เตเด๊อะโลแถ่ 6:1 - ลีเทส่อพ๊าอาเซ เร๊อ เห่ขุทวาลู๊

¹ แว แม๊เถอะ ซิหมิพู๊ เนอโตโด ปาอ๊าโมแถ่ อู เกล๊จิจือหม่า เตม๊าเตแด เด๊อ โซซว๊าโต๊โก่ อาเกลเออ อาเหร่อเล๊อ โต๊โก่ เร๊อ แว หนิโฮ เด๊อ เตเซอเพร เนอ ลุยโด อาเกล โตโดเนอ อาโหง่พราแถ่ แซ่เร๊อ ฉ่าแล เนอ เร๊อ “แฮมอ” อา เฮ๊ ฮู๊เนอ.

Eastern Kayah Shadaw Dialect

¹ ꤠꤢꤧ꤭ ꤗꤢꤧꤓ꤫ꤣꤧ꤬ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤡꤢꤨꤢꤗꤥ꤭ꤓꤢꤧ꤬ ꤢꤨ꤭ ꤊꤜꤢꤩꤡ꤫ꤢꤩ꤬ꤡꤢꤦ꤭ꤗꤢ꤬ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤘꤣ ꤞꤥ꤭ꤞꤝꤢꤒꤣ꤬ꤊꤥ꤬ ꤢ꤬ꤊꤜꤢꤩ꤭ꤣꤧ꤭ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤊꤥ꤬ ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤘꤣ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤔꤣꤧ꤬ ꤜꤝꤤ꤭ꤘꤥ꤭ ꤢ꤬ꤊꤜꤢꤩ꤭ ꤒꤣ꤬ꤘꤥ꤭ꤔꤣꤧ꤬ ꤢ꤬ꤍ꤫ꤥ꤬ꤖꤚꤢ꤬ꤓꤢꤧ꤬ ꤞꤢꤧꤔꤢꤧ ꤏꤢ꤬ꤜꤢꤧ꤬ ꤔꤣꤧ꤬ ꤚꤣꤧ꤬ “ꤟꤢꤧ꤭ꤗꤣꤧ꤭” ꤢ꤬ ꤟꤢꤩ ꤟꤢꤨꤔꤣꤧ꤬꤯

เตเด๊อะโลแถ่ 6:1 Iomraidhean Croise

ꤛꤥ꤭ꤟꤢ꤬ 1:29

เด๊อคยา เตอเนอเนอ, คูยอห์น แม๊เถอะ เหย่ซู่ แฮ เด๊อ อา โอ่ เร๊อ อา เฮ๊ เน๊อ, “แม๊มอ, จอแปแหร่ อาซิหมิพู๊ เด๊อ อา พย๊าวีแกแก แกแย เห่ขุพู๊ อา เตซื๊อเตโอ่หร่า เต๊เห่ เออเนอ เตเพร.

เพรโด่แนพู๊ เต๊เห่ 4:20

เมเตเฮ๊เรอเตเด๊อ เป แม๊เถอะ หนิโฮ โทเฮ๊อ เต๊เห่เนอ เป เก่ แด๊โฉ่โล เป่ อู โต่ เฮ๊เนอ, เป โอ่แจ่ โต่.”

เตเด๊อะโลแถ่ 11:19

เบ๊อะเนอเค อู โบ๊โมแถ่ จอแปแหร่ อา เตหลู่เเตโฮ เด๊อ ม๊อขุ เนอเตเม. เร๊อ อู แม๊เถอะ เตอ๊อแลนอแล อา เตบูโพ๊ โอ่ เด๊อ เตหลู่แต โฮกู เนอ. โทเรอ ฉ่าลีบ๊อ, อาพรารื๊อพราเต๊, ม๊อครอ ฉ่าแล, เตเน่วท๊อดี, ตื๊อครื่อจ่า ปล่อดุ เต๊เห่ จ่าตา แซ่เจ๊อฮู๊ เก่จือ เนอ.

เตเด๊อะโลแถ่ 13:8

ล๋อ แกแย เด๊อ อา โอ่ เด๊อ เห่ขุเออ ปว๋า เตเพร เนอ, อา เก่ จ๊อบู่จ๊อเบแถ่ ลอ ลู ปา. เป๊อะแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ลา เหย่ซีมุย เด๊อ ซิหมิพู๊ เนอโตโด อา ลีเซอเพร อากู ล๋ายโต่ เต๊เห่เนอ, อา เก่ จ๊อบู่จ๊อเบแถ่ ลอ แลแค เตมีเตแหม่ เออโตโด. ซิหมิพู๊ เนอโตโด หม่า หม่าเฮ๊อ อู เมเซอ อาเนอ เตเพร เฮ๊อ.

เตเด๊อะโลแถ่ 14:2

เร๊อ แว หนิโฮ เตพราแถ่ เด๊อ ม๊อขุ เต๊อเจ่อ เร๊อ อา พรา แซ่เร๊อ เทอเคว ช๊าตา โทเรอ ฉ่าแล เนอ. โท๊โต่ อา พรา แซ่เจ๊อเร๊อ อู ด่อ พรารื๊อพราเต๊ ติ เต๊เห่เนอ เจ๊อ.

เตเด๊อะโลแถ่ 19:6

เบ๊อะเนออาเค แว หนิโฮ โหง่ เด๊อ อา เจ๊อ เร๊อ แกแย ตูปลูเต๊เผ่ เฮ๊เบ่ เนอ. โทเรอ อาแซ่เน๊อ เทอเคว ทุ๊ยแฮ พรารื๊อพราเต๊ เนอ, เร๊อ อา พรา ตอปลอแลยอ ฉว่า แซ่เจ๊อเร๊อ ฉ่าแล เต๊เห่เนอ. แว หนิโฮ เหย่ซี เฮ๊ เน๊อ, “ถู่เซ๊แถ่ จอแปแหร่, เมเตเฮ๊เรอ เป แบ่เจ่ จอแปแหร่ เด๊อ อา แจ่เตลอ ซิเงเตปลี เออเตเพรเนอ, อา เป๊อตี๊หรี่ เฮ๊อ เต เฮ๊อ.

เตเด๊อะโลแถ่ 4:8

เตเซอเพรเออ ลุยโด ลอเนอ, โตโด๋ เร๊อ อา ด๊าโอ่ อา เบ่ โซซว๊า, อา เป๊เส่ปล่อ เต๊เห่เนอ, อาโอ่ ลอปลี ลูเหน่ ชีเพรเจ๊อ, อาโอ่ โต่ ลอ เจ๊อ เด๊อ อาด๊าเล. เหย่ซี อิโร ถู่เซ๊แถ่ ปวาเนอเน๋อ ปวาเซเซ เจ๊อ, อา โอ่โก๊ โตโพ๋ โต่. เร๊อ อา อิโร ถู่เซ๊แถ่ แลแค เน๊อ, “แบ่เจ่ จอแปแหร่ เด๊อ อา เมแจ่เต ล๋อ ปลี เด๊อ อา โอ่เซอเพร เด๊อหนู่เด๊อส่าเค, เร๊อ อา โอ่เซอเพร โต่กู๊แหน่, โทเร๊อ อา เก่ โอ่เซอเพร แฮเงลา เออเตเพรเนอ, อา อาบูโพ๊, อาบูโพ๊, อาบูโพ๊.”

เตเด๊อะโลแถ่ 5:1

แว แม๊เถอะ ลี ตูลู ตูกลู๊ โอ่ เด๊อ เพรโอ่แนโอ่ เด๊อ จ๊อแผ่ กู่แกล๊เท แถ่โลอาขุ เนอเตเพร อากู๊ขุ จ๊อทว๊า เนอตากยา อากู. ลีตูลู เออเนอ, อู ราโอ่ ลอปลี เร๊อ ลีปล่อ เนอโค๊เนอกยา ลอ เร๊อ อู เกล๊จิจือหม่า ลู เร๊อ เตม๊าเตแด โซซว๊าโต๊โก่.

เตเด๊อะโลแถ่ 5:12

เร๊อ เหย่ซี เอ๊โท อิโร ฉว่า แลแค เนอ, “ซิหมิพู๊ เด๊อ อู เมเซอ ลู เออเนอ, อา โต พย๊าเร๊อดื่อ เตอเรอฉว่าชอ, เตดุแหย่แถ่เซ, เตลีแมลีเพ๊, เตอ๊าเตเหร่, เตแด่ดุแด่ทู ลู, เตเมลีเมตาเค ลู, เร๊อ เตถู่เซ๊แถ่ ดื่อ ลู นี๋.”

เตเด๊อะโลแถ่ 5:8

เบ๊อะอา ปื่อหม่าหนิ ลีตูลูเออ เบ๊อะเนอ, เตเซอเพร ลุยโดเออ เน๊อ โหมะพรูโหมะเผร่ เนอเชอ เน๊อ ซิลุย เออ แด๊งือแล เด๊อ ซิหมิพู๊ เนอโตโด อา เป๊เส่เง. เหย่ซี โตโด เร๊อ โตโด, เตเพร เร๊อ เตเพร เนอ, อา ติ เหล่ด่อ โอ่ โทเรอ อาโอ่ เร๊อ อาเบเท เต๊เห่. เบเท เออเต๊เห่เนอ อาโอ่ บา เจ๊อ เร๊อ เตโนมื๊อโนชือ. เตโนมื๊อโนชือ เออเต๊เห่ หม่า หม่าเฮ๊อ จอแปแหร่ อาแกแย อา เตกุยจ๊อเบ เนอเต๊เห่ เฮ๊อ.

เตเด๊อะโลแถ่ 6:3

เบ๊อะซิหมิพู๊เออ ปาอ๊าโมแถ่ เตม๊าเตแด เนอโก่โต๊โก่ เบ๊อะเนอ, แว หนิโฮ เตเซอเพร เนอโด โตโด เออเนอ เฮ๊ เน๊อ, “แฮมอ.”

เตเด๊อะโลแถ่ 6:5

โทเรอ ซิหมิพู๊ เนอโตโด ปาอ๊าโมแถ่ เตม๊าเตแด เด๊อ อู เมหม่า อาเนอ, เร๊อ แว หนิโฮ เตเซอเพร โซโด เนอโตโด เฮ๊ เน๊อ, “แฮมอ” อา เฮ๊ ฮู๊เนอ. แว แม๊ เร๊อ แว แม๊เถอะ ตีซิลอ โตโด เร๊อ แกแย เด๊อ อา แถ่แด๊ ลู เตเพรเนอ อาโอ่ เกอเร๊อ เน๊อ แจ๊จู๊เหล่ เด๊อ อา กู๊ยากู.

เตเด๊อะโลแถ่ 6:7

โทเรอ ซิหมิพู๊ เนอโตโด ปาอ๊าโมแถ่ เตม๊าเตแด ลุยโก่โต๊โก่ เด๊อ อูเมหม่า อาเนอ เร๊อ แว หนิโฮ เตเซอเพร ลุยโด เนอโตโด เฮ๊ เน๊อ, “แฮมอ” อา เฮ๊ ฮู๊เนอ.

เตเด๊อะโลแถ่ 8:1

เบ๊อะซิหมิพู๊ ปาอ๊าโม เตเมหม่า อา เตม๊าเตแด อาโก่ โซซว๊าโต๊โก่ เออโต๊โก่ เบ๊อะเนอ, เด๊อ ม๊อขุ เนอ, เตอาโส่อาเคร โอ่แถ่ งยา หร่าเหร่ ตีวี๊ตาวา เจ๊อ นาที โซเชอ เบ๊อะเนอ เจ๊อ.