เปโตร เนอบ่า ต๊าบ่า 2:2 - Eastern Kayah Shadaw Dialect

² ꤚꤣꤧ꤬ ꤊꤣꤧ꤬ꤛꤢꤧ꤭ ꤊ꤫ꤢꤦ꤬ ꤋꤚꤝꤢ꤭ꤢꤩꤊꤣꤧ꤭ ꤔꤢꤧ꤬ꤡꤣꤧ ꤛꤢꤩ꤬ꤞꤤ꤭ ꤊꤜꤢꤧ ꤘꤣ ꤢ꤬ ꤜꤢꤦ꤬ ꤞꤝꤤ꤬ꤓꤣꤧ꤭ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤕꤢ꤭꤯ ꤘꤣ ꤛꤢꤩ꤬ꤞꤤ꤭ ꤗꤢꤩ꤬ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤟꤢꤩꤙꤢꤩ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤡꤣꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤢ꤬ꤊꤜꤢꤧ ꤕꤢ꤭꤯

ลีเทส่อพ๊าอาเซ เร๊อ เห่ขุทวาลู๊

² เร๊อ แกแย เก่ ครวาเอ๊เกอ แหน่เจ๊อ เหย่ซี แกล๊ เด๊อ อา ลือ สุ่ยเทอพ๊าหย่า อา เตซิหยื่อซิลอ มู๊แหม่รีแจ่ เออเนอ เต๊เห่ ปา. เด๊อ เหย่ซี เมฮู๊เนอ อาขว่าอาคยา, แกแย เด๊อ อาโร เต๊เห่ เฮ๊เบ่ เป๊อเจ่ออิแช๊ เจ๊อ เตหมะเตจ๊อ อาแกล๊ ปา.

เปโตร เนอบ่า ต๊าบ่า 2:2 Iomraidhean Croise

มัทธิว 22:16

ꤛꤢꤩ꤬ꤞꤤ꤭ ꤔꤢꤪ꤭ꤡꤝꤢ ꤒ꤫ꤣ꤬ꤊꤣꤧ꤭ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ ꤋꤝꤤꤟꤢꤩ꤬ꤚꤥ꤬ ꤢ꤬ꤕꤜꤢꤪꤢ꤬ꤗꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤘꤣ ꤙꤢꤧ꤬ꤡꤢꤩ꤬ ꤢ꤬ ꤥ꤬ ꤚꤣꤧ꤬ ꤛꤢꤩ꤬ꤞꤤ꤭ ꤡꤝꤢꤟꤢꤩ ꤙꤢꤧ꤬ꤡꤢꤩ꤬ ꤔꤢꤧ, “ꤞꤢꤚꤢꤘꤢꤨ꤬, ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤔꤢꤧ꤬ ꤗꤢ꤬ ꤊꤣꤧ꤬ꤛꤢꤧ꤭ ꤡꤢꤪꤡꤢꤦꤡꤣꤧ ꤒꤣ꤬ꤖꤚꤢꤩ꤬꤯ ꤔꤢꤧ꤬ ꤤ꤬ꤞꤝꤢ ꤡꤣꤧ ꤢꤨ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤞꤤꤛ꤫ꤢꤦ꤬ ꤔꤢꤪ꤭ꤥ꤬ꤞꤣꤧ꤭ꤖꤚꤢꤩ꤬ ꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ꤡꤣꤧ꤯ ꤔꤢꤧ꤬ ꤘꤢ꤭ ꤤ꤬ꤞꤝꤢꤤ꤬ꤞꤢꤧ꤬ꤟꤣꤧ ꤢꤨ꤭ ꤟꤢꤩꤔꤣꤧ꤬ꤗꤢ꤬ ꤔꤢꤧ꤬ ꤤ꤬ꤞꤝꤢ ꤕ꤫ꤢꤩ꤬ꤖꤢꤧ ꤢꤨ꤭ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤖꤢꤧ꤯ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤒꤣꤧ꤬ꤔꤢꤩ꤬ꤡꤣꤧ ꤔꤢꤧ꤬ ꤟꤢꤨꤒꤢꤩ꤭ ꤙꤢꤩ꤬ꤙꤢꤩ꤬, ꤔꤢꤧ꤬ ꤞꤤꤤ꤬ꤏꤢꤩ꤭ ꤊꤣꤧ꤭ꤢꤨ꤭ ꤒꤣ꤬ꤡꤣ꤬꤮ ꤒꤥ꤬꤯ ꤔꤢꤧ꤬ ꤗꤢꤧꤘꤢꤨ꤬ ꤗꤢꤧꤕꤣꤧ꤬ꤒꤤ ꤊꤣꤧ꤭ꤢꤨ꤭ ꤒꤥ꤬ꤒꤥ꤬꤯

มัทธิว 24:24

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤖꤚꤢꤩ꤬ꤊꤜꤝꤢ꤬ ꤜꤣꤧ꤬ꤟꤥ꤭ ꤟꤢꤨ ꤋꤚꤤꤔꤣꤧ꤬ ꤔꤢꤧ ꤖꤚꤢꤩ꤬ꤊꤜꤝꤢ꤬ ꤜꤣꤧ꤬ꤟꤥ꤭ ꤟꤢꤨ ꤖꤚꤢꤩ꤬ꤖꤚꤥ꤬ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤥ꤬ꤓꤢꤧ꤬ ꤢꤩꤜꤥ꤬ ꤕꤢ꤭꤯ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤗꤢꤩ꤬ꤜꤥ꤭ ꤡ꤫ꤢꤧ꤬ ꤕ꤫ꤢꤩ꤬ ꤢꤨ꤭ ꤒꤢꤩ꤬ ꤘꤣ ꤢ꤬ ꤓꤢꤩ꤬ꤒꤣꤧ꤬ꤕꤢ꤬ ꤡꤣꤧ ꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤋꤥꤒꤣꤧ꤬ꤊꤜꤤ ꤒꤣꤧ꤬ꤟꤢꤩ꤬ ꤕꤢ꤭꤯ ꤢ꤬ ꤊꤢꤩ꤬ ꤗꤢꤩ꤬ꤡ꤫ꤢꤧ꤬ ꤟꤢꤩꤔꤣꤧ꤬ꤗꤢ꤬ ꤢ꤬ ꤞꤤꤛ꤫ꤢꤦ꤬ ꤢꤩꤜꤢ꤬ꤜꤣꤧ꤬ꤟꤥ꤭ ꤔ꤫ꤤ꤬ ꤡꤣꤧ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤖꤛꤢ ꤓꤥ꤭ꤟꤣꤧ ꤜꤢꤨ꤭ ꤔꤣꤧ꤬ ꤒꤣꤧ꤬ꤟꤢꤩ꤬ꤡꤣꤧ꤯

มัทธิว 7:14

ꤗꤢ꤬ꤔꤢꤧꤚꤣꤧ꤬ ꤜꤥ꤬ꤊꤣꤧ꤬ꤘꤢ꤭ ꤢ꤬ꤤ꤬ ꤣꤧ꤭ꤒꤣ꤬ꤊꤢꤨ꤭ ꤔꤢꤧ ꤊꤜꤢꤧꤤ꤬ ꤣꤧ꤭ꤒꤣ꤬ꤙꤥ꤭ ꤘꤣ ꤢ꤬ ꤞꤢꤨ꤭ꤡꤝꤢ ꤢꤨ꤭ ꤘꤣ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤊꤣꤧ꤬ꤛꤢꤧ꤭ ꤗꤢꤧꤓ꤫ꤣꤧ꤬ ꤕꤣꤧ꤬ꤒꤤ꤮ ꤔꤢꤧ꤬ꤡꤣꤧ ꤜꤢꤨ꤭꤯”

ꤗꤢ꤬ꤊꤢꤨ 12:14

ꤛꤢꤩ꤬ꤞꤤ꤭ ꤟꤢꤧ꤭ ꤘꤣ ꤛꤢꤩ꤬ꤏꤛꤢꤨ ꤢ꤬ ꤥ꤬ ꤚꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤜꤢꤨ꤭ ꤔꤢꤧ, “ꤞꤢꤚꤢꤘꤢꤨ꤬꤮ ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤔꤢꤧ꤬ ꤗꤢ꤬ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤚꤣꤧ꤬ ꤢ꤬ ꤟꤢꤩꤙꤢꤩ꤬ꤡꤢꤪꤖꤢꤧ ꤍ꤫ꤥ꤬ ꤒꤣ꤬ꤖꤚꤢꤩ꤬꤯ ꤔꤢꤧ꤬ ꤞꤤꤤ꤬ꤏꤢꤩ꤭ ꤊꤣꤧ꤭ꤢꤨ꤭ꤜ꤫ꤢꤩ꤬ ꤒꤣ꤬ꤖꤚꤢꤩ꤬꤮ ꤒꤥ꤬, ꤔꤢꤧ꤬ ꤗꤢꤧꤘꤢꤨ꤬ꤗꤢꤧꤕꤣꤧ꤬ꤒꤤ ꤊꤣꤧ꤭ꤢꤨ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤔꤢꤧ꤬ ꤘꤢ꤭ ꤤ꤬ꤞꤝꤢꤤ꤬ꤞꤢꤧ꤬ꤟꤣꤧ ꤢꤨ꤭ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤟꤢꤩꤔꤣꤧ꤬ꤗꤢ꤬, ꤔꤢꤧ꤬ ꤤ꤬ꤞꤝꤢ ꤕ꤫ꤢꤩ꤬ ꤡꤣꤧ ꤢꤨ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤞꤤꤛ꤫ꤢꤦ꤬ ꤔꤢꤪ꤭ꤤ꤬ꤞꤝꤢ ꤔꤢꤧ꤬ ꤔꤣꤧ꤬ ꤡꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤘꤣꤧ ꤢ꤬ꤗꤢꤨ꤬ꤢ꤬ꤚꤢ ꤘꤣ ꤋꤝꤤꤊꤢꤧꤎꤢ꤬ ꤢ꤬ ꤥ꤬ ꤔꤣꤧ꤬ꤗꤢ꤬ ꤢ꤬ꤒꤥ꤭ ꤟꤢꤧ꤭? ꤗꤢ꤬ ꤢ꤬ꤒꤥ꤭ ꤒꤥ꤬ ꤟꤢꤧ꤭?

ꤗꤢ꤬ꤊꤢꤨ 13:22

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊꤜꤝꤢ꤬ꤜꤣꤧ꤬ꤟꤥ꤭ ꤢ꤬ꤔ꤫ꤢꤩ꤬ ꤟꤢꤨ ꤋꤚꤤ ꤘꤣ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊꤜꤝꤢ꤬ꤜꤣꤧ꤬ꤟꤥ꤭ ꤢ꤬ꤔ꤫ꤢꤩ꤬ ꤟꤢꤨ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤥ꤬ꤜꤥ꤭ꤓꤢꤧ꤬ ꤕꤢ꤭꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤢꤩꤜꤢ꤬ꤜꤣꤧ꤬ꤟꤥ꤭ ꤔ꤫ꤤ꤬ꤒ꤫ꤥ꤬ ꤊꤣꤧ꤭ꤘꤢꤦ꤬ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤓꤥ꤭ꤟꤣꤧ ꤜꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤛꤢꤩ꤬ꤞꤤ꤭ ꤊꤢꤩ꤬ ꤗꤢꤩ꤬ꤡ꤫ꤢꤧ꤬ ꤟꤢꤩꤚꤣꤧ꤬, ꤢ꤬ ꤊ꤫ꤢꤦ꤬ ꤗꤢꤩ꤬ꤜꤥ꤭ꤓꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤋꤥꤒꤣꤧ꤬ꤊꤜꤤ ꤒꤣꤧ꤬ꤟꤢꤩ꤬ ꤔꤢꤧ ꤢ꤬ꤒꤢꤩ꤬ꤗꤢꤩ꤬ ꤒꤣꤧ꤬ꤕꤢ꤬ ꤋꤛꤢꤛꤢꤦ ꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

ꤛꤥ꤭ꤟꤢ꤬ 14:6

ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤠꤢꤧ꤭ ꤗꤢ꤬ ꤊꤜꤢꤧ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤔꤢꤧ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤟꤣꤧ꤯ ꤠꤢꤧ꤭ ꤓꤝꤢ꤭ ꤕ꤫ꤢꤩ꤬ꤟꤣꤧ ꤢꤨ꤭ ꤊꤜꤢꤧꤡꤝꤢ ꤘꤣ ꤖꤢꤩ꤭ ꤢ꤬ ꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬, ꤢ꤬ ꤊꤢꤩ꤬ ꤡꤝꤢ ꤘꤤ꤭ꤒ꤫ꤢꤦ꤬ ꤔꤢꤧ ꤠꤢꤧ꤭ ꤒꤥ꤬ ꤟꤢꤩꤔꤣꤧ꤬, ꤢ꤬ ꤡꤝꤢꤒ꤫ꤥ꤬ ꤡ꤫ꤢꤧ꤬ ꤘꤣ ꤖꤢꤩ꤭ ꤢ꤬ ꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯

เพรโด่แนพู๊ เต๊เห่ 13:10

ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤔꤢꤧ꤬ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤢ꤬ꤒꤢꤩ꤬ꤗꤢꤩ꤬ ꤒꤣ꤬ꤖꤚꤢꤩ꤬꤯ ꤔꤢꤧ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤓꤢꤩ꤬ ꤜꤢꤪ꤭ ꤒꤢꤩ꤬ ꤘꤣ ꤢ꤬ꤡꤢꤪꤢ꤬ꤒꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤔꤢꤧ꤬ ꤜꤣꤙꤢ꤭ ꤡꤣꤧ ꤔꤢꤧ ꤒꤢꤩ꤬ꤜꤣꤧ꤬ꤟꤥ꤭ꤜꤣꤧ꤬ꤟꤢꤧ꤬ ꤔꤢꤧ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤕꤝꤢ꤭ꤒꤣ꤬ꤡꤣ꤬, ꤔꤢꤧ꤬ ꤗꤢꤧꤕꤢꤨ꤭ ꤗꤢꤩ꤬ꤒꤣꤧ꤬ꤕꤜꤢꤪ꤭ꤒꤣꤧ꤬ꤕꤜꤢꤩ꤬ ꤜꤣꤧ꤬ꤟꤥ꤭ ꤜꤢꤪ꤭ ꤙꤢꤧ꤬ꤡꤢꤩ꤬ ꤢ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤣꤧ꤭ꤔꤣꤧ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯

เพรโด่แนพู๊ เต๊เห่ 14:2

ꤗꤢ꤬ꤔꤢꤧꤚꤣꤧ꤬ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤊꤣꤧ꤭ꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤔꤢꤪ꤭ꤏꤝꤢ꤬ꤔꤢꤪ꤭ꤏꤢꤪ꤭ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤓꤢꤩꤏꤢꤦ꤬ꤊꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

เพรโด่แนพู๊ เต๊เห่ 16:17

ꤢ꤬ ꤋꤚꤝꤢ꤭ꤡꤝꤢꤊꤣꤧ꤭ ꤋꤢꤨ꤭ꤕꤢꤪꤜꤢꤨ ꤔꤢꤧ ꤕꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤋꤛꤢ꤭ ꤚꤣꤧ꤬, ꤢ꤬ ꤢꤩꤓꤥ꤭ꤓꤢꤧ꤬ ꤔꤢꤧ, “ꤖꤚꤢꤩ꤬ꤋꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ꤘꤢꤨ꤬ꤢ꤬ꤓꤢꤨ꤭ ꤒꤣꤧ꤬ꤘꤢꤦ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤜꤢꤨ꤬ꤜꤢꤩ ꤒꤣꤧ꤬ꤟꤢꤩ꤬ ꤟꤣꤧ꤯ ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤞꤤ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤟꤣꤧ꤯”

เพรโด่แนพู๊ เต๊เห่ 18:26

ꤢ꤬ ꤡꤢꤓꤢꤧ꤬ ꤟꤢꤩꤙꤢꤩ꤬ꤋꤢꤦ꤭ꤟꤢ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤢ꤬ꤊꤢꤨ꤭꤯ ꤙꤣꤧ ꤗ꤫ꤥ꤬ꤖꤚꤤ꤬ꤎꤤꤜꤢ꤬ ꤔꤢꤧ ꤖꤢꤩ꤭ꤢ꤬ꤊꤢꤨꤜꤢ ꤔ꤫ꤤ꤬ꤟꤥ꤭ ꤢ꤬ ꤒꤢꤩ꤬ꤟꤢꤩꤙꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤢꤩꤊꤢ꤬ ꤜꤢꤨ꤭ ꤘꤣ ꤢ꤬ꤟꤤ꤬꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤞꤤꤑꤢꤩ꤭ꤟꤢꤧ꤭ ꤒꤢ꤭ꤒꤢꤩ꤬ ꤜꤣꤕ꤫ꤥ꤬ ꤔꤢꤧ ꤢ꤬ ꤜ꤫ꤢꤩ꤬ꤊꤜꤥ꤭ꤜꤣꤧ꤬ ꤣꤧ꤭ꤔꤣꤧ꤬ꤚꤣꤧ꤬, ꤗ꤫ꤥ꤬ꤖꤚꤤ꤬ꤎꤤꤜꤢ꤬ ꤔꤢꤧ ꤖꤢꤩ꤭ꤢ꤬ꤊꤢꤨꤜꤢ ꤟꤢꤩꤜꤥ꤭ ꤕ꤫ꤢꤩ꤬ ꤕ꤫ꤥ꤬ ꤜꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤜꤢꤧꤢ꤬ꤊꤜꤥ꤭ ꤒꤣꤧ꤬ꤟꤢꤩ꤬꤯

เพรโด่แนพู๊ เต๊เห่ 19:9

ꤗꤢ꤬ꤔꤢꤧꤚꤣꤧ꤬ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤊꤢꤨꤜꤢꤩ꤬ꤊꤥ꤬ꤘꤥ꤭ ꤚꤣꤧ꤬ ꤛ꤫ꤢꤦ꤬ꤢꤩ꤬ ꤊꤣꤧ꤭ꤢꤨ꤭ ꤒꤥ꤬꤯ ꤚꤣꤧ꤬ ꤢ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤜꤢ꤭ꤋꤢꤧ꤭ ꤙꤢꤧ꤬ꤡꤢꤩ꤬ ꤢ꤬ꤊꤜꤢꤧꤢ꤬ꤊꤜꤥ꤭ ꤘꤣ ꤢꤨ꤭ ꤘꤣꤧꤜꤥ꤭ ꤣꤧ꤭ꤔꤣꤧ꤬ ꤘꤣ ꤊꤣꤧ꤬ꤛꤢꤧ꤭ ꤒꤣ꤬ꤕꤜꤢꤨ꤬ꤒꤣ꤬ꤖꤢꤩ꤬ ꤕꤣꤧꤞꤢꤩ꤬ꤑꤢꤩ꤭ ꤡꤣꤧ꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤋꤢꤨ꤭ꤕꤢꤪꤜꤢꤨ ꤓꤢꤩ꤬ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤢꤩꤔ꤫ꤤ꤬ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤕꤝꤢ꤭ꤔꤣꤧ꤭ꤔꤣꤧ꤭꤮ ꤢ꤬ ꤔꤢꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤡꤝꤢ ꤟꤢꤩꤙꤢꤩ꤬ꤘꤥ꤬ꤔꤢꤧ꤭ ꤚ꤫ꤥ꤬ꤜꤢꤨ꤭ ꤘꤣ ꤢꤨ꤭ ꤢꤩ ꤔꤢꤧ ꤞꤢꤚꤢ ꤒꤢꤨ꤬ꤚꤣ꤬ꤔꤢꤨꤎꤣ꤬ ꤜ꤫ꤢꤩ꤬ꤤ꤬ꤞꤝꤢꤒꤢꤩ꤬ ꤜ꤫ꤢꤩ꤬ꤥ꤬ ꤔꤣꤧ꤬ꤒꤣ꤬ꤖꤥ꤬꤯

เพรโด่แนพู๊ เต๊เห่ 22:4

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤚꤝꤢ꤭ꤊꤣꤧ꤭ ꤊꤜꤢꤧ ꤘꤣ ꤛꤢꤩ꤬ꤏꤛꤢꤨꤋꤚꤤ ꤘꤣꤧꤜꤥ꤭ ꤣꤧ꤭ꤔꤣꤧ꤬, ꤠꤢꤧ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤡꤣꤧ ꤛꤢꤩ꤬ꤞꤤ꤭ ꤙꤢ꤮ ꤒꤢꤩ꤬ ꤟꤢꤩꤔꤣꤧ꤬, ꤠꤢꤧ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤒ꤫ꤥ꤬ ꤡꤣꤧ ꤛꤢꤩ꤬ꤞꤤ꤭ ꤘꤣ ꤢ꤬ ꤞꤣꤧ꤭ ꤡꤣꤧ꤯ ꤓꤥ꤭ꤚꤣꤧ꤬ ꤠꤢꤧ꤭ ꤕ꤫ꤢꤦ꤬ ꤜꤢꤪ꤭ ꤖꤚꤢꤩ꤬ꤗꤢꤪ꤬ꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬ ꤚꤣꤧ꤬ ꤠꤢꤧ꤭ ꤘꤢꤪꤒꤢ꤭ꤜꤢꤪ꤭ ꤛꤢꤩ꤬ꤞꤤ꤭ ꤘꤣ ꤢ꤬ꤕꤥ꤬ꤊꤢꤨ꤭꤯

เพรโด่แนพู๊ เต๊เห่ 24:14

ꤗꤢ꤬ꤔꤢꤧꤚꤣꤧ꤬, ꤠꤢꤧ꤭ ꤢꤪꤜꤢꤧ꤬ ꤔꤢꤧ ꤠꤢꤧ꤭ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤕꤢꤩ꤬ ꤗ꤫ꤥ꤬ꤖꤢꤩ꤭ꤖꤣꤧ꤭ꤖꤥ꤭ ꤘꤣ꤮ ꤑꤢꤔꤢꤨ꤬ ꤒꤣꤧ꤬ꤟꤢꤩ꤬ ꤢ꤬ ꤡꤢꤪꤗꤣꤧ꤬ꤚꤢꤧ꤬, ꤚꤣꤧ꤬ ꤗ꤫ꤢ꤬ꤘꤣ ꤠꤢꤧ꤭ ꤋꤚꤝꤢ꤭ꤊꤣꤧ꤭ ꤊꤜꤢꤧ ꤘꤣ ꤙꤢꤧ꤬ꤡꤢꤩ꤬ ꤘꤣꤧꤜꤥ꤭ ꤣꤧ꤭ꤔꤣꤧ꤬ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩ ꤜꤢ꤭ꤋꤢꤧ꤭ ꤠꤢꤧ꤭ ꤔꤢꤧ ꤠꤢꤧ꤭ꤛ꤫ꤢꤦ꤬ꤠꤢꤧ꤭ꤔ꤫ꤢꤧ꤬ ꤞꤢꤦꤟꤣꤧ ꤒꤢꤩ꤬ꤟꤣꤧ, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯ ꤜꤢꤪ꤭꤮ ꤋꤢꤨ꤭ꤗꤢꤪꤎꤢꤧ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤘꤣ ꤢ꤬ ꤚꤢ꤭ꤥ꤬ꤔꤢꤩ꤬ ꤚ꤫ꤣꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤔꤢꤧ ꤜꤢꤪ꤭꤮ ꤖꤚꤢꤩ꤬ꤖꤚꤥ꤬ ꤢ꤬ꤜꤤ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤛ꤫ꤢꤦ꤬ꤢꤩ꤬ ꤊꤣꤧ꤭ꤜꤢꤪ꤭ ꤖꤢꤧꤖꤢꤧ꤯

ꤚꤥꤗꤢꤩ꤬ 2:24

“ꤘꤣ ꤞꤤ꤭ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤜꤢꤪ꤭ ꤟꤣꤧ ꤡꤢꤪꤗꤣꤧ꤬ꤚꤢꤧ꤬,” ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩꤟꤢꤨꤔꤣꤧ꤬꤯

ทิโมธี อาเหร่อเล๊อ ต๊าบ่า 5:14

ꤟꤢꤨꤔꤣꤧ꤬ꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤧ ꤖꤚꤢꤩ꤬ꤗꤢꤪ꤬ꤥ꤬ꤋꤚꤢꤧ ꤘꤣ ꤢ꤬ꤔꤢ꤬ꤡ꤫ꤢꤩ꤬ꤕꤢ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤖꤛꤢ ꤜꤢ꤭ꤋꤢꤧ꤭ ꤢ꤬ꤠꤢꤩ꤬꤯ ꤓꤥ꤭ꤚꤣꤧ꤬ ꤖꤢꤨꤥ꤬ꤜꤣꤧ꤬ꤥ꤬ ꤜꤢ꤭ꤋꤢꤧ꤭, ꤚꤣꤧ꤬ ꤗꤢꤧꤡꤢꤧ꤬ꤚꤣꤧ ꤜꤢ꤭ꤋꤢꤧ꤭ ꤟꤤ꤬ꤖꤢꤧ꤭ ꤔꤣꤧ꤬ꤗꤢ꤬ ꤒꤢꤦꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤧꤕꤢꤨ꤭ ꤕꤢꤩ꤬ ꤒꤢꤩ꤬ꤞꤢꤦ ꤘꤣ ꤢ꤬ ꤊ꤫ꤢꤦ꤬ ꤟꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤕꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤧꤓ꤫ꤣꤧ꤬ꤕꤢ꤬ ꤢ꤬ꤜ꤫ꤢꤩ꤬ꤟꤢꤩ ꤕꤢꤩ꤬ ꤒꤣꤧ꤬ꤟꤢꤩ꤬ ꤒꤥ꤬ ꤟꤣꤧ꤯

ꤒꤤꤒꤢꤨ 2:5

ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤒ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤒ꤫ꤢꤧ꤬ꤗꤢꤩ꤬ꤔꤣꤧ꤬, ꤖꤚꤢꤩ꤬ꤗꤢꤪ꤬ ꤗ꤫ꤥ꤬ꤖꤚ꤫ꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤙꤢꤩ꤬ ꤤ꤬ꤞꤝꤢꤕ꤫ꤢꤩ꤬ ꤖꤚꤢꤩ꤬ꤗꤢꤪ꤬ ꤔꤢ꤬ꤡ꤫ꤢꤩ꤬ ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤢ꤬ ꤙꤢꤩ꤬ ꤤ꤬ꤞꤝꤢ ꤛꤢꤩ꤬ꤞꤤ꤭ ꤔꤢꤧ ꤛꤢꤩ꤬ꤞꤤ꤭ ꤙꤢꤩ꤬ ꤓꤝꤢ꤭ ꤖꤚꤢꤩ꤬ꤗꤢꤪ꤬ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤋꤢꤪ꤭ꤕ꤫ꤢꤩ꤬ ꤚꤣꤧꤘꤢꤦ꤬ ꤢ꤬ꤞꤤꤕꤜꤢꤪ꤬, ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ ꤙꤢꤩ꤬ ꤕꤜꤤ꤭ꤖꤥ, ꤛꤢꤩ꤬ꤞꤤ꤭ ꤙꤢꤩ꤬ ꤓꤝꤢ꤭ ꤗꤢꤩ꤭ ꤘꤣ ꤢ꤬ ꤗꤢꤧꤡꤢꤧ꤬ ꤚꤢꤧ ꤚꤣꤧ ꤢ꤬ꤟꤤ꤬ꤢ꤬ꤖꤢꤧ꤭, ꤛꤢꤩ꤬ꤞꤤ꤭ ꤙꤢꤩ꤬ ꤗꤢꤩ꤬ꤒꤢꤩ꤬ ꤘꤣ ꤢ꤬ꤚꤢꤧ, ꤚꤣꤧ꤬ ꤢ꤬ ꤙꤢꤩ꤬ ꤡꤢꤨ꤭ꤢꤩ꤬ ꤢ꤬ꤠꤢꤩ꤬ ꤍ꤫ꤥ꤬꤯

ꤒꤤꤒꤢꤨ 2:8

ꤙꤣꤧ ꤔꤢꤧ꤬ ꤤ꤬ꤞꤝꤢꤤ꤬ꤞꤢꤧ꤬ ꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤗꤢꤧꤕꤢꤨ꤭ ꤘꤢꤧ꤬ꤡ꤫ꤢꤧ꤬ ꤕꤢ꤬ ꤒ꤫ꤢꤧ꤬ ꤔꤢꤧ꤬ ꤒꤢꤩ꤬ꤞꤢꤦ ꤒ꤫ꤢꤧ꤬ꤗꤢꤩ꤬ꤔꤣꤧ꤬, ꤟꤢꤩꤙꤢꤩ꤬ꤡꤢꤪꤡꤢꤪ꤮ ꤔꤢꤧ꤬ꤍ꤫ꤥ꤬ ꤔꤤ꤮꤯ ꤔꤢꤧ꤬ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤛꤢꤩ꤬ꤞꤤ꤭ ꤜ꤫ꤢꤩ꤬ꤟꤢꤩ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤕꤢꤩ꤬ꤚꤤ꤬ꤕꤢꤩ꤬ꤊꤢꤧ꤭ ꤢ꤬ ꤥ꤬ ꤕꤢ꤬ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤊ꤫ꤢꤦ꤬ ꤞꤤꤒꤣꤧ꤬ꤚꤢꤩ꤭ꤊꤢꤧ꤭ ꤖꤢꤧ꤯

เปโตร อาเหร่อเล๊อ ต๊าบ่า 2:12

ꤙꤣꤧ ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤗꤤ꤭ꤡꤣ꤬ꤚꤥ꤬ꤖꤢꤨ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭, ꤚꤣꤧ꤬ ꤢ꤬ ꤘꤢꤧ꤬ ꤒꤢꤩ꤬ꤞꤢꤦ ꤞꤤ꤭ ꤔꤢꤧ ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤢ꤬ꤋꤢꤩ꤭ꤔꤣꤧ꤬, ꤥ꤬ꤞꤣꤧ꤭ꤖꤚꤢꤩ꤬ ꤞꤢꤧ꤭ꤚꤢꤧ꤭ ꤚꤢꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤤ꤮꤯ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤞꤤ꤭ ꤒꤢꤩ꤬ꤗꤢꤩ꤬ꤚꤢꤧ ꤒꤣꤧ꤬ꤟꤢꤩ꤬ ꤕꤢ꤭ ꤚꤣꤧ꤬ ꤏꤢ꤮ ꤡꤢꤪꤗꤣꤧ꤬ꤚꤢꤧ꤬ ꤟꤢꤧ꤭ꤜꤢꤧ꤬ ꤢ꤬ꤗ꤫ꤢꤪ꤬ꤔꤣꤧ꤭ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤢꤧ꤬ꤘꤢꤨ꤬ꤘꤢꤧ꤬ꤛ꤫ꤢꤦ꤬ ꤜꤢꤨ꤭ ꤕꤢ꤭꤯

เปโตร เนอบ่า ต๊าบ่า 2:12

ꤛꤢꤩ꤬ꤞꤤ꤭ ꤗꤢ꤬ ꤢ꤬ꤞꤢꤧꤔꤢꤧ ꤒꤢꤩ꤬ꤖꤢꤨꤒꤢꤩ꤬ꤜꤣꤧ꤬ ꤘꤣ ꤢ꤬ ꤒꤣꤧ꤬ꤔꤢꤩ꤬ꤡ꤫ꤢꤧ꤬ ꤊꤣꤧ꤭ꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬꤯ ꤓꤥ꤭ꤚꤣꤧ꤬ ꤢ꤬ ꤗꤢꤩ꤬ ꤜꤢ꤭ꤋꤢꤧ꤭ ꤟꤢꤨ ꤢ꤬ꤜ꤫ꤢꤩ꤬ꤊꤜꤥ꤭ ꤞꤤꤛ꤫ꤢꤦ꤬ꤥ꤬ ꤔꤣꤧ꤬ ꤚꤣꤧ꤬ ꤢ꤬ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤘꤣ ꤢꤨ꤭ ꤜ꤫ꤢꤩ꤬ꤜꤢꤦ꤬ꤕ꤫ꤢꤦ꤬ ꤗꤢꤩ꤬ꤞꤣꤧ꤭ ꤛꤢꤩ꤬ꤞꤤ꤭ ꤢ꤬ꤑꤢꤩ꤭ ꤖꤢꤧ꤯ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤓꤢꤩꤢ꤬ꤒꤣꤧ꤬ꤢꤧ꤭ ꤏꤢꤦ꤬, ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤏꤢꤦ꤬ ꤒꤢꤩ꤬ ꤘꤣ ꤢ꤬ ꤞꤤꤑꤢꤩ꤭ ꤒꤢ꤭ꤕꤜꤢꤨꤒꤥ꤬ ꤒꤣꤧ꤬ꤟꤢꤩ꤬꤯ ꤢꤨ꤭ ꤊ꤫ꤢꤦ꤬ ꤗꤢꤩ꤬ꤞꤣꤧ꤭ꤊꤢꤧ꤭ ꤛꤢꤩ꤬ꤞꤤ꤭ ꤟꤢꤨ ꤢꤨ꤭ ꤗꤢꤩ꤬ꤞꤣꤧ꤭ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤔꤣꤧ꤬ ꤕꤢ꤭꤯

เปโตร เนอบ่า ต๊าบ่า 2:15

ꤛꤢꤩ꤬ꤞꤤ꤭ ꤓꤢꤩ꤬ꤡꤝꤢꤕꤢꤩ꤭ꤊꤢꤧ꤭ ꤔꤢꤧ ꤊꤜꤢꤧꤒꤥ꤭ ꤚꤣꤧ꤬ ꤢ꤬ ꤡꤝꤢ ꤞꤤꤕꤜꤢꤪ꤬ ꤒꤣꤧ꤬ꤕꤢ꤬ꤊꤢꤧ꤭꤯ ꤛꤢꤩ꤬ꤞꤤ꤭ ꤡꤝꤢꤋꤚꤝꤢ꤭ꤊꤣꤧ꤭ ꤊꤜꤢꤧ ꤘꤣ ꤖꤢꤩ꤭ꤙꤢ꤬ꤥ꤬ꤚꤢ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤨ꤭ꤙꤢꤩꤜꤢ꤬ ꤋꤚꤝꤢ꤭ ꤔꤣꤧ꤬ꤒꤣ꤬ꤙꤥ꤭꤯ ꤊꤜꤢꤧ ꤔꤣꤧ꤬ꤒꤣ꤬ꤙꤥ꤭ ꤗꤢ꤬ ꤊꤜꤢꤧ ꤘꤣ ꤢ꤬ ꤗꤢꤧꤘꤢꤨ꤬ ꤚꤢꤦ꤭ ꤚꤣꤧ꤬ ꤢ꤬ ꤔ꤫ꤤ꤬ꤙꤢꤩ꤬ ꤜꤢ꤭ꤋꤢꤧ꤭ ꤚꤢꤦ꤭ ꤘꤣ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ꤊꤢꤨ꤭ ꤗ꤫ꤢ꤬ꤒꤥ꤬꤯

เปโตร เนอบ่า ต๊าบ่า 2:18

ꤛꤢꤩ꤬ꤞꤤ꤭ ꤟꤢꤩꤙꤢꤩ꤬ ꤓꤢꤧ꤬ꤗꤢꤪꤓꤢꤧ꤬ꤖꤥ꤬ ꤜꤢ꤭ꤋꤢꤧ꤭ ꤢ꤬ꤍ꤫ꤥ꤬ ꤘꤣ ꤢ꤬ꤙꤝꤤꤒꤣꤧ꤬ꤚꤣꤧ꤭ ꤥ꤬ꤒꤥ꤬ ꤒꤣꤧ꤬ꤟꤢꤩ꤬꤯ ꤛꤢꤩ꤬ꤞꤤ꤭ ꤡꤝꤢ ꤤ꤬ꤞꤝꤢ ꤢꤨ꤭ ꤔꤢꤧ ꤢꤨ꤭ ꤊ꤫ꤢꤦ꤬ ꤗꤢꤩ꤬ꤒꤢꤩ꤬ꤞꤤꤒꤣꤧ꤬ꤚꤢꤩ꤭ ꤘꤣ ꤞꤝꤤ꤬ꤓꤣꤧ꤭ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤕꤣꤧ꤬ꤒꤢ ꤒꤣꤧ꤬ꤟꤢꤩ꤬꤯ ꤛꤢꤩ꤬ꤞꤤ꤭ ꤢꤩꤜꤢ꤬ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤢꤨ꤭ ꤔꤢꤧ ꤊꤜꤢꤧꤒꤥ꤭ꤊꤜꤢꤧꤙꤢꤩ꤬ ꤒꤣꤧ꤬ꤟꤢꤩ꤬꤯ ꤊꤣꤧ꤬ꤛꤢꤧ꤭ ꤘꤣ ꤛꤢꤩ꤬ꤞꤤ꤭ ꤢꤩꤜꤢ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤥ꤬ꤊꤥꤞꤢꤩ꤭ ꤗꤥꤜꤢꤪ꤭ꤕꤢ꤭ꤖꤢꤧ ꤔꤢꤧ ꤒꤢꤩ꤬ꤞꤢꤦ ꤟꤢꤨ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢꤩ꤬ꤔꤣꤧ꤬ ꤖꤢꤧ꤯

เปโตร เนอบ่า ต๊าบ่า 2:21

ꤘꤣ ꤛꤢꤩ꤬ꤞꤤ꤭ ꤢ꤬ꤑꤢꤩ꤭ꤔꤣꤧ꤬, ꤊꤢꤩ꤬ ꤢ꤬ ꤞꤤꤑꤢꤩ꤭ꤔꤢꤪ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ꤊꤜꤢꤧ ꤒꤣ꤬ꤖꤥ꤮ ꤒꤥ꤬ ꤟꤢꤩꤔꤣꤧ꤬ꤗꤢ꤬ ꤢ꤬ꤚꤢꤧꤜꤣ ꤕꤢ꤬ ꤡꤣꤧꤔꤢꤧ ꤢ꤬ ꤞꤤꤑꤢꤩ꤭ ꤓꤥ꤭ꤚꤣꤧ꤬ ꤢ꤬ ꤡꤝꤢ ꤠꤤ꤭ꤊꤢꤧ꤭ ꤚꤣꤧꤘꤢꤦ꤬ ꤋꤛꤢ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ꤗ꤫ꤢ꤬ꤊꤢꤧ꤭ ꤘꤣ ꤢꤨ꤭ ꤘꤣꤧꤜꤢꤧ꤬ ꤓꤥ꤭ꤟꤣꤧ ꤛꤢꤩ꤬ꤞꤤ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬꤯

เปโตร เนอบ่า ต๊าบ่า 2:7

ꤢ꤬ ꤘꤣꤧ ꤜꤣꤧ꤬ꤕꤜꤢꤩꤊꤢꤧ꤭ ꤊꤣꤧ꤬ꤛꤢꤧ꤭ ꤡꤢꤪꤒꤢꤩ꤬ ꤒꤣ꤬ꤖꤚꤢꤩ꤬ ꤘꤣ ꤢ꤬ꤗꤝꤤ꤭ ꤔꤢꤧ ꤖꤢꤩ꤭ꤜꤢꤪꤒꤢ꤯ ꤘꤣ ꤊꤣꤧ꤬ꤛꤢꤧ꤭ꤗꤢꤨꤗ꤫ꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤜꤢꤦ꤬ ꤢ꤬ꤞꤝꤤ꤬ꤓꤣꤧ꤭ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤖꤢꤩ꤭ꤜꤢꤪꤒꤢ ꤞꤤꤕꤜꤢꤪ꤬ꤗꤥ꤬ ꤒꤣꤧ꤬ꤊꤤ꤬꤮ ꤒꤥ꤬꤯

ꤛꤢꤨꤘꤢ꤬ 1:10

ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤒꤢꤩ꤬ ꤘꤣ ꤢ꤬ ꤞꤤꤑꤢꤩ꤭ ꤒꤢ꤭ꤕꤜꤢꤨꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ ꤞꤢꤧ ꤜꤢ꤭ꤋꤢꤧ꤭ ꤔꤢꤧ ꤒꤢꤩ꤬ꤖꤢꤨꤒꤢꤩ꤬ꤜꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤜꤢꤦ꤬ꤋꤚꤝꤢ꤭ ꤗꤢꤩ꤬ꤊꤣꤧ꤭ ꤜꤢ꤭ꤋꤢꤧ꤭ ꤟꤢꤨ ꤢ꤬ꤞꤤꤕꤜꤢꤪ꤬ ꤔꤢꤪ꤭ꤗꤢꤩ꤬ ꤜꤢꤨ꤭ ꤔꤣꤧ꤬ ꤖꤢꤧ꤯ ꤘꤣ ꤛꤢꤩ꤬ꤞꤤ꤭ ꤗꤢꤩ꤬ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤗꤢꤩ꤬ꤕꤛꤢꤗꤢꤩ꤬ꤜ꤫ꤢꤨ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤟꤣꤧ꤯

ꤛꤢꤨꤘꤢ꤬ 1:15

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤧ꤭ ꤘꤣꤧꤡꤢ꤭ ꤜꤢꤪ꤭ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤕꤢ꤭꤯ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤞꤢꤦꤒꤢꤩ꤬ꤕꤜꤢ ꤘꤣ ꤛꤢꤩ꤬ꤞꤤ꤭ ꤗꤢꤩ꤬ ꤒꤥ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤜꤢꤧꤢ꤬ꤊꤜꤥ꤭ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯ ꤛꤢꤩ꤬ꤞꤤ꤭ ꤜꤢ꤭ ꤓꤢꤩꤒꤣꤧ꤬ꤢꤧ꤭ꤏꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤕꤢ꤭꤯”

ꤛꤢꤨꤘꤢ꤬ 1:4

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤧ꤭ꤔꤥ꤭ꤟꤥ꤬ ꤟꤣꤧ ꤘꤣ ꤞꤤ꤭ꤊꤜꤢꤩ꤭ ꤟꤣꤧ꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤟꤢꤩꤙꤢꤩ꤬ ꤜꤣꤧ꤬ꤕꤜꤢꤩꤚꤣꤧ ꤢ꤬ꤔ꤫ꤢꤩ꤬ ꤔꤢꤧ ꤢ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤜꤣꤧ꤬ꤖꤚꤥꤜꤣꤧ꤬ꤖꤚꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤓꤢꤨ꤬ꤜꤢꤧ꤬ ꤒꤣꤧ꤬ꤕꤜꤢꤩ꤬ ꤕꤛꤢꤊꤢꤧ꤭ ꤕꤢꤩ꤬ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ ꤊꤣꤧ꤭ꤢꤨ꤭ ꤕꤢꤩ꤬ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ꤔꤣꤧ꤬ ꤒꤥ꤬꤯ ꤟꤢꤨ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤟꤢꤩꤏꤥ꤬ ꤥ꤬ꤔꤢꤩ꤬ ꤟꤣꤧ ꤒꤢꤩ꤬ꤘꤣꤧꤡꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤢꤪ꤭ꤕꤜꤤ꤭ ꤡꤣꤧ ꤕꤢ꤭꤯

ꤛꤢꤨꤘꤢ꤬ 1:7

ꤟꤢꤨꤔꤣꤧ꤬ꤟꤣꤧ, ꤒꤣꤧ꤬ꤔꤢꤩ꤬ꤓꤢꤧ꤬ ꤚꤣꤧꤘꤢꤦ꤬ ꤋꤛꤢ꤭ ꤜꤢ꤭ꤋꤢꤧ꤭ ꤠꤤ꤭ꤎꤢ꤬ꤘꤥ꤬ ꤔꤢꤧ ꤠꤤ꤭ꤊꤢ꤬ꤗꤥꤚꤢ꤬ ꤔꤢꤧ ꤠꤤ꤭ ꤥ꤬ ꤘꤣ ꤢ꤬ ꤊꤢꤧ꤭ꤏꤢꤪ꤭ꤊꤢꤧ꤭ꤏꤢ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤠꤤ꤭ꤊꤢꤨ꤭ꤖꤢꤨ ꤙꤣꤧꤔꤣꤧ꤬ ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤗꤢꤩ꤬ꤞꤢꤦ ꤞꤢꤧꤊꤣꤧ꤭ꤘꤢꤦ꤬ ꤒꤢꤩ꤬ ꤟꤢꤨꤔꤣꤧ꤬ ꤔꤣꤧ꤬ ꤟꤣꤧ꤯ ꤛꤢꤩ꤬ꤞꤤ꤭ ꤜꤢꤦ꤬ꤋꤚꤝꤢ꤭ꤗꤢꤩ꤬ ꤜꤢ꤭ꤋꤢꤧ꤭ ꤞꤝꤤ꤬ꤓꤣꤧ꤭ ꤜ꤫ꤢꤩ꤬ꤊꤜꤥ꤭ ꤞꤤꤛ꤫ꤢꤦ꤬ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤗꤢꤩ꤬ꤗꤥ꤬ꤚꤣꤧ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤔꤢꤧ ꤖꤚꤢꤩ꤬ꤗꤢꤪ꤬ꤖꤚꤢꤩ꤬ꤋꤢꤨ꤭ ꤜ꤫ꤢꤩ꤬ꤊꤜꤥ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬꤯ ꤛꤢꤩ꤬ꤞꤤ꤭ ꤋꤢꤧꤙꤢꤩ꤬ ꤒꤢꤩ꤬ꤏꤥ꤭ꤖꤢꤏꤥ꤭ꤚꤢꤧ꤬ ꤘꤣ ꤗꤤ꤬ꤖꤢꤩ꤬ꤊꤢꤨ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤓꤝꤢ꤭ꤓꤢꤧ꤬ ꤘꤢꤦ꤬ ꤟꤣꤧ ꤢꤨ꤭ ꤜ꤫ꤢꤩ꤬ꤗꤢꤧꤙꤢꤦ꤭ ꤘꤣ ꤊꤣꤧ꤬ꤛꤢꤧ꤭ ꤜꤢꤪ꤭꤮ ꤕꤜꤤ꤬ ꤢ꤬ꤑꤢꤩ꤭ ꤟꤣꤧ꤯

เตเด๊อะโลแถ่ 12:9

ꤕꤜꤢꤧ꤬ꤘꤢꤨ꤬ ꤘꤣꤔꤢꤨ꤬ꤘꤣꤞꤢ꤬ꤋꤢꤩ꤭ ꤒꤣ꤬ꤙꤥ꤭ ꤘꤣ ꤢꤨ꤭ ꤢꤩ ꤜꤢꤨ꤭ꤗꤝꤤ꤭ ꤔꤢꤧ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤗ꤫ꤢ꤬ꤒꤥ꤬ꤚꤣꤧ꤬ ꤎꤢꤩ꤬ꤓꤣ꤬ ꤘꤣ ꤢ꤬ ꤡꤝꤢ ꤢꤩꤜꤢ꤬ꤢꤩꤕꤜꤢꤩ ꤜꤢꤪ꤭ ꤢꤨ꤭ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤣꤧ꤭ꤒꤣ꤬ꤙꤥ꤭ ꤔꤣꤧ꤬, ꤢꤨ꤭ ꤠꤤ꤭ꤒꤢ꤭ꤊꤢꤧ꤭ ꤜꤢꤪ꤭ ꤢ꤬ ꤔꤢꤧ ꤢ꤬ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤘꤣ ꤟꤢꤩ꤬ꤋꤢꤨ꤬꤯

เตเด๊อะโลแถ่ 13:14

ꤓꤥ꤭ꤚꤣꤧ꤬ ꤘꤣ ꤢ꤬ ꤘꤣꤧꤜꤥ꤭ ꤢ꤬ ꤒꤢꤩ꤬ꤒꤣꤧ꤬ꤊꤜꤤ ꤘꤣ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤘꤣ ꤢ꤬ꤚ꤫ꤣꤧ꤬ꤔꤣꤧ꤬ ꤒꤣ꤬ꤘꤥ꤭ ꤔꤢꤪ꤭ꤗꤢꤩ꤬ ꤜꤢꤨ꤭ ꤘꤣ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤢꤩꤜꤢ꤬ꤜꤣꤧ꤬ꤟꤥ꤭ ꤚꤣꤧꤜꤢꤪ꤭ ꤊꤣꤧ꤬ꤛꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ ꤒꤣꤧ꤬ꤟꤢꤩ꤬꤯ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤔꤣꤧ꤭ꤘꤥ꤭ ꤒꤣ꤬ꤘꤥ꤭ꤣꤧ꤭, ꤢ꤬ ꤔꤢꤪ꤭ꤙꤢꤧꤓꤢꤧ꤬ ꤛꤢꤩ꤬ꤞꤤ꤭ ꤖꤚꤢꤩ꤬ꤛꤥ꤬ ꤒꤣ꤬ꤘꤥ꤭ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤊꤢ꤬ꤋꤛꤢ꤭ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤘꤣ ꤢ꤬ ꤙꤢꤩ꤬ ꤒꤣꤧ꤬ꤗꤢꤩ꤬ꤔꤢꤪ ꤔꤢꤧ ꤔꤢꤩ ꤚꤣꤧ꤬ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤕꤢ꤬ ꤔꤣꤧ꤬ꤒꤣ꤬ꤘꤥ꤭꤯

เตเด๊อะโลแถ่ 13:8

ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤣꤧ꤬, ꤢ꤬ ꤊ꤫ꤢꤦ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤜꤢꤪ꤭ ꤜꤢꤨ꤭ ꤕꤢ꤭꤯ ꤡꤢꤓꤢꤧ꤬ ꤘꤣ ꤢꤨ꤭ ꤙꤢꤧꤜꤢꤧ꤬ꤜꤢꤨ ꤟꤢꤩ꤬ꤋꤢꤨ꤬ ꤢ꤬ꤋꤢꤩ꤭ꤕꤢ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤢꤨ꤭ ꤚꤢ꤭ꤥ꤬ꤒ꤫ꤣ꤬ꤊꤣꤧ꤭ ꤜꤢ꤭ꤟꤤ ꤛꤢꤩ꤬ꤞꤤ꤭ꤗꤝꤤ꤭ ꤘꤣ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤢ꤬ ꤜꤤ꤬ꤞꤣꤧ꤭ꤖꤚꤢꤩ꤬ ꤢ꤬ꤊꤢꤨ꤭ ꤜꤢ꤭ꤟꤤꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤜꤢꤪ꤭ ꤜꤢ꤭ꤋꤢꤧ꤭ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤣꤧ꤭ꤒꤣ꤬ꤘꤥ꤭꤯ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤗꤢ꤬ ꤗ꤫ꤢ꤬ꤟꤣꤧ ꤢꤨ꤭ ꤗꤢꤩ꤬ꤞꤣꤧ꤭ ꤢ꤬ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯