Juan 1:45 - Eibangeilhos en Mirandês

⁴⁵ Felipe ancarou cun Natanael i dixo-le: «Ancuntremos a Jasus, filho de Jesé de Nazaré, aquel a respeito de quien Moisés screbiu, na Lei, i tamien ls porfetas.»

Juan 1:45 Iomraidhean Croise

Mateus 10:3

Tiago, filho de Zebedeu, i Juan, armano del; Felipe i Burtelameu; Tomé i Mateus, quebrador de la décima; Tiago, filho de Alfeu, i Tadeu;

Mateus 13:55

Anton este nun ye l filho de l carpinteiro? Nun le cháman a la mai Marie i als armanos Tiago, Jesé, Simon i Judas?

Mateus 2:23

Quedórun ende a morar, nũa tierra chamada Nazaré. Assi se cumpriu l dito de ls porfetas: El ha de se chamar Nazareno.

Mateus 21:11

Mas la giente dezie: «Este ye Jasus, porfeta de Nazaré de la Galileia.»

Marcos 14:67

i quando biu a Pedro a calcé-se, mirou par’el i dixo-le: «Tu tamien stabas cul Nazareno, cul Jasus.»

Marcos 6:3

Anton, este nun ye l carpinteiro, l filho de la Marie i armano de Tiago, de Jesé, de Judas i de Simon? I las armanas del nun móran eiqui cun nós?» I quedában sacandelizados cun el.

Lucas 18:37

Dezírun-le: «Ye Jasus de Nazaré que bai a passar.»

Lucas 2:4

Tamien Jesé bieno de la cidade de Nazaré, na Galileia, até a la cidade de Dabide, que se chamaba Belen i quedaba na Judeia, porque era de la casa i família de Dabide,

Lucas 2:48

Quando l bírun, quedórun mui admirados i la mai dixo-le: «Filho, porque mos faziste estas cousas? You i tou pai andábamos mui agoniados a saber de ti.»

Lucas 24:27

I, ampeçando zde Moisés i por todos ls porfetas, splicou-le, an todas las Scrituras, todo l que le dezie respeito.

Lucas 24:44

I dixo-le: «Estas son las palabras que bos dixe quando inda staba cun bós, que ten de se cumprir todo l que stá screbido a miu respeito na lei de Moisés, ne ls porfetas i ne ls Salmos.»

Lucas 3:23

Quando ampeçou la sue atebidade, Jasus tenie alredror de trinta anhos i, cumo cuidaba todo mundo, era filho de Jesé, filho de Eli,

Lucas 4:22

I todo mundo le falaba bien i s’admiraba culas palabras graciosas que salien de la sue boca i dezien: «Nun ye este l filho de Jesé?.»

Juan 1:44

Felipe era de Betsaida, la cidade de Andrés i de Pedro.

Juan 12:21

Estes fúrun-se a tener cun Felipe, que era de Betsaida de la Galileia, i pedírun-le: «Senhor, queremos ber a Jasus.»

Juan 14:8

Dixo-le Felipe: «Senhor, amostra-mos l Pai i yá mos bonda.»

Juan 18:5

Eilhes respundírun-le: «De Jasus, l nazareno.» Jasus dixo-le: «Sou you.» I Judas, que lo antregara, staba cun eilhes.

Juan 18:7

Tornou-le, anton, a preguntar: «De quien andais a saber?» I eilhes dezírun-le: «De Jasus, l nazareno.»

Juan 19:19

Pilatos screbiu tamien uns dezires i puso-los porriba la cruç; i ende staba screbido: «Jasus Nazareno, rei de ls judius.»

Juan 21:2

Stában juntos Simon Pedro, Tomé, que le chamában Mielgo, Natanael que era de Caná de la Galileia, ls que éran filhos de Zebedeu i outros dous deciplos del.

Juan 6:42

i dezien: «Este nun ye Jasus, filho de Jesé, de quien nós coincemos l pai i la mai? Cumo ye que agora diç: Abaixei de l cielo?»

Juan 6:5

Anton, al alhebantar ls uolhos i al ber tanta giente que benie a tener cun el, dixo-le a Felipe: «Adonde hemos de cumprar pan para esta giente quemer?»

Juan 6:7

Felipe respundiu-le: «Duzientos denheiros de pan nun chégan pa le dar un carolico a cada un!»