เตเด๊อะโลแถ่ 6:2 - ลีเทส่อพ๊าอาเซ เร๊อ เห่ขุทวาลู๊

² แว แม๊ เร๊อ แว แม๊เถอะ ตีซิบู โตโด, เร๊อ แกแย เด๊อ อา แถ่แด๊ อา เตเพรเนอ อา ปื่อหม่าหนิ เกล่อ เต๊เบ่ เร๊อ อู เด๊อะ อา กู๊โก่เท เตเม. อาเนอ, อาแซ่เน๊อ แกแย เด๊อ อา ช๊าเป่ โทเฮ๊อ อู เตเพร เนอ. กู๊แหน่เรอ อา แถ่แด๊หนิ คยาแซ๊ ตีซิ เร๊อ อา เถ่จว๊า แซ่ฮู๊ อา เก่ จว๊าช๊าเป่ คยาแซ๊ อู เนอ.

Eastern Kayah Shadaw Dialect

² ꤠꤢꤧ꤭ ꤗꤢꤧ ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤣꤧ꤬ꤞꤤꤙꤢꤨ꤭ ꤒꤣ꤬ꤘꤥ꤭, ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ ꤜꤢꤨ꤭ ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤕ꤫ꤢꤦ꤬ꤗꤢ꤬ꤚꤣꤧ ꤊꤜꤣꤧ꤬ ꤒꤣ꤬ꤙꤢꤩ꤬ ꤚꤣꤧ꤬ ꤢꤨ꤭ ꤘꤣꤧ ꤢ꤬ ꤊꤢꤨꤊ꤫ꤥ꤬ꤓꤢꤩ꤭ ꤒꤣ꤬ꤗꤢꤩ꤭꤯ ꤢ꤬ꤔꤣꤧ꤬, ꤢ꤬ꤞꤢꤧꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤏꤢꤕ꤫ꤢꤩ꤬ ꤓꤥ꤭ꤟꤣꤧ ꤢꤨ꤭ ꤒꤣ꤬ꤖꤚꤢꤩ꤬ ꤔꤣꤧ꤬꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤢ꤬ ꤘꤢꤧꤔ꤫ꤤ꤬ ꤋꤛꤢ꤭ꤞꤢꤧ ꤒꤣꤧ꤬ꤞꤤ ꤚꤣꤧ꤬ ꤢ꤬ ꤓꤢꤩ꤬ꤡꤝꤢ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤡꤝꤢꤏꤢꤕ꤫ꤢꤩ꤬ ꤋꤛꤢ꤭ꤞꤢꤧ ꤢꤨ꤭ ꤔꤣꤧ꤬꤯

เตเด๊อะโลแถ่ 6:2 Iomraidhean Croise

มัทธิว 28:18

เร๊อ แบ่เจ่ เหย่ซู่ แฮ เด๊อ เหย่ซี โอ่ เร๊อ อา เฮ๊ เหย่ซี เน๊อ, “เตอเรอฉว่าชอ เด๊อ ม๊อขุ เบ่เบ่, เด๊อ เห่ขุเออเนอ เบ่เบ่, อู เด๊อะ ลอเฮ๊อ เน๊อ แว เฮ๊อ.

โครินธ์ อาเหร่อเล๊อ ต๊าบ่า 15:25

เมเตเฮ๊เรอ ครี๊ เบ่ เป๊อ โต่ เต ช๋า จอแปแหร่ เมเป่ ลอหล่าตี๊กลิ โทลอเฮ๊อ เพร เด๊อ อา ซิเถ่ ครี๊ เออเต๊เห่เนอ, เร๊อ อา แด่ตา ลอ เฮ๊อ เหย่ซี เด๊อ ครี๊ อา กู๊โด่เล เฮ๊อ ปา.

เตเด๊อะโลแถ่ 11:15

โทเรอ เบ๊อะเตเน่วพู๊ อาเพร โซซว๊าเตเพร เออเตเพร โอ๊แถ่ อากวา เบ๊อะเนอ, โหง่เต๊เห่ พราแถ่ ฉว่าแหน่เจ๊อ เด๊อ ม๊อขุ เร๊อ อา เฮ๊ เนอ, “กู๊แหน่เออ เตโพรฉว่าชอ เด๊อ อา เก่ เป๊อ เห่ขุ เออเนอหม่า อา ทวาเฮ๊อ เป แบ่เจ่ เร๊อ อา เมสิยาห์ หม่าเฮ๊อ เพรเมแลเปล๊กาอาเต เฮ๊อ เร๊อ อา เก่ เป๊อเต ตูจูเพร แตแลเคร๊ เฮ๊อ.”

เตเด๊อะโลแถ่ 11:18

เมวเจอะโรพู๊ เต๊เห่เนอ, อา ซิปล่อดุ สู่เทอทู แลแค เฮ๊อ เน เฮ๊อ. หม่าแน๊เรอ, ฮู๊เตเต๋ เบ่เบ่, เน เตซิปล่อดุ อาม๊อเนอม๊อเซ แฮโต่ แหน่ เฮ๊อ. อาม๊อเนอม๊อเซ แฮโต่ แหน่ เฮ๊อ เด๊อ เน เก่เบ่ เมจากาคยา แกแยเซอ เต๊เห่ เฮ๊อ. อาม๊อเนอม๊อเซ แฮโต่ แหน่ เฮ๊อเด๊อ เน เก่เบ่ เด๊อะ เฮ๊อ เน เพรโพร เด๊อ อาเม เน เตเม เต๊เห่ เบ่เบ่, เน แกแย เบ๊ปล๊อเบ๊หมู่ เนอเต๊เห่ เบ่เบ่, แกแย ปว๋า เตเพร เด๊อ อา แด่ดุหยื่อแหน่ เน เนอเต๊เห่ เบ่เบ่, แกแย มีลาดุ เต๊เห่ เบ่เบ่, แกแย เด๊อ อู เตเน ปีตี๊ ลู เต๊เห่ เบ่เบ่ อาม๊อเนอม๊อเซ แฮโต่ แหน่ เฮ๊อ เด๊อ จอแปแหร่ เก่ เบ่ เด๊อะ เหย่ซี อาคว๊าอาเก่ เฮ๊อ. อาม๊อเนอม๊อเซ แฮโต่ แหน่ เฮ๊อ เด๊อ เน เก่ เมปย๊าแก แกแย เด๊อ อา เมปย๊าแก เห่ขุ เนอเต๊เห่ เฮ๊อ.”

เตเด๊อะโลแถ่ 14:14

ฮู๊เนอโทเรอ เด๊อคยาเนอ แว แม๊เถอะ อ๊อโหล่บู ต๊าบ่า, เร๊อ เด๊อ อ๊อโหล่ เนอต๊าบ่า อาลู เนอ, อาแซ่เน๊อ แกแย โอ่แนโอ่ เตเพร เร๊อ อา โก่หนิ กู๊โก่เท เตเม เร๊อ อา ปื่อหนิ เตเจ แทแร๊ เต๊เบ่ เด๊อ อา กู๊ยากู.

เตเด๊อะโลแถ่ 15:2

แว แม๊เถอะ เต เด๊อ อาแซ่เน๊อ เทอดุซาวา เด๊อ อาเช๊อเกอเล๊อ ซีแล๊ เต่อเร๊อ หมิ โอ่ ต๊ออ่อ. แว แม๊เถอะโป่ แกแย เต๊เห่ เด๊อ อา เมเป่ เตมีเตแหม่ เออโตโด เร๊อ อาเตแหย่โย, เร๊อ อาลีปล่อ แด๊ม๊า เยโซซว๊า เร๊อ เชอโซซว๊า เร๊อ โซซว๊า เนอโตโด. เหย่ซี ก๊อถ่อโอ่ เด๊อ เทอดุซาวา อาเช๊อเกอเล๊อ เออ อาทือ เนอ, เร๊อ อา ปื่อหม่าหนิ แลแค ติ เด๊อ จอแปแหร่ เด๊อะ เหย่ซี เนอเต๊เห่.

เตเด๊อะโลแถ่ 17:14

เหย่ซี เก่ ช๊า ซิหมิพู๊ เนอโตโด ปา, หม่าแน๊เรอ ซิหมิพู๊ เออโตโด เก่ ช๊าเป่แก เหย่ซี ปา, เมเตเฮ๊เรอ ซิหมิพู๊ เออเนอหม่า หม่า แบ่เจ่ เต๊เห่ อา แบ่เจ่, จ๊อแผ่ เต๊เห่ อาจ๊อแผ่, เร๊อ แกแย เด๊อ อา โอ่เกอ เร๊อ อา เนอเต๊เห่ หม่า หม่าเฮ๊อ แกแย เด๊อ จอแปแหร่ เอ๊ แหน่ เหย่ซี, โท๊โต่ จอแปแหร่ นว๊าแถ่ แหน่ เหย่ซี, โทเรอ เหย่ซี หม่า แกแย เด๊อ อาจ๊อ เร๊อ อาโหง่ เต๊เห่.

เตเด๊อะโลแถ่ 19:14

ม๊อขุ อาเกลอฮู๊ เต๊เห่ กือแซ๊ แถ่หนิลอ เห่อจา แบ๊ปลี, เห่อจาบู, เห่อจา โพ๊อาแปละ เต๊เห่ โทเรอ แถ่แด๊ แถ่หนิ แลแค ตีซิบู เร๊อ ครวาเกอ ลูคยา.

เตเด๊อะโลแถ่ 3:21

“แว เมเป่ โทเฮ๊อ เร๊อ แว โอ่แนหนิ เต่อเกอ เฮ๊อ เร๊อ แวเพ เด๊อ กู่แกล๊เท แถ่โล อาขุ เฮ๊อ. ฮู๊เนอเรอ แกแย เด๊อ อา เมเป่เต เต๊เห่เนอ, แว เก่ นอโอ่แนโอ่ เต่อเกอ เหย่ซี เร๊อ แว เด๊อ แว กู่แกล๊เท แถ่โล อาขุ เออเนอ ปา.

เตเด๊อะโลแถ่ 9:7

ตีกี เต๊เห่เนอ อาแซ่เน๊อ ตีซิ เต๊เห่ เด๊อ อา โอ่ ตี๊หรี่แตแร อาเหน่ เด๊อ อา เก่ ช๊าเต อาเง เนอ. เด๊อ เหย่ซี กู่กล๊อลู เนอ อา แซ๊ เน๊อ อา โก่หนิ กู๊โก่เท เนอ, โทเรอ เหย่ซี เป๊เส่ เนอ, อา แซ๊ เน๊อ แกแย เป๊เส่.