เตเด๊อะโลแถ่ 7:2 - ลีเทส่อพ๊าอาเซ เร๊อ เห่ขุทวาลู๊

² แว แม๊เถอะ เตเน่วพู๊ เด๊อ อาโรเตเพร โอ่ เด๊อ ซิเถ่ ตากยา แฮ เร๊อ อา พย๊าแฮหนิ แบ่เจ่ จอแปแหร่ เด๊อ อา เซอเพร เออเตเพร อา เตม๊าเตแด โต๊โก่. โทเรอ อา จ่าเพรอ เอ๊โทแถ่ เตเน่วพู๊ เออซิลุย เด๊อ จอแปแหร่ เด๊อะ โทเฮ๊อ เหย่ซี อาเตโพรฉว่าชอ เด๊อ อา เก่ เมปย๊าแก เห่ขุ เร๊อ เทอดุซาวา เออเต๊เห่.

Eastern Kayah Shadaw Dialect

² ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤣꤧ꤬ꤔꤢꤩꤖꤢꤨ ꤘꤣ ꤢ꤬ꤚꤥ꤬ꤒꤣ꤬ꤖꤚꤢꤩ꤬ ꤥ꤬ ꤘꤣ ꤞꤤꤓꤢꤩ꤬ ꤒꤣ꤬ꤊꤛꤢ꤭ ꤟꤢꤧ꤭ ꤚꤣꤧ꤬ ꤢ꤬ ꤖꤛꤢꤟꤢꤧ꤭ꤔ꤫ꤤ꤬ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤒꤣ꤬ꤊꤥ꤬꤯ ꤓꤥ꤭ꤚꤣꤧ꤬ ꤢ꤬ ꤡ꤫ꤢ꤬ꤖꤚꤣꤧ꤭ ꤢꤩꤓꤥ꤭ꤓꤢꤧ꤬ ꤒꤣꤧ꤬ꤔꤢꤩꤖꤢꤨ ꤣꤧ꤭ꤞꤤꤜꤝꤤ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤓꤥ꤭ꤟꤣꤧ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤕꤛꤢꤊꤢꤧ꤭ ꤟꤢꤩ꤬ꤋꤢꤨ꤬ ꤔꤢꤧ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤣꤧ꤭ꤒꤣꤧ꤬ꤟꤢꤩ꤬꤯

เตเด๊อะโลแถ่ 7:2 Iomraidhean Croise

มัทธิว 16:16

คูซีโมน เปโตร เฮ๊ฉื่อ ลู เน๊อ, “เน หม่า ครี๊ เด๊อ อา เมแลเปล๊ กา อู เตเพรเฮ๊อ. เนหม่า อา ทวา จอแปแหร่ เด๊อ อา เซอเพร เตเพร อาพู๊คู.”

มัทธิว 26:63

หม่าแน๊เรอ อา แด๊ต๊ากลว่า แพ๊. เพรหลู่แต กู่กล๊อดุเล๊อ เนอเตเพร เฮ๊ เน๊อ, “แว แบ แวโหง่ เร๊อ จอแปแหร่ เด๊อ อา เซอเพร เออเตเพร เร๊อ แว เก่ แด๊เฮอ เน, เน หม่า เมสิยาห์ หม่าเฮ๊อ จอแปแหร่ อาพู๊ เนอเตเพร หม่าแหน่ ฮ๊อแอเนอ, เฮ๊เป่แม๊เป.”

ꤛꤥ꤭ꤟꤢ꤬ 6:27

จ่าเพรอ แรเป่ เต เหล่เอ่เหล่โอ เด๊อ อา โนโส่ อา ซอปย๊า แจ่ เนอเต๊เห่ อาเง แต่เหม่. จ่าเพรอ แรเป่ เหล่เอ่เหล่โอ เด๊อ อา เก่ เด๊อะ ซี ซิปล่อเซอเพร ตูจูเพร เออเต๊เห่ อาเงเนอ. แกแยเห่ขุ พู๊คูเออ, อา เก่ เด๊อะ อู เหล่เอ่ ฮู๊เนอ เต๊เห่ ปา, เมเตเฮ๊เรอ เพ จอแปแหร่ เด๊อะโล เฮ๊อ เร๊อ อา ซิปล่อโอ่ เฮ๊อ ลู เฮ๊อ.”

โครินธ์ เนอบ่า ต๊าบ่า 1:22

โท๊โต่, จอแปแหร่ เมม๊าเมแด เป เออเนอ, อา เด๊อะโล เฮ๊อ เร๊อ เป ทวา เฮ๊อ อาแกแย เฮ๊อ. อา เด๊อะตา เป แหย่โยบูโพ๊ แบ่เจ่ เออเนอหมา อา เมม๊าเมแด เฮ๊อ เป เฮ๊อ. โทเรอ แหย่โยบูโพ๊ แบ่เจ่ เออเนอ, อา แฮโน โอ่เซอเพร เด๊อ เป ซิปล่อกู เร๊อ อา เฮ๊จว่า เป่เกอ เป เร๊อ จอแปแหร่ เก่ เมเล๊อเมบาแถ่ เป่ ลอ เป อา เตอ๊อแล เนอเต๊เห่ ปา.

เอเฟซัส 1:13

ซี เร๊อ, เบ๊อะซี หนิโฮ เกอ เตหมะเตจ๊อ, เตซิครือมีลา เด๊อ อา เมแลเปล๊กา ซี อาหรี่อาแก เบ๊อะเนออาเค, ซี หยื่อเอ่ เร๊อ ซี ทวาแถ่ เตเตอเจ๋อ โต เร๊อ ครี๊ เฮ๊อ. เด๊อ ซี หยื่อเอ่ ครี๊ อาขว่าอาคยา, อา เด๊อะแล ซี แหย่โยบูโพ๊แบ่เจ่ เด๊อ อา เฮ๊แก หนื่ออื่อ โทเฮ๊อ เออเนอ เฮ๊อ. แหย่โยบูโพ๊แบ่เจ่ เออเนอ อา แซ่เฮ๊อ เร๊อ เมม๊าเมแด เต๊อเจ่อ เด๊อ อา เด๊อะโล เร๊อ ซี ทวาเฮ๊อ จอแปแหร่ อาแกแย เฮ๊อ.

เอเฟซัส 4:30

เมซิเปล แต่ จอแปแหร่ อา แหย่โยบูโพ๊ แต่เหม่. จอแปแหร่ เด๊อ ซี แหย่โยบูโพ๊แบ่เจ่ เออเนอหมา, อา แซ่เฮ๊อ เร๊อ เมม๊าเมแด เต๊อเจ่อ เด๊อ ซี หม่า จอแปแหร่ อาเต เฮ๊อ. แหย่โยบูโพ๊แบ่เจ่ เออเนอ, อา เก่ โอ่เต่อ เร๊อ ซี โต่เด๊อ จอแปแหร่ แฮ เมแลเปล๊กา ซี ปา เนอเตอเนอ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:9

เบ๊อะเป แฮ โอ่เล เกอ ซี เบ๊อะเนอ, ซี เอ๊โมฉื่อ แลแค เป ฮู๊เตเนอ, ล๋อ แกแย โอ่ เบ๊อะเนอ เต๊เห่ โด่แน เป่ ลอปลี เฮ๊อ เป. อา โด่แน เป่ เป เร๊อ แซ่ฮู๊ ซี เก่ เมเกอ จอแปแหร่ เด๊อ อา เซอเพร เร๊อ อาจ๊ออาเต หม่าแหน่ เออเตเพร อา เตเมเนอ, ซี วี๊แก แก ลอ เจ๊อ ซี เตจ๊อเบ เตแหย่โย เต๊เห่ เจ๊อ.

ทิโมธี เนอบ่า ต๊าบ่า 2:19

หม่าแน๊เรอ อู เม โกโยแจ่ เน๊อ จอแปแหร่ อา เตแก่ช๊า อาหม่าอากลอ เออเนอ โต่. เด๊อ เตแก่ช๊า เออ อาโอ่เนอ อู ราโอ่ เน๊อ, “แบ่เจ่ ซิเง เกอเร๊อดื่อ อาแกแย” เร๊อ “แกแย ปว๋า เตเพร เด๊อ อา เฮ๊ เร๊อ แว หม่า แบ่เจ่ อาแกแย เต๊เห่เนอหม่า, อา โตเบ่ ตีรี๊ จว๊าโค๊แก อาเหน่ เร๊อ เตซื๊อ เออเนอ.”

ꤟꤤꤙꤚꤢꤨ 12:22

หม่าแน๊เรอ, ซี เกอลาติ เร๊อ ซี แฮโต่เฮ๊อ เด๊อ ศิโยนโฉ่ เฮ๊อ. โฉ่เออเตเมเนอ หม่า หม่าเฮ๊อ จอแปแหร่ เด๊อ อา เซอ เพร เออเตเพร อาวี ตีวี เด๊อ อูเอ๊ เน๊อ วีเยรูซาเล็ม เด๊อ ม๊อขุเออเนอ ตีวี เฮ๊อ. จอแปแหร่ อาม๊อขุ เตเน่วพู๊ เด๊อ อา โอ่เจ๊อ เด๊อ อาซี เน๊อ อาซีกู เต๊เห่ แฮโอ่ ป่อ ซิครือซิลอ โหร่เกอ ลอ ลู เบ๊อะเนอ. เน๊อ ซี แฮ โอเต่อเกอ เน๊อ อา ม๊อขุ เตเน่วพู๊ เออเต๊เห่ เฮ๊อ.

เตเด๊อะโลแถ่ 1:3

แกแย เด๊อ อา แด๊ ลี เออต๊าบ่า เตเพรเพร เนอ, อา พย๊าหนิ เตเด๊อะบุ๊ยเด๊อะเตอเรอ โท๊โต่ แกแย เด๊อ อา หนิโฮ เพรโพร เต๊เห่ อา เตเฮ๊เบ่ เด๊อ อา เก่ ทวาแถ่ กู๊แหน่ เออเต๊เห่เนอ เบ่เบ่, อา เก่ ทวาแถ่ ช๋า โหน่ปา เต๊เห่เนอ เบ่เบ่, เหย่ซี เก่ จูเอ่ เตเด๊อ อู ราโอ่ อา เด๊อ ลี เออต๊าบ่า อากู เต๊เห่เนอ, อา เก่ พย๊าหนิ แลแค เตเด๊อะบุ๊ยเด๊อะเตอเรอ, เมเตเฮ๊เรอ เตเออเต๊เห่ เกเร ทวาแถ่เนอ, อาม๊อเนอ ผื่อแฮ เฮ๊อ.

เตเด๊อะโลแถ่ 10:1

ฮู๊เนอโทเรอ แว แม๊เถอะ เตเน่วพู๊ อา อ๊าฉว่าเหร่ชอ เด๊อ อาโร เตเพร โอ่เด๊อ ม๊อขุ แฮแล. อา กือแซ๊ แถ่หนิ อ๊อโหล่ เร๊อ โอ่ เด๊อ ลู กู่กล๊อขุ. อา เป๊เส่เนอ อาแซ่เน๊อ ต๊อเหมาะ เร๊อ อา กู๊โด่เนอ อาแซ่เน๊อ หมิอือ ลีกาซุ๊ย อี๊ถื่อ เนอ.

เตเด๊อะโลแถ่ 10:4

เบ๊อะฉ่าแล โท โซซว๊าตือหื่อ เบ๊อะเนอ, แว เตเร ราม๊าแก หม่าแน๊เรอ แว หนิโฮ โหง่พราแถ่ เด๊อ ม๊อขุ เร๊อ อา เฮ๊ เน๊อ, “แด่โอ๊แด่บี๊แก ฉ่าแล แด๊โฉ่โล กาคยาฉื่อ เน โซซว๊า ตื๊อหื่อ เออเนอ. ราม๊า แต่ อา แต่เหม่.”

เตเด๊อะโลแถ่ 16:12

โทเรอ เตเน่วพู๊ อาเพร โซซว๊า เออเตเพร จว๊า กลอตา เกอลาติ อาเบหล่อดุ เด๊อ เทอแลดุ เด๊อ อู เอ๊ เร๊อ ยูเฟรติส เออแตแล อากู. แซ่ฮู๊ อา เก่ เมจว่า เป่ คุ๊ย เด๊อ ซิเถ่ เต๊เห่ เก่ แฮ แกล๊ อาเงเนอเรอ, เทอแลดุ เออแตแล ซิคราแก เป่ เหย่ซี.

เตเด๊อะโลแถ่ 5:2

เร๊อ แว แม๊เถอะ เตเน่วพู๊ อ๊าฉว่าเหร่ชอ เด๊อ อา เอ๊โทแถ่ฉว่าฉว่า เตเพร เร๊อ อา เด๊อะซิเง เป่ อู เน๊อ, “แกแย เด๊อ อา โต ปา อ๊าโมแก เป่ อู เตเมม๊าเมแด เด๊อ อู เกล๊จิจือหม่า เออเต๊เห่ เร๊อ อา บ๊าโมแถ่ ลีตูลู เออเนอหม่า อูเป?”

เตเด๊อะโลแถ่ 8:3

เร๊อ เตเน่วพู๊ อาโรเตเพร เด๊อ อา ปื่อหม่า เกอเร๊อ ดีเบเทเต๊เอ่ เด๊อ อู เหล่ชื๊ออือแถ่ เร๊อ เตโนมื๊อ เออเตเพรเนอ, อา แฮก๊อถ่อโอ่ เบ๊อะเตหลู่เหร่ อาช๊า เนอ. อู เด๊อ เอ๊แหน่เจ๊อ ลู เตโนมื๊อ เต๊เห่ เด๊อ อา เก่ ฉู่โนบา เต่อ เป่ เร๊อ จอแปแหร่ อาแกแย บูโพ๊ ล๋อ ปลี เต๊เห่ อา เตกุยจ๊อเบ. โทเรอ อา เก่ หลู่แถ่ เออเต๊เห่ เด๊อ เตหลู่เหร่เท อาลู. เตหลู่เหร่เท เออเนอหม่า อา โอ่ เด๊อ จ๊อแผ่ อา กู่แกล๊เท แถ่โล อาเป๊เส่เง เนอ.

เตเด๊อะโลแถ่ 9:14

โหง่ เฮ๊ตาแล เตเน่วพู๊ อาเพร โซซว๊า เด๊อ อา ปื่อหม่าโอ่เร๊อ กวา เนอเตเพร เน๊อ, “ปลวาเถ่จว๊า เตเน่วพู๊ เนอซิลุย เด๊อ อู จอกลอหม่า เหย่ซี เด๊อ แลโหมะดุ ยูเฟรติส อากูเนอ.”

เตเด๊อะโลแถ่ 9:4

อู เฮ๊หนื่ออื่อ เหย่ซี เร๊อ อา เบ่ เมปย๊าหนิ มีออ เต๊เห่ โต่, ส่อตอเหมาะ ซิโซ เต๊เห่ โต่, ส่อเหมาะเหว่โบ ซีเต๊เห่ ตีกี๋ โต่. เหย่ซี เบ่ อ่า แพ๊ตื๊อ แกแย เด๊อ อา โอ่ เกอเร๊อ เกอเน๊อ จอแปแหร่ อาเตเมม๊าเมแด เด๊อ อา มาเท๊ลู โต่ เนอเต๊เห่ แพ๊.