ทิโมธี เนอบ่า ต๊าบ่า 2:24 - Eastern Kayah Shadaw Dialect

²⁴ ꤙꤢꤧ꤬ꤡꤢꤩ꤬ ꤢ꤬ꤜꤢꤨ꤬ꤜꤢꤩ ꤒꤣ꤬ꤖꤚꤢꤩ꤬ ꤟꤢꤩꤔꤣꤧ꤬ꤗꤢ꤬ ꤢ꤬ ꤒꤥ꤭ ꤙꤢꤩ꤬ꤊꤛꤢꤙꤢꤩ꤬ꤒꤣꤧ꤬ꤍꤢ꤭ ꤔ꤫ꤤ꤬ ꤢꤨ꤭ ꤒꤥ꤬, ꤗ꤫ꤢ꤬ꤟꤢꤩꤗꤢ꤬, ꤢ꤬ ꤒꤥ꤭ ꤟꤢꤩꤙꤢꤩ꤬ ꤞꤤꤘꤥ꤭ꤞꤤꤍꤢ꤬ ꤘꤣ ꤢꤨ꤭ ꤜꤢꤪ꤭ꤕꤜꤤ꤭ ꤢ꤬ꤋꤢꤨ꤬, ꤓꤥ꤭ꤚꤣꤧ꤬ ꤢ꤬ ꤒꤥ꤭ꤙꤢꤩ꤬ ꤗꤢ꤬ ꤞꤢꤚꤢ ꤘꤣ ꤢ꤬ꤚꤢꤧ ꤚꤣꤧ꤬ ꤋꤢꤧꤞꤤꤘꤥ꤭ ꤒꤢꤩ꤬ ꤒꤣ꤬ꤖꤚꤢꤩ꤬꤯

ลีเทส่อพ๊าอาเซ เร๊อ เห่ขุทวาลู๊

²⁴ แบ่เจ่ อาหลู่เล๊ เตเพร เฮ๊เนอหม่า อา โต เบ่กย๊าเบ่งา หนิ อู โต่, โท๊โต่ อา โต เฮ๊เบ่ ซิโดซิ งา เด๊อ อู ล๋อปลี อาขุ, โทเรอ อา โตเบ่ หม่า ซ๊าร๊า เด๊อ อาแร๊ เร๊อ อา แด่ทูซิปล่อ เตเพร.

ทิโมธี เนอบ่า ต๊าบ่า 2:24 Iomraidhean Croise

มัทธิว 12:19

ꤗꤢ꤬ꤔꤢꤧꤚꤣꤧ꤬ ꤢ꤬ꤔꤣꤧ꤬ ꤢ꤬ꤊꤛꤢꤒꤣꤧ꤬ꤍꤢ꤭ ꤊꤣꤧ꤭ꤢꤨ꤭ ꤒꤥ꤬꤯ ꤢ꤬ ꤢꤩꤓꤥ꤭ꤢꤩꤗꤥ꤬ ꤊꤣꤧ꤭ꤢꤨ꤭ ꤒꤥ꤬꤯ ꤢ꤬ ꤡꤝꤢꤢꤩꤓꤥ꤭ꤢꤩꤗꤥ꤬ ꤘꤣ ꤊꤜꤢꤧꤘꤢꤨ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ꤔꤣꤧ꤬, ꤢꤨ꤭ ꤔ꤫ꤤ꤬ꤟꤥ꤭ꤔꤢꤪ ꤒꤥ꤬꤯

ꤛꤥ꤭ꤟꤢ꤬ 6:52

ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤋꤚꤢꤩꤞꤣꤧ꤭ꤋꤚꤢꤩꤥ꤬ ꤚꤣꤧꤘꤢꤦ꤬ꤜꤢꤨ꤭ ꤔꤢꤧ, “ꤢ꤬ ꤡꤝꤢ ꤘꤣꤧꤢꤩ꤬ ꤡ꤫ꤢꤧ꤬ ꤕꤢꤩ꤬ ꤔꤢꤧ ꤢ꤬ꤛꤢ꤬ ꤟꤢꤨꤒꤢꤩ꤭?”

เพรโด่แนพู๊ เต๊เห่ 15:2

ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤋꤚꤢꤩꤋꤚ꤫ꤢꤧ꤬ ꤏꤢꤪ꤭ꤏꤢꤦ꤬ ꤔꤢꤧ꤬ꤡꤣꤧ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣ꤬ꤡꤣ꤬꤯ ꤟꤢꤨꤔꤣꤧ꤬ꤚꤣꤧ꤬ ꤘꤣ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤨ꤭ ꤔꤝꤢꤓꤢꤧ꤬ ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤔꤢꤧ ꤊꤣꤧ꤬ꤛꤢꤧ꤭ ꤥ꤬ ꤘꤣ ꤠꤤ꤭ꤢ꤬ꤒꤤ꤬ꤢꤪ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬, ꤚꤣꤧ꤬ ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤡꤝꤢ ꤗꤢꤧꤓ꤫ꤣꤧ꤬ꤏꤢꤦ꤬ ꤔꤢꤧ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤔꤢꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤢ꤬ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯

เพรโด่แนพู๊ เต๊เห่ 23:9

ꤣꤧ꤭ꤒꤣ꤬ꤖꤥꤚꤣꤧ꤬ ꤢꤨ꤭ ꤜꤢꤦ꤮ ꤢꤩꤓꤥ꤭ꤢꤩꤗꤥ꤬ꤓꤢꤧ꤬ ꤏꤝꤢ꤬ꤏꤝꤢ꤬ ꤚꤣꤧ꤬ ꤘꤣ ꤛꤢꤩ꤬ꤞꤤ꤭ ꤢ꤬ꤊꤜꤢꤩ꤭ꤔꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤥ꤬ ꤒꤣꤧ꤬ꤟꤢꤩ꤬, ꤛꤢꤩ꤬ꤞꤤ꤭ ꤗꤢ꤬ ꤒꤣ꤬ꤗꤢꤨ꤬ꤡꤢꤦ꤭ ꤔꤢꤧ ꤖꤢ꤬ꤚꤤ꤬ꤏꤛꤢꤧꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤟꤣꤧ, ꤚꤣꤧ꤬ ꤘꤣ ꤛꤢꤩ꤬ꤞꤤ꤭ꤊꤜꤢꤩ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬, ꤢ꤬ ꤊꤣꤧ꤬ꤓꤢꤪ꤬ ꤚꤣꤧ꤬ ꤢ꤬ ꤋꤚꤢꤩ ꤊꤢ꤬ꤋꤛꤢ꤭ꤏꤢꤦ꤬ ꤔꤢꤧ, “ꤕꤢꤩ꤬ ꤗꤢꤧꤓ꤫ꤣꤧ꤬ ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤒꤢꤩ꤬ꤗꤢꤩ꤬ꤞꤢꤦ ꤒꤣ꤬ꤡꤣ꤬꤮ ꤒꤥ꤬꤯ ꤒꤣꤧ꤬ꤚꤢꤧꤗꤢ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤗ꤫ꤢ꤬ꤒꤥ꤬ꤗꤢ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤔꤢꤪ꤭ꤟꤢꤩꤙꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤢ꤬ ꤖꤢꤧ ꤊꤣꤧ꤭ꤔꤢꤧꤊ꤫ꤢꤩ꤬꤯”

เพรโด่แนพู๊ เต๊เห่ 7:26

ꤢ꤬ꤔꤥ꤬ꤒꤣ꤬ꤔꤣꤧ꤭ꤔꤣꤧ꤬, ꤢ꤬ ꤗꤢꤧꤓ꤫ꤣꤧ꤬ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤔꤢꤧ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤞꤤꤔꤣꤧ꤭ ꤊꤛꤢ ꤋꤛꤢ꤭ ꤚꤣꤧꤘꤢꤦ꤬ ꤜꤢꤨ꤭ ꤚꤣꤧ꤬ ꤢ꤬ ꤡꤝꤢ ꤢꤧꤡꤢꤦ ꤗꤢꤩ꤬ꤖꤚꤢꤩ꤭ꤗꤢꤩ꤬ꤘꤢꤦ꤭ ꤊꤢ꤬ꤋꤛꤢ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, ‘ꤔ꤫ꤤ꤬ꤘꤢ꤭ ꤜꤢ꤭ꤋꤢꤧ꤭ ꤋꤥ꤭ꤙꤢꤧꤞꤝꤢ ꤞꤤ꤭꤮ ꤞꤤ꤭ꤔꤢꤧꤞꤤ꤭ ꤚꤣꤧꤘꤢꤦ꤬ꤖꤢꤧ ꤚꤣꤧ꤬ ꤞꤤ꤭ ꤡꤝꤢ ꤠꤢꤦꤚꤣꤧꤘꤢꤦ꤬ ꤜꤢꤨ꤭ ꤗꤢꤩ꤬ꤒꤢꤩ꤭?’

โครินธ์ เนอบ่า ต๊าบ่า 10:1

ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤠꤢꤧ꤭ ꤔꤢꤧ ꤙꤣꤧ ꤠꤢꤧ꤭ ꤟꤢꤩꤙꤢꤩ꤬ꤏꤢꤦ꤬ ꤔꤢꤧ ꤞꤤ꤭ ꤢ꤬ꤋꤢꤩ꤭, ꤠꤢꤧ꤭ ꤒꤣꤧ꤬ꤚꤥ꤬ ꤖꤢꤧ ꤒꤣꤧ꤬ꤘꤢꤦꤚꤣꤧ꤬ ꤙꤣꤧ ꤠꤢꤧ꤭ ꤚꤢ꤭ ꤔꤢꤧ ꤜꤤ꤬ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤟꤢꤩꤙꤢꤩ꤬ꤏꤝꤢ꤬ꤟꤢꤩꤙꤢꤩ꤬ꤏꤢꤪ꤭ ꤔꤢꤧ꤬ꤡꤣꤧ, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤠꤢꤧ꤭ ꤟꤢꤨꤔꤣꤧ꤬꤯ ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ ꤒꤣꤧ꤬ꤘꤢꤦ꤬ ꤡꤣꤧ ꤞꤤ꤭ ꤔꤢꤧ ꤒꤢꤩ꤬ꤞꤤꤘꤥ꤭ꤞꤤꤍꤢ꤬, ꤒꤢꤩ꤬ꤋꤢꤧꤞꤤꤘꤥ꤭ ꤟꤢꤨ ꤋꤚꤤ ꤘꤣꤧꤜꤥ꤭ ꤕ꤫ꤢꤩ꤬ ꤓꤥ꤭ꤟꤣꤧ ꤕꤢꤩ꤬ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤡꤣꤧ꤯

โครินธ์ เนอบ่า ต๊าบ่า 10:4

ꤒꤢꤩ꤬ꤏꤢ ꤢ꤬ ꤡꤢꤨꤊꤥ꤬ꤡꤢꤨꤚꤢꤧ꤬ ꤘꤣ ꤕꤢꤩ꤬ ꤔꤢꤪ꤭ꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤢ꤬ ꤡꤢꤨꤊꤥ꤬ꤡꤢꤨꤚꤢꤧ꤬ ꤗ꤫ꤢ꤬ꤒꤥ꤬꤯ ꤕꤢꤩ꤬ ꤔꤢꤪ꤭ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤡꤢꤨꤊꤥ꤬ꤡꤢꤨꤚꤢꤧ꤬ ꤘꤣ ꤢ꤬ꤖꤚꤥ꤬ꤢ꤬ꤖꤚꤢꤧ꤬ ꤚꤣꤧ꤬ ꤢ꤬ ꤗꤢꤩ꤬ꤒꤢ꤭ꤖꤚꤢꤪ꤬ ꤕꤛꤢꤊꤢꤧ꤭ꤙꤢꤩ ꤜꤢꤪ꤭ꤕꤜꤤ꤭ ꤡꤣꤧ ꤠꤤ꤭ꤢꤨ꤭ꤘꤢꤨ꤬ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤋꤚꤢꤩꤋꤚ꤫ꤢꤧ꤬ ꤜꤢꤨ꤭ ꤘꤣ ꤢ꤬ꤞꤢꤦ ꤔꤣꤧ꤬ꤒꤣꤧ꤬ꤟꤢꤩ꤬ ꤡꤣꤧ꤯

โครินธ์ เนอบ่า ต๊าบ่า 6:4

ꤕꤢꤩ꤬ ꤗꤢꤩ꤬ ꤒꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤔꤢꤧ ꤕꤢꤩ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤘꤣꤧꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤕꤢꤩ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣꤧ꤬ꤟꤢꤩ꤬, ꤔꤢꤧ ꤕꤢꤩ꤬ ꤋꤢꤧ ꤏꤥ꤭ꤖꤢꤏꤥ꤭ꤚꤢꤧ꤬ ꤒꤢꤩ꤬ꤒꤣꤧ꤬ꤟꤢꤩ꤬ ꤔꤢꤧ ꤕꤢꤩ꤬ ꤋꤢꤧꤙꤢꤩ꤬ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤞꤤ꤭ꤒꤣꤧ꤬ꤟꤢꤩ꤬ ꤟꤣꤧ꤯

ꤊꤢ꤬ꤜꤢ꤬ꤒꤤ 5:22

ꤗꤢ꤬ꤔꤢꤧꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤔꤣꤧ꤬ꤗꤢ꤬ ꤢ꤬ ꤘꤣꤧꤥ꤬ꤓꤢꤧ꤬ ꤒꤢꤩ꤬ꤗꤥ꤬, ꤒꤢꤩ꤬ꤞꤤꤋꤚꤢꤦ꤭ꤞꤤꤜꤢꤪ꤭, ꤒꤢꤩ꤬ꤖꤚꤢꤩ꤭ꤒꤢꤩ꤬ꤘꤢꤦ꤭, ꤒꤢꤩ꤬ꤋꤢꤧꤞꤤꤘꤥ꤭, ꤒꤢꤩ꤬ꤞꤤꤛꤢꤪ꤬ꤊꤜꤢ꤬ꤙꤢꤩ꤬, ꤒꤢꤩ꤬ꤒꤝ꤫ꤢ꤬ꤒꤢꤩ꤬ꤚꤢꤧ, ꤒꤢꤩ꤬ꤡꤢꤨ꤭ꤜꤢ꤭ꤖꤛꤢꤍ꤫ꤥ꤬,

เอเฟซัส 4:2

ꤘꤣ ꤞꤤ꤭ ꤗꤢꤩ꤬ꤒꤢꤩ꤬ ꤜꤢꤪ꤭꤮ ꤕꤜꤤ꤭ ꤢ꤬ꤊꤜꤢꤩ꤭ꤔꤣꤧ꤬, ꤞꤤ꤭ ꤒꤥ꤭ꤙꤢꤩ꤬ ꤓꤝꤢ꤭ ꤜꤢ꤭ꤋꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤏꤢꤧ꤬ꤜꤢꤧ꤬ ꤢ꤬ꤞꤤꤕꤜꤢꤪ꤬ ꤚꤣꤧ꤬ ꤢ꤬ ꤞꤤꤘꤥ꤭ꤞꤤꤍꤢ꤬ ꤒꤣꤧ꤬ꤟꤢꤩ꤬꤯ ꤓꤥ꤭ꤚꤣꤧ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤘꤣ ꤒꤢꤩ꤬ꤗꤥ꤬ ꤚꤣꤧꤘꤢꤦ꤬ꤜꤢꤨ꤭ ꤢ꤬ꤊꤢꤨ꤭ ꤔꤣꤧ꤬ ꤔꤤ꤮꤯

ฟีลิปปี 2:14

ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤕꤜꤤ꤭ꤖꤥ ꤚꤣꤧ꤬ ꤢꤨ꤭ ꤜ꤫ꤢꤩ꤬ꤘꤢꤧ꤬ ꤒꤢꤩ꤬ꤞꤢꤦ ꤘꤣ ꤞꤤ꤭ꤜꤥ꤬ ꤊ꤫ꤢꤦ꤬ ꤥ꤬ ꤕꤢ꤬ ꤒ꤫ꤢꤧ꤬ꤗꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤓꤝꤢ꤭ꤘꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤖꤢꤨꤖꤚꤢꤩ꤬ꤗꤢꤪ꤬ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤢ꤬ꤒꤢꤩ꤬ꤞꤢꤦ ꤥ꤬ ꤒꤥ꤬ ꤒꤣꤧ꤬ꤟꤢꤩ꤬, ꤚꤣꤧ꤬ ꤙꤣꤧ ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤗꤢꤨꤗ꤫ꤢꤧ꤬ ꤡꤢꤪꤒꤢꤩ꤬ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤣꤧ꤭ꤢ꤬ꤋꤢꤩ꤭, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤜꤤ꤭ꤒꤣꤧ꤬ꤋꤢꤩ꤭ꤓꤢꤧ꤬ ꤕ꤫ꤢꤩ꤬ ꤢꤨ꤭ ꤟꤢꤨ ꤏꤢꤩ꤬ꤒꤣꤧ꤬ꤟꤢꤩ꤬ ꤘꤣ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤣꤧ꤭ꤢ꤬ꤑꤢꤩ꤭ꤔꤣꤧ꤬, ꤞꤤ꤭ ꤗꤢꤩ꤬ꤒꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤒꤣꤧ꤬ꤗꤝꤢ꤭ꤒꤣꤧ꤬ꤜꤢꤩ꤭ ꤋꤚꤢꤩꤋꤚ꤫ꤢꤧ꤬ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

ฟีลิปปี 2:3

ꤙꤣꤧ ꤞꤤ꤭ ꤗꤢꤩ꤬ꤒꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤗꤢꤧꤘꤢꤨ꤬ ꤚꤣꤧꤘꤢꤦ꤬ ꤒꤢꤦ ꤞꤤ꤭ ꤒꤣ꤬ꤖꤚꤢꤩ꤬ ꤢ꤬ꤑꤢꤩ꤭ ꤒ꤫ꤢꤧ꤬ꤗꤢꤩ꤬ ꤔꤤ, ꤖꤛꤢꤘꤢꤨ꤬ꤖꤛꤢꤓꤢꤧ꤬ꤜꤥ꤭ ꤒ꤫ꤢꤧ꤬ ꤞꤤ꤭ꤔ꤫ꤢꤩ꤬ ꤒ꤫ꤢꤧ꤬ꤗꤢꤩ꤬, ꤗ꤫ꤢ꤬ꤟꤢꤩꤗꤢ꤬ ꤏꤢꤧ꤬ꤜꤢꤧ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬ ꤘꤣ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤢ꤬ꤜꤢꤩ꤭ ꤔꤤ꤮, ꤚꤣꤧ꤬ ꤒꤣꤧ꤬ꤔꤢꤩ꤬ꤘꤢꤨ꤬ ꤜꤣ ꤢꤨ꤭ꤚꤥ꤬ ꤔꤢꤧ ꤞꤤ꤭ꤔ꤫ꤢꤩ꤬ ꤚꤣꤧꤘꤢꤦ꤬ ꤔꤤ꤮꤯

โคโลสี 3:13

ꤋꤢꤧꤞꤤꤘꤥ꤭ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤡꤢ꤭ ꤔꤢꤧ꤬ ꤞꤤꤕꤜꤢꤪ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤗꤢꤩ꤬ꤞꤢꤦ ꤔꤢꤧ꤬ ꤟꤢꤩꤚꤣꤧ꤬ ꤕꤜꤝꤢ꤭ꤊꤢꤧ꤭ ꤜꤢꤨ꤭ꤒꤢꤩ꤬ꤞꤢꤦ ꤔꤤ꤮꤯ ꤕꤜꤝꤢ꤭ꤊꤢꤧ꤭ ꤋꤛꤢ꤭ꤜꤢꤨ꤭ ꤒꤢꤩ꤬ꤞꤢꤦ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤟꤢꤨ ꤙꤢꤧ꤬ꤡꤢꤩ꤬ ꤕꤜꤝꤢ꤭ꤊꤢꤧ꤭ꤟꤣꤧ ꤞꤤ꤭ ꤒꤢꤩ꤬ꤞꤢꤦ ꤣꤧ꤭ꤔꤣꤧ꤬ ꤔꤤ꤮꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:7

ꤕꤢꤩ꤬ ꤗꤢ꤬ ꤋꤚꤤ ꤢ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤊꤢꤩ꤬ ꤊꤝꤤ꤭ꤏꤝꤢ꤬ ꤒꤢꤩ꤬ ꤘꤣ ꤞꤤ꤭ꤥ꤬ ꤔꤣꤧ꤬ꤗꤢ꤬ ꤢ꤬ꤊꤢꤪ꤬ꤢ꤬ꤙꤢꤩ꤬ ꤖꤢꤧ, ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤗꤢꤩ꤬ꤟꤢꤨꤔꤣꤧ꤬ꤒꤥ꤬꤯ ꤙꤣꤧ ꤕꤢꤩ꤬ ꤥ꤬ꤊꤣꤧ꤭ ꤔꤢꤧ ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤟꤢꤩꤙꤢꤩ꤬ꤡ꤫ꤢꤩ꤬ꤟꤢꤩꤙꤢꤩ꤬ꤗꤥ꤬ ꤖꤢꤧ ꤞꤤ꤭, ꤞꤢꤧꤔꤢꤧ ꤗ꤫ꤥ꤬ꤒꤣ꤬ꤖꤚꤢꤩ꤬ ꤗꤢꤧꤚꤣꤧꤡꤢꤧ꤬ꤚꤣꤧ ꤘꤢꤦ꤬ ꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤣꤧ꤬ꤖꤢꤧ꤯

ทิโมธี อาเหร่อเล๊อ ต๊าบ่า 6:11

ꤗꤢ꤬ꤔꤢꤧꤚꤣꤧ꤬ ꤔꤢꤧ꤬ ꤚꤣꤧ꤬ ꤔꤢꤧ꤬ ꤓꤝꤢ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤊꤜꤢꤧ꤬ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤜꤢꤪ꤭ ꤒꤢꤩ꤬ꤣꤧ꤭ ꤒꤣꤧ꤬ꤟꤢꤩ꤬ ꤔꤤ꤮꤯ ꤞꤢꤧꤟꤢꤨ ꤔꤢꤧ꤬ ꤊ꤫ꤢꤦ꤬ ꤥ꤬ ꤔꤢꤧ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬, ꤒꤢꤩ꤬ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬, ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬, ꤒꤢꤩ꤬ꤗꤥ꤬ꤒꤢꤩ꤬ꤊꤜꤢꤩ꤭, ꤒꤢꤩ꤬ꤋꤢꤧ꤭ꤙꤢꤩꤒꤢꤩ꤬, ꤒꤢꤩ꤬ꤞꤤꤘꤥ꤭ꤞꤤꤍꤢ꤬ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤚꤣꤧ꤬ ꤢꤧꤡꤢꤦ ꤋꤚꤝꤢ꤭ꤜꤢꤦ꤬ꤕ꤫ꤢꤦ꤬ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤔꤤ꤮꤯

ꤒꤤꤒꤢꤨ 1:1

ꤠꤢꤧ꤭ ꤗꤢ꤬ ꤋꤢꤨ꤭ꤕꤢꤪꤜꤢꤨ, ꤠꤢꤧ꤭ ꤚꤢ꤭ꤡꤝꤢ ꤕ꤫ꤢꤩ꤬ ꤔꤢꤧ꤬ ꤜꤤ꤬ ꤣꤧ꤭ꤒꤣ꤬ꤙꤢ꤬꤯ ꤠꤢꤧ꤭ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣ꤬ꤖꤚꤢꤩ꤬꤯ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤠꤢꤧ꤭ ꤚꤣꤧ꤬ ꤢ꤬ ꤔꤢꤪ꤭ꤡꤝꤢ ꤗꤢꤩ꤬ꤡꤝ꤫ꤢ꤬ꤟꤣꤧ ꤠꤢꤧ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔꤝꤢꤓꤢꤧ꤬ꤟꤣꤧ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬, ꤚꤣꤧ꤬ ꤢ꤬ ꤊ꤫ꤢꤦ꤬ ꤞꤤꤑꤢꤩ꤭ ꤜꤢ꤭ꤋꤢꤧ꤭ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ꤯ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤢ꤬ ꤗꤢꤩ꤬ꤡꤝ꤫ꤢ꤬ꤟꤣꤧ ꤛꤢꤩ꤬ꤞꤤ꤭ ꤘꤣ ꤢ꤬ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤒꤥ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

ꤒꤤꤒꤢꤨ 1:7

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤒꤢꤩ꤬ꤗꤢꤩ꤬ ꤜꤢꤧ꤬ꤙꤢꤩ꤬ ꤢ꤬ ꤘꤣ ꤢ꤬ ꤒꤥ꤭ꤙꤢꤩ꤬ ꤗꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤨ꤭ ꤜ꤫ꤢꤩ꤬ꤘꤢꤧ꤬ ꤢ꤬ ꤒꤢꤩ꤬ꤞꤢꤦ ꤗꤢ꤬ ꤢ꤬ ꤒꤥ꤭ꤙꤢꤩ꤬ ꤥ꤬ꤔ꤫ꤤ꤬ ꤒꤥ꤬, ꤊꤢꤨ꤬ꤊꤜꤢꤪꤖꤚꤣꤧ꤭ ꤔꤢꤧ ꤞꤤꤕꤜꤢꤪ꤬ ꤘꤢꤨ꤬ꤓꤢꤧ꤬ꤖꤚꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤒꤥ꤭ꤙꤢꤩ꤬ ꤥ꤬ꤔ꤫ꤤ꤬ ꤒꤥ꤬, ꤙꤢꤩ꤬ ꤢꤩ꤬ꤗꤢꤦ꤬ꤥ꤭ꤖꤚꤢꤧ ꤔ꤫ꤤ꤬ ꤒꤥ꤬, ꤙꤢꤩ꤬ꤗꤢꤦ꤭ꤙꤢꤩ꤬ꤕꤢꤪ꤭ꤔ꤫ꤤ꤬ ꤢꤨ꤭ꤚꤥ꤬ ꤒꤥ꤬, ꤙꤢꤩ꤬ ꤗꤢꤧꤕꤢꤨ꤭ꤢꤩ꤬ꤔ꤫ꤤ꤬ ꤚꤢꤦ꤭ ꤘꤣ ꤢꤨ꤭ꤋꤢꤨ꤬ ꤒꤥ꤬꤯

ꤒꤤꤒꤢꤨ 1:9

ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ꤙꤢꤩ ꤢꤨ꤭ ꤔꤢꤧ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤘꤣ ꤢ꤬ꤒꤥ꤭ ꤒꤣꤧ꤬ꤟꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤤ꤬ꤞꤝꤢꤤ꤬ꤞꤢꤧ꤬ ꤊꤢ꤬ꤋꤛꤢ꤭ꤏꤢꤦ꤬ꤡ꤫ꤢꤧ꤬ ꤋꤛꤢ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩ ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ꤏꤢꤦ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤒꤥ꤭ꤙꤢꤩ꤬ ꤛ꤫ꤢꤦ꤬ꤢꤩ꤬ ꤕ꤫ꤢꤦ꤬ꤗꤢ꤬ ꤚꤢꤧ ꤚꤣꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤢꤨ꤭ ꤛ꤫ꤢꤦ꤬ꤢꤩ꤬ꤚꤣꤧ ꤢ꤬ ꤚꤣꤧ꤬ ꤟꤢꤨ ꤢꤨ꤭ ꤤ꤬ꤞꤝꤢ ꤓꤥ꤭ꤟꤣꤧ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯

ꤒꤤꤒꤢꤨ 3:2

ꤘꤣꤧ ꤞꤤꤔ꤫ꤢꤩ꤬ꤓꤢꤧ꤬ ꤕ꤫ꤥ꤬ꤋꤛꤢ꤭ꤞꤢꤧ ꤛꤢꤩ꤬ꤞꤤ꤭ ꤔꤢꤧ ꤔꤢꤪ꤭ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤒ꤫ꤢꤧ꤬ ꤢꤨ꤭ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤔꤢꤪ꤭ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤊꤛꤢꤜꤢꤨ꤭ꤒꤣꤧ꤬ꤍꤢ꤭ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤓꤥ꤭ꤚꤣꤧ꤬ ꤔꤢꤪ꤭ꤥ꤬ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤞꤤꤕꤜꤢꤪ꤬ ꤞꤤꤘꤥ꤭ꤞꤤꤍꤢ꤬, ꤚꤣꤧ꤬ ꤔꤢꤪ꤭ꤘꤣꤧꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤋꤢꤧꤞꤤꤘꤥ꤭ ꤢ꤬ ꤒꤢꤩ꤬ꤏꤢꤧ꤬ꤜꤢꤧ꤬ ꤢ꤬ꤞꤤꤕꤜꤢꤪ꤬ ꤗ꤫ꤢ꤬ꤔꤤꤔꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤢꤨ꤭ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤤ꤮꤯

ꤡꤛꤢꤩ꤭ꤗꤢ꤬ꤎꤣ꤬ 1:1

ꤠꤢꤧ꤭ ꤗꤢ꤬ ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬, ꤠꤢꤧ꤭ ꤓꤝꤢ꤭ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣ꤬ꤖꤚꤢꤩ꤬꤯ ꤠꤢꤧ꤭ ꤟꤢꤩꤗꤥ꤬ꤟꤢꤩꤚꤢꤧ ꤡꤝꤢ ꤕ꤫ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤊꤜꤝꤤ꤭ꤜꤢꤧ꤭ ꤏꤣꤧꤔꤣꤧ꤭ꤗ꤫ꤥ꤬ ꤘꤣ ꤢ꤬ ꤡꤝꤢꤥ꤬ꤕꤣꤧ꤬ꤏꤤ꤭ ꤜꤢ꤭ꤋꤢꤧ꤭ ꤘꤣ ꤜ꤫ꤢꤩ꤬ꤥ꤬ ꤕꤝꤢ꤭꤮ ꤒꤣ꤬ꤖꤥ꤬ ꤒꤣꤧ꤬ꤟꤢꤩ꤬ ꤢ꤬ꤥ꤬꤯

ꤡꤛꤢꤩ꤭ꤗꤢ꤬ꤎꤣ꤬ 3:17

ꤗꤢ꤬ꤔꤢꤧꤚꤣꤧ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤡ꤫ꤢꤧ꤬ ꤘꤣ ꤢ꤬ ꤥ꤬ ꤘꤣ ꤗꤢꤪꤋꤢꤨ꤬ ꤟꤢꤧ꤭ ꤟꤢꤩꤔꤣꤧ꤬ꤗꤢ꤬ ꤢ꤬ ꤕꤜꤤ꤭ꤖꤥ ꤚ꤫ꤣꤧ꤬ꤜꤣ ꤕꤢ꤭, ꤓꤥ꤭ꤕꤢ꤭ꤚꤣꤧ꤬ ꤢ꤬ ꤘꤣꤧ ꤥ꤬ꤓꤢꤧ꤬ꤘꤢꤦ꤬ ꤒꤢꤩ꤬ꤗꤥ꤬ꤒꤢꤩ꤬ꤊꤜꤢꤩ꤭, ꤒꤢꤩ꤬ꤒꤣꤧ꤬ꤔꤢꤩ꤬ ꤡ꤫ꤢꤧ꤬ꤕ꤫ꤢꤩ꤬ ꤘꤣ ꤢꤨ꤭ꤑꤢꤩ꤭, ꤞꤤꤕꤜꤢꤪ꤬ꤥ꤬ ꤔ꤫ꤤ꤬ꤘꤢ꤭ ꤢꤨ꤭ ꤒꤢꤩ꤬ꤟꤢꤩꤙꤢꤩ꤬, ꤜꤣꤙꤢ꤭ ꤔꤢꤧ ꤒꤢꤩ꤬ꤞꤤꤛꤢꤪ꤬ ꤔꤢꤧ ꤗꤢꤩ꤬ꤒꤢꤩ꤬ꤚꤢꤧ ꤒꤣꤧ꤬ꤟꤢꤩ꤬, ꤗꤢꤧꤘꤢꤨ꤬ ꤗꤢꤧꤕꤣꤧ꤬ꤒꤤ ꤢꤨ꤭ ꤒꤥ꤬, ꤓꤥ꤭ꤚꤣꤧ꤬ ꤒꤢꤩ꤬ꤊꤜꤝꤢ ꤗꤢꤩ꤬ꤋꤢꤗꤢꤩ꤬ꤋꤥ꤬ ꤒꤣꤧ꤬ꤟꤢꤩ꤬ ꤥ꤬ ꤒꤥ꤬꤯

ꤡꤛꤢꤩ꤭ꤗꤢ꤬ꤎꤣ꤬ 4:2

ꤞꤤ꤭ ꤞꤤꤛ꤫ꤢꤦ꤬ ꤒꤢꤩ꤬ ꤚꤣꤧ꤬ ꤞꤤ꤭ ꤔ꤫ꤤ꤬ꤙꤢꤩ꤬ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤞꤤ꤭ ꤗꤢꤩ꤬ꤞꤣꤧ꤭ ꤊꤣꤧ꤬ꤛꤢꤧ꤭꤯ ꤞꤤ꤭ ꤞꤤꤛ꤫ꤢꤦ꤬ꤞꤤꤜꤢꤪ꤭ ꤒꤢꤩ꤬ ꤚꤣꤧ꤬ ꤞꤤ꤭ ꤔ꤫ꤤ꤬ꤙꤢꤩ꤬ꤡ꤫ꤢꤧ꤬ ꤒꤢꤩ꤬ꤒꤣ꤬ꤡꤣ꤬꤮ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ꤊꤛꤢꤞꤤ꤭ꤒꤣꤧ꤬ꤍꤢ꤭ ꤋꤛꤢ꤭ꤜꤢꤨ꤭꤯ ꤞꤤ꤭ ꤊꤝꤤ꤭ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤞꤤꤛ꤫ꤢꤦ꤬ ꤒꤢꤩ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤞꤤ꤭ ꤔ꤫ꤤ꤬ꤙꤢꤩ꤬ ꤡ꤫ꤢꤧ꤬ ꤊꤣꤧ꤭ꤢꤨ꤭ ꤒꤥ꤬꤯

เปโตร อาเหร่อเล๊อ ต๊าบ่า 3:8

ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩ ꤕ꤫ꤥ꤬ ꤞꤤ꤭ ꤘꤣꤋꤛꤢ꤭ꤜꤣ ꤔꤢꤧ, ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤒꤥ꤭ꤙꤢꤩ꤬ ꤥ꤬ꤜꤢꤨ꤭ ꤔꤢꤧ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣ꤬ꤡꤣ꤬ꤡꤢꤦ꤭, ꤒꤢꤩ꤬ꤘꤢꤧ꤬ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤒꤣ꤬ꤡꤣ꤬ꤡꤢꤦ꤭ ꤔꤤ꤮꤯ ꤗꤥ꤬ ꤚꤣꤧꤘꤢꤦ꤬ ꤊꤣꤧ꤭ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤟꤢꤨ ꤕ꤫ꤥ꤬ꤠ꤫ꤢꤧ꤬ ꤔꤣꤧ꤬ ꤔꤤ꤮꤯ ꤞꤤꤛꤢꤪ꤬ ꤚꤣꤧꤘꤢꤦ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤚꤣꤧ꤬ ꤏꤢꤧ꤬ꤜꤢꤧ꤬ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤤ꤮꤯

ꤛꤢꤨꤘꤢ꤬ 1:3

ꤠꤢꤧ꤭ ꤋꤥ꤭ꤙꤢꤧꤞꤝꤢꤗꤥ꤬ ꤞꤤ꤭꤮, ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤘꤣ ꤕꤢꤩ꤬ ꤜꤢꤪ꤭꤮ ꤕꤜꤤ꤬ ꤔ꤫ꤤ꤬ꤙꤢꤩ꤬ ꤚ꤫ꤥ꤬ꤜꤢꤪ꤭ ꤜꤢꤨ꤭ ꤣꤧ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬, ꤠꤢꤧ꤭ ꤞꤤꤛ꤫ꤢꤦ꤬ ꤚꤢ꤭ꤡꤝꤢ ꤔꤢꤧ꤬ꤡꤣꤧ ꤕ꤫ꤢꤩ꤬ ꤞꤤ꤭ ꤒꤣꤧ꤬ꤘꤢꤦꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤗꤢꤧꤓ꤫ꤣꤧ꤬ ꤔꤢꤧ ꤠꤢꤧ꤭ ꤙꤢꤩ꤬ ꤚꤢ꤭ꤡꤝꤢꤋꤥ ꤒꤣꤧ꤬ꤕꤜꤢꤩ꤬ ꤜꤢ꤭ꤒꤢꤩ꤬ ꤕ꤫ꤢꤩ꤬ ꤞꤤ꤭ ꤘꤣ ꤢ꤬ꤚꤥ꤬ ꤒꤣ꤬ꤡꤣ꤬꤯ ꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤚꤣꤧ ꤞꤤ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤒꤣ꤬ꤖꤥ ꤘꤣꤧꤒꤢ꤭ ꤓꤥ꤭ꤕꤜꤢꤦꤜꤥ꤬ ꤕ꤫ꤢꤩ꤬ꤟꤣꤧ ꤔꤢꤧ ꤜꤢꤪ꤭ ꤢ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤚꤣꤧꤘꤢꤦ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤ꤭ ꤊ꤫ꤢꤦ꤬ ꤏꤢꤒꤣꤧ꤬ꤔꤢꤧ꤭ ꤏꤢꤦ꤬ꤚꤢꤧ ꤢ꤬ ꤔꤤ꤮꤯