เตเด๊อะโลแถ่ 9:2 - ลีเทส่อพ๊าอาเซ เร๊อ เห่ขุทวาลู๊

² เฉ่เออ เตเม บ๊าโม ครอกูดุ ครอกูแย เออตูกู เร๊อ หมิโข่แถ่ เด๊อ อากู เร๊อ อา แซ่เจ๊อเน๊อ หมิโข่แถ่ เด๊อ หมิโปดุกู เนอ เจ๊อ. หมิ ย๋อ โข่แถ่ อาขว่าอาคยา, ต๊อเหมาะ หม่า อาคี๊คี๊, ม๊อเล หม่า อา คี๊แก ลอปลีเจ๊อ.

Eastern Kayah Shadaw Dialect

² ꤏꤢꤩ꤬ꤣꤧ꤭ ꤒꤣ꤬ꤗꤢꤩ꤭ ꤙꤢꤗꤥ꤭ ꤋꤚꤢꤪ꤭ꤊꤢꤨ꤭ꤘꤢꤨ꤬ ꤋꤚꤢꤪ꤭ꤊꤢꤨ꤭ꤛꤢꤧ꤭ ꤣꤧ꤭ꤒꤣ꤬ꤊꤢꤨ꤭ ꤚꤣꤧ꤬ ꤗꤤ꤬ꤋꤥ꤬ꤓꤢꤧ꤬ ꤘꤣ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤞꤢꤧꤡꤣꤧꤔꤢꤧ ꤗꤤ꤬ꤋꤥ꤬ꤓꤢꤧ꤬ ꤘꤣ ꤗꤤ꤬ꤕꤥ꤬ꤘꤢꤨ꤬ꤊꤢꤨ꤭ ꤔꤣꤧ꤬ ꤡꤣꤧ꤯ ꤗꤤ꤬ ꤜꤢ꤭ ꤋꤥ꤬ꤓꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤒꤣꤧꤗ꤫ꤢꤪ꤬ ꤗꤢ꤬ ꤢ꤬ꤋꤤꤋꤤ, ꤗꤢꤪꤜꤢꤩ꤭ ꤗꤢ꤬ ꤢ꤬ ꤋꤤꤊꤢꤧ꤭ ꤜꤢꤪ꤭ꤕꤜꤤ꤭ꤡꤣꤧ꤯

เตเด๊อะโลแถ่ 9:2 Iomraidhean Croise

เห่ขุทวาลู่ 15:17

เบ๊อะ เหมาะตาลา เฮ๊อ เร๊อ เหมาะคี๊แฮ เฮ๊อ เบ๊อะเนอ, คูอับราม แม๊เถอะคย๊า หมิอือโข่ ตูลูแถ่ เด๊อ กู๊เผ่กู เน๊อ หมี่เฉ่ แกแถ่ เนอ เร๊อ อา จว๊า เบ๊อะ อู เหล่ ปาเพ๊ กยา แด่โอ่ เร๊อ เตหย่า เนอเนอหร่า อาเปล่กู เนอ.

เห่ขุทวาลู่ 19:28

อา แม๊ตาจว๊าโต เด๊อ วีโสโดม เน๊อ วีโกโมราห์ เน๊อ ล๋อ เก่รือดือ เนอโต๊โผะ อาโอ่ เร๊อ อา แม๊เถอะ หมิโข่ตูอู ลอกี แถ่โต เบ๊อะเนอ โต๊โผะ เร๊อ อา แซ่เจ๊อเน๊อ หมิโข่แถ่ เด๊อ กู๊เผ่โปกู เนอเจ๊อ.

เพรโด่แนพู๊ เต๊เห่ 2:19

แว เก่ เด๊อะโล เตเม อาตาปา อาคย๊าอายื๊อ เต๊เห่ เด๊อ ม๊อเล ปา. โท๊โต่ แว เก่ เด๊อะโลแถ่ เมโค๊ตีกลี๊ อา เมม๊าเมแด เต๊เห่ เด๊อ เห่ขุ เออ ปาปา, สุ่ย เร๊อ หมิ, เน๊อ หมิโข่ ตูอูแถ่ เก่ โอ่แถ่ เด๊อ เห่ขุเออเนอ ปา.

เตเด๊อะโลแถ่ 14:11

หมิ เด๊อ อา อือกู่จา อือกู่จือ เหย่ซี เออเนอ, อา เก่ โข่แถ่ ตูจูเพร แตแลเคร๊ ปา. แกแย เด๊อ อา จ๊อเบแถ่ เตมีเตแหม่ เออ, เร๊อ อาเพรโพร เออเต๊เห่, โทเรอ อูเป๋ เบ่เบ่ เด๊อ อา พย๊าฉื่อ เตมีเตแหม่ อา เตม๊าเตแด เด๊อ อาโอ่ เร๊อ ลูมูย เออเต๊เห่เนอ, เหมาะเชเกล เบ่เบ่, เหมาะคี๊ เบ่เบ่, เตจาเตจือ อาพุยแฮ เป่ ปา เด๊อ เหย่ซีเง โตโพ๋ โต่.”

เตเด๊อะโลแถ่ 16:10

เตเน่วพู๊ แงเพร เตเพร กลอตา อา เบหล่อดุ เด๊อ เตมีเตแหม่ อา กู่แกล๊แถ่โล เออเนอ อาขุ เร๊อ เตคี๊ โอ่แถ่ เด๊อ เตมีเตแหม่ อาเทออาเก่ กู. เด๊อ อา ข่าเบ่ เตจาเตจือ เออ อาขว่าอาคยา, เหย่ซี อ่า เกอเร๊อ ลอ แลแค อาปลี.

เตเด๊อะโลแถ่ 8:12

เบ๊อะเตเน่วพู๊ ลุยเพร เตเพร โอ๊แถ่ อากวา เบ๊อะเนอ, ต๊อเหมาะ, เล, เฉ่ ซี เต๊เห่เนอ, อา ปย๊าแก โซปุ๊ยตูปุ๊ย. อาเตลี เต๊อเข่อเตเค เต๊เห่เนอ, อา โอ่เหม่แก โซปุ๊ยตูปุ๊ย. เหมาะเชเกล คี๊แก โซปุ๊ยตูปุ๊ย, เร๊อ เหมาะคี๊ เบ๊อะเนอ, เล, เฉ่ เต๊เห่ อา คี๊แก โซปุ๊ยตูปุ๊ย.

เตเด๊อะโลแถ่ 9:1

ฮู๊เนอโทเรอ เบ๊อะเตเน่วพู๊ แงเพร เตเพร โอ๊แถ่ อากวา เบ๊อะเนอ, แว แม๊เถอะ เฉ่ เตเม แลตา โอ่ โทเฮ๊อ เด๊อ เห่ขุ เออ เร๊อ อู เด๊อะ เฉ่ เออเตเม เร๊อ ครอกูดุ ครอกูแย ตูกู อาชอถี่.

เตเด๊อะโลแถ่ 9:11

จ๊อแผ่ เด๊อ อา เป๊อ เหย่ซีเนอ อา โอ่เตเพร. อา หม่าเตเน๊วพู๊ เตเพร เด๊อ อา เป๊อ ครอกูดุ ครอกูแย เออตูกู เนอเตเพร เฮ๊อ. ฮีบรู อาโหง่ เนอหม่า อามุย เร๊อ คูอาบัดโดน เร๊อ กรีก อาโหง่ เนอหม่า, อา เฮ๊ เร๊อ อปอลลิโยน.

เตเด๊อะโลแถ่ 9:17

เด๊อ แว เตแม๊เถอะลว๊า หนื่ออื่อ อากูเออเนอ แว แม๊เถอะ ตีซิ เต๊เห่ เร๊อ เพรแด๊ ลู เต๊เห่. เหย่ซี แซ๊ แลแค จาต่อเท๊ เต๊เห่ เด๊อ อาลี แซ่เจ๊อเน๊อ หมิ, เร๊อ อาอ๊อม๊อเต๊เพ่, โทเรอ อา แบ แซ่เจ๊อเน๊อ หย่าซู๊แบ เด๊อ อู เอ๊ เน๊อ ติโอ๊ติเสอ เนอ เจ๊อ. ตีซิ เออเต๊เห่ อากู่กล๊อ เนอ, อาแซ่เน๊อ แอ๊ซี กู่กล๊อ เร๊อ เด๊อ ตีซิ เออเต๊เห่ อาแกกู เนอ, หมิ เน๊อ หมิโข่ เต๊เห่ เน๊อ หย่าซู๊แบ ติโอ๊ติเสอ เถ่ ลอปลี.