Juan 14:6 - Eibangeilhos en Mirandês

⁶ Jasus dixo-le: «You sou l camino, la berdade i la bida. Naide ben al Pai a nun ser por mi.

Juan 14:6 Iomraidhean Croise

Mateus 11:27

Todas las cousas me fúrun antregues por miu Pai i naide conhece l Filho a nun ser l Pai nien quien conheça l Pai a nun ser l Filho i a quien l Filho se lo quejir amostrar.»

Juan 1:14

I la Palabra ancarnou i bieno a morar cun nós i nós bimos la sue glória, la glória de Filho morgado de l Pai, cheno de grácia i de berdade.

Juan 1:17

Porque la lei fui-mos dada por Moisés, mas la grácia i la berdade fúrun feitas por Jasus Cristo.

Juan 1:4

Neilha staba la Bida i la Bida era la Lhuç de ls homes.

Juan 10:28

Dou-le la bida eiterna, nunca se han de morrer i naide las arrincará de la mie mano.

Juan 10:7

Anton, Jasus dixo-le outra beç: «Quedai bien ciertos de l que bos digo: You sou la puorta de las canhonas.

Juan 10:9

You sou la puorta. Quien antrar por mi salbará-se: antrará, salirá i achará pástio.

Juan 14:19

Inda un ratico i l mundo yá nun me berá, mas bós bereis-me, porque you bibo i bós bibireis.

Juan 15:1

«You sou la berdadeira cepa i miu Pai ye l lhabrador.

Juan 18:37

Dixo-le Pilatos: «Anton, tu sós rei?» Jasus respundiu-le: «Tu ye que dizes que you sou rei. Fui para esso que you naci i que you bin al mundo, para dar teçtemunho de la berdade. Quien ye de la berdade, oube la mie boç.»

Juan 5:21

Porque, assi cumo l Pai rucecita ls muortos i le dá bida, assi tamien l Filho le dá bida als que el quier.

Juan 6:33

l pan de Dius ye l que ben de l cielo i dá la bida al mundo.»

Juan 6:51

You sou l pan bibo que abaixou de l cielo. Quien quemir deste pan bibirá para siempre i l pan que you bos bou a dar ye la mie carne para le dar bida al mundo.»

Juan 6:57

Assi cumo l Pai, que bibe, me mandou i you bibo pul Pai, assi l que me come tamien bibirá por mi.

Juan 6:68

Simon Pedro respundiu-le: «Senhor, para quien habemos nós de ir? Tu tenes palabras de bida eiterna;

Juan 8:32

coincereis la berdade i la berdade lhibartará-bos.»

Juan 8:51

Tomai bien tento ne l que bos digo: Quien oubedecir a la mie palabra, nunca se ha de morrer.»