Juan 1:42 - Eibangeilhos en Mirandês

⁴² I lhebou-lo a Jasus. Anton, Jasus mirou-lo bien i dixo-le: «Tu sós Simon, filho de Juan. Bás-te a chamar Cefas» – que quier dezir Piedra.

Juan 1:42 Iomraidhean Croise

Mateus 10:2

Estes son ls nomes de ls doze apóstelos: l purmeiro ye Simon, que le cháman Pedro, i Andrés, armano del;

Marcos 3:16

Scolhiu a Simon, que le chamou Pedro;

Lucas 5:8

Al ber todas essas cousas, Simon Pedro botou-se als pies de Jasus, dezindo-le: «Sal d’an pie de mi, á Senhor, que you sou un home pecador.»

Lucas 6:14

Simon, a quien tamien le dou l nome de Pedro, i Andrés armano del; Tiago i Juan; Felipe i Burtelameu;

Juan 13:18

Nun falo de todos bós, puis bien sei ls que tengo scolhido, mas para que se cumpra la Scritura: L que come l pan cumigo, alhebantou contra mi l sou carcanhal.

Juan 21:2

Stában juntos Simon Pedro, Tomé, que le chamában Mielgo, Natanael que era de Caná de la Galileia, ls que éran filhos de Zebedeu i outros dous deciplos del.

Juan 4:16

Jasus dixo-le: «Bai a chamar l tou home i torna a benir eiqui.»