirdes al Pai, an miu nome, el bos l deia.

Juan 15:16 Iomraidhean Croise

Mateus 21:22

I alcançareis todo l que pedirdes cun fé na ouracion.»

Mateus 7:7

«Pedi i daran-bos; buscai i achareis; batei i abriran-bos la puorta.

Lucas 6:13

Mal apenas rumpiu l die, chamou ls sous deciplos, scolhiu doze deilhes i dou-le l nome d’apóstelos:

Juan 13:18

Nun falo de todos bós, puis bien sei ls que tengo scolhido, mas para que se cumpra la Scritura: L que come l pan cumigo, alhebantou contra mi l sou carcanhal.

Juan 15:19

Se bós fúrades de l mundo, l mundo gustarie de l que era del, mas cumo nun sodes de l mundo i fui you que bos scolhi de l mundo, por essa rezon l mundo nun quier saber de bós.

Juan 15:5

You sou la cepa, bós las bides. Quien stá an mi i you nel, esse dará muito fruito, porque sien mi nun podeis fazer nada.

Juan 6:70

Jasus respundiu-le: «Nun fui you que bos scolhi als Doze? Mas hai un de bós que ye un demonho.»