Juan 12:48 - Eibangeilhos en Mirandês

⁴⁸ Quien nun quejir saber de mi i nun recebir las mies palabras, ten quien l julgue: la palabra que tengo falado, essa lo ha de julgar ne l redadeiro die,

Juan 12:48 Iomraidhean Croise

Mateus 10:15

Afianço-bos que ne l die de l Juízo ls de la tierra de Sodoma i Gomorra nun seran tan maltratados cumo ls daqueilha cidade.»

Mateus 21:42

Jasus dixo-le: «Nunca listes nas Scrituras: La piedra que ls pedreiros nun quejírun, essa bai a quedar de squineira? L Senhor fizo estas cousas i ye ũa marabilha pa ls nuossos uolhos?

Mateus 25:31

«Quando benir l Filho de l Home na sue glória i, cun el, todos ls anjos, sentará-se ne l trono de la sue glória.

Marcos 12:10

Nunca listes esta Scritura: La piedra que ls pedreiros nun quejírun, essa bieno a ser la piedra de squineira;

Marcos 16:16

Quien acraditar i fur batizado, salbará-se; mas quien nun acraditar, cundanará-se.

Marcos 8:31

Ampeçou-le a ansinar: «Ye neçairo que l Filho de l Home benga a padecer muita cousa i que seia cundanado puls mais bielhos i ls puls xefes de ls saçardotes i puls scribas, que seia muorto i que rucecite trés dies apuis.»

Lucas 10:16

Quien bos oube a bós, oube-me a mi; quien nun bos quier, ye a mi que nun me quier; i quien nun me quier a mi, nun quier aquel que m’ambiou.»

Lucas 17:25

Mas, purmeiro, cumben que padeça muito i seia cundanado por esta giraçon.

Lucas 20:17

Mas el mirando bien para eilhes, dixo-le: «Anton l que quieren dezir estas palabras que stan screbidas: La piedra que ls pedreiros nun quejírun passou a ser la percipal squineira?

Lucas 7:30

Mas ls fariseus i ls doutores de la lei nun quejírun aceitar l cunseilho de Dius contra eilhes, nun habendo sido batizado por el.

Lucas 9:22

dezindo-le: «Ye perciso que l Filho de l Home padeça muita cousa, seia çpreziado puls mais bielhos, puls xefes de ls saçardotes i puls scribas, que seia muorto i que rucecite al treceiro die.»

Lucas 9:26

Puis quien tubir bergonha de mi ou de las mies palabras, tamien del s’ambergonhará l Filho de l Home quando benir na sue glória i na de l Pai i de ls santos anjos.

Juan 11:24

Dixo-le Marta: «You sei que bai a rucecitar na rucerreiçon de l redadeiro die.»

Juan 5:45

Nun cúidedes que you bos bou a acusar a miu Pai; hai un que bos acusa: ye Moisés, an quien teneis sprança.

Juan 6:39

Esta ye la buntade daquel que me ambiou, que naide, de todos ls que el me dou, se perda, mas que lo rucecite ne l redadeiro die.

Juan 8:47

Quien ye de Dius, scuita las palabras de Dius; bós nun las scuitais porque nun sodes de Dius.»