เตเด๊อะโลแถ่ 7:3 - ลีเทส่อพ๊าอาเซ เร๊อ เห่ขุทวาลู๊

³ เตเน่วพู๊ เออเตเพร เฮ๊ เน๊อ, “เบ๊อะเป เมม๊าเมแด โท แต่ล๋าย แบ่เจ่ จอแปแหร่ อาหลู่เล๊ เออ เต๊เห่ เร๊อ เตม๊าเตแด เด๊อ อา มาเท๊ลู ล๋ายโต่ เนอ, เห่ขุ เบ่เบ่, เทอดุซาวา เบ่เบ่, ส่อเหมาะเหว่โบ เบ่เบ่, โตเบ่ เมแป่เมเช หนิลา เหย่ซี เตอเจ๋อ โต่.”

Eastern Kayah Shadaw Dialect

³ ꤒꤣꤧ꤬ꤔꤢꤩꤖꤢꤨ ꤣꤧ꤭ꤒꤣ꤬ꤖꤚꤢꤩ꤬ ꤟꤢꤩ ꤔꤢꤧ, “ꤙꤣꤧ ꤕꤢꤩ꤬ ꤗꤢꤩ꤬ꤗꤢꤗꤢꤩ꤬ꤒꤢꤩ꤭ ꤓꤥ꤭ ꤒꤢꤧ꤬ꤜꤢ꤭ꤟꤤ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤘꤣ ꤢ꤬ ꤗꤢ꤭ꤓꤢꤩꤜꤥ꤬ ꤜꤢ꤭ꤟꤤꤒꤥ꤬ ꤔꤣꤧ꤬, ꤟꤢꤩ꤬ꤋꤢꤨ꤬ ꤙꤢꤩ꤬ꤙꤢꤩ꤬, ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤙꤢꤩ꤬ꤙꤢꤩ꤬, ꤞꤢꤪ꤬ꤗ꤫ꤢꤪ꤬ꤠꤢꤩ꤬ꤙꤥ꤭ ꤙꤢꤩ꤬ꤙꤢꤩ꤬, ꤒꤥ꤭ꤙꤢꤩ꤬ ꤗꤢꤩ꤬ꤕ꤫ꤢꤧ꤬ꤗꤢꤩ꤬ꤏꤢꤩ꤭ ꤔ꤫ꤤ꤬ꤜꤢ꤭ꤟꤤ ꤛꤢꤩ꤬ꤞꤤ꤭ ꤒꤣ꤬ꤡꤣ꤬꤮ ꤒꤥ꤬꤯”

เตเด๊อะโลแถ่ 7:3 Iomraidhean Croise

มัทธิว 24:22

จอแปแหร่ เก่ เมโผ่ เป่ เตจาเตจือ เออ เบ๊อะโต่ เฮ๊เนอ, แกแย โอ่เซอเพรเบ๊ เตเพร่ว โต่. หม่าแน๊เรอ จอแปแหร่ ลอ แม๊ แกแย เด๊อ อา นว๊าแถ่ เออเต๊เห่ อาเป๊เส่ อาขว่าอาคยา, อา เก่ เมโผ่แฮ ม๊อเนอ ม๊อเซ เต๊เห่ ปา.

มัทธิว 24:31

จอแปแหร่ เก่ นอแฮแล เตเน่ว เต๊เห่ ปา เร๊อ อาเก่ โอ๊ พราฉว่า แถ่กวา ปา. เร๊อ อา เก่ เอ๊โอ่ปล๊อ เต่อลอ แกแย เด๊อ แบ่เจ่ นว๊าแถ่ โทเฮ๊อ เหย่ซี เร๊อ อา โอ่ แลแค เด๊อ เห่ขุ ลุยกยาลุยหน่อ เต๊เห่ปา.

ꤛꤥ꤭ꤟꤢ꤬ 12:26

อูเปเป๋ เบ่เบ่, เด๊อ อา ทวา แว หลู่เล๊ เนอ, อา เบ่ครวา เกอ แว. ตื๊อหม่า, แว โอ่เบ๊อะเต๋ โต๊โผ่ เบ่เบ่, อา เก่ โอ่เกอ เบ๊อะเนอ ปา. แวเพ เก่ แด่ดุแด่ทู แกแย เด๊อ อา ทวา แว หลู่เล๊ เนอเตเพร ปา.

ꤛꤥ꤭ꤟꤢ꤬ 3:33

แกแย เด๊อ อา หนิดา พย๊าฉื่อ ลู เตเฮ๊โฉ่โล เต๊เห่เนอ, อา หยื่อเอ่ ตาเต แลแค เร๊อ จอแปแหร่ หม่า อาหม่าอาจ๊อ.

ꤚꤥꤗꤢꤩ꤬ 6:22

หม่าแน๊เรอ กู๊แหน่เออ จอแปแหร่ ฉิย๊า ปลวาเถ่จว๊าแก เฮ๊อ ซี เด๊อ เตซื๊อเตปล๊า อาหลู่เล๊ เฮ๊อ. เร๊อ ซี ทวาเฮ๊อ จอแปแหร่ อาหลู่เล๊ เด๊อ อาเซ เต๊เห่ เฮ๊อ. เด๊อ ซี ทวาเฮ๊อ ฮู๊เออ อาขว่าอาคยา, อา หนิบุ๊ยหนิเตอเรอ เด๊อ ซีเง หม่า หม่าเฮ๊อ อา ซูจว๊า ซี เด๊อ เตโอ่เซอเพร บูโพ๊ อา แกล๊เดกู เออเนอ เฮ๊อ. เร๊อ เด๊อ เป โอ่เซอเพร บูโพ๊ เฮ๊อ อาขว่าอาคยา, อา หนิบุ๊ย เฮ๊อ เด๊อ ซิเง หม่า หม่าเฮ๊อ ซี พย๊าหนิ ซิปล่อเซอเพร ตูจูเพร เออเนอ เฮ๊อ.

เตเด๊อะโลแถ่ 13:16

แกแย เด๊อ อามีลาดุ เต๊เห่ เบ่เบ่, แกแย เด๊อ อู เตเน ปีตี๊ ลู เต๊เห่เนอ เบ่เบ่, แกแย ดุแหย่ เบ่เบ่, แกแย โซแร เบ่เบ่, หลู่เต๊เห่ เบ่เบ่, แกแย พย๊าหนิ เตปาลา เต๊เห่ เบ่เบ่, แซ่ฮู๊ เหย่ซี เก่ พย๊าหนิ เตม๊าเตแด เต๊อเจ่อ เด๊อ อากู๊ขุ จ๊อทว๊า อาโอ่, หม่าโต่เรอ เด๊อ อา มาเท๊ลู อาเงเนอ เตมีเตแหม่ เนอโดโตโด เนอโตโด นอฉว่า ลอ อู ปว๋า เตเพร.

เตเด๊อะโลแถ่ 13:17

แกแย เด๊อ เตม๊าเตแด โอ่เกออู โต่ เต๊เห่เนอ, อา พรีเอ่อิเช นิ เกออู โต่. เตม๊าเตแด เออเนอหม่า หม่าเฮ๊อ เตมีเตแหม่ อามุย, หม่าโต่เรอ เตแด๊ม๊า เต๊อเจ่อ เด๊อ อา เด๊อะ โลแถ่ ลูมูย.

เตเด๊อะโลแถ่ 14:1

เบ๊อะเนอเค, แว แม๊เถอะ ซิหมิพู๊ เนอโตโด ก๊อถ่อโอ่ เด๊อ ซีโยน โฉ่ขุ. เร๊อ อู ก๊อถ่อ โอ่เต่อเกอ เร๊อ อา อาเพร ตีซี เร๊อ ลุยซ๊อ เร๊อ ลุยรี๊. เด๊อ แกแย เออเต๊เห่ อา มาเท๊ลู เนอ, อู ราม๊าโอ่ ซิหมิ เออโตโด อามุย เร๊อ อาเพ อามุย.

เตเด๊อะโลแถ่ 14:9

เร๊อ เตเน่วพู๊ โซเพร เตเพร ครวาเฮ๊ พราแถ่ฉว่า เกอ เตเน่วพู๊ อาเหร่อ เนอซิเนอ อาคยา เน๊อ, “แกแย เด๊อ อา จ๊อบู่จ๊อเบแถ่ เตมีเตแหม่ เออ เร๊อ อาเตแหย่โย เออเตเพร เนอเต๊เห่ เร๊อ อา พย๊าฉื่อ เตม๊าแด เด๊อ อู เมม๊า เป่ เหย่ซี เด๊อ อา มาเท๊ลู เนอเต๊เห่ เบ่เบ่, เก่หม่าโต่เรอ อู เมม๊า เป่ เหย่ซี เด๊อ อา กู๊ขุลู เนอเต๊เห่ เบ่เบ่,

เตเด๊อะโลแถ่ 19:2

เมเตเฮ๊เรอ อา เมจากาคยา ซี เต๊เห่เนอหม่า อาโตหม่า อาโตโต. อาจ๊อหม่า อาจ๊อจ๊อ. อา เมจากาคยาแก โทเฮ๊อ แม๊เผ่โหมะ มีลาดุ เด๊อ อา เมปย๊าเมหลู่ เห่ขุ เต๊เห่ เร๊อ อาสุ่ยเทอ อา เตซิหยื่อ ปาต๊า มู๊แหม่รีแจ่ เต๊เห่ เนอเตเพร เฮ๊อ. อา เมเซอ จอแปแหร่ อาหลู่เล๊ เต๊เห่ อาขว่าอาคยา แบ่เจ่ จอแปแหร่ เมเลอ กาคยา ฉื่อ เฮ๊อ อา เฮ๊อ.”

เตเด๊อะโลแถ่ 20:4

โทเรอ แว แม๊เถอะ จ๊อแผ่ กู่แกล๊เท แถ่โล เต๊เห่. แกแย โอ่แนโอ่ เด๊อ กู่แกล๊แถ่โล ลูเนอ เต๊เห่เนอ, อู เด๊อ เหย่ซี เตอเรอฉว่าชอ เด๊อ อา เก่ เมจากาคยา อู ปา. แว แม๊เถอะ เกอโป่ แกแย เด๊อ อา ข่าเด๊อะโล เร๊อ เหย่ซู่ อาหรี่อาแก เร๊อ อา แด๊โฉ่โด่แน เป่ อู จอแปแหร่ อาลาอาโหง่ เต๊เห่ อาขว่าอาคยา, อู ปาตือแก เหย่ซี แกโบ เต๊เห่ อา ซิปล่อเซอเพร. เตมีเตแหม่ เบ่เบ่, เตมีเตแหม่ อาเตแหย่โย เออเนอ เบ่เบ่, เหย่ซี จ๊อเบแถ่น๊อ เกออู โต่ ตื๊อเนอโทโต่. เตมีเตแหม่ เนอโตโด อา เตเมม๊าเมแด เด๊อ อู เบ่ เมม๊า เด๊อ มาเท๊ลู เนอเบ่เบ่, หม่าโต่เรอ อู เบ่ เมม๊า เด๊อ กู๊ขุลู เนอเบ่เบ่, อา พย๊าฉื่อน๊อ เกออู เตเมม๊าเมแด เตอเจ๋อ โต่. เหย่ซี เซอเพร กาคยา เร๊อ อา เป๊อ เต่อเกอ เต เร๊อ ครี๊ อาหน่าตีรี๊.

เตเด๊อะโลแถ่ 22:4

เหย่ซี เก่ แม๊เถอะ จอแปแหร่ อาเป๊เส่ ปา เร๊อ อู เก่ ราโอ่ จอแปแหร่ อามุย เด๊อะ เหย่ซี อามาเท๊ลู ปา.

เตเด๊อะโลแถ่ 6:6

แว หนิโฮ เด๊อ เตเซอเพร เออลุยโด อาเกล เนอ, อา แซ่ เร๊อ โหง่พราแถ่ เต๊อเจ่อ, เร๊อ อา เฮ๊ เน๊อ, “แรเต เตอเน๋อ เหมาะเฮ๊ เนอ, อา หนิ แพ๊ อาคว๊าเก่ โบ๊กู่ลา เตเบ แพ๊, หม่าโต่เรอ โบ๊บ่าหลิ โซเบ แพ๊. เร๊อ เมปย๊าแก แต่ โต๊โฉ่เส่เทอ เร๊อ แท๊ทือเส่เทอแย เนอ แต่เหม่ นี๋.”

เตเด๊อะโลแถ่ 7:1

เตเมอาเหน่ ฮู๊เออ โทเรอ เห่ขุเออ เบ่เบ่, เทอดุซาวา เออเต๊เห่ เบ่เบ่, ส่อเหมาะ เต๊เห่ เบ่เบ่, แซ่ฮู๊ เก่แลเซ๊ แฮเบ่ แต่ เหย่ซี แต่เหม่ เนอ, แว แม๊เถอะ เตเน่วพู๊ ซิลุย ก๊อถ่อโอ่ แลแค เด๊อ เห่ขุ ลุยเหนาะ เร๊อ อา เมตาตือ ฉื่อแกลอ เก่แลเซ๊ แกล๊.

เตเด๊อะโลแถ่ 7:2

แว แม๊เถอะ เตเน่วพู๊ เด๊อ อาโรเตเพร โอ่ เด๊อ ซิเถ่ ตากยา แฮ เร๊อ อา พย๊าแฮหนิ แบ่เจ่ จอแปแหร่ เด๊อ อา เซอเพร เออเตเพร อา เตม๊าเตแด โต๊โก่. โทเรอ อา จ่าเพรอ เอ๊โทแถ่ เตเน่วพู๊ เออซิลุย เด๊อ จอแปแหร่ เด๊อะ โทเฮ๊อ เหย่ซี อาเตโพรฉว่าชอ เด๊อ อา เก่ เมปย๊าแก เห่ขุ เร๊อ เทอดุซาวา เออเต๊เห่.

เตเด๊อะโลแถ่ 9:4

อู เฮ๊หนื่ออื่อ เหย่ซี เร๊อ อา เบ่ เมปย๊าหนิ มีออ เต๊เห่ โต่, ส่อตอเหมาะ ซิโซ เต๊เห่ โต่, ส่อเหมาะเหว่โบ ซีเต๊เห่ ตีกี๋ โต่. เหย่ซี เบ่ อ่า แพ๊ตื๊อ แกแย เด๊อ อา โอ่ เกอเร๊อ เกอเน๊อ จอแปแหร่ อาเตเมม๊าเมแด เด๊อ อา มาเท๊ลู โต่ เนอเต๊เห่ แพ๊.