Juan 13:5 - Eibangeilhos en Mirandês

⁵ Apuis, botou auga nũa bacie i ampeçou-le a lhabar ls pies als sous deciplos i a anxugá-se-los cula toalha que tenie a la cintura.

Juan 13:5 Iomraidhean Croise

Lucas 7:38

i, ponendo-se por trás del a chorar als pies del, ampeçou-le a regar ls pies cun lhágrimas i a anxugaba-se-los cul pelo de la sue cabeça, beisaba-le ls pies i ountaba-se-los cul unguiento.

Lucas 7:44

Bolbendo-se pa la mulhier, dixo-le a Simon: «Bés esta mulhier? Antrei an tue casa, nun me deste auga pa ls pies, mas eilha regou ls mius pies cun lhágrimas i anxugou-los cul sou pelo.

Juan 13:10

Jasus dixo-le: «Quien stá lhabado, solo ten percison de lhabar ls pies, puis stá todo lhimpo; i bós stais lhimpos, mas nien todos.»

Juan 13:6

Achegou-se a Simon Pedro, que le dixo: «Senhor, tu lhabas-me a mi ls pies?»

Juan 13:8

Pedro dixo-le: «Tu a mi nunca me has de lhabar ls pies!» Jasus respundiu-le: «Se you nun te lhabar, nun tenerás parte cumigo.»

Juan 19:34

Mas un suldado atrabessou-le l peito cun ũa lhança i lhougo dalhá saliu sangre i auga.