ทิโมธี เนอบ่า ต๊าบ่า 2:19 - Eastern Kayah Shadaw Dialect

¹⁹ ꤗꤢ꤬ꤔꤢꤧꤚꤣꤧ꤬ ꤢꤨ꤭ ꤗꤢꤩ꤬ ꤊꤣꤧ꤬ꤛꤥ꤭ꤡ꤫ꤢꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤊꤢꤧ꤭ꤏꤢ ꤊꤜꤢꤪ꤬ꤗꤢ꤬ ꤣꤧ꤭ꤔꤣꤧ꤬ ꤒꤥ꤬꤯ ꤘꤣ ꤒꤢꤩ꤬ꤊꤢꤧ꤭ꤏꤢ ꤣꤧ꤭ ꤢ꤬ꤜꤥ꤬ꤔꤣꤧ꤬ ꤢꤨ꤭ ꤚꤢ꤭ꤥ꤬ ꤔꤢꤧ, “ꤙꤢꤧ꤬ꤡꤢꤩ꤬ ꤞꤤꤑꤢꤩ꤭ ꤚꤣꤧꤘꤢꤦ꤬ ꤢ꤬ꤊꤣꤧ꤬ꤛꤢꤧ꤭” ꤚꤣꤧ꤬ “ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤟꤢꤩ ꤔꤢꤧ ꤠꤢꤧ꤭ ꤗꤢ꤬ ꤙꤢꤧ꤬ꤡꤢꤩ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ꤗꤢ꤬, ꤢ꤬ ꤒꤥ꤭ꤙꤢꤩ꤬ ꤒꤣꤧ꤬ꤚꤤ ꤡꤝꤢꤋꤥꤊꤢꤧ꤭ ꤢ꤬ꤔ꤫ꤢꤩ꤬ ꤔꤢꤧ ꤒꤢꤩ꤬ꤞꤢꤦ ꤣꤧ꤭ꤔꤣꤧ꤬꤯”

ลีเทส่อพ๊าอาเซ เร๊อ เห่ขุทวาลู๊

¹⁹ หม่าแน๊เรอ อู เม โกโยแจ่ เน๊อ จอแปแหร่ อา เตแก่ช๊า อาหม่าอากลอ เออเนอ โต่. เด๊อ เตแก่ช๊า เออ อาโอ่เนอ อู ราโอ่ เน๊อ, “แบ่เจ่ ซิเง เกอเร๊อดื่อ อาแกแย” เร๊อ “แกแย ปว๋า เตเพร เด๊อ อา เฮ๊ เร๊อ แว หม่า แบ่เจ่ อาแกแย เต๊เห่เนอหม่า, อา โตเบ่ ตีรี๊ จว๊าโค๊แก อาเหน่ เร๊อ เตซื๊อ เออเนอ.”

ทิโมธี เนอบ่า ต๊าบ่า 2:19 Iomraidhean Croise

มัทธิว 24:24

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤖꤚꤢꤩ꤬ꤊꤜꤝꤢ꤬ ꤜꤣꤧ꤬ꤟꤥ꤭ ꤟꤢꤨ ꤋꤚꤤꤔꤣꤧ꤬ ꤔꤢꤧ ꤖꤚꤢꤩ꤬ꤊꤜꤝꤢ꤬ ꤜꤣꤧ꤬ꤟꤥ꤭ ꤟꤢꤨ ꤖꤚꤢꤩ꤬ꤖꤚꤥ꤬ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤥ꤬ꤓꤢꤧ꤬ ꤢꤩꤜꤥ꤬ ꤕꤢ꤭꤯ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤗꤢꤩ꤬ꤜꤥ꤭ ꤡ꤫ꤢꤧ꤬ ꤕ꤫ꤢꤩ꤬ ꤢꤨ꤭ ꤒꤢꤩ꤬ ꤘꤣ ꤢ꤬ ꤓꤢꤩ꤬ꤒꤣꤧ꤬ꤕꤢ꤬ ꤡꤣꤧ ꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤋꤥꤒꤣꤧ꤬ꤊꤜꤤ ꤒꤣꤧ꤬ꤟꤢꤩ꤬ ꤕꤢ꤭꤯ ꤢ꤬ ꤊꤢꤩ꤬ ꤗꤢꤩ꤬ꤡ꤫ꤢꤧ꤬ ꤟꤢꤩꤔꤣꤧ꤬ꤗꤢ꤬ ꤢ꤬ ꤞꤤꤛ꤫ꤢꤦ꤬ ꤢꤩꤜꤢ꤬ꤜꤣꤧ꤬ꤟꤥ꤭ ꤔ꤫ꤤ꤬ ꤡꤣꤧ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤖꤛꤢ ꤓꤥ꤭ꤟꤣꤧ ꤜꤢꤨ꤭ ꤔꤣꤧ꤬ ꤒꤣꤧ꤬ꤟꤢꤩ꤬ꤡꤣꤧ꤯

มัทธิว 28:19

ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬, ꤠꤢꤧ꤭ ꤟꤢꤩ ꤞꤤ꤭꤮, ꤡꤝꤢ ꤜꤢ꤭ꤋꤢꤧ꤭ ꤘꤣ ꤊꤣꤧ꤬ꤛꤢꤧ꤭ ꤗꤤ꤭ꤡꤣ꤬ ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤚꤣꤧ꤬ ꤡꤝꤢꤗꤢꤩ꤬ ꤓꤝꤢ꤭ꤓꤢꤧ꤬ ꤛꤢꤩ꤬ꤞꤤ꤭ ꤔꤢꤧ ꤠꤢꤧ꤭ ꤋꤥ꤭ꤖꤢꤨꤡ꤫ꤢꤩ꤬ ꤔꤤ꤮꤯ ꤡꤝꤢ ꤡꤢꤩ꤬ ꤕ꤫ꤢꤩ꤬ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤗꤝꤤ꤭, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤢ꤬ꤗꤝꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤗꤝꤤ꤭ ꤔꤤ꤮꤯

มัทธิว 7:23

ꤙꤣꤧꤔꤣꤧ꤬ ꤢ꤬ꤋꤢꤩ꤭ꤕꤢ꤭ ꤠꤢꤧ꤭ ꤊ꤫ꤢꤦ꤬ ꤟꤢꤩꤜꤤ꤭ꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, ‘ꤠꤢꤧ꤭ ꤞꤤꤑꤢꤩ꤭ꤔꤢꤪ ꤞꤤ꤭ ꤒꤣꤧ꤬ꤋꤢꤧ꤮ ꤒꤥ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤞꤤ꤭꤮ ꤓꤢꤩ꤬ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤛꤢ꤬ ꤔꤢꤧ ꤠꤢꤧ꤭꤯’”

มัทธิว 7:25

ꤊ꤫ꤢꤩ꤬ꤡꤢꤦ꤭ꤘꤢꤨ꤬ꤟꤢꤧ꤭ ꤓꤣꤧ꤭ꤘꤢꤨ꤬ꤓꤢꤧ꤬ꤙꤢ꤭, ꤊ꤫ꤢꤩ꤬ꤜꤣꤧ꤬ꤞꤢꤩ ꤜꤣꤧ꤬ꤜꤢꤧ꤭ꤘꤢꤨ꤬ ꤟꤢꤧ꤭ꤙꤢꤩ꤬ ꤟꤤ꤬ꤣꤧ꤭ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤜꤣꤧ꤬ꤋꤢꤦꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢꤨ꤭ ꤤ꤬ꤏꤢꤪꤓꤢꤧ꤬ ꤢ꤬ ꤘꤣ ꤜ꤫ꤢꤪ꤬ꤋꤢꤨ꤬꤯

ꤗꤢ꤬ꤊꤢꤨ 12:16

ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤧ꤭ꤘꤣꤧ ꤜꤢꤨ꤭ ꤚꤢꤦ꤭ꤛꤢ꤬ ꤘꤢꤩ꤬ꤔꤢ꤬ꤚꤤ ꤔꤣꤧ꤬ꤒꤣ꤬ꤙꤢꤩ꤬ ꤚꤣꤧ꤬ ꤢ꤬ ꤘꤣꤧꤟꤣꤧ꤭ ꤛꤢꤩ꤬ꤞꤤ꤭ ꤔꤢꤧ, “ꤣꤧ꤭ꤗꤢ꤬ ꤢꤨ꤭ꤕꤢꤩ꤭ ꤊꤢꤨ꤬ꤊꤜꤢꤪꤛ꤫ꤢꤧ꤬ꤛꤥ꤬ ꤕꤢꤩ꤭? ꤢ꤬ ꤚꤢ꤭ꤥ꤬ ꤔꤢꤧ ꤢꤨ꤭ꤕꤢꤩ꤭ ꤢ꤬ꤗꤝꤤ꤭ꤕꤢꤩ꤭?” ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤋꤝꤤ ꤢ꤬ ꤊꤢꤨ꤬ꤊꤜꤢꤪꤛ꤫ꤢꤧ꤬ꤛꤥ꤬ ꤔꤢꤧ ꤋꤝꤤ ꤢ꤬ꤗꤝꤤ꤭꤯”

ꤗꤢ꤬ꤊꤢꤨ 13:22

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊꤜꤝꤢ꤬ꤜꤣꤧ꤬ꤟꤥ꤭ ꤢ꤬ꤔ꤫ꤢꤩ꤬ ꤟꤢꤨ ꤋꤚꤤ ꤘꤣ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊꤜꤝꤢ꤬ꤜꤣꤧ꤬ꤟꤥ꤭ ꤢ꤬ꤔ꤫ꤢꤩ꤬ ꤟꤢꤨ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤥ꤬ꤜꤥ꤭ꤓꤢꤧ꤬ ꤕꤢ꤭꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤢꤩꤜꤢ꤬ꤜꤣꤧ꤬ꤟꤥ꤭ ꤔ꤫ꤤ꤬ꤒ꤫ꤥ꤬ ꤊꤣꤧ꤭ꤘꤢꤦ꤬ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤓꤥ꤭ꤟꤣꤧ ꤜꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤛꤢꤩ꤬ꤞꤤ꤭ ꤊꤢꤩ꤬ ꤗꤢꤩ꤬ꤡ꤫ꤢꤧ꤬ ꤟꤢꤩꤚꤣꤧ꤬, ꤢ꤬ ꤊ꤫ꤢꤦ꤬ ꤗꤢꤩ꤬ꤜꤥ꤭ꤓꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤋꤥꤒꤣꤧ꤬ꤊꤜꤤ ꤒꤣꤧ꤬ꤟꤢꤩ꤬ ꤔꤢꤧ ꤢ꤬ꤒꤢꤩ꤬ꤗꤢꤩ꤬ ꤒꤣꤧ꤬ꤕꤢ꤬ ꤋꤛꤢꤛꤢꤦ ꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

ꤜꤢꤨꤊꤢ꤬ 13:27

“ꤗꤢ꤬ꤔꤢꤧꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤩꤏꤢꤦ꤬ ꤕ꤫ꤥ꤬ ꤞꤤ꤭ ꤔꤢꤧ, ‘ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤙꤣꤧꤒꤢꤩ꤭ ꤔꤣꤧ꤬ ꤠꤢꤧ꤭ ꤞꤤꤑꤢꤩ꤭ꤔꤢꤪ ꤞꤤ꤭ ꤒꤥ꤬꤯ ꤜꤢꤪ꤭ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ, ꤓꤢꤩ꤬ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤛꤢ꤬ ꤜꤢ꤭ꤋꤢꤧ꤭ ꤔꤢꤧ ꤠꤢꤧ꤭ ꤔꤣꤧ꤬꤯’

ꤜꤢꤨꤊꤢ꤬ 6:48

ꤢ꤬ ꤞꤢꤧꤟꤣꤧꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤤ꤬ꤏꤢꤪꤓꤢꤧ꤬ ꤟꤤ꤬ ꤚꤣꤧ꤬, ꤢ꤬ ꤋꤢꤦ꤬ꤒꤢ꤭ ꤛꤢꤧ꤭ꤛꤢꤧ꤭ ꤟꤢꤩ꤬ꤊꤢꤨ꤭ ꤚꤣꤧ꤬ ꤢ꤬ ꤙꤢꤧ ꤟꤤ꤬ꤊꤢꤧ꤭ꤏꤢ ꤔꤢꤧ ꤜ꤫ꤢꤪ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯ ꤓꤣꤧ꤭ꤘꤢꤨ꤬ꤓꤢꤧ꤬, ꤓꤣꤧ꤭ꤒꤣꤧ꤬ꤚꤢꤧ꤬ ꤟꤢꤧ꤭ꤏꤢꤙꤢꤩ꤬ ꤟꤤ꤬ꤣꤧ꤭ ꤒꤣ꤬ꤗꤢꤩ꤭ ꤒꤣꤧ꤬ꤘꤢꤦꤚꤣꤧ꤬ ꤢꤨ꤭ ꤜꤢ꤭ ꤤ꤬ꤏꤢꤪꤜꤢꤧ꤬ ꤊꤜꤢꤪ꤬ꤗꤢ꤬ꤚꤢꤧ ꤢ꤬ ꤘꤣ ꤜ꤫ꤢꤪ꤬ꤜꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤊꤣꤧ꤬ꤛꤥ꤭ ꤕ꤫ꤢꤩ꤬ꤒꤥ꤬꤯

ꤛꤥ꤭ꤟꤢ꤬ 10:14

“ꤠꤢꤧ꤭ ꤗꤢ꤬ ꤖꤚꤢꤩ꤬ꤊꤢꤩ꤭ꤞꤤꤗꤤ꤬ ꤘꤣ ꤢ꤬ꤚꤢꤧ ꤒꤣ꤬ꤖꤚꤢꤩ꤬꤯ ꤠꤢꤧ꤭ ꤞꤤꤑꤢꤩ꤭ ꤠꤢꤧ꤭ ꤞꤤꤗꤤ꤬ ꤚꤣꤧ꤬ ꤠꤢꤧ꤭ ꤞꤤꤗꤤ꤬ ꤞꤤꤑꤢꤩ꤭ ꤠꤢꤧ꤭꤯

ꤛꤥ꤭ꤟꤢ꤬ 13:18

“ꤠꤢꤧ꤭ ꤞꤤ ꤟꤢꤩ ꤜꤢꤪ꤭ꤕꤜꤤ꤭ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤜꤢꤪ꤭ ꤞꤤ꤭ ꤘꤣ ꤠꤢꤧ꤭ ꤔꤝꤢꤓꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤠꤢꤧ꤭ ꤞꤤꤑꤢꤩ꤭ ꤚꤣꤧꤘꤢꤦ꤬ ꤜꤢꤪ꤭ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤞꤢꤧꤟꤢꤨ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩꤥ꤬ꤔꤢꤩ꤬ ꤊ꤫ꤢꤦ꤬ ꤜꤣꤙꤢ꤭ꤓꤢꤧ꤬ ꤢ꤬ꤑꤢꤩ꤭ꤔꤣꤧ꤬, ‘ꤊꤣꤧ꤬ꤛꤢꤧ꤭ ꤘꤣ ꤢ꤬ ꤢꤩ꤬ꤒ꤫ꤣ꤬ꤥ꤭ꤒ꤫ꤣ꤬ꤊꤣꤧ꤭ ꤒꤢꤩ꤬ ꤔꤢꤧ ꤠꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤞꤤꤓꤢꤩ꤬ ꤠꤢꤧ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤤ꤬ꤏꤢꤩ꤭ꤒꤢ꤭ꤊꤢꤧ꤭ꤟꤣꤧ ꤠꤢꤧ꤭ ꤟꤣꤧ꤯’

ꤛꤥ꤭ꤟꤢ꤬ 3:33

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤘꤢ꤭ ꤖꤛꤢꤏꤢꤦ꤬ ꤜꤢꤨ꤭ ꤒꤢꤩ꤬ꤟꤢꤩꤏꤥ꤬ꤜꤥ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ ꤒꤢ꤭ꤒꤢꤩ꤬ ꤜꤢ꤭ꤋꤢꤧ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤢ꤬ꤗ꤫ꤢ꤬ꤢ꤬ꤡꤢꤪ꤯

เพรโด่แนพู๊ เต๊เห่ 11:26

ꤙꤣꤧ ꤢ꤬ ꤗꤢꤧꤓ꤫ꤣꤧ꤬ ꤜꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤢꤩꤊꤢ꤬ꤔ꤫ꤤ꤬ ꤜꤢꤨ꤭ ꤘꤣ ꤠꤤ꤭ꤢ꤬ꤒꤤ꤬ꤢꤪ꤬꤯ ꤚꤣꤧ꤬ ꤛꤢꤩ꤬ꤞꤤ꤭ ꤣꤧ꤭ꤞꤤꤔꤣꤧ꤭ ꤊꤢ꤬ꤥ꤬ꤊꤢꤨ ꤗꤢꤧꤓ꤫ꤣꤧ꤬ ꤒꤢ꤭ꤏꤢꤦ꤬ ꤔꤢꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤙꤣꤧꤔꤣꤧ꤬ ꤒꤣꤧ꤬ꤟꤢꤩ꤬ ꤒꤣ꤬ꤔꤢ꤬ ꤟꤢꤧ꤭ ꤡꤣꤧ꤯ ꤚꤣꤧ꤬ ꤢ꤬ ꤤ꤬ꤞꤝꤢꤤ꤬ꤞꤢꤧ꤬ꤒꤢ꤭ ꤔ꤫ꤤ꤬ꤢꤩꤜꤥ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤥ꤬ꤙꤣꤧꤔꤣꤧ꤬ ꤒꤣꤧ꤬ꤟꤢꤩ꤬꤯ ꤢꤨ꤭ ꤢꤩꤚ꤫ꤣꤧ꤬ꤜꤣ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤋꤚꤤꤖꤢꤨ ꤗꤢ꤬ ꤙꤣꤧ ꤠꤤ꤭ꤢ꤬ꤒꤤ꤬ꤢꤪ꤬ ꤣꤧ꤭ꤔꤣꤧ꤬ ꤟꤣꤧ꤯

เพรโด่แนพู๊ เต๊เห่ 15:17

ꤞꤢꤧꤟꤢꤨ ꤜꤢꤪ꤭ ꤖꤚꤢꤩ꤬ꤜꤢꤨ꤬ꤟꤢꤩ꤬ꤋꤢꤨ꤬ꤖꤢꤨ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤘꤣ ꤠꤢꤧ꤭ ꤢꤩ ꤓꤥ꤭ꤟꤣꤧ ꤛꤢꤩ꤬ꤞꤤ꤭ ꤔꤢꤧ ꤠꤢꤧ꤭ꤗꤝꤤ꤭ ꤘꤣ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤔ꤫ꤤ꤬ꤜꤢꤪ꤭ꤘꤢꤦ꤬ ꤠꤢꤧ꤭ ꤒꤢꤩ꤬ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤟꤢꤧ꤭ꤜꤢꤪ꤭ꤘꤢꤦ꤬ ꤘꤣ ꤠꤢꤧ꤭ꤥ꤬ ꤕꤢ꤭꤯

เพรโด่แนพู๊ เต๊เห่ 9:14

ꤓꤥ꤭ꤒꤥ꤬, ꤢ꤬ ꤟꤢꤧ꤭ ꤘꤣ ꤠꤤ꤭ꤘꤢ꤬ꤗꤢ꤬ꤎꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤟꤢꤧ꤭ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ꤕ꤫ꤢꤦ꤬ ꤜꤢꤪ꤭ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤢꤪꤙꤢꤩ꤭ ꤔꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤘꤣꤧ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤗꤢꤩ꤭꤯”

ꤚꤥꤗꤢꤩ꤬ 11:2

ꤡꤢꤪꤗꤣꤧ꤬ꤚꤢꤧ꤬ ꤠꤤ꤭ꤊꤢꤧ꤭ ꤔꤢꤧ ꤢ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔꤝꤢꤓꤢꤧ꤬ ꤓꤥ꤭ꤟꤣꤧ ꤛꤢꤩ꤬ꤞꤤ꤭ ꤘꤣ ꤊꤣꤧ꤬ꤜꤢꤨꤋꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤒꤥ꤬꤯ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤊꤢꤨ꤭ ꤟꤢꤩ ꤖꤚꤢꤩ꤬ꤖꤚꤥ꤬ ꤢꤩꤜꤤ꤬ꤛꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤔꤣꤧ꤬ꤗꤢ꤬ ꤞꤤ꤭ ꤞꤤꤑꤢꤩ꤭ ꤔꤢꤧ꤭ ꤒꤥ꤬ ꤟꤢꤧ꤭? ꤢ꤬ ꤕꤣꤧ꤬ꤥ꤭ꤕꤣꤧ꤬ꤏꤢꤩ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤢ꤬ꤗꤤ꤭ꤡꤣ꤬ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤚꤣꤧ꤬ ꤢ꤬ ꤟꤢꤩ ꤔꤢꤧ,

ꤚꤥꤗꤢꤩ꤬ 12:9

ꤗꤥ꤬ꤋꤢꤗꤥ꤬ꤋꤥ꤬ ꤒ꤫ꤢꤧ꤬ ꤢꤨ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤤꤛ꤫ꤢꤪ꤬ꤊꤢꤧ꤭ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤤ꤮꤯ ꤘꤤꤊꤜꤢ꤭ ꤗꤢ꤬ꤔ꤫ꤤ꤬ꤚꤢꤧ ꤜꤢ꤭ꤋꤢꤧ꤭ ꤒꤢꤩ꤬ꤚꤢꤧ ꤔꤤ꤮꤯

ꤚꤥꤗꤢꤩ꤬ 15:20

ꤣꤧ꤭ꤗꤢ꤬ ꤗ꤫ꤢ꤬ꤟꤣꤧ ꤒꤢꤩ꤬ ꤘꤣ ꤠꤢꤧ꤭ ꤞꤤꤛ꤫ꤢꤦ꤬ ꤗꤢꤧꤏꤢꤦ꤭ ꤗꤢꤩ꤬ ꤔꤣꤧ꤬ꤟꤣꤧ꤯ ꤜ꤫ꤢꤩ꤬ꤥ꤬ ꤙꤣꤧꤒꤢꤩ꤭꤮ ꤒꤣ꤬ꤖꤥ꤬ ꤙꤢꤩ꤬ꤙꤢꤩ꤬ ꤘꤣ ꤢ꤬ ꤔ꤫ꤤ꤬ꤟꤥ꤭ꤜꤢ꤭ꤟꤤ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤒꤥ꤬ ꤔꤣꤧ꤬ ꤠꤢꤧ꤭ ꤘꤥ꤬ꤔꤢꤧ꤭ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ꤞꤢꤧꤔꤢꤧ ꤟꤤ꤬ꤒꤣ꤬ꤗꤢꤩ꤭ ꤘꤣ ꤢꤨ꤭ ꤙꤢꤧꤒꤢ꤭ ꤓꤥ꤭ꤟꤣꤧ ꤢ꤬ꤋꤢꤧꤘꤥ꤬ ꤊꤢꤧ꤭ꤘꤢꤩ꤭ ꤔꤢꤧ ꤜ꤫ꤢꤪ꤬ꤔꤣꤧ꤬, ꤠꤢꤧ꤭ ꤞꤤꤛ꤫ꤢꤦ꤬ ꤡꤝꤢ ꤤ꤬ꤏꤢꤪꤓꤢꤧ꤬ ꤘꤤ꤭ꤒ꤫ꤢꤦ꤬ ꤔꤢꤧ ꤢꤨ꤭ꤜ꤫ꤢꤩ꤬ꤊꤜꤥ꤭ ꤘꤣ ꤢꤨ꤭ ꤙꤢꤧꤒꤢ꤭ ꤓꤥ꤭ꤟꤣꤧ ꤣꤧ꤭ ꤢ꤬ ꤜ꤫ꤥ꤬ ꤔꤢꤧꤒꤥ꤬꤯

ꤚꤥꤗꤢꤩ꤬ 15:9

ꤓꤥ꤭ꤒꤥ꤬, ꤞꤢꤧꤟꤢꤨ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤛꤢꤪ꤬ ꤚꤣꤧꤊꤣꤧ꤭ ꤛꤢꤩ꤬ꤞꤤ꤭ ꤣꤧ꤭ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤋꤚꤤ ꤟꤢꤧ꤭ꤜꤢꤧ꤬ ꤕ꤫ꤢꤩ꤬ ꤒ꤫ꤥ꤬ꤊꤣꤧ꤭ ꤛꤢꤩ꤬ꤞꤤ꤭ꤑꤢꤩ꤭ꤑꤢꤩ꤭꤯ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, “ꤟꤢꤨꤔꤣꤧ꤬ꤚꤣꤧ꤬, ꤠꤢꤧ꤭ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤔꤢꤧ꤬ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤕꤢ꤭, ꤠꤢꤧ꤭ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤔꤢꤧ꤬ ꤔꤢꤧ ꤠꤢꤧ꤭ ꤒꤢꤩ꤬ꤤ꤬ꤚꤥ꤭ ꤞꤤ꤭ꤒꤣꤧ꤬ꤟꤢꤩ꤬ ꤕꤢ꤭꤯”

ꤚꤥꤗꤢꤩ꤬ 8:28

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤥ꤬ ꤡꤢꤪꤗꤣꤧ꤬ꤚꤢꤧ꤬, ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢꤩ ꤜꤢꤨ꤭ ꤔꤢꤧ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤗꤢꤧꤏꤢꤦ꤭ ꤥ꤬ꤔꤢꤩ꤬ ꤢ꤬ꤑꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤒꤢꤩ꤬ꤗꤢꤩ꤬ꤓꤝꤢ꤭ꤓꤢꤧ꤬ ꤢ꤬ꤔ꤫ꤢꤩ꤬ ꤔꤢꤧ ꤛꤢꤩ꤬ꤞꤤ꤭ ꤟꤢꤨꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤕ꤫ꤢꤩ꤬ ꤒꤢꤩ꤬ꤚꤢꤧ ꤘꤣ ꤛꤢꤩ꤬ꤞꤤ꤭ ꤢ꤬ꤑꤢꤩ꤭ꤖꤢꤧ ꤔꤣꤧ꤬ꤗꤢ꤬, ꤕꤢꤩ꤬ ꤞꤤꤑꤢꤩ꤭ ꤖꤢꤧ꤯

ꤚꤥꤗꤢꤩ꤬ 9:11

ꤙꤣꤧ ꤢ꤬ꤖꤢꤨ ꤘꤤ꤭ꤋꤛꤢ꤭ ꤣꤧ꤭ꤞꤤꤔꤣꤧ꤭ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤒꤢꤧ꤬ꤜꤢ꤭ꤟꤤꤒꤥ꤬ ꤢ꤬ꤋꤢꤩ꤭, ꤓꤥ꤭ꤚꤣꤧ꤬ ꤙꤣꤧ ꤢ꤬ꤖꤢꤨ ꤣꤧ꤭ꤞꤤꤔꤣꤧ꤭ ꤗꤢꤩ꤬ ꤒꤢꤧ꤬ꤜꤢ꤭ꤟꤤ ꤒꤢꤩ꤬ꤞꤢꤦ ꤔꤢꤧ ꤒꤢꤩ꤬ꤚꤢꤧ ꤜꤢ꤭ꤟꤤꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤟꤢꤩꤥ꤬ꤔꤢꤩ꤬ ꤚ꤫ꤣꤧ꤬ ꤢ꤬ꤗ꤫ꤥ꤬ ꤔꤢꤧ, “ꤢ꤬ꤠ꤫ꤢꤧ꤬ꤖꤚ꤫ꤢꤩ꤬ ꤒꤣ꤬ꤖꤚꤢꤩ꤬ ꤙꤢꤩ꤬ꤚꤢꤧ꤬ ꤕ꤫ꤢꤩ꤬ ꤢ꤬ꤕ꤫ꤥ꤬ꤔꤣꤧ꤬ꤒꤣ꤬ꤖꤚꤢꤩ꤬ ꤢ꤬ꤒꤢꤩ꤬ꤗꤢꤩ꤬ ꤕꤢ꤭꤯” ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤞꤤꤑꤢꤩ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤡꤢꤨ꤮ ꤘꤢꤦ꤬ ꤢ꤬ꤞꤤꤕꤜꤢꤪ꤬ ꤟꤢꤨ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤓꤥ꤭ꤟꤣꤧ ꤔꤣꤧ꤬ꤚꤣꤧ꤬, ꤢ꤬ ꤗꤢꤩ꤬ꤟꤣꤧ ꤟꤢꤨ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤣꤧ꤭ꤔꤣꤧ꤬ ꤟꤣꤧ꤯ ꤘꤣ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤗꤢꤩ꤬ꤓꤥ꤭ꤟꤣꤧ ꤒꤢꤩ꤬ꤒꤣ꤬ꤡꤣ꤬ꤡꤣ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢ꤬ ꤔꤝꤢꤓꤢꤧ꤬ ꤜꤢꤨ꤭ ꤗ꤫ꤢ꤬ꤒꤥ꤬꤯ ꤗ꤫ꤢ꤬ꤟꤢꤩꤗꤢ꤬, ꤢ꤬ ꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤊꤣꤧ꤬ꤘꤢ꤭ꤊꤢꤨ꤭ ꤚꤣꤧ꤬ ꤢ꤬ ꤔꤝꤢꤓꤢꤧ꤬ ꤚꤣꤧꤘꤢꤦ꤬ ꤜꤢꤨ꤭ ꤖꤢꤧ꤯

โครินธ์ อาเหร่อเล๊อ ต๊าบ่า 1:2

ꤕꤢꤩ꤬ ꤚꤢ꤭ꤡꤝꤢ ꤕ꤫ꤢꤩ꤬ ꤜꤤ꤬ꤣꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤥ꤬ ꤘꤣ ꤠꤤ꤭ꤊꤢ꤬ꤚꤤ꤬ꤞꤢꤨ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ ꤢ꤬ ꤥ꤬, ꤔꤢꤧ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤢꤪꤙꤢꤩ꤭ꤓꤢꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤚꤣꤧ꤬ ꤢ꤬ ꤥ꤬ ꤜꤢ꤭ꤋꤢꤧ꤭ ꤘꤣ ꤜ꤫ꤢꤩ꤬ꤥ꤬ ꤕꤝꤢ꤭꤮ ꤒꤣ꤬ꤖꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬꤯ ꤛꤢꤩ꤬ꤏꤛꤢꤨ ꤣꤧ꤭ꤔꤣꤧ꤬, ꤕꤢꤩ꤬ ꤙꤢꤧ꤬ꤡꤢꤩ꤬ ꤗꤢ꤬ ꤢ꤬ꤗ꤫ꤢ꤬ꤗ꤫ꤢ꤬, ꤛꤢꤩ꤬ꤞꤤ꤭ ꤙꤢꤧ꤬ꤡꤢꤩ꤬ ꤗꤢ꤬ ꤢ꤬ꤗ꤫ꤢ꤬ꤗ꤫ꤢ꤬꤯ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤓꤝꤢ꤭ꤓꤢꤧ꤬ ꤟꤣꤧ ꤞꤤ꤭ ꤔꤢꤧ ꤢ꤬ꤊꤣꤧ꤬ꤛꤢꤧ꤭ ꤚꤣꤧ꤬ ꤢ꤬ ꤢꤩꤟꤣꤧ ꤞꤤ꤭ ꤘꤣ ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤢꤩꤓꤢꤧ꤬ ꤕ꤫ꤥ꤬ ꤟꤢꤨ ꤢ꤬ꤊꤣꤧ꤬ꤛꤢꤧ꤭ ꤚꤣꤧꤘꤢꤦ꤬ ꤔꤣꤧ꤬ ꤟꤣꤧ꤯

โครินธ์ อาเหร่อเล๊อ ต๊าบ่า 8:3

ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤗꤥ꤬ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤞꤤꤑꤢꤩ꤭ ꤜꤢꤨ꤭ ꤔꤢꤧ ꤢ꤬ ꤗꤢ꤬ ꤢ꤬ꤊꤣꤧ꤬ꤛꤢꤧ꤭ ꤟꤣꤧ꤯

โครินธ์ เนอบ่า ต๊าบ่า 7:1

ꤋꤥ꤭ꤙꤢꤧꤞꤝꤢ ꤞꤤ꤭꤮ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤕꤢꤩ꤬ꤑꤢꤩ꤭ ꤜꤢꤪ꤭ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬, ꤕꤢꤩ꤬ ꤊ꤫ꤢꤦ꤬ ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤕꤢꤩ꤬ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤕꤥ꤮꤯ ꤚꤣꤧ꤬ ꤘꤣ ꤕꤢꤩ꤬ ꤞꤤꤤ꤬ꤏꤢꤩ꤭ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤒꤥ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤢ꤬ꤒꤢꤩ꤬ꤞꤤꤛ꤫ꤢꤦ꤬ ꤒꤣꤧ꤬ꤟꤢꤩ꤬ ꤕꤥ꤮꤯

ꤊꤢ꤬ꤜꤢ꤬ꤒꤤ 4:9

ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤞꤤ꤭ ꤞꤤꤑꤢꤩ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤟꤣꤧ꤯ ꤠꤢꤧ꤭ ꤊ꤫ꤢꤦ꤬ ꤟꤢꤩ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤞꤤꤑꤢꤩ꤭ꤟꤣꤧ ꤞꤤ꤭ ꤟꤣꤧ꤯ ꤗꤢ꤬ꤗꤢꤩ꤬ꤒꤢꤩ꤭ꤚꤣꤧ꤬ ꤞꤤ꤭ ꤞꤤꤛ꤫ꤢꤦ꤬ ꤊꤛꤢ ꤊꤢ꤬ꤋꤛꤢ꤭ ꤕꤢ꤬ ꤘꤣ ꤟꤢꤩ꤬ꤋꤢꤨ꤬ꤔꤢꤩꤋꤢꤨ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤢ꤬ꤜ꤫ꤢꤩ꤬ꤊꤜꤥ꤭ꤜ꤫ꤢꤩ꤬ꤋꤢꤧ꤬ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤚꤣꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤥ꤬ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤜꤢꤩ꤭ ꤔꤣꤧ꤬ ꤗꤢꤩ꤬ꤒꤢꤩ꤭? ꤗꤢ꤬ ꤞꤤ꤭ ꤞꤤꤛ꤫ꤢꤦ꤬ ꤓꤝꤢ꤭ꤓꤢꤧ꤬ ꤋꤛꤢ꤭ꤞꤢꤧ ꤛꤢꤩ꤬ꤞꤤ꤭ ꤢ꤬ꤡ꤫ꤢꤦ꤬ ꤟꤢꤧ꤭?

เอเฟซัส 2:20

ꤞꤤ꤭ ꤗꤢ꤬ ꤢ꤬ꤞꤢꤧꤔꤢꤧ ꤟꤤ꤬ ꤘꤣ ꤢꤨ꤭ ꤙꤢꤧ ꤢ꤬ ꤋꤢꤧꤘꤥ꤬ꤊꤢꤧ꤭ꤏꤢ ꤔꤢꤧ ꤜ꤫ꤢꤪ꤬ ꤣꤧ꤭ꤒꤣ꤬ꤗꤢꤩ꤭ ꤔꤣꤧ꤬ꤟꤣꤧ꤯ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤔꤢꤧ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤞꤢꤧꤔꤢꤧ ꤢꤨ꤭ ꤙꤢꤧ ꤟꤤ꤬ꤓꤢꤦ꤬ ꤢ꤬ ꤋꤢꤧꤘꤥ꤬ꤊꤢꤧ꤭ꤏꤢ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ꤯ ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ꤞꤢꤧꤔꤢꤧ ꤟꤤ꤬ꤣꤧ꤭ ꤒꤣ꤬ꤗꤢꤩ꤭ ꤊ꤫ꤢꤦ꤬ꤊꤜꤢꤪ꤬ꤊ꤫ꤢꤦ꤬ꤗꤢ꤬ ꤢ꤬ꤑꤢꤩ꤭ꤔꤣꤧ꤬ ꤢ꤬ ꤗꤢ꤬ ꤢ꤬ ꤓꤝꤢ꤭ ꤖꤚꤢꤩ꤬ ꤏꤢꤒꤣꤧ꤬ꤕ꤫ꤢꤪ꤬ ꤊꤜꤢꤪ꤬ꤗꤢ꤬ ꤕ꤫ꤢꤩ꤬ ꤢꤨ꤭ ꤒꤢꤩ꤬ ꤘꤣ ꤢ꤬ ꤜ꤫ꤥ꤬ꤘꤢꤨ꤬ꤜꤣ ꤢꤨ꤭ ꤒꤣ꤬ꤖꤚꤢꤩ꤬ ꤟꤣꤧ꤯

เอเฟซัส 3:15

ꤜꤢꤪ꤭ ꤗꤢꤪꤋꤢꤨ꤬ ꤢ꤬ ꤟꤤ꤬ꤖꤢꤨꤖꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤜꤢꤪ꤭ ꤟꤢꤩ꤬ꤋꤢꤨ꤬ ꤢ꤬ ꤟꤤ꤬ꤖꤢꤨꤖꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤡꤢꤪꤗꤣꤧ꤬ꤚꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤛꤢꤩ꤬ꤞꤤ꤭ ꤢ꤬ꤖꤢꤩ꤭ ꤗ꤫ꤢ꤬ꤔꤤꤔꤢꤧ꤬ ꤒꤣ꤬ꤖꤚꤢꤩ꤬꤯

เอเฟซัส 4:30

ꤗꤢꤩ꤬ꤞꤤꤕꤜꤢꤩ꤭ ꤒ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤒ꤫ꤢꤧ꤬ꤗꤢꤩ꤬꤯ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤞꤤ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤣꤧ꤭ꤔꤣꤧ꤬ꤗꤢ꤬, ꤢ꤬ ꤞꤢꤧꤟꤣꤧ ꤔꤢꤧ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤒꤣ꤬ꤡꤣ꤬ ꤘꤣ ꤞꤤ꤭ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤥ꤬ꤒ꤫ꤣ꤬ ꤔꤢꤧ ꤞꤤ꤭ ꤒ꤫ꤥ꤬ꤘꤣ ꤡꤢꤪꤗꤣꤧ꤬ꤚꤢꤧ꤬ ꤟꤢꤧ꤭ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤞꤤ꤭ ꤕꤢ꤭ ꤔꤣꤧ꤬ꤒꤣ꤬ꤔꤣꤧ꤭ ꤕꤢ꤭꤯

ทิโมธี อาเหร่อเล๊อ ต๊าบ่า 3:15

ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤊꤢꤩ꤬ ꤟꤢꤧ꤭ ꤕꤣꤧ꤬ꤛ꤫ꤢꤩ꤬ꤜꤥ꤬ ꤟꤢꤩꤚꤣꤧ꤬ ꤕꤢꤩ꤬ ꤒꤥ꤭ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤟꤤ꤬ꤘꤢꤪꤊꤢꤪꤊꤢꤨ꤭ ꤢ꤬ꤑꤢꤩ꤭ ꤟꤢꤨꤒꤢꤩ꤭ ꤔꤣꤧ꤬, ꤠꤢꤧ꤭ ꤜꤤ꤬ꤣꤧ꤭ ꤊ꤫ꤢꤦ꤬ ꤘꤣꤧꤞꤤꤑꤢꤩ꤭ ꤔꤢꤧ꤬ ꤕꤢ꤭꤯ ꤟꤤ꤬ꤣꤧ꤭ ꤔꤣꤧ꤬ꤗꤢ꤬ ꤗ꤫ꤢ꤬ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤒꤣ꤬ꤖꤚꤢꤩ꤬ ꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤣꤧ꤭ꤔꤣꤧ꤬ꤟꤣꤧ꤯ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤘꤣꤧ ꤏꤢꤪ꤭ꤓꤢꤧ꤬ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ ꤒꤢꤩ꤬ꤤ꤬ꤞꤝꤢ ꤒꤣꤧ꤬ꤟꤢꤩ꤬ ꤘꤣ ꤢ꤬ꤞꤢꤧꤔꤢꤧ ꤟꤤ꤬ꤓꤢꤦ꤬ ꤔꤢꤧ ꤟꤤ꤬ꤊꤢꤧ꤭ꤚ꤫ꤢꤧ꤬ ꤘꤣ ꤢ꤬ ꤒꤣꤧ꤬ꤕ꤫ꤢꤪ꤬ ꤗꤢ꤬ꤚꤣꤧ ꤟꤤ꤬ꤣꤧ꤭ ꤒꤣ꤬ꤗꤢꤩ꤭ ꤔꤣꤧ꤬ꤟꤣꤧ꤯

ทิโมธี อาเหร่อเล๊อ ต๊าบ่า 6:19

ꤊꤢꤩ꤬ ꤛꤢꤩ꤬ꤞꤤ꤭ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤚꤣꤧ꤬, ꤢ꤬ ꤞꤢꤧꤟꤣꤧ ꤔꤢꤧ ꤛꤢꤩ꤬ꤞꤤ꤭ ꤘꤢꤧ꤬ꤥ꤬ꤕꤜꤢꤪ ꤚꤣꤧ ꤟꤣꤧ ꤢ꤬ ꤒꤢꤩ꤬ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤘꤣ ꤢ꤬ ꤙꤢꤧꤖꤚꤣꤧ꤭ꤙꤢꤧꤛꤢꤚꤢꤧ ꤟꤣꤧ ꤢ꤬ꤊꤢꤧ꤭ꤏꤢꤣꤧ꤭ ꤏꤢ꤮ ꤔꤥ꤬ꤕꤢ꤭ ꤒꤣ꤬ꤓꤢꤦ꤭ ꤢ꤬ꤑꤢꤩ꤭ꤔꤣꤧ꤬ꤟꤣꤧ꤯ ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤕ꤫ꤢꤦ꤬ꤗꤢ꤬ ꤚꤣꤧꤘꤢꤦ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤣꤧ꤭ꤔꤣꤧ꤬ ꤕꤢ꤭꤯

ꤟꤤꤙꤚꤢꤨ 11:10

ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤗꤢꤩ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤟꤢꤩ ꤜꤢꤨ꤭ ꤔꤣꤧ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤥ꤬ꤕ꤫ꤢꤪ꤬ ꤗꤢꤧꤏꤢꤦ꤭ꤚꤣꤧ ꤠꤤ꤭ ꤘꤣ ꤢ꤬ꤊꤢꤧ꤭ꤏꤢ ꤊꤜꤢꤪ꤬ꤗꤢ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤒꤣ꤬ꤠꤤ꤭꤯ ꤠꤤ꤭ ꤣꤧ꤭ꤒꤣꤧ꤬ꤠꤤ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤓꤥ꤭ꤟꤣꤧ ꤚꤣꤧ꤬ ꤢ꤬ ꤤ꤬ꤏꤢꤪꤓꤢꤧ꤬ ꤓꤥ꤭ꤚꤣꤧꤘꤢꤦ꤬ ꤟꤣꤧ ꤔꤢꤧ ꤢ꤬ꤔ꤫ꤢꤩ꤬꤯

เปโตร เนอบ่า ต๊าบ่า 3:14

ꤟꤢꤨꤔꤣꤧ꤬ꤚꤣꤧ꤬ ꤋꤥ꤭ꤙꤢꤧꤞꤝꤢꤗꤥ꤬ ꤞꤤ꤭꤮, ꤘꤣ ꤞꤤ꤭ ꤥ꤬ꤕ꤫ꤢꤪ꤬ꤗꤢꤧꤏꤢꤦ꤭ ꤒꤢꤩ꤬ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤒ꤫ꤢꤧ꤬ ꤞꤤ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤣꤧ꤬ꤖꤚꤥꤠꤤ ꤔꤢꤧ ꤒꤢꤩ꤬ꤞꤢꤦ ꤒ꤫ꤢꤧ꤬ꤗꤢꤩ꤬, ꤓꤥ꤭ꤚꤣꤧ꤬ ꤞꤢꤧꤟꤢꤨ ꤢ꤬ꤜ꤫ꤢꤩ꤬ꤘꤢꤧ꤬ ꤒꤢꤩ꤬ꤞꤢꤦ ꤘꤣ ꤞꤤ꤭ꤜꤥ꤬ ꤊ꤫ꤢꤦ꤬ ꤥ꤬ ꤒ꤫ꤢꤧ꤬ꤗꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤥ꤬ꤖꤚꤢꤩ꤭ꤘꤢꤦ꤭ ꤒ꤫ꤣ꤬ ꤔꤢꤧ ꤢ꤬ ꤕꤢ꤭ ꤔꤣꤧ꤬, ꤢꤧꤡꤢꤦꤢꤧꤚꤢꤩ꤬ ꤒꤣꤧ꤬ꤘꤢꤦ꤬ ꤜꤢ꤭ꤋꤢꤧ꤭ ꤔꤤ꤮꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:19

ꤛꤢꤩ꤬ꤞꤤ꤭ ꤓꤢꤩ꤬ꤡꤝꤢꤊꤢꤧ꤭ ꤘꤣ ꤕꤢꤩ꤬ꤊꤜꤢꤩ꤭ ꤟꤣꤧ꤯ ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤥ꤬ꤒ꤫ꤣ꤬ ꤗ꤫ꤢ꤬ꤊꤣꤧ꤭ ꤔꤤꤔꤢꤧ꤬ ꤔꤢꤧ ꤕꤢꤩ꤬ ꤒꤢꤩ꤬ꤙꤢꤧꤞꤝꤢꤋꤢꤩꤋꤥ꤭ ꤜꤢꤨ꤭ ꤣꤧ꤭ꤔꤣꤧ꤬ ꤗ꤫ꤢ꤬ꤒꤥ꤬꤯ ꤛꤢꤩ꤬ꤞꤤ꤭ ꤊꤢꤩ꤬ ꤥ꤬ꤕ꤫ꤢ꤬ꤒ꤫ꤣ꤬ ꤗ꤫ꤢ꤬ꤊꤣꤧ꤭ ꤔꤤꤔꤢꤧ꤬ ꤔꤢꤧ ꤕꤢꤩ꤬ ꤟꤢꤩꤔꤣꤧ꤬ꤗꤢ꤬ ꤛꤢꤩ꤬ꤞꤤ꤭ ꤊꤜꤢꤩ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ꤭ ꤔꤢꤧ ꤕꤢꤩ꤬ ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤞꤤ꤭ ꤓꤢꤩ꤬ꤡꤝꤢꤊꤢꤧ꤭ ꤘꤣ ꤕꤢꤩ꤬ꤊꤜꤢꤩ꤭ ꤚꤣꤧ꤬ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤓꤢꤩ꤬ꤡꤝꤢꤊꤢꤧ꤭ ꤣꤧ꤭ꤔꤣꤧ꤬ ꤢ꤬ ꤘꤣꤧꤜꤥ꤭ ꤜ꤫ꤢ꤬ꤜꤤ꤭ꤊꤢꤧ꤭ ꤡꤣꤧ ꤟꤣꤧ ꤔꤢꤧ ꤛꤢꤩ꤬ꤞꤤ꤭ ꤥ꤬ꤒ꤫ꤣ꤬ꤊꤣꤧ꤭ ꤗ꤫ꤢ꤬ꤔꤤꤔꤢꤧ꤬ ꤕꤢ꤬ ꤔꤢꤧ ꤕꤢꤩ꤬ ꤒꤣ꤬ꤖꤚꤢꤩ꤬꤮ ꤒꤥ꤬ ꤟꤣꤧ꤯

เตเด๊อะโลแถ่ 17:8

ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤘꤣ ꤔꤢꤧ꤬ ꤗꤢꤧꤓ꤫ꤣꤧ꤬ ꤓꤥ꤭ꤟꤣꤧ ꤔꤢꤧ ꤒꤣ꤬ꤖꤥꤋꤢꤩ꤭ꤔꤣꤧ꤬ ꤢ꤬ꤥ꤬ ꤓꤥ꤭ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤢ꤬ ꤥ꤬ ꤕꤢ꤬ ꤒꤥ꤬ ꤔꤣꤧ꤬ꤒꤣ꤬ꤘꤥ꤭ ꤊ꤫ꤢꤦ꤬ ꤥ꤬ꤜꤥ꤭ꤓꤢꤧ꤬ ꤋꤛꤢ꤭ꤞꤢꤧ ꤕꤢ꤭꤯ ꤢ꤬ ꤥ꤬ ꤘꤣ ꤋꤚꤢꤪ꤭ꤊꤢꤨ꤭ꤘꤢꤨ꤬ ꤋꤚꤢꤪ꤭ꤊꤢꤨ꤭ꤛꤢꤧ꤭ ꤔꤣꤧ꤬ꤒꤣ꤬ꤊꤢꤨ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤧ꤭ꤓꤢꤩ꤬ ꤕꤢ꤭꤯ ꤚꤣꤧ꤬ ꤙꤢꤧ꤬ꤡꤢꤩ꤬ ꤢꤩꤡꤝꤢ ꤜꤢꤨ꤭ ꤘꤣ ꤒꤢꤩ꤬ꤘꤣꤧꤡꤢ꤭ ꤢ꤬ꤜ꤫ꤢꤩ꤬ꤥ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤕꤛꤢꤊꤢꤧ꤭ ꤜꤢꤨ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤕꤢ꤭꤯ ꤡꤢꤓꤢꤧ꤬ ꤘꤣ ꤢꤨ꤭ ꤙꤢꤧꤜꤢꤧ꤬ꤜꤢꤨ ꤟꤢꤩ꤬ꤋꤢꤨ꤬ ꤢ꤬ꤋꤢꤩ꤭ꤕꤢ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤢꤨ꤭ ꤚꤢ꤭ꤥ꤬ꤒ꤫ꤣ꤬ꤊꤣꤧ꤭ ꤜꤢ꤭ꤟꤤ ꤛꤢꤩ꤬ꤞꤤ꤭ꤗꤝꤤ꤭ ꤘꤣ ꤜꤤ꤬ꤞꤣꤧ꤭ꤖꤚꤢꤩ꤬ ꤢ꤬ꤊꤢꤨ꤭ ꤜꤢ꤭ꤟꤤ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤋꤛꤢꤛꤢꤦ ꤜꤢꤪ꤭ ꤜꤢ꤭ꤋꤢꤧ꤭ ꤙꤣꤧ ꤛꤢꤩ꤬ꤞꤤ꤭ ꤗꤢꤧ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤣꤧ꤭ꤒꤣ꤬ꤘꤥ꤭ ꤢ꤬ꤋꤢꤩ꤭ ꤔꤣꤧ꤬ ꤕꤢ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤒꤣ꤬ꤖꤥꤋꤢꤩ꤭ꤔꤣꤧ꤬ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤣꤧ꤭ꤒꤣ꤬ꤘꤥ꤭ ꤜꤢ꤭ ꤥ꤬ꤞꤣꤧ꤭ꤖꤚꤢꤩ꤬ ꤚꤣꤧ꤬ ꤊꤢꤨꤔ꤫ꤢꤧ꤬ ꤚꤣꤧ꤬ ꤢ꤬ ꤥ꤬ ꤕꤢ꤬ ꤒꤥ꤬, ꤗꤢ꤬ꤔꤢꤧꤚꤣꤧ꤬ ꤢ꤬ ꤊ꤫ꤢꤦ꤬ ꤥ꤬ꤜꤥ꤭ ꤋꤛꤢ꤭ꤞꤢꤧ ꤕꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤛꤢꤩ꤬ꤞꤤ꤭ ꤋꤛꤢꤛꤢꤦ ꤜꤢꤪ꤭ ꤜꤢ꤭ꤋꤢꤧ꤭ ꤖꤢꤧ꤯

เตเด๊อะโลแถ่ 2:13

ꤔꤢꤧ꤬ ꤥ꤬ꤒꤥ꤭ ꤡꤣꤧ ꤔꤢꤧ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤜ꤫ꤢꤩ꤬ꤥ꤬ꤔꤢꤧ꤭ ꤊꤢꤨ꤬ꤊꤜꤢꤧꤓꤢꤧ꤬ꤜꤥ꤭ ꤢ꤬ꤜ꤫ꤢꤩ꤬ꤥ꤬ ꤡꤣꤧ ꤔꤣꤧ꤬ꤗꤢ꤬ ꤠꤢꤧ꤭ ꤞꤤꤑꤢꤩ꤭꤯ ꤙꤣꤧ ꤢꤨ꤭ ꤗꤢꤩ꤬ꤞꤣꤧ꤭ ꤡꤣꤧ ꤋꤢꤨ꤭ꤢ꤬ꤒꤤꤕꤢ꤬ ꤗ꤫ꤢ꤬ꤟꤣꤧ ꤖꤚꤢꤩ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤘꤣ ꤢ꤬ꤡꤢꤪ ꤔꤢꤧ ꤠꤢꤧ꤭ꤣꤧ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤙꤣꤧ ꤔꤢꤧ꤬ ꤠꤤ꤭ꤊꤢꤨ꤭ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤜ꤫ꤢꤩ꤬ꤥ꤬ꤚꤣꤧ ꤢ꤬ꤜ꤫ꤢꤩ꤬ꤥ꤬ ꤔꤣꤧ꤬ ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤔꤢꤧ꤬ ꤡꤢꤪ ꤔꤢꤧ ꤠꤢꤧ꤭, ꤔꤢꤧ꤬ ꤠꤤ꤭ꤊꤢꤧ꤭ ꤔꤢꤧ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤒꤥ꤬꤯

เตเด๊อะโลแถ่ 21:14

ꤠꤤ꤭ꤢꤨ꤭ ꤢ꤬ꤊꤢꤧ꤭ꤏꤢ ꤔꤣꤧ꤬ ꤢꤨ꤭ ꤙꤢꤧꤓꤢꤧ꤬ ꤜꤢꤨ꤭ ꤔꤢꤧ ꤜ꤫ꤢꤪ꤬ꤘꤢꤨ꤬ ꤏꤣꤧꤔꤣꤧ꤭ꤗꤢꤩ꤭꤯ ꤚꤣꤧ꤬ ꤘꤣ ꤜ꤫ꤢꤪ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤜꤥ꤬ ꤔꤣꤧ꤬ ꤢꤨ꤭ ꤚꤢ꤭ꤥ꤬ ꤢ꤬ ꤔꤢꤧ ꤞꤤꤗꤤ꤬ꤖꤢꤨ ꤢ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤏꤣꤧꤞꤤꤔꤣꤧ꤭ ꤒꤣꤧ꤬ꤟꤢꤩ꤬ ꤢ꤬ꤗꤝꤤ꤭꤯

เตเด๊อะโลแถ่ 22:4

ꤛꤢꤩ꤬ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤕꤣꤧꤞꤢꤩ꤬ ꤕꤢ꤭ ꤚꤣꤧ꤬ ꤢꤨ꤭ ꤊ꤫ꤢꤦ꤬ ꤚꤢ꤭ꤥ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤗꤝꤤ꤭ ꤘꤣ ꤛꤢꤩ꤬ꤞꤤ꤭ ꤢ꤬ꤗꤢ꤭ꤓꤢꤩꤜꤥ꤬ ꤕꤢ꤭꤯

เตเด๊อะโลแถ่ 3:8

ꤔꤢꤧ꤬ ꤗꤢꤩ꤬ꤋꤚꤢꤧ꤮ ꤤ꤬ꤒꤢꤩ꤭ꤔꤣꤧ꤬ ꤠꤢꤧ꤭ ꤞꤤꤑꤢꤩ꤭ ꤖꤢꤧ꤯ ꤊꤣꤧ꤬ꤘꤢ꤭ ꤘꤣ ꤢꤨ꤭ ꤗꤢꤩ꤬ꤙꤤꤡ꤫ꤢꤧ꤬ ꤒꤣ꤬ꤖꤚꤢꤩ꤬꤮ ꤒꤥ꤬ ꤔꤣꤧ꤬, ꤠꤢꤧ꤭ ꤙꤢꤗꤥ꤭ ꤕ꤫ꤢꤩ꤬ꤟꤣꤧ ꤔꤢꤧ꤬꤯ ꤔꤢꤧ꤬ ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤔꤢꤧ꤬ ꤔ꤫ꤤ꤬ꤘꤢ꤭ ꤠꤢꤧ꤭ꤍ꤫ꤥ꤬, ꤔꤢꤧ꤬ ꤓꤢꤩꤙꤤꤊꤢꤧ꤭ ꤠꤢꤧ꤭ ꤒꤥ꤬꤯