เตเด๊อะโลแถ่ 1:5 - Eastern Kayah Shadaw Dialect5 ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ꤕ꤫ꤥ꤬ꤘꤢꤦ꤬ ꤛꤢꤩ꤬ꤏꤛꤢꤨꤋꤚꤤ ꤘꤣ ꤢ꤬ ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤡꤢꤪꤡꤢꤪꤒꤢꤩ꤬ꤒꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤔꤢꤧ ꤢ꤬ ꤒꤢꤩ꤬ꤞꤥ꤬ꤒꤢꤩ꤬ꤋꤚꤢꤩ꤭ ꤔꤤ꤮꤯ ꤊꤣꤧ꤬ꤛꤢꤧ꤭ꤞꤣꤧ꤭ ꤚꤣꤧ꤬ ꤢ꤬ ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤢ꤬ꤊꤜꤢꤩ꤭ꤔꤣꤧ꤬, ꤢ꤬ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤚ꤫ꤣꤧ꤬ꤜꤣ ꤢꤨ꤭ ꤒꤣ꤬ꤖꤚꤢꤩ꤬ ꤟꤣꤧ꤯ ꤢ꤬ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤕꤣ ꤟꤢꤩ꤬ꤋꤢꤨ꤬ ꤢ꤬ꤡꤢꤪꤖꤢꤧ꤬ ꤒꤣꤧ꤬ꤟꤢꤩ꤬꤯ ꤢ꤬ ꤗꤢ꤬ ꤢ꤬ ꤗꤥ꤬ꤚꤣꤧ ꤔꤢꤧ꤬ꤡꤣꤧ ꤕꤢꤩ꤬ ꤓꤥ꤭ꤒꤥ꤬ ꤘꤣ ꤢ꤬ ꤞꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤘꤣ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤢ꤬ꤊꤢꤨ꤭꤯ Faic an caibideilลีเทส่อพ๊าอาเซ เร๊อ เห่ขุทวาลู๊5 ซี เก่ พย๊าหนิ เกอโป่ดื่อ เหย่ซู่ครี๊ เด๊อ อา ข่าเฮ๊โล จ๊อจ๊อเตเต เออเตเพร อาบุ๊ยอาเตอเรอ เร๊อ อา เตโส่เตเคร นี๋. แกแยเซอ เร๊อ อา เซอเพร กาคยา อาเกลเนอ, อา หม่า เพร เด๊อ อา เซอเพร เหร่อเล๊อ อู เตเพร เฮ๊อ. อา หม่า เพร เด๊อ อา เป๊อ เห่ขุ อาคุ๊ยจ๊อแผ่ เต๊เห่. อา หม่า อา โมเร๊อ แหน่เจ๊อ เป โท๊โต่ เด๊อ อา เซอ อาขว่าอาคยา, อา เมแลเปล๊กา เป เด๊อ เตซื๊อเตปล๊า อากู. Faic an caibideil |
เตเด๊อะโลแถ่ 1:5
53 Iomraidhean Croise
ꤙꤣꤧ ꤒꤢꤩ꤬ꤡꤝꤢꤒꤣꤧ꤬ꤜꤝꤢꤕꤝꤢꤩ꤬ ꤙꤢꤩ꤬ꤒꤢꤧ꤬ ꤜꤢ꤭ꤟꤤꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤞꤤꤑꤢꤩ꤭ꤟꤣꤧ ꤔꤢꤧ ꤏꤣꤧꤋꤢꤩ꤭ ꤘꤣ ꤢ꤬ ꤊ꤫ꤢꤦ꤬ ꤙꤢꤩ꤬ ꤠꤤ꤭ꤊꤢꤧ꤭ ꤟꤢꤩ꤬ꤋꤢꤨ꤬ ꤚꤣꤧ꤬ ꤢ꤬ ꤙꤢꤩ꤬ ꤊꤢ꤬ ꤘꤣ ꤢ꤬ꤖꤢꤩ꤭ꤥ꤬ ꤔꤣꤧ꤬ ꤢ꤬ ꤟꤢꤧ꤭ꤒ꤫ꤥ꤬ꤟꤣꤧ꤯ ꤚꤣꤧ꤬ ꤢ꤬ ꤗꤥ꤬ꤚꤣꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤘꤣ ꤢ꤬ ꤥ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯ ꤢ꤬ ꤗꤥ꤬ ꤒ꤫ꤥ꤬ ꤡꤣꤧ ꤛꤢꤩ꤬ꤞꤤ꤭ ꤘꤣ ꤢ꤬ ꤒꤣꤧ꤬ꤘꤢꤦ꤬ ꤡꤣꤧ꤯
ꤋꤝꤤꤕꤤꤜꤢ ꤟꤢꤩ ꤜꤢꤨ꤭ ꤔꤢꤧ, “ꤊꤢꤩ꤬ ꤟꤢꤩꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤔꤢꤧ꤬ ꤓꤝꤢ꤭ ꤋꤝꤤ ꤒꤣ꤬ꤖꤚꤢꤩ꤬ ꤟꤣꤧ ꤔꤣꤧ꤭?” ꤢ꤬ ꤘꤣꤧꤟꤣꤧ꤭ ꤜꤢꤨ꤭ ꤟꤢꤨꤔꤣꤧ꤬꤯ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤠꤢꤧ꤭ ꤗꤢ꤬ ꤋꤝꤤ ꤒꤣ꤬ꤖꤚꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤟꤢꤨ ꤔꤢꤧ꤬ ꤟꤢꤩ ꤔꤣꤧ꤬ꤟꤣꤧ꤯ ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ꤕ꤫ꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤔꤣꤧ꤬ꤚꤣꤧ꤬, ꤠꤢꤧ꤭ ꤟꤢꤧ꤭ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤟꤣꤧ꤯ ꤜꤢꤪ꤭ ꤊꤣꤧ꤬ꤛꤢꤧ꤭ ꤥ꤬ꤊꤣꤧ꤭ ꤘꤣ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤣ꤬ꤊꤛꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤔ꤫ꤤ꤬ꤘꤢ꤭ ꤠꤢꤧ꤭ꤍ꤫ꤥ꤬ ꤕꤢ꤭꤯” ꤢ꤬ ꤟꤢꤩ ꤟꤢꤨꤔꤣꤧ꤬꤯
“ꤡꤢꤪꤗꤣꤧ꤬ꤚꤢꤧ꤬ ꤗꤥ꤬ꤚꤣꤧ ꤜꤢꤪ꤭ ꤡꤣꤧ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤜꤢꤪ꤭꤮ ꤕꤜꤤ꤭꤯ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤒ꤫ꤥ꤬ ꤒ꤫ꤢꤧ꤬ ꤘꤣ ꤒꤢꤩ꤬ꤕꤛꤢꤒꤢꤩ꤬ꤜ꤫ꤢꤨ꤬ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤢ꤬ ꤘꤣꤧꤜꤢꤧ꤬ꤊꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤥ꤬ ꤒꤢꤦ ꤒꤣ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤘꤣ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭꤯
ꤗꤢꤧꤡꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤞꤤꤔ꤫ꤢꤩ꤬ ꤚꤣꤧ꤬ ꤗꤢꤧꤡꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤜꤢꤪ꤭ ꤞꤤꤗꤤ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣꤧꤒꤢ꤭ꤊꤢꤧ꤭ ꤕ꤫ꤢꤩ꤬ ꤞꤤ꤭ ꤘꤣ ꤞꤤ꤭ ꤙꤢꤩ꤬ ꤗꤢꤧꤡꤢꤧ꤬ꤚꤣꤧ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤔꤤ꤮꤯ ꤓꤝꤢ꤭ ꤜꤢ꤭ꤋꤢꤧ꤭ ꤖꤚꤢꤩ꤬ꤊꤢꤩ꤭ꤞꤤꤗꤤ꤬ꤖꤢꤨ ꤘꤣ ꤢ꤬ ꤗꤢꤧꤡꤢꤧ꤬ꤚꤣꤧ ꤢ꤬ꤞꤤꤗꤤ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ ꤒꤣꤧ꤬ꤟꤢꤩ꤬ ꤔꤤ꤮꤯ ꤗꤢꤧꤡꤢꤧ꤬ꤚꤣꤧ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤘꤣ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤤ꤬ꤖꤚꤤ꤬ꤊꤢ꤬ ꤓꤥ꤭ꤟꤣꤧ ꤔꤢꤧ ꤢ꤬ꤞꤝꤤ꤬ ꤚꤣꤧꤘꤢꤦ꤬ ꤣꤧ꤭ꤔꤣꤧ꤬ ꤔꤤ꤮꤯
ꤋꤚꤤ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤜꤢꤨ꤭ ꤔꤢꤧ ꤖꤚꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤖꤚꤢꤩ꤬ꤜꤢꤨ꤬ꤟꤢꤩ꤬ꤋꤢꤨ꤬ꤖꤢꤨ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤋꤢꤧꤙꤢꤩ꤬ ꤒꤢꤩ꤬ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤕꤢ꤭ ꤚꤣꤧ꤬ ꤢ꤬ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤚ꤫ꤣꤧ꤬ꤜꤣ ꤢꤨ꤭ ꤘꤣ ꤒꤢꤩ꤬ꤞꤣꤧ꤭ ꤒꤣ꤬ꤖꤚꤢꤩ꤬ ꤕꤢ꤭, ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤜꤤ꤭ ꤕꤢ꤭,” ꤋꤢꤨ꤭ꤕꤢꤪꤜꤢꤨ ꤟꤢꤩ ꤕ꤫ꤢꤩ꤬ ꤋꤝꤤꤘꤢꤨ꤬ ꤢ꤬ꤊꤚꤤꤕꤢ꤬ ꤟꤢꤨꤔꤣꤧ꤬꤯
ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ ꤜꤤ꤭ꤖꤥ ꤡꤣꤧ ꤔꤢꤧ ꤋꤚꤤ ꤟꤢꤧ꤭ꤜꤢꤧ꤬ ꤖꤛꤢꤊꤢꤧ꤭ ꤕ꤫ꤢꤩ꤬ꤟꤣꤧ ꤕꤢꤩ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ꤚꤢꤩ꤭ ꤘꤣꤧꤡꤢ꤭ ꤕꤢꤩ꤬ꤣꤧ꤭ ꤕꤢ꤭ ꤔꤣꤧ꤬ ꤟꤣꤧ꤯ ꤘꤣ ꤕꤢꤩ꤬ ꤛ꤫ꤢꤦ꤬ꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤘꤣ ꤟꤤ꤬ꤓꤢꤦ꤬ꤜꤥ꤬ ꤚꤣꤧ꤬ ꤢ꤬ꤞꤝꤤ꤬ ꤓꤝꤤꤒꤢ꤭ ꤘꤣ ꤕꤢꤩ꤬ꤑꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤟꤣꤧ ꤕꤢꤩ꤬꤯ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧ ꤓꤢꤧ꤬ꤜꤥ꤭ ꤔꤢꤧ ꤢ꤬ ꤗꤢꤩ꤬ꤡꤢꤪꤗꤢꤩ꤬ꤒꤢꤩ꤬ ꤒꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤔꤢꤪ꤭ꤟꤢꤧ꤭ ꤛꤢꤩ꤬ꤏꤛꤢꤨꤋꤚꤤ ꤟꤣꤧ꤯ ꤘꤣ ꤔꤣꤧ꤬ꤋꤢꤩ꤭ ꤗꤢ꤬, ꤢ꤬ ꤋꤢꤧꤞꤤꤘꤥ꤭ ꤕ꤫ꤢꤩ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤞꤢꤦ꤯ ꤢ꤬ ꤗꤢꤧ ꤒꤣꤧ꤬ꤜꤝꤢꤊꤢꤧ꤭ ꤛꤢꤩ꤬ꤞꤤ꤭ ꤗꤢꤩ꤬ ꤒꤢꤩ꤬ꤞꤢꤦ ꤔꤣꤧ꤬ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤒꤥ꤬꤯
ꤘꤣ ꤞꤤ꤭ꤊꤜꤢꤩ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬, ꤘꤣ ꤔꤣꤧ꤬ꤋꤢꤩ꤭ ꤗꤢ꤬ ꤢ꤬ ꤓꤝꤢ꤭ ꤓꤥ꤭ꤟꤣꤧ ꤊꤣꤧ꤬ꤛꤢꤧ꤭ꤗꤢꤨꤗ꤫ꤢꤧ꤬ ꤊꤣꤧ꤬ꤛꤢꤧ꤭ꤚꤤ꤬ꤡ꤫ꤢꤧ꤬ ꤞꤢꤧꤔꤢꤧ ꤔꤣꤧ꤬ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤞꤢꤨꤕꤜꤤ꤭ꤊꤢꤧ꤭ ꤓꤥ꤭ꤟꤣꤧ ꤞꤤ꤭ ꤒꤢꤩ꤬ꤞꤢꤦ ꤟꤣꤧ꤯ ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤞꤤ꤭ ꤓꤝꤢ꤭ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ ꤟꤣꤧ꤯ ꤘꤣ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭, ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤟꤣꤧ ꤞꤤ꤭ ꤟꤢꤨ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ꤯
ꤣꤧ꤭ꤔꤣꤧ꤬ꤗꤢ꤬ ꤢ꤬ ꤞꤢꤧꤟꤣꤧ ꤔꤢꤧ ꤠꤢꤧ꤭ ꤞꤣꤧ꤭ ꤒ꤫ꤣ꤬ꤊꤣꤧ꤭ ꤔꤢꤧ ꤋꤚꤤ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ ꤢ꤬ꤜꤥ꤬ ꤟꤣꤧ꤯ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤗ꤫ꤢ꤬ꤕꤢ꤬ꤒꤥ꤬ ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤋꤚꤤ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤘꤣ ꤠꤢꤧ꤭ꤊꤢꤨ꤭ ꤟꤣꤧ꤯ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤊꤢꤨꤔ꤫ꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤖꤢꤧ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤒꤢꤩ꤬ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤢ꤬ ꤗꤥ꤬ꤚꤣꤧ ꤠꤢꤧ꤭ ꤚꤣꤧ꤬ ꤢ꤬ ꤘꤣꤧꤜꤢꤧ꤬ꤊꤢꤧ꤭ ꤢ꤬ ꤞꤤꤕꤜꤢꤪ꤬ꤞꤣꤧ꤭ꤖꤚꤢꤩ꤬ ꤘꤣ ꤠꤢꤧ꤭ꤑꤢꤩ꤭ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤢ꤬ꤋꤛꤢ꤭ ꤖꤢꤧ꤯
ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤒꤣꤧ꤬ꤟꤢꤩ꤬ꤔꤣꤧ꤬, ꤋꤚꤤ ꤕꤣꤒꤣꤧ꤬ꤚꤤ꤬ꤚꤣꤧ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤛꤢꤨ꤭ꤊꤜꤢꤧꤛꤢꤨ꤭ꤊꤜꤥ꤭ ꤛꤢꤩ꤬ꤞꤤ꤭ ꤞꤢꤧꤔꤢꤧ ꤊꤢꤨ꤬ꤊꤜꤢꤪ ꤛꤢꤨ꤭ꤊꤜꤢꤧꤛꤢꤨ꤭ꤊꤜꤥ꤭ ꤚꤣꤧ ꤔ꤫ꤢꤩ꤬ꤊꤜ꤫ꤢꤪ꤬ ꤔꤣꤧ꤬, ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ꤞꤢꤧꤔꤢꤧ ꤔ꤫ꤢꤩ꤬ꤊꤜ꤫ꤢꤪ꤬ ꤣꤧ꤭ꤔꤣꤧ꤬ ꤟꤣꤧ꤯ ꤓꤥ꤭ꤒꤥ꤬ ꤢ꤬ ꤗꤢ꤬ ꤢ꤬ ꤘꤣꤧꤕ꤫ꤢꤩ꤬ ꤖꤚꤢꤩ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤢ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣ꤬ꤖꤚꤢꤩ꤬ ꤟꤣꤧ꤯ ꤓꤥ꤭ꤚꤣꤧ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤒꤢꤩ꤬ꤜꤢꤪ꤭꤮ ꤕꤜꤤ꤭ ꤢ꤬ꤊꤢꤨ꤬ꤊꤜꤢꤪ ꤢ꤬ꤑꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤚ꤫ꤣꤧ꤬ꤜꤣ ꤟꤣꤧ ꤢ꤬ ꤟꤣꤧ꤯
ꤟꤢꤨꤔꤣꤧ꤬ꤚꤣꤧ꤬ ꤞꤤ꤭ ꤒꤣꤧ꤬ꤔꤢꤩ꤬ ꤗꤢꤧꤗꤣꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩ ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬, ꤚꤣꤧ꤬ ꤢ꤬ ꤠꤤ꤭ꤊꤢꤧ꤭ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤡꤢ꤭ꤜꤣꤔꤢꤧ꤭ ꤛꤢꤩ꤬ꤞꤤ꤭ ꤕꤢ꤭꤯ ꤓꤥ꤭ꤚꤣꤧ꤬ ꤋꤚꤤ ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤚꤣꤧ꤬ ꤢ꤬ ꤘꤣꤧ ꤓꤝꤢ꤭ꤓꤢꤧ꤬ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤣ꤭ꤜꤢꤧ꤬ ꤢ꤬ꤞꤢꤩ꤭ ꤣꤧ꤭ꤔꤣꤧ꤬ꤟꤣꤧ ꤚꤣꤧ꤬ ꤋꤚꤤ ꤞꤢꤨꤕꤜꤤ꤭ꤊꤢꤧ꤭ ꤟꤣꤧ ꤕꤢꤩ꤬ ꤔꤢꤧ ꤢ꤬ꤞꤝꤤ꤬ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤊꤣꤧ꤭ ꤋꤚꤤ ꤢ꤬ꤞꤝꤤ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤡꤢ꤭ꤜꤣ ꤛꤢꤩ꤬ꤞꤤ꤭ ꤕꤢ꤭꤯ ꤓꤥ꤭ꤒꤥ꤬ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤩ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣ ꤢ꤬ ꤘꤣꤧ ꤛꤢꤩ꤬ꤞꤤ꤭ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ꤡꤢ꤭ ꤜꤣ ꤡꤣꤧ ꤛꤢꤩ꤬ꤞꤤ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤞꤢꤦ ꤋꤢꤨ꤭ꤗꤢꤪꤎꤢꤧ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯
ꤟꤢꤨꤔꤣꤧ꤬ꤚꤣꤧ꤬, ꤒꤣꤧ꤬ꤔꤢꤩ꤬ ꤗꤢꤧꤗꤣꤧ꤭ ꤜꤢ꤭ꤋꤢꤧ꤭ ꤋꤚꤤ ꤢ꤬ꤞꤝꤤ꤬ ꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤗꤢꤩ꤬ ꤙꤢꤨ꤭ꤕꤜꤤ꤭ꤖꤥꤜꤣ ꤡꤣꤧ ꤕꤢꤩ꤬ ꤔꤢꤧ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤕꤢ꤭ ꤡꤣꤧ꤯ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤋꤚꤤ ꤜꤢꤨ꤭ꤓꤢꤧ꤬ꤟꤣꤧ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤘꤣ ꤢ꤬ꤒꤢꤩ꤬ꤞꤢꤦ ꤥ꤬ ꤒꤣ꤬ꤡꤣ꤬꤮ ꤒꤥ꤬ ꤣꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤟꤣꤧ꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤒꤢꤩ꤬ꤗꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤋꤚꤤ ꤊ꤫ꤢꤦ꤬ ꤞꤢꤨꤕꤜꤤ꤭ꤊꤢꤧ꤭ ꤕꤢꤩ꤬ ꤞꤤꤕꤜꤢꤪ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤕꤢꤩ꤬ ꤒꤢꤩ꤬ꤗꤢꤩ꤬ ꤘꤣ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤥ꤬ꤊꤣꤧ꤭ꤢꤨ꤭ ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤢ꤬ꤞꤝꤤ꤬ ꤕꤢ꤭꤯
ꤓꤥ꤭ꤚꤣꤧ꤬ ꤙꤣꤧ ꤒꤣꤧ꤬ꤔꤢꤩꤖꤢꤨ ꤢ꤬ꤖꤚꤢꤩ꤬ ꤞꤥ꤭ꤞꤝꤢꤒꤣ꤬ꤖꤚꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤥꤓꤢꤧ꤬ ꤢ꤬ꤊꤝꤢ꤬ ꤢ꤬ꤋꤢꤩ꤭ꤔꤣꤧ꤬, ꤍ꤫ꤥ꤬ꤒꤣꤧ꤬ꤟꤢꤩ꤬ ꤖꤚꤢ꤬ꤓꤢꤧ꤬ ꤏꤝꤢ꤬ꤔꤢꤧ꤬ꤡꤣꤧ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤊꤢꤨꤔ꤫ꤢꤧ꤬ꤣꤧ꤭ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤘꤣ ꤢ꤬ ꤊ꤫ꤢꤦ꤬ ꤕꤣ ꤟꤢꤩ꤬ꤋꤢꤨ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤓꤝꤢ꤭ꤟꤣꤧ ꤕꤢꤩ꤬ ꤙꤢꤧ꤬ꤡꤢꤩ꤬ ꤔꤢꤧ ꤢ꤬ ꤗꤢꤩ꤬ꤏꤤꤛꤢ꤬ ꤢ꤬ꤒꤢꤩ꤬ ꤟꤣꤧ ꤚꤣꤧ꤬ ꤢ꤬ ꤊ꤫ꤢꤦ꤬ ꤕꤣꤒꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤟꤣꤧ꤯”
ꤠꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊ꤫ꤢꤦ꤬ ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ꤣꤧ꤭ ꤞꤤꤔꤣꤧ꤭ ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤘꤣꤧ ꤛꤢꤩ꤬ꤞꤤ꤭ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤕꤢ꤭꤯ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤊꤢꤦ꤭ꤞꤢꤧꤓꤢꤧ꤬ ꤟꤣꤧ꤬ꤙꤢꤪꤡꤢ꤬ꤙꤢꤪ ꤒꤣꤧ꤬ꤖꤚꤢꤨ ꤒꤣꤧ꤬ꤟꤢꤩ꤬ ꤕꤢ꤭꤯ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤟꤢꤩꤖꤚꤥ꤬ ꤥ꤬ꤔꤢꤩ꤬ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤕꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤥ꤬ꤑꤢ꤭ ꤢ꤬ꤗ꤫ꤢꤪ꤬ꤔꤣꤧ꤭ ꤒꤣ꤬ꤚꤤ ꤔꤢꤧ ꤔꤣꤧ꤭ꤛꤢꤩ꤬ ꤔꤢꤧ ꤏꤣꤧ꤭ꤞꤥ꤭ꤞꤝꤢ ꤕꤢ꤭꤯”
ꤛꤢꤩ꤬ꤞꤤ꤭ ꤊ꤫ꤢꤦ꤬ ꤏꤢ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤕꤢ꤭, ꤗꤢ꤬ꤔꤢꤧꤚꤣꤧ꤬ ꤞꤤꤗꤤ꤬ꤖꤢꤨ ꤣꤧ꤭ꤒꤣ꤬ꤘꤥ꤭ ꤊ꤫ꤢꤦ꤬ ꤏꤢꤕ꤫ꤢꤩ꤬ꤊꤢꤧ꤭ ꤛꤢꤩ꤬ꤞꤤ꤭ ꤕꤢ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤꤗꤤ꤬ꤖꤢꤨ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ ꤙꤢꤧ꤬ꤡꤢꤩ꤬ ꤒꤣꤧ꤬ꤟꤢꤩ꤬ ꤢ꤬ ꤙꤢꤧ꤬ꤡꤢꤩ꤬, ꤡꤢꤪꤖꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤡꤢꤪꤖꤢꤧ꤬, ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤊꤣꤧ꤭ ꤔꤢꤧ ꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤗ꤫ꤢ꤬ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢꤩ ꤔꤢꤧ꤭ ꤛꤢꤩ꤬ꤞꤤ꤭, ꤓꤥ꤭ꤒꤥ꤬ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤔꤢꤧ꤭ ꤛꤢꤩ꤬ꤞꤤ꤭, ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤡꤢꤪ ꤔꤢꤧ ꤢ꤬ꤍ꤫ꤥ꤬ ꤒꤣꤧ꤬ꤟꤢꤩ꤬꤯
ꤙꤣꤧꤔꤣꤧ꤬ꤢ꤬ꤋꤢꤩ꤭ ꤠꤢꤧ꤭ ꤗꤢꤧꤓ꤫ꤣꤧ꤬ ꤗꤢꤪꤋꤢꤨ꤬ ꤜꤢꤨ꤬ꤗꤥ꤭ꤥ꤬ ꤓꤥ꤭ꤟꤣꤧ ꤚꤣꤧ꤬ ꤒꤣꤧ꤬ꤞꤤꤖꤢꤩ꤭ꤙꤢꤨ꤭ ꤊꤣꤧ꤬ꤓꤢꤪ꤬ꤥ꤬ ꤙꤣꤧꤔꤣꤧ꤬ ꤒꤣ꤬ꤘꤥ꤭꤯ ꤊꤣꤧ꤬ꤛꤢꤧ꤭ ꤘꤢꤧ ꤒꤣꤧ꤬ꤞꤤ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢꤨ꤭ ꤢꤩ ꤜꤢꤨ꤭ꤗꤝꤤ꤭ ꤔꤢꤧ, “ꤡꤢꤪ ꤔꤢꤧ ꤍ꤫ꤥ꤬” ꤔꤢꤧ “ꤗꤢꤩ꤬ꤒꤢꤩ꤬ ꤒꤥ꤭꤯” ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤙꤣꤧ ꤢ꤬ ꤘꤣꤧꤡꤢ꤭ ꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤘꤣꤧꤡꤢ꤭ ꤒꤥ꤭ ꤖꤢꤧ ꤚꤣꤧ꤬ ꤢ꤬ ꤏꤢꤏꤢꤦ꤬ ꤔꤢꤧ ꤖꤚꤢꤩ꤬ ꤘꤣ ꤢ꤬ ꤞꤤꤓꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬꤯
ꤔꤢꤧ꤬ ꤥ꤬ꤒꤥ꤭ ꤡꤣꤧ ꤔꤢꤧ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤜ꤫ꤢꤩ꤬ꤥ꤬ꤔꤢꤧ꤭ ꤊꤢꤨ꤬ꤊꤜꤢꤧꤓꤢꤧ꤬ꤜꤥ꤭ ꤢ꤬ꤜ꤫ꤢꤩ꤬ꤥ꤬ ꤡꤣꤧ ꤔꤣꤧ꤬ꤗꤢ꤬ ꤠꤢꤧ꤭ ꤞꤤꤑꤢꤩ꤭꤯ ꤙꤣꤧ ꤢꤨ꤭ ꤗꤢꤩ꤬ꤞꤣꤧ꤭ ꤡꤣꤧ ꤋꤢꤨ꤭ꤢ꤬ꤒꤤꤕꤢ꤬ ꤗ꤫ꤢ꤬ꤟꤣꤧ ꤖꤚꤢꤩ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤘꤣ ꤢ꤬ꤡꤢꤪ ꤔꤢꤧ ꤠꤢꤧ꤭ꤣꤧ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤙꤣꤧ ꤔꤢꤧ꤬ ꤠꤤ꤭ꤊꤢꤨ꤭ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤜ꤫ꤢꤩ꤬ꤥ꤬ꤚꤣꤧ ꤢ꤬ꤜ꤫ꤢꤩ꤬ꤥ꤬ ꤔꤣꤧ꤬ ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤔꤢꤧ꤬ ꤡꤢꤪ ꤔꤢꤧ ꤠꤢꤧ꤭, ꤔꤢꤧ꤬ ꤠꤤ꤭ꤊꤢꤧ꤭ ꤔꤢꤧ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤒꤥ꤬꤯
“ꤚꤢ꤭ꤡꤝꤢ ꤜꤤ꤬ꤣꤧ꤭ ꤘꤣ ꤜꤢꤪꤘꤤ꤬ꤊꤤ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤢ꤬ ꤒꤣꤧ꤬ꤔꤢꤩꤖꤢꤨ ꤢ꤬ꤥ꤬ ꤔꤣꤧ꤬,” ꤢ꤬ ꤟꤢꤩ ꤠꤢꤧ꤭ ꤟꤢꤨꤔꤣꤧ꤬꤯ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤟꤢꤧ꤭ ꤘꤣ ꤢꤨ꤭ ꤢꤩ ꤔꤢꤧ, ‘ꤢ꤬ꤗꤢꤩ꤬’ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤢ꤬ꤥ꤬꤯ ꤢ꤬ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤞꤤꤕꤜꤢꤪ꤬ꤡꤢꤪ ꤚꤣꤧ꤬ ꤢ꤬ ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤡꤢꤪꤡꤢꤪꤒꤢꤩ꤬ꤒꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤥ꤬꤯ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤙꤢꤧꤒꤢ꤭ ꤘꤤ꤭ꤒ꤫ꤢꤦ꤬ ꤜꤢꤪ꤭ ꤒꤢꤩ꤬ꤜꤢꤪ꤭꤮ ꤕꤜꤤ꤬ ꤣꤧ꤭ꤔꤣꤧ꤬ ꤔꤢꤧ ꤢ꤬ ꤖꤢꤧ꤯
“ꤞꤢꤚꤢꤘꤢꤨ꤬, ꤠꤢꤧ꤭ ꤞꤤꤑꤢꤩ꤭ꤒꤥ꤬, ꤔꤢꤧ꤬ ꤞꤤꤑꤢꤩ꤭ ꤖꤢꤧ,” ꤠꤢꤧ꤭ ꤟꤢꤩꤏꤢꤦ꤬ ꤢ꤬ ꤟꤢꤨꤔꤣꤧ꤬꤯ ꤚꤣꤧ꤬ ꤢ꤬ ꤟꤢꤩꤏꤢꤦ꤬ ꤠꤢꤧ꤭ ꤔꤢꤧ, “ꤛꤢꤩ꤬ꤞꤤ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤝꤢ ꤒꤣꤧ꤬ꤜꤝꤢꤙꤢꤩ ꤓꤥ꤭ꤟꤣꤧ ꤒꤢꤩ꤬ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤘꤣ ꤢ꤬ ꤒꤣꤧ꤬ꤚꤢꤪ꤬ꤞꤢꤩ ꤞꤤꤤ꤬ꤏꤢꤩ꤭ ꤣꤧ꤭ꤒꤣ꤬ꤡꤣ꤬ꤔꤣꤧ꤬ ꤟꤣꤧ꤯ ꤛꤢꤩ꤬ꤞꤤ꤭ ꤤ꤬ꤏꤥ꤬ꤕꤜꤤ꤭ ꤓꤥ꤭ꤟꤣꤧ ꤢ꤬ ꤡꤢ꤬ꤡꤝꤢ꤬ꤓꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ, ꤓꤥ꤭ꤚꤣꤧ꤬ ꤢ꤬ ꤗꤢꤩ꤬ꤙꤢꤨ꤭ ꤓꤥ꤭ꤟꤣꤧ ꤔꤢꤧ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤢ꤬ꤞꤝꤤ꤬ ꤟꤣꤧ꤯
Sanasan