ฟีลิปปี 1:6 - Eastern Kayah Shadaw Dialect

⁶ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤡꤢꤓꤢꤧ꤬ ꤓꤢꤨ꤬ꤜꤢꤧ꤬ ꤚꤢꤧꤊꤢ꤬ ꤓꤥ꤭ꤟꤣꤧ ꤞꤤ꤭ ꤞꤤꤕꤜꤢꤪ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤠꤢꤧ꤭ ꤛ꤫ꤢꤦ꤬ꤢꤩ꤬ ꤒꤢ꤭ꤒꤢꤩ꤬ ꤡꤣꤧ ꤔꤢꤧ ꤢ꤬ ꤊ꤫ꤢꤦ꤬ ꤗꤢꤩ꤬ꤚꤢꤧ ꤟꤢꤧ꤭ꤑꤢꤩ꤭ ꤕꤜꤢꤦꤜꤢ꤭ ꤒ꤫ꤥ꤬ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤗ꤫ꤢꤪ꤬ꤔꤣꤧ꤭ ꤟꤢꤧ꤭ꤒ꤫ꤥ꤬ ꤕꤢ꤭ꤔꤣꤧ꤬ ꤒꤣ꤬ꤖꤥ ꤕꤢ꤭꤯

ลีเทส่อพ๊าอาเซ เร๊อ เห่ขุทวาลู๊

⁶ จอแปแหร่ เด๊อ อา เป๊อแถ่ ถู่แหล่ แร๊กา โทเฮ๊อ ซี ซิปล่อ เออเตเพรเนอ, แว หยื่อเอ่ ตาเต เจ๊อ เร๊อ อา เก่ เมแร๊ แฮเง ปลื๊อลา โต่เด๊อ เหย่ซู่ครี๊ อาม๊อเนอ แฮโต่ ปาเนอ โตโพ๊ ปา.

ฟีลิปปี 1:6 Iomraidhean Croise

ꤛꤥ꤭ꤟꤢ꤬ 6:29

ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, “ꤛ꤫ꤢꤦ꤬ꤢꤩ꤬ ꤜꤢ꤭ꤋꤢꤧ꤭ ꤠꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤟꤢꤧ꤭ ꤢ꤬ ꤣꤧ꤭ꤔꤣꤧ꤬꤯”

เพรโด่แนพู๊ เต๊เห่ 11:18

ꤙꤣꤧ ꤛꤢꤩ꤬ꤞꤤ꤭ ꤔ꤫ꤤ꤬ꤟꤥ꤭ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤕꤢ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤒꤥ꤬, ꤚꤣꤧ꤬ ꤢ꤬ ꤓꤢꤨ꤬ꤞꤢꤩꤓꤢꤧ꤬ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ, “ꤊꤢꤩ꤬ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤟꤢꤨꤔꤣꤧ꤬ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤕ꤫ꤢꤩ꤬ꤊꤣꤧ꤭ ꤟꤣꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤒꤢꤩ꤬ꤏꤣꤧꤋꤢꤩ꤭ꤚꤢꤧ ꤘꤣ ꤢ꤬ ꤊ꤫ꤢꤦ꤬ ꤛꤢꤧ꤬ ꤚꤣꤧ ꤊꤣꤧ꤭ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ ꤜꤢ꤭ꤋꤢꤧ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ꤯”

เพรโด่แนพู๊ เต๊เห่ 16:14

ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤔ꤫ꤤ꤬ꤘꤢ꤭ ꤕꤢꤩ꤬ ꤒꤢꤩ꤬ꤟꤢꤩꤙꤢꤩ꤬ ꤣꤧ꤭ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ꤗꤝꤤ꤭ ꤔꤢꤧ ꤗꤢꤪ꤬ꤜꤢꤩꤘꤤ꤬ꤛꤣ꤬, ꤢ꤬ ꤗꤢ꤬ ꤠꤤ꤭ꤞꤝꤢ꤬ꤒꤤꤚꤢ꤬ꤖꤢꤨ ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤤ꤬ꤏꤢꤩ꤭ ꤤ꤬ꤊꤢꤩ꤭ ꤜꤤ꤬ꤜꤢꤪꤞꤢꤪ꤭ ꤍꤢꤨ꤬ꤘꤢꤨ꤬ ꤒꤣꤧ꤬ꤟꤢꤩ꤬꤯ ꤢ꤬ ꤗꤢ꤬ ꤖꤚꤢꤩ꤬ꤗꤢꤪ꤬ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤡꤢꤪꤗꤣꤧ꤬ꤚꤢꤧ꤬꤯ ꤚꤣꤧ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ꤊꤣꤧ꤭ ꤋꤢꤨ꤭ꤕꤢꤪꤜꤢꤨ ꤢ꤬ ꤒꤢꤩ꤬ꤘꤥ꤬ꤔꤢꤧ꤭ꤟꤢꤩꤙꤢꤩ꤬ ꤕ꤫ꤢꤩ꤬ ꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤙꤢꤗꤥ꤭ ꤕ꤫ꤢꤩ꤬ ꤜꤢꤨ꤭ꤞꤤꤕꤜꤢꤪ꤬꤯

โครินธ์ อาเหร่อเล๊อ ต๊าบ่า 1:8

ꤏꤢ꤮ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤟꤢꤧ꤭ ꤢ꤬ꤗ꤫ꤢꤪ꤬ꤔꤣꤧ꤭ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤞꤢꤧꤟꤢꤨ ꤢꤨ꤭ ꤜ꤫ꤢꤩ꤬ꤘꤢꤧ꤬ ꤒꤢꤩ꤬ꤞꤢꤦ ꤘꤣ ꤞꤤ꤭ꤜꤥ꤬ ꤊ꤫ꤢꤦ꤬ ꤥ꤬ ꤕꤢ꤬ ꤒ꤫ꤢꤧ꤬ꤗꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤕ꤫ꤢꤦ꤬ꤊꤜꤢꤪ꤬ꤕ꤫ꤢꤦ꤬ꤗꤢ꤬ ꤚꤣꤧꤘꤢꤦ꤬ ꤞꤤ꤭ ꤒ꤫ꤥ꤬ꤘꤣ ꤢ꤬ ꤒꤣꤧ꤬ꤘꤢꤦ꤬ ꤕꤢ꤭꤯

โครินธ์ เนอบ่า ต๊าบ่า 1:15

ꤠꤢꤧ꤭ ꤞꤤꤑꤢꤩ꤭ꤒꤢ꤭ꤒꤢꤩ꤬ ꤟꤣꤧ ꤔꤢꤧ ꤕꤢꤩ꤬ ꤊꤜꤢꤩ ꤞꤤꤋꤚꤢꤦ꤭ꤞꤤꤜꤢꤪ꤭ ꤜꤢ꤭ꤋꤢꤧ꤭ ꤔꤢꤧ꤭ ꤟꤢꤨꤔꤣꤧ꤬ ꤕꤢ꤭ ꤖꤢꤧ꤯ ꤟꤢꤨꤔꤣꤧ꤬ꤚꤣꤧ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬ ꤔꤣꤧ꤭ꤖꤥ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤘꤢꤧ꤬ꤜꤢꤧ꤬ ꤓꤥ꤭ꤟꤣꤧ ꤠꤢꤧ꤭ ꤞꤤꤕꤜꤢꤪ꤬ ꤔꤢꤧ ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤧ꤭ ꤥ꤬ꤜꤢꤩ꤭ ꤊꤣꤧ꤭ ꤞꤤ꤭ ꤔꤣꤧ꤭ꤖꤥ ꤡꤣꤧ꤯

โครินธ์ เนอบ่า ต๊าบ่า 2:3

ꤟꤢꤨꤔꤣꤧ꤬ꤚꤣꤧ꤬, ꤠꤢꤧ꤭ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ ꤘꤣ ꤞꤤ꤭ ꤥ꤬ ꤔꤣꤧ꤬, ꤠꤢꤧ꤭ ꤚꤢ꤭ꤡꤝꤢ ꤚ꤫ꤣꤧ꤬ ꤊꤢꤧ꤭ ꤒꤣꤧ꤬ꤕꤜꤢꤩ꤬꤮ ꤟꤣꤧ ꤕ꤫ꤢꤩ꤬ ꤞꤤ꤭ ꤜꤤ꤬ ꤘꤣ ꤢ꤬ꤚ꤫ꤣꤧ꤬ꤋꤢꤩ꤭ ꤔꤣꤧ꤬ꤒꤣ꤬ꤙꤢ꤬ ꤟꤣꤧ ꤔꤣꤧ꤭꤮꤯ ꤙꤣꤧꤔꤣꤧ꤬ꤋꤢꤩ꤭ ꤠꤢꤧ꤭ ꤊꤢꤩ꤬ ꤟꤢꤧ꤭ ꤥ꤬ꤜꤢꤩ꤭ ꤊꤣꤧ꤭ ꤞꤤ꤭ ꤟꤢꤩꤔꤣꤧ꤬, ꤠꤢꤧ꤭ ꤞꤤꤑꤢꤩ꤭ ꤔꤢꤧ ꤞꤤ꤭ ꤊ꤫ꤢꤦ꤬ ꤗꤢꤩ꤬ꤞꤤꤕꤜꤢꤩ꤭ ꤔꤢꤧ꤭ ꤠꤢꤧ꤭ ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤒꤥ꤭ꤙꤢꤩ꤬ ꤗꤢꤩ꤬ꤞꤤꤋꤚꤢꤦ꤭ ꤔꤢꤧ꤬ꤡꤣꤧ ꤠꤢꤧ꤭ ꤒꤣꤧ꤬ꤟꤢꤩ꤬꤯ ꤠꤢꤧ꤭ ꤞꤤꤑꤢꤩ꤭ ꤔꤢꤧ ꤙꤣꤧ ꤠꤢꤧ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤊꤜꤢꤩ꤮ ꤞꤤꤋꤚꤢꤦ꤭ ꤊꤣꤧ꤭ꤔꤢꤧ꤭ ꤕꤢ꤭ ꤖꤢꤧ꤯

โครินธ์ เนอบ่า ต๊าบ่า 7:16

ꤠꤢꤧ꤭ ꤛ꤫ꤢꤦ꤬ꤢꤩ꤬ ꤜꤢꤪ꤭ꤜ꤫ꤢ꤬ꤒꤣꤧ꤬ꤊꤜꤤ꤬ ꤚꤣꤧ ꤡꤣꤧ ꤞꤤ꤭ ꤚꤣꤧ꤬ ꤠꤢꤧ꤭ ꤞꤤꤋꤚꤢꤦ꤭ ꤔꤢꤧ꤬ꤡꤣꤧ꤯

โครินธ์ เนอบ่า ต๊าบ่า 9:4

ꤟꤢꤨꤔꤣꤧ꤬ꤚꤣꤧ꤬ ꤙꤣꤧ ꤠꤢꤧ꤭ ꤟꤢꤧ꤭ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤘꤣ ꤗꤢꤧ꤬ꤎꤤ꤬ꤘꤥꤔꤤ꤬ꤛꤢ꤬ꤊ꤫ꤢꤩ꤬ ꤒꤣꤧ꤬ꤟꤢꤩ꤬ ꤋꤚꤝꤢ꤭ꤟꤢꤧ꤭ꤊꤣꤧ꤭ ꤔꤢꤧ ꤠꤢꤧ꤭ ꤕꤢ꤭ ꤊꤣꤧ꤭ꤔꤢꤧꤊ꤫ꤢꤩ꤬꤯ ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ꤗꤢꤧꤓ꤫ꤣꤧ꤬ ꤛꤢꤩ꤬ꤞꤤ꤭ ꤔꤢꤧ ꤞꤤ꤭ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤓꤥ꤭ꤜꤢꤪ꤭ ꤟꤣꤧ ꤚꤢꤦ꤭ ꤒꤢꤩ꤬ꤗꤢꤩ꤬ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤞꤤ꤭ ꤊꤢꤩ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤒꤣ꤬ꤡꤣ꤬꤮ ꤒꤥ꤬ ꤟꤢꤩꤔꤣꤧ꤬, ꤒꤢꤩ꤬ ꤘꤣ ꤠꤢꤧ꤭ ꤛ꤫ꤢꤦ꤬ꤢꤩ꤬ꤚꤣꤧ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤔꤢꤧ꤭ꤟꤣꤧ ꤒꤢꤩ꤬ꤞꤤꤒꤣꤧ꤬ꤚꤢꤩ꤭ ꤘꤣ ꤠꤢꤧ꤭ꤑꤢꤩ꤭ ꤔꤢꤧ ꤞꤤ꤭ꤑꤢꤩ꤭ ꤕꤢ꤭ ꤟꤣꤧ꤯

ꤊꤢ꤬ꤜꤢ꤬ꤒꤤ 5:10

ꤗꤢ꤬ꤔꤢꤧꤚꤣꤧ꤬ ꤘꤣ ꤕꤢꤩ꤬ ꤓꤝꤢ꤭ꤓꤢꤧ꤬ꤟꤣꤧ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤙꤢꤧ꤬ꤡꤢꤩ꤬ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤛ꤫ꤢꤦ꤬ꤢꤩ꤬ ꤔꤢꤧ ꤞꤤ꤭ ꤒꤢꤩ꤬ꤗꤢꤧꤓ꤫ꤣꤧ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤜꤢꤨ꤬ꤡꤝꤢꤋꤥ ꤔꤢꤧ ꤠꤢꤧ꤭ ꤒꤥ꤬꤯ ꤢꤨ꤭ꤕꤢꤩ꤭ ꤙꤢꤩ꤬ꤙꤢꤩ꤬ ꤘꤣ ꤢ꤬ ꤗꤢꤩ꤬ꤘꤤꤘꤢꤧ꤭ ꤞꤤ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤘꤢꤦ꤬ ꤜꤢꤨ꤭ ꤕꤢ꤭꤯

เอเฟซัส 4:12

ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤥ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤢ꤬ꤔ꤫ꤢꤩ꤬ ꤔꤢꤧ ꤢ꤬ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤜꤢꤨ꤭ ꤒꤢꤩ꤬ꤗꤢꤩ꤬ ꤢ꤬ꤑꤢꤩ꤭, ꤓꤥ꤭ꤒꤥ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤘꤣꤧꤏꤝꤢ꤬ꤘꤣꤧꤏꤢꤪ꤭ꤓꤢꤧ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤘꤣ ꤢ꤬ ꤗ꤫ꤢ꤬ ꤋꤚꤤ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ꤣꤧ꤭ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤘꤣꤧꤒꤢ꤭ ꤘꤢꤦ꤬ꤟꤣꤧ ꤟꤢꤨꤔꤣꤧ꤬ꤟꤣꤧ꤯

ฟีลิปปี 1:10

ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ꤕꤜꤥ꤭ ꤒꤢ꤭ꤒꤢꤩ꤬ ꤚꤢꤧ ꤒꤢꤩ꤬ ꤘꤣ ꤢ꤬ꤚꤢꤧꤜꤣ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤞꤤꤕꤜꤢꤪ꤬ ꤕꤜꤤ꤭ꤖꤥ, ꤓꤥ꤭ꤒꤥ꤬ ꤒ꤫ꤥ꤬ ꤏꤢ꤮ ꤋꤚꤤ ꤟꤢꤧ꤭ ꤋꤛꤢ꤭ꤞꤢꤧ ꤢ꤬ꤗ꤫ꤢꤪ꤬ꤔꤣꤧ꤭ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤘꤢꤧ꤬ꤡ꤫ꤢꤧ꤬ ꤕꤢ꤬ ꤒ꤫ꤢꤧ꤬ ꤒꤢꤩ꤬ꤞꤢꤦ ꤘꤣ ꤞꤤ꤭ꤜꤥ꤬ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤕꤢꤩ꤬ ꤘꤣ ꤞꤤ꤭ꤑꤢꤩ꤭꤯

ฟีลิปปี 1:29

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤒꤢꤦꤖꤢꤧ ꤞꤤ꤭ ꤒꤢꤩ꤬ꤏꤢꤪ꤭ꤚꤤ꤬ ꤘꤣ ꤞꤤ꤭ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤣꤧ꤭ꤔꤣꤧ꤬ ꤗ꤫ꤢ꤬ꤒꤥ꤬, ꤢ꤬ ꤞꤤꤕꤜꤢꤪ꤬ꤥ꤬ ꤊꤣꤧ꤭ꤘꤢꤦ꤬ ꤔꤢꤧ ꤞꤤ꤭ ꤊ꤫ꤢꤦ꤬ ꤋꤢꤧꤊꤣꤧ꤭ ꤒꤢꤩ꤬ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤘꤣ ꤋꤚꤤ ꤢ꤬ꤑꤢꤩ꤭ꤑꤢꤩ꤭꤯

ฟีลิปปี 2:12

ꤟꤢꤨꤔꤣꤧ꤬ꤚꤣꤧ꤬, ꤋꤥ꤭ꤙꤢꤧꤞꤝꤢꤗꤥ꤬ ꤞꤤ꤭꤮ ꤙꤣꤧ ꤠꤢꤧ꤭ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤔ꤫ꤤ꤬ꤘꤢ꤭ ꤠꤢꤧ꤭ ꤍ꤫ꤥ꤬, ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤥ꤬ꤛꤢ꤬ ꤔꤢꤧ ꤞꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤒꤥ꤭ꤙꤢꤩ꤬ ꤔ꤫ꤤ꤬ꤘꤢ꤭ ꤜꤣ ꤕꤢ꤬ ꤡꤣꤧ ꤠꤢꤧ꤭ꤍ꤫ꤥ꤬ ꤡꤣꤧ꤯ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤗꤢꤩ꤬ꤜꤣꤙꤢ꤭ꤓꤢꤧ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤞꤤ꤭ ꤢ꤬ꤑꤢꤩ꤭ꤔꤣꤧ꤬, ꤢꤧꤡꤢꤦ ꤗꤢꤩ꤬ ꤜꤢ꤭ꤋꤢꤧ꤭ ꤒꤢꤩ꤬ ꤘꤣ ꤒꤢꤩ꤬ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤢꤨ꤭, ꤚꤣꤧ꤬ ꤗꤢꤩ꤬ ꤒ꤫ꤣ꤬ꤊꤣꤧ꤭ꤘꤢꤦ꤬ ꤔꤢꤧ ꤒꤢꤩ꤬ꤞꤤꤤ꤬ꤏꤢꤩ꤭ ꤒꤣꤧ꤬ꤔꤢꤧ꤭ꤒꤣꤧ꤬ꤊꤛꤢ꤬ ꤡꤣꤧ ꤢ꤬ꤔꤣꤧ꤬ ꤔꤤ꤮꤯

ฟีลิปปี 2:13

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤞꤤꤕꤜꤢꤪ꤬ꤏꤝꤢ꤬ ꤞꤤꤛ꤫ꤢꤦ꤬ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ ꤊꤣꤧ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤘꤣ ꤢ꤬ꤚꤢꤧ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤗꤢꤩ꤬ ꤕ꤫ꤢꤩ꤬ꤟꤣꤧ ꤒꤢꤩ꤬ ꤘꤣ ꤞꤤ꤭ꤊꤢꤨ꤭ ꤕꤝꤢ꤭꤮ ꤒꤣ꤬ꤖꤥ ꤡꤣꤧ ꤟꤣꤧ꤯

ฟีลิปปี 2:16

ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ꤊꤣꤧ꤭ ꤜꤢ꤭ꤋꤢꤧ꤭ ꤢꤨ꤭ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ ꤔꤤ꤮꤯ ꤞꤤ꤭ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤙꤣꤧ ꤋꤚꤤ ꤟꤢꤧ꤭ꤜꤢꤧ꤬ ꤋꤛꤢ꤭ꤞꤢꤧ ꤢ꤬ꤗ꤫ꤢꤪ꤬ꤔꤣꤧ꤭ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤜꤢꤪ꤭ ꤠꤢꤧ꤭ ꤒꤢꤩ꤬ꤢꤧꤡꤢꤦ ꤒꤣꤧ꤬ꤟꤢꤩ꤬ ꤔꤢꤧ ꤠꤢꤧ꤭ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤓꤝꤢ꤭ꤓꤢꤧ꤬ ꤊꤢꤧ꤭ꤘꤢꤩ꤭ ꤕꤢ꤬ꤒꤥ꤬ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤘꤣ ꤞꤤ꤭ꤋꤝꤢ꤬ꤞꤤ꤭ꤋꤛꤢ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤖꤛꤢꤓꤢꤧ꤬ꤜꤥ꤭ ꤚꤣꤧꤘꤢꤦ꤬ ꤠꤢꤧ꤭ꤔ꤫ꤢꤩ꤬ ꤕꤢ꤭꤯

โคโลสี 2:12

ꤙꤣꤧ ꤞꤤ꤭ ꤡꤢꤩ꤬ ꤞꤤ꤭ꤔ꤫ꤢꤩ꤬ ꤢ꤬ꤋꤢꤩ꤭, ꤞꤤ꤭ ꤜ꤫ꤢꤩ꤬ꤊꤜꤥ꤭ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤ꤭ ꤜꤥꤒꤢ꤭ ꤒ꤫ꤣ꤬ꤊꤣꤧ꤭ ꤓꤥ꤭ꤟꤣꤧ ꤔꤢꤧ ꤋꤚꤤ ꤟꤣꤧ, ꤚꤣꤧ꤬ ꤞꤤ꤭ ꤜ꤫ꤢꤩ꤬ꤊꤜꤥ꤭ꤞꤢꤩ꤭ꤜ꤫ꤢꤩ꤬ꤊꤜꤥ꤭ꤒꤝ꤫ꤢ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤒ꤫ꤣ꤬ꤊꤣꤧ꤭ ꤟꤣꤧ ꤔꤢꤧ ꤋꤚꤤ ꤟꤣꤧ꤯ ꤘꤣ ꤞꤤ꤭ ꤛ꤫ꤢꤦ꤬ꤢꤩ꤬ꤚꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤘꤣ ꤢ꤬ ꤗꤢꤩ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤋꤚꤤ ꤘꤣ ꤒꤢꤩ꤬ꤞꤣꤧ꤭ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤓꤝꤢ꤭ꤓꤢꤧ꤬ ꤓꤥ꤭ꤜꤢꤪ꤭ ꤟꤣꤧ ꤟꤢꤨꤔꤣꤧ꤬ ꤟꤣꤧ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:3

ꤘꤣ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤗꤢꤩ꤬ꤒꤢꤩ꤬ ꤢ꤬ꤓꤝꤢ꤭ꤢ꤬ꤓꤢꤩ꤬, ꤘꤣ ꤞꤤ꤭ ꤒꤢꤩ꤬ꤗꤥ꤬ꤚꤣꤧ ꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤋꤚꤢꤦ꤭ꤗꤢꤩ꤬ ꤒꤢꤩ꤬, ꤚꤣꤧ꤬ ꤘꤣ ꤞꤤ꤭ ꤥ꤬ ꤔꤢꤧ ꤒꤢꤩ꤬ꤗꤢꤧꤏꤢꤦ꤭ ꤘꤣ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤜꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤋꤢꤧꤞꤤꤕꤜꤢꤪ꤬ꤓꤢꤨ꤭ꤙꤢꤩ ꤒꤢꤩ꤬ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤞꤤ꤭ ꤒꤣꤧ꤬ꤟꤢꤩ꤬꤯ ꤙꤣꤧ ꤕꤢꤩ꤬ ꤊꤝꤤ꤭ꤡꤢꤪꤙꤢꤩ꤭ ꤘꤣ ꤕꤢꤩ꤬ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤥ꤬ ꤢ꤬ꤋꤢꤩ꤭ꤔꤣꤧ꤬, ꤜꤢꤪ꤭ ꤞꤤ꤭ ꤗꤢꤩ꤬ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤏꤥ꤭ꤒꤣꤧ꤬ꤕꤢ꤬ ꤕ꤫ꤢꤩ꤬ꤕꤢ꤬ ꤡꤣꤧ ꤒꤥ꤬ ꤡꤣꤧ꤯

เธสะโลนิกา เนอบ่า ต๊าบ่า 1:11

ꤟꤢꤨꤔꤣꤧ꤬ꤚꤣꤧ꤬ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤞꤤ꤭ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤒꤥ꤭ꤙꤢꤩ꤬ꤊꤣꤧ꤭ ꤔꤢꤧ ꤢ꤬ꤒꤢꤩ꤬ꤢꤩ ꤞꤤ꤭ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤊꤝꤤ꤭ꤡꤢꤪꤙꤢꤩ꤭ ꤕꤢꤩ꤬ ꤘꤣ ꤞꤤꤑꤢꤩ꤭ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯ ꤕꤢꤩ꤬ ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤕ꤫ꤥ꤬ ꤘꤣ ꤞꤤꤑꤢꤩ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤜꤣꤙꤢ꤭ ꤕ꤫ꤢꤩ꤬ ꤞꤤ꤭ ꤜꤢꤪ꤭ ꤞꤤ꤭ ꤒꤢꤩ꤬ꤗꤢꤩ꤬ꤚꤢꤧ ꤘꤣ ꤞꤤ꤭ ꤞꤤꤛ꤫ꤢꤦ꤬ꤗꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬, ꤔꤢꤧ ꤒꤢꤩ꤬ꤗꤢꤩ꤬ ꤘꤣ ꤞꤤ꤭ ꤗꤢꤩ꤬ ꤔꤢꤧ ꤒꤢꤩ꤬ꤛ꤫ꤢꤦ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ꤘꤢꤦ꤬ ꤞꤤ꤭ ꤔꤢꤧ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤕꤢ꤭꤯

เธสะโลนิกา เนอบ่า ต๊าบ่า 3:4

ꤘꤣ ꤕꤢꤩ꤬ ꤛ꤫ꤢꤦ꤬ꤢꤩ꤬ꤚꤣꤧ ꤙꤢꤧ꤬ꤡꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤞꤤ꤭ ꤊꤜꤢꤩ꤮ ꤋꤚꤝꤢ꤭ꤗꤢꤩ꤬ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ ꤕ꤫ꤥ꤬ ꤔꤢꤧ꤭ ꤟꤢꤨ ꤕꤢꤩ꤬ ꤗ꤫ꤢ꤬ꤊꤢꤧ꤭ ꤞꤤ꤭ ꤣꤧ꤭ꤔꤣꤧ꤬ ꤟꤣꤧ꤯

ฟีเลโมน 1:21

ꤠꤢꤧ꤭ ꤚꤢ꤭ ꤜꤤ꤬ ꤘꤣ ꤔꤢꤧ꤬ꤥ꤬ ꤣꤧ꤭ꤔꤣꤧ꤬, ꤠꤢꤧ꤭ ꤛ꤫ꤢꤦ꤬ꤢꤩ꤬ ꤘꤣ ꤔꤢꤧ꤬ ꤊ꤫ꤢꤦ꤬ ꤡꤢꤨ꤭ꤢꤩ꤬ ꤠꤢꤧ꤭ꤜꤢ꤭ꤠꤢꤧ꤭ꤍ꤫ꤥ꤬ ꤚꤣꤧ꤬ ꤠꤢꤧ꤭ ꤞꤤꤑꤢꤩ꤭ ꤘꤣ ꤔꤢꤧ꤬ ꤊ꤫ꤢꤦ꤬ ꤗꤢꤩ꤬ꤢꤩꤜꤣ ꤡꤣꤧ ꤔꤢꤧ ꤠꤢꤧ꤭ ꤊꤝꤤ꤭ ꤔꤢꤧ꤬ ꤣꤧ꤭ꤔꤣꤧ꤬ ꤕꤢ꤭꤯

ꤟꤤꤙꤚꤢꤨ 10:35

ꤟꤢꤨꤔꤣꤧ꤬ꤚꤣꤧ꤬ ꤘꤢꤧ꤬ꤏꤢꤪ꤭ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬꤯ ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤗꤢꤩ꤬ꤔ꤫ꤤ꤬ꤋꤝꤢꤊꤢꤩ꤬ ꤘꤣ ꤢ꤬ꤘꤢꤨ꤬ꤢ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤕꤢ꤭꤯

ꤟꤤꤙꤚꤢꤨ 12:2

ꤢ꤬ꤞꤢꤧꤔꤢꤧ ꤊꤣꤧ꤬ꤛꤢꤧ꤭ ꤊꤜꤢꤧ꤬ ꤒꤣꤧ꤬ꤟꤢꤩ꤬ ꤗꤢꤧꤒꤥ꤭ꤘꤢꤩ꤭ ꤟꤢꤧ꤭ꤒꤥ꤭ ꤒꤢꤦꤖꤢꤧ ꤒꤢꤩ꤬ꤗꤢꤩ꤬ꤕ꤫ꤢꤩ꤬ꤗꤢꤙꤥ꤭ ꤣꤧ꤭ꤔꤣꤧ꤬ꤟꤣꤧ, ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤗꤢꤧꤒꤥ꤭ꤘꤢꤩ꤭ ꤟꤢꤧ꤭ ꤖꤢꤧꤒꤢꤦ ꤛꤢꤩ꤬ꤏꤛꤢꤨ ꤕꤥ꤮꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤗꤢ꤬ ꤕꤢꤩ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ ꤊꤢꤧ꤭ꤏꤢꤊꤢꤧ꤭ꤚꤢꤧ꤬ ꤒꤣ꤬ꤖꤚꤢꤩ꤬꤯ ꤓꤥ꤭ꤒꤥ꤬, ꤢ꤬ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ꤜꤣꤗꤢꤩ꤬ꤙꤢ꤭ ꤕ꤫ꤢꤩ꤬ ꤟꤣꤧ ꤕꤢꤩ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤒꤣ꤬ꤖꤚꤢꤩ꤬꤯ ꤢ꤬ ꤋꤢꤧꤞꤣꤧ꤭ ꤓꤥ꤭ꤕꤢ꤭ꤗꤢ꤬, ꤢ꤬ ꤞꤤꤑꤢꤩ꤭ ꤥ꤬ꤔꤢꤩ꤬ ꤓꤥ꤭ꤟꤣꤧ ꤔꤢꤧ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤞꤤꤊꤣꤧ꤬ꤜꤢꤪꤊꤣꤧ꤬ꤖꤢꤦ꤭ ꤕꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤒꤥ꤭ꤙꤢꤩ꤬ ꤋꤢꤧꤞꤣꤧ꤭ ꤡꤣꤧ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤞꤤꤒꤣꤧ꤬ꤚꤢꤩ꤭ ꤒꤣ꤬ꤡꤣ꤬꤮ ꤒꤥ꤬꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤢ꤬ ꤥ꤬ꤔꤢꤧ꤭ꤥ꤬ ꤟꤣꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤜ꤫ꤢꤩ꤬ꤥ꤬ꤔꤢꤧ꤭ ꤓꤢꤧ꤬ꤜꤥ꤭ ꤘꤣ ꤡꤢꤓꤝꤢ ꤔꤣꤧ꤬ꤒꤣ꤬ꤊꤛꤢ꤭ ꤟꤣꤧ꤯

เปโตร อาเหร่อเล๊อ ต๊าบ่า 5:10

ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤜꤢꤪ꤭꤮ ꤕꤜꤤ꤬ ꤢ꤬ ꤙꤢꤧ꤬ꤡꤢꤩ꤬ ꤚꤣꤧ꤬ ꤢ꤬ ꤢꤩ ꤞꤤ꤭ ꤘꤣ ꤢ꤬ ꤊ꤫ꤢꤦ꤬ ꤘꤣꤧꤊꤣꤧ꤭ ꤞꤤ꤭ ꤢ꤬ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤕꤢ꤭꤯ ꤙꤣꤧ ꤞꤤ꤭ ꤋꤢꤧꤙꤢꤩ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣꤧ꤬ꤕꤜꤣ꤬ꤒꤣꤧ꤬ꤕꤜꤢꤧꤟꤢꤨ ꤣꤧ꤭ ꤊ꤫ꤢꤦ꤬ ꤒꤣꤧ꤬ꤜꤝꤢ ꤓꤥ꤭ꤟꤣꤧ ꤕꤢ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤊꤜꤢꤪ꤬ꤗꤢꤩ꤬ꤗꤢ꤬ ꤒꤣꤧ꤬ꤔꤢꤧ꤭ ꤚꤢꤧꤋꤛꤢ꤭ ꤞꤤ꤭ ꤕꤢ꤭, ꤓꤥ꤭ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤏꤝꤢ꤬ꤘꤣꤧꤏꤢꤪ꤭ꤓꤢꤧ꤬ ꤞꤤ꤭ꤟꤢꤧ꤭ꤞꤤ꤭ꤚꤢꤩ꤬ ꤕꤢ꤭꤯

เปโตร เนอบ่า ต๊าบ่า 3:10

ꤗꤢ꤬ꤔꤢꤧꤚꤣꤧ꤬ ꤙꤢꤧ꤬ꤡꤢꤩ꤬ ꤢ꤬ꤗ꤫ꤢꤪ꤬ꤔꤣꤧ꤭ ꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤟꤢꤧ꤭ꤒ꤫ꤥ꤬ꤖꤚꤢꤦ ꤞꤢꤧꤔꤢꤧ ꤖꤚꤢꤩ꤬ꤢꤩ꤬ꤟꤥ꤬ ꤒꤣ꤬ꤖꤚꤢꤩ꤬ ꤟꤢꤧ꤭ꤔꤣꤧ꤬ ꤕꤢ꤭꤯ ꤙꤣꤧꤔꤣꤧ꤬ ꤒꤣ꤬ꤔꤣꤧ꤭ ꤕꤢ꤭ꤔꤣꤧ꤬, ꤗꤢꤪ ꤊ꤫ꤢꤦ꤬ ꤋꤚꤢꤪ꤭ ꤒꤣꤧ꤬ꤕꤜꤢꤪ꤬ꤜꤣꤧ꤬ꤛꤢꤪ꤬ꤓꤢꤧ꤬ ꤕꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤥ꤬ꤗ꤫ꤢꤩ꤬ꤊꤢꤧ꤭ ꤕꤢ꤭꤯ ꤗꤤ꤬ ꤊ꤫ꤢꤦ꤬ ꤢꤦ꤭ꤕꤛꤢ ꤜ꤫ꤢ꤬ꤒꤣꤧ꤬ꤊꤜꤤ꤬ꤊꤢꤧ꤭ ꤜꤢꤪ꤭ ꤒꤣꤧꤗ꤫ꤢꤪ꤬, ꤜꤢꤩ꤭, ꤏꤢꤩ꤬ ꤘꤣ ꤢ꤬ ꤥ꤬ ꤘꤣ ꤗꤢꤪꤜꤢꤩ꤭ ꤞꤤ꤭ꤒꤣꤧ꤬ꤟꤢꤩ꤬ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤢꤦ꤭ꤕꤛꤢ ꤜ꤫ꤢ꤬ꤒꤣꤧ꤬ꤊꤜꤤ꤬ꤊꤢꤧ꤭ ꤜꤢꤪ꤭ ꤟꤢꤩ꤬ꤋꤢꤨ꤬ ꤔꤢꤧ ꤒꤢꤩ꤬ ꤘꤣ ꤢ꤬ ꤥ꤬ ꤘꤣ ꤜꤢꤨ꤭ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤜꤢꤪ꤭꤮ ꤕꤜꤤ꤬ ꤕꤢ꤭꤯