ทิโมธี เนอบ่า ต๊าบ่า 1:3 - Eastern Kayah Shadaw Dialect

³ ꤠꤢꤧ꤭ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤔꤢꤧ꤬ꤑꤢꤩ꤭꤯ ꤢ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣ꤬ꤖꤚꤢꤩ꤬ ꤘꤣ ꤠꤢꤧ꤭ ꤗꤢꤩ꤬ ꤢ꤬ꤒꤢꤩ꤬ ꤔꤢꤧ ꤠꤢꤧ꤭ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤕꤜꤤ꤭ꤖꤥ ꤟꤢꤨ ꤠꤢꤧ꤭ ꤗ꤫ꤥ꤬ꤖꤢꤩ꤭ꤖꤣꤧ꤭ꤖꤥ꤭ ꤘꤣ꤮ ꤑꤢꤔꤢꤨ꤬ ꤒꤣꤧ꤬ꤟꤢꤩ꤬ ꤗꤢꤩ꤬ꤓꤥ꤭ꤟꤣꤧ ꤔꤣꤧ꤬ꤟꤣꤧ꤯ ꤙꤣꤧ ꤠꤢꤧ꤭ ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤔꤢꤧ꤬ ꤕꤝꤢ꤭꤮ ꤒꤣ꤬ꤖꤥ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤘꤣ ꤔꤢꤧ꤬ꤑꤢꤩ꤭ ꤗ꤫ꤢꤪ꤬ꤋꤤꤋꤤ ꤗ꤫ꤢꤪ꤬ꤞꤤ꤭ꤊꤜꤢꤩ꤭ꤊꤜꤢꤩ꤭ ꤡꤣꤧ꤯

ลีเทส่อพ๊าอาเซ เร๊อ เห่ขุทวาลู๊

³ แว เฮ๊บุ๊ยเฮ๊เตอเรอ จอแปแหร่ เด๊อเนเง. อา หม่า จอแปแหร่ เตเพร เด๊อ แว เม อาเต เน๊อ แว ซิปล่อ อา เหล่เตเน อาโพ๊อาแปละ ฮู๊ แว โหมะเพเพอโพ เด๊อ เด๋อ งย๊า เต๊เห่ เมโทเฮ๊อ เนอเฮ๊อ. เบ๊อะแว ซิเหน่แถ่เบ่ เน ปว๋า โตโพ๊ เบ๊อะเนอ, แว เฮ๊บุ๊ยเฮ๊เตอเรอ จอแปแหร่ เร๊อ แว กุยจ๊อเบ เด๊อ เนเง เหมาะคี๊คี๊ เหมาะเชเกลเกล เจ๊อ.

ทิโมธี เนอบ่า ต๊าบ่า 1:3 Iomraidhean Croise

ꤜꤢꤨꤊꤢ꤬ 2:37

ꤢ꤬ꤠꤢꤩ꤬ ꤞꤣꤧ꤭ꤊꤢꤧ꤭ ꤜꤢꤨ꤭ꤜ꤫ꤢꤩ꤬ ꤚꤣꤧ꤬ ꤢ꤬ ꤥ꤬ꤋꤚꤢꤧꤊꤢꤧ꤭ ꤚꤣꤧꤘꤢꤦ꤬ ꤖꤢꤧ꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤢ꤬ꤔꤢ꤬ ꤥ꤬ ꤟꤣꤧ ꤏꤣꤧ꤭ꤜꤝꤤ꤭ꤞꤝꤢ ꤔꤢꤧ ꤜꤝꤤ꤭ꤔꤢ꤬ ꤟꤣꤧ꤯ ꤢ꤬ ꤓꤢꤩ꤬ꤡꤝꤢ ꤒꤣ꤬ꤖꤥ꤮ ꤒꤥ꤬, ꤢ꤬ ꤥ꤬ꤖꤢꤧ ꤙꤣꤧ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ꤔꤣꤧ꤬ ꤖꤢꤧ꤯ ꤢ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ ꤗ꤫ꤢꤪ꤬ꤋꤤꤋꤤ ꤗ꤫ꤢꤪ꤬ꤞꤤ꤭ꤊꤜꤢꤩ꤭ꤊꤜꤢꤩ꤭ ꤡꤣꤧ, ꤓꤥ꤭ꤒꤥ꤬ ꤢ꤬ ꤘꤥ꤬ꤢꤩ꤬ ꤏꤢꤩ꤬ꤢꤩ꤬ꤏꤢꤩ꤬ꤥ꤭ ꤚꤣꤧ꤬ ꤢ꤬ ꤊꤝꤤ꤭ꤡꤢꤪꤙꤢꤩ꤭ ꤕꤝꤢ꤭ꤔꤣꤧ꤭ꤕꤝꤢ꤭ꤞꤢꤩ꤭ ꤡꤣꤧ꤯

เพรโด่แนพู๊ เต๊เห่ 22:3

“ꤠꤢꤧ꤭ ꤗꤢ꤬ ꤛꤢꤨꤘꤢ꤬ꤖꤢꤨ ꤒꤣ꤬ꤖꤚꤢꤩ꤬, ꤠꤢꤧ꤭ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤘꤣ ꤠꤤ꤭ꤒꤢ꤬ꤎꤢꤨ, ꤘꤣ ꤎꤤ꤬ꤜꤤ꤬ꤎꤤ꤬ꤛꤢ꤬ꤊ꤫ꤢꤩ꤬ ꤢ꤬ ꤒꤢꤩ꤬ꤕꤣꤢ꤬ꤜꤢꤩ꤭, ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤘꤢꤨ꤬ꤓꤢꤧ꤬ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬꤯ ꤋꤢꤨ꤭ꤊꤢ꤬ꤗꤢꤩ꤬ꤜꤤ꤬ꤛꤣ꤬ꤜꤢ ꤗꤢ꤬ ꤠꤢꤧ꤭ ꤞꤢꤚꤢ ꤚꤣꤧ꤬ ꤢꤨ꤭ ꤤ꤬ꤞꤝꤢ ꤒꤢ꤭ꤒꤢꤩ꤬ ꤔꤢꤧ꤬ꤡꤣꤧ ꤠꤢꤧ꤭ ꤔꤢꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤘꤣ ꤗ꤫ꤥ꤬ꤖꤢꤩ꤭ꤖꤣꤧ꤭ꤖꤥ꤭ ꤘꤣ꤮ ꤑꤢꤔꤢꤨ꤬ ꤒꤣꤧ꤬ꤟꤢꤩ꤬ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤠꤢꤧ꤭ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤔꤢꤧ꤬ꤡꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤞꤢꤧꤔꤢꤧ ꤞꤤ꤭ ꤘꤣ ꤢ꤬ ꤥ꤬ ꤙꤣꤧꤣꤧ꤭ ꤒꤣꤧ꤬ꤟꤢꤩ꤬ ꤕꤝꤢ꤭ꤖꤚꤢꤩ꤬ ꤞꤤꤕꤜꤢꤪ꤬ꤏꤝꤢ꤬ ꤔꤢꤧ꤬ꤡꤣꤧ ꤊꤢꤨꤔ꤫ꤢꤧ꤬ ꤣꤧ꤭ꤔꤣꤧ꤬ꤟꤣꤧ꤯

เพรโด่แนพู๊ เต๊เห่ 23:1

ꤋꤢꤨ꤭ꤕꤢꤪꤜꤢꤨ ꤗꤢꤧꤡꤝꤢꤒꤥ꤭ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤓꤝꤢ꤭ꤘꤢꤨ꤬ꤓꤝꤢ꤭ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤘꤣ ꤠꤢꤧ꤭ ꤞꤤꤕꤜꤢꤪ꤬ꤊꤢꤨ꤭ꤔꤣꤧ꤬ ꤢ꤬ ꤘꤣꤧꤜꤥ꤭ ꤠꤢꤧ꤭ ꤔꤢꤧ ꤠꤢꤧ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ꤣꤧ꤭, ꤒ꤫ꤥ꤬ꤊꤢꤨꤔ꤫ꤢꤧ꤬ꤔꤣꤧ꤬, ꤢ꤬ꤕꤜꤤ꤭ꤢ꤬ꤖꤥ ꤜꤣꤙꤢ꤭ ꤜꤢꤪ꤭ꤕꤜꤤ꤭ ꤖꤢꤧ꤯”

เพรโด่แนพู๊ เต๊เห่ 24:14

ꤗꤢ꤬ꤔꤢꤧꤚꤣꤧ꤬, ꤠꤢꤧ꤭ ꤢꤪꤜꤢꤧ꤬ ꤔꤢꤧ ꤠꤢꤧ꤭ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤕꤢꤩ꤬ ꤗ꤫ꤥ꤬ꤖꤢꤩ꤭ꤖꤣꤧ꤭ꤖꤥ꤭ ꤘꤣ꤮ ꤑꤢꤔꤢꤨ꤬ ꤒꤣꤧ꤬ꤟꤢꤩ꤬ ꤢ꤬ ꤡꤢꤪꤗꤣꤧ꤬ꤚꤢꤧ꤬, ꤚꤣꤧ꤬ ꤗ꤫ꤢ꤬ꤘꤣ ꤠꤢꤧ꤭ ꤋꤚꤝꤢ꤭ꤊꤣꤧ꤭ ꤊꤜꤢꤧ ꤘꤣ ꤙꤢꤧ꤬ꤡꤢꤩ꤬ ꤘꤣꤧꤜꤥ꤭ ꤣꤧ꤭ꤔꤣꤧ꤬ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩ ꤜꤢ꤭ꤋꤢꤧ꤭ ꤠꤢꤧ꤭ ꤔꤢꤧ ꤠꤢꤧ꤭ꤛ꤫ꤢꤦ꤬ꤠꤢꤧ꤭ꤔ꤫ꤢꤧ꤬ ꤞꤢꤦꤟꤣꤧ ꤒꤢꤩ꤬ꤟꤣꤧ, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯ ꤜꤢꤪ꤭꤮ ꤋꤢꤨ꤭ꤗꤢꤪꤎꤢꤧ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤘꤣ ꤢ꤬ ꤚꤢ꤭ꤥ꤬ꤔꤢꤩ꤬ ꤚ꤫ꤣꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤔꤢꤧ ꤜꤢꤪ꤭꤮ ꤖꤚꤢꤩ꤬ꤖꤚꤥ꤬ ꤢ꤬ꤜꤤ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤛ꤫ꤢꤦ꤬ꤢꤩ꤬ ꤊꤣꤧ꤭ꤜꤢꤪ꤭ ꤖꤢꤧꤖꤢꤧ꤯

เพรโด่แนพู๊ เต๊เห่ 24:16

ꤞꤢꤧꤟꤢꤨ ꤠꤢꤧ꤭ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤣꤧ꤭ ꤢ꤬ ꤊ꤫ꤢꤦ꤬ ꤕꤜꤤ꤭ꤖꤥ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬, ꤠꤢꤧ꤭ ꤢꤧꤡꤢꤦ ꤗꤢꤩ꤬ꤒꤢꤩ꤬ ꤢ꤬ꤚꤢꤧ ꤒꤣꤧ꤬ꤘꤢꤦ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯

เพรโด่แนพู๊ เต๊เห่ 26:4

“ꤡꤢꤓꤢꤧ꤬ ꤘꤣ ꤠꤢꤧ꤭ ꤖꤢꤨꤡ꤫ꤢꤩ꤬ꤋꤢꤩ꤭, ꤙꤣꤧ ꤠꤢꤧ꤭ ꤥ꤬ ꤚꤣꤧꤘꤢꤦ꤬ ꤘꤣ ꤠꤢꤧ꤭ ꤊ꤫ꤢꤩ꤬ꤊꤢꤨ꤭ ꤢ꤬ꤋꤢꤩ꤭, ꤚꤣꤧ꤬ ꤘꤣꤋꤛꤢ꤭ꤔꤣꤧ꤬ ꤠꤢꤧ꤭ ꤡꤝꤢꤥ꤬ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤚꤣꤧ꤬ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤋꤚꤢꤧ꤮ ꤟꤢꤨꤒꤢꤩ꤭ꤔꤣꤧ꤬, ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤞꤤꤑꤢꤩ꤭ꤜꤢꤪ꤭ ꤘꤢꤦ꤬ꤟꤣꤧ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯

เพรโด่แนพู๊ เต๊เห่ 27:23

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤣꤧ꤭ꤒꤣ꤬ꤞꤢꤩ꤭, ꤡꤢꤪꤗꤣꤧ꤬ꤚꤢꤧ꤬ ꤘꤣ ꤠꤢꤧ꤭ ꤓꤝꤢ꤭ꤟꤣꤧ ꤢ꤬ꤒꤢꤩ꤬ ꤚꤣꤧ꤬ ꤠꤢꤧ꤭ ꤗꤢꤩ꤬ꤟꤣꤧ ꤢ꤬ꤒꤢꤩ꤬ꤗꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤟꤢꤧ꤭ ꤊꤣꤧ꤬ꤓꤢꤪ꤬ꤥ꤬ ꤘꤣ ꤠꤢꤧ꤭ ꤊꤢꤧ꤭ꤏꤢ,

ꤚꤥꤗꤢꤩ꤬ 9:1

ꤠꤢꤧ꤭ ꤔꤢꤧ ꤋꤚꤤ ꤜꤢ꤭ ꤓꤝꤢ꤭ꤓꤢꤧ꤬ ꤟꤣꤧ ꤜꤢꤨ꤭ ꤒꤣ꤬ꤡꤣ꤬ꤡꤢꤦ꤭ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤟꤢꤩꤙꤢꤩ꤬ꤡꤢꤪꤟꤢꤩꤙꤢꤩ꤬ꤒꤢꤩ꤬ ꤖꤢꤧ ꤞꤤ꤭ ꤖꤢꤧ꤯ ꤠꤢꤧ꤭ ꤜꤣꤧ꤬ꤟꤥ꤭ ꤔꤢꤧ ꤞꤤ꤭ ꤒꤥ꤬꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤕꤣꤚꤣꤧ ꤞꤢꤨ꤭ꤚꤣꤧ ꤠꤢꤧ꤭ ꤞꤤꤕꤜꤢꤪ꤬ꤣꤧ꤭, ꤚꤣꤧ꤬ ꤠꤢꤧ꤭ ꤞꤤꤕꤜꤢꤪ꤬ꤣꤧ꤭ ꤢ꤬ ꤟꤢꤩꤊꤜꤢꤪ꤬ꤗꤢ꤬ꤡꤝ꤫ꤢ꤬ ꤊꤣꤧ꤭ꤕ꤫ꤥ꤬ ꤔꤢꤧ ꤠꤢꤧ꤭ ꤟꤢꤩꤙꤢꤩ꤬ ꤒꤢꤩ꤬ꤣꤧ꤭ꤔꤣꤧ꤬ꤗꤢ꤬ ꤢ꤬ꤒꤥ꤭ ꤖꤢꤧ꤯

โครินธ์ เนอบ่า ต๊าบ่า 1:12

ꤗꤢ꤬ꤗꤢꤩ꤬ꤒꤢꤩ꤭ꤚꤣꤧ꤬ ꤕꤢꤩ꤬ ꤟꤢꤩꤙꤢꤩ꤬ꤓꤢꤧ꤬ꤜꤥ꤭ ꤙꤢꤦ꤬ ꤕꤢꤩ꤬ꤍ꤫ꤥ꤬ ꤟꤢꤩꤚꤣꤧ꤬, ꤘꤣ ꤕꤢꤩ꤬ ꤞꤤꤕꤜꤢꤪ꤬ꤊꤢꤨ꤭ꤣꤧ꤭ ꤕꤢꤩ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤔꤢꤧ ꤕꤢꤩ꤬ ꤗꤢꤩ꤬ꤞꤢꤦꤗꤢꤩ꤬ꤕꤜꤢ, ꤕꤢꤩ꤬ ꤟꤢꤩꤞꤢꤦꤟꤢꤩꤙꤢꤩ꤬ꤔꤢꤪ ꤢꤨ꤭ ꤒꤣ꤬ꤖꤚꤢꤩ꤬꤮ ꤒꤥ꤬, ꤓꤥ꤭ꤒꤥ꤬ ꤕꤢꤩ꤬ ꤘꤢꤧ꤬ ꤡꤢꤪꤡꤢꤦꤖꤢꤧ ꤕꤢꤩ꤬ ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤘꤣ ꤞꤤ꤭ꤋꤢꤨ꤬ ꤖꤢꤧ꤯ ꤕꤢꤩ꤬ ꤗꤢꤩ꤬ꤟꤢꤨꤣꤧ꤭ ꤔꤣꤧ꤬ꤗꤢ꤬ ꤗ꤫ꤢ꤬ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤖꤢꤧ, ꤗ꤫ꤢ꤬ꤘꤣ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤢ꤬ ꤒꤢꤩ꤬ꤞꤤꤒꤢꤩ꤬ꤖꤢꤩ ꤢ꤬ꤋꤝꤢ꤬ꤢ꤬ꤋꤛꤢ꤭ ꤔꤣꤧ꤬ ꤗ꤫ꤢ꤬ꤒꤥ꤬꤯

ꤊꤢ꤬ꤜꤢ꤬ꤒꤤ 1:14

ꤓꤥ꤭ꤚꤣꤧ꤬ ꤟꤢꤨ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤜ꤫ꤢꤩ꤬ꤊꤜꤥ꤭ꤜ꤫ꤢꤩ꤬ꤋꤢꤧ꤬ ꤥ꤬ꤔꤣꤧ꤬, ꤠꤢꤧ꤭ ꤗꤢꤧꤕꤢꤨ꤭ꤞꤤꤑꤢꤩ꤭ ꤡ꤫ꤢꤧ꤬ꤜꤣ ꤔꤢꤧ ꤛꤢꤨꤘꤢ꤬ꤖꤢꤨ ꤘꤣ ꤢ꤬ꤔꤢ꤬ ꤋꤚꤢꤦ꤬ꤔꤢꤧ꤬ ꤔꤢꤧ ꤠꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤘꤣ ꤑꤢꤩ꤭ꤡꤣꤧ, ꤓꤥ꤭ꤒꤥ꤬ ꤘꤣ ꤠꤢꤧ꤭ ꤗ꤫ꤥ꤬ꤖꤢꤩ꤭ꤖꤣꤧ꤭ꤖꤥ꤭ ꤗ꤫ꤢ꤬ꤟꤣꤧ ꤛꤢꤨꤘꤢ꤬ꤖꤢꤨ ꤢ꤬ꤜ꤫ꤢꤩ꤬ꤊꤜꤥ꤭ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤞꤤꤕꤜꤢꤪ꤬ꤏꤝꤢ꤬ ꤔꤢꤧ꤬ꤡꤣꤧꤡꤣꤧ꤯

เอเฟซัส 1:16

ꤠꤢꤧ꤭ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤞꤤ꤭ꤑꤢꤩ꤭ꤔꤣꤧ꤬ ꤢ꤬ ꤜꤣꤧ꤬ꤒꤢꤦ꤭ꤕ꤫ꤢꤩ꤬ꤕꤢ꤬ ꤡꤣꤧ ꤒꤣ꤬ꤖꤥ꤮ ꤒꤥ꤬꤯ ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤙꤢꤪꤋꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ꤔꤣꤧ꤬, ꤠꤢꤧ꤭ ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤒ꤫ꤥ꤬ ꤞꤤ꤭꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:10

ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤒꤢ꤭ꤏꤢꤦ꤬ꤙꤢꤩ ꤋꤛꤢ꤭ꤞꤢꤧ ꤔꤢꤧ ꤞꤤ꤭ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤢꤩꤓꤢꤧ꤬ꤕ꤫ꤥ꤬ ꤞꤤ꤭ ꤒꤢꤩ꤬ꤛ꤫ꤢꤦ꤬ ꤘꤣ ꤢ꤬ ꤜ꤫ꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ꤚꤣꤧ꤬, ꤕꤢꤩ꤬ ꤊꤝꤤ꤭ꤡꤢꤪꤙꤢꤩ꤭ ꤗ꤫ꤢꤪ꤬ꤋꤤꤋꤤ ꤗ꤫ꤢꤪ꤬ꤞꤤ꤭ꤊꤜꤢꤩ꤭ꤊꤜꤢꤩ꤭ ꤡꤣꤧ꤯

ทิโมธี อาเหร่อเล๊อ ต๊าบ่า 1:19

ꤚꤣꤧ꤬ ꤕ꤫ꤢꤦ꤬ꤗꤢ꤬ꤚꤣꤧ ꤔꤢꤧ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤔꤢꤧ ꤔꤢꤧ꤬ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤕꤜꤤ꤭ꤖꤥ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬, ꤢ꤬ ꤕꤜꤝꤢ꤭ꤊꤢꤧ꤭ ꤜꤢ꤭ꤋꤢꤧ꤭ ꤢ꤬ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤕꤛꤢꤊꤢꤧ꤭ ꤜꤢꤪ꤭ ꤖꤢꤧ꤯

ทิโมธี อาเหร่อเล๊อ ต๊าบ่า 1:5

ꤒꤢꤩ꤬ꤟꤢꤩꤒꤢ꤭ ꤍ꤫ꤥ꤬ꤣꤧ꤭ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤗꤢꤧꤏꤢꤦ꤭ ꤗꤢ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤓꤢꤨ꤬ꤚꤢꤧ꤭ꤓꤢꤧ꤬ ꤒꤢꤩ꤬ꤗꤥ꤬ ꤢ꤬ꤑꤢꤩ꤭ ꤔꤣꤧ꤬ꤖꤢꤧ꤯ ꤒꤢꤩ꤬ꤗꤥ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤟꤢꤧ꤭ꤓꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤞꤤꤕꤜꤢꤪ꤬ ꤕꤜꤤ꤭ꤖꤥ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭꤯ ꤓꤥ꤭ꤚꤣꤧ꤬ ꤢ꤬ ꤟꤢꤧ꤭ꤓꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤥ꤬ ꤔꤢꤧ ꤒꤢꤩ꤬ꤞꤤꤑꤢꤩ꤭ ꤒꤢꤩ꤬ꤚꤢꤧ ꤔꤢꤧ ꤒꤢꤩ꤬ꤗꤢꤨꤗ꤫ꤢꤧ꤬ ꤚꤣꤧ꤬ ꤢ꤬ ꤔꤝꤢꤖꤛꤢ ꤒꤢꤩ꤬ ꤘꤣ ꤢ꤬ꤚꤢꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭, ꤓꤥ꤭ꤒꤥ꤬ ꤢ꤬ ꤟꤢꤧ꤭ꤓꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤥ꤬ ꤔꤢꤧ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤗ꤫ꤢ꤬ꤔꤤꤔꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭꤯

ทิโมธี อาเหร่อเล๊อ ต๊าบ่า 5:5

ꤖꤚꤢꤩ꤬ꤗꤢꤪ꤬ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤥ꤬ꤋꤚꤢꤧ ꤗ꤫ꤢ꤬ꤔꤤꤔꤢꤧ꤬ ꤚꤣꤧ꤬ ꤢꤨ꤭ ꤖꤚꤢꤩ꤬ꤗꤢꤧꤖꤚꤢꤩ꤬ꤡꤢꤧ꤬ ꤜꤢꤨ꤭ ꤥ꤬ꤒꤥ꤬ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤗꤢꤧꤏꤢꤦ꤭ ꤢ꤬ ꤒꤢꤩ꤬ꤗꤢꤩ꤬ꤡꤝ꤫ꤢ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬꤯ ꤓꤥ꤭ꤚꤣꤧ꤬ ꤗ꤫ꤢꤪ꤬ꤋꤤꤋꤤ ꤗ꤫ꤢꤪ꤬ꤞꤤ꤭ꤊꤜꤢꤩ꤭ꤊꤜꤢꤩ꤭ ꤢ꤬ ꤊꤝꤤ꤭ꤡꤢꤪꤙꤢꤩ꤭ ꤒꤣꤧ꤬ꤗꤥ꤭ꤗꤥ꤭ ꤡꤣꤧ꤯ ꤓꤥ꤭ꤒꤥ꤬ ꤢ꤬ ꤊꤝꤤ꤭ꤞꤤꤛꤢꤪ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤢ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤜꤢꤨ꤭꤯

ทิโมธี เนอบ่า ต๊าบ่า 1:5

ꤠꤢꤧ꤭ ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤔꤢꤧ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤘꤣ ꤢ꤬ ꤒꤢ꤭ꤒꤢꤩ꤬ ꤓꤥ꤭ꤚꤣꤧ꤬ ꤘꤣ ꤢ꤬ ꤗ꤫ꤢ꤬ ꤒꤣ꤬ꤡꤣ꤬ꤡꤢꤦ꤭ ꤜꤢꤨ꤭ ꤔꤢꤧ ꤔꤢꤧ꤬ꤖꤣꤧ꤭ ꤜꤥꤢꤩ꤬ ꤔꤢꤧ ꤔꤢꤧ꤬ꤗ꤫ꤥ꤬ ꤢꤨꤔꤤꤊꤢꤩ꤬ ꤛ꤫ꤢꤦ꤬ꤢꤩ꤬ ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤠꤢꤧ꤭ ꤛ꤫ꤢꤦ꤬ꤢꤩ꤬ ꤏꤢ꤭ꤖꤚ꤫ꤢꤩ꤬ꤔꤢꤧ꤬ꤡꤢꤩ꤭ ꤡꤣꤧ ꤔꤢꤧ ꤛꤢꤩ꤬ꤞꤤ꤭ ꤒꤢꤩ꤬ꤛ꤫ꤢꤦ꤬ ꤣꤧ꤭ꤔꤣꤧ꤬ ꤢ꤬ ꤥ꤬ꤊꤣꤧ꤭ꤘꤢꤦ꤬ ꤘꤣ ꤔꤢꤧ꤬ꤊꤢꤨ꤭ ꤖꤢꤧ꤯

ทิโมธี เนอบ่า ต๊าบ่า 3:15

ꤘꤣ ꤔꤢꤧ꤬ ꤖꤢꤨꤡ꤫ꤢꤩ꤬ꤋꤢꤩ꤭ ꤔꤣꤧ꤬, ꤢꤨ꤭ ꤤ꤬ꤞꤝꤢ ꤓꤥ꤭ꤟꤣꤧ ꤔꤢꤧ꤬ ꤔꤢꤧ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤣꤧ꤭ꤔꤣꤧ꤬ ꤟꤣꤧ꤯ ꤞꤢꤧꤟꤢꤨ ꤔꤢꤧ꤬ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤚꤣꤧ꤬ ꤔꤢꤧ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤔꤢꤧ꤬ ꤢ꤬ꤑꤢꤩ꤭ꤔꤣꤧ꤬, ꤜꤤ꤬ꤓꤢꤩ꤭ꤞꤢꤪ꤬ꤖꤢꤣꤧ꤭ ꤘꤣꤧꤓꤥ꤭ꤟꤣꤧ ꤔꤢꤧ꤬ ꤒꤢꤩ꤬ꤞꤤꤖꤢꤩ ꤟꤣꤧ꤯

ꤟꤤꤙꤚꤢꤨ 13:8

ꤛꤢꤩ꤬ꤏꤛꤢꤨꤋꤚꤤ ꤣꤧ꤭ꤔꤣꤧ꤬, ꤕꤢ꤭ꤟꤢꤩꤔꤢꤨ꤬ ꤙꤢꤩ꤬ꤙꤢꤩ꤬, ꤣꤧ꤭ꤒꤣ꤬ꤔꤣꤧ꤭ ꤙꤢꤩ꤬ꤙꤢꤩ꤬, ꤕꤣꤧꤚꤥ꤬ꤕꤢ꤭ ꤙꤢꤩ꤬ꤙꤢꤩ꤬, ꤢ꤬ ꤒꤣꤧ꤬ꤊꤜꤢꤧ꤬ꤡ꤫ꤢꤧ꤬ ꤒꤥ꤬, ꤥ꤬ꤜ꤫ꤢꤩ꤬ꤊꤜꤥ꤭ ꤖꤢꤧ꤯