เตเด๊อะโลแถ่ 4:2 - ลีเทส่อพ๊าอาเซ เร๊อ เห่ขุทวาลู๊

² เออโตโพ๊เรอ จอแปแหร่ อา แหย่โยบูโพ๊ ปื่อหม่า โตโพ๊ ปื่อหม่า แว เร๊อ เด๊อ ม๊อขุ เนอ จ๊อแผ่ อา กู่แกล๊เท แถ่โล โอ่ เตเม เร๊อ อู โอ่แนโอ่ เด๊อ อาขุ เนอ เตเพร.

Eastern Kayah Shadaw Dialect

² ꤣꤧ꤭ꤒꤣ꤬ꤖꤥꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤕ꤫ꤢꤦ꤬ꤗꤢ꤬ ꤒꤣ꤬ꤖꤥ ꤕ꤫ꤢꤦ꤬ꤗꤢ꤬ ꤠꤢꤧ꤭ ꤚꤣꤧ꤬ ꤘꤣ ꤗꤢꤪꤋꤢꤨ꤬ ꤔꤣꤧ꤬ ꤡꤢꤪꤖꤢꤧ꤬ ꤢ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤥ꤬ ꤒꤣ꤬ꤗꤢꤩ꤭ ꤚꤣꤧ꤬ ꤢꤨ꤭ ꤥ꤬ꤔꤢꤧ꤭ꤥ꤬ ꤘꤣ ꤢ꤬ꤋꤢꤨ꤬ ꤔꤣꤧ꤬ ꤒꤣ꤬ꤖꤚꤢꤩ꤬꤯

เตเด๊อะโลแถ่ 4:2 Iomraidhean Croise

มัทธิว 22:43

เร๊อ อา เฮ๊ เหย่ซี เน๊อ, “เก่ เมฮู๊เนอเรอ หม่าเมเตเร๊อ แหย่โยบูโพ๊ แบ่เจ่ นอ ดาวิด เร๊อ อา จว๊านอ เอ๊โต่ ครี๊ เออเนอ เน๋อ, ‘แบ่เจ่’ ฮู๊เนอ เมเต? เมเตเฮ๊เรอ อา จว๊าเฮ๊ โต่ เนอ,

ꤟꤤꤙꤚꤢꤨ 8:1

กู๊แหน่เออ, เต เด๊อ อา โหล่ดุเล๊อ อู เต๊อเจ่อ เด๊อ แว ซิหยื่อ นอซิเงโปล ซี เนอหม่า หม่าเฮ๊อ เป เพรหลู่แต กู่กล๊อดุเล๊อ เออเตเพร เฮ๊อ. อา หม่า เหย่ซู่ เฮ๊อ. กู๊แหน่เออ อา โอ่แนโอ่ เด๊อ ม๊อขุ เร๊อ อา โอ่แนโอ่ เด๊อ จอแปแหร่ เด๊อะ อาลีอาเตเค, อาโพรอาเตอเรอ เออเตเพร เหล่โอ่แนโอ่ อาจ๊อทว๊า เนอตากยา เฮ๊อ.

เตเด๊อะโลแถ่ 1:10

เบ๊อะแบ่เจ่ อาม๊อเนอ เตอเนอเนอ จอแปแหร่ อา แหย่โยบูโพ๊ โอ่ป่อหม่าหนิ แว เร๊อ แว หนิโฮ โหง่พราแถ่ฉว่า เร๊อ พราแถ่ชอ เด๊อ แวคยา เร๊อ อา แซ่เจ๊อเร๊อ กวา พราแถ่ เนอ เจ๊อ.

เตเด๊อะโลแถ่ 12:5

เออโตโพ๊เรอ เพรเหมาะ เออเตเพร พู๊โอ่ เกอเร๊อ เฮ๊อ อา พู๊เพรคู เตเพร เด๊อ อา เก่ เป๊อเทอเก่ ปว๊าเต๊เก่ เร๊อ อิปอ ต่อเท๊ เนอโตโบ ปา. เร๊อ เป๊เจ่พู๊ เออเตเพรเนอ อู พย๊าจว๊า ตาพาแก ลู เร๊อ อู จอแถ่แก ลู เด๊อ จอแปแหร่ อาโอ่ เร๊อ อา พย๊าแถ่แก ลู เด๊อ จอแปแหร่ อา กู่แกล๊เท แถ่โล อาเหล่โอ่ เนอ.

เตเด๊อะโลแถ่ 17:3

เด๊อ แหย่โยบูโพ๊ แบ่เจ่ อา เตเมจว่า อาขว่าอาคยา, ม๊อขุ เตเน่วพู๊ เอ๊จว๊า แว เด๊อ เก่เชเทอแก หล่อตาม๊าขุ โต๊โผ่. แว จว๊า เบ๊อะเนอ โต๊โผ่ เร๊อ แว จว๊าแม๊เถอะ เพรเหมาะ เตเพร โอ่แนโอ่ เด๊อ เตมีเตแหม่ ลีกาซุ๊ย เนอโตโด อาขุ. เตมีเตแหม่ เออโตโด อาเหน่ลู ชีเพร ล๊อเนอ, อู รา โอ่ ลอปลี เน๊อ มุย เร๊อ อู รา โอ่ อามุย เน๊อ อา เป๊อเจ่ออิแช๊ จอแปแหร่ ฮู๊เนอ. เตมีเตแหม่ เออโตโด เนอ, อากู่กล๊อ โอ่ โซซว๊าเตเม เร๊อ อานอ โอ่ เจ๊อ แพเช๊อ เจ๊อ.

เตเด๊อะโลแถ่ 19:4

โหมะพรูโหมะเผร่ เนอเชอ เร๊อ ซิลุย เร๊อ เตเซอเพร เนอ ลุยโด เนอ, อา แด๊งือ จ๊อบู่จ๊อเบแถ่ แบ่เจ่ จอแปแหร่ เด๊อ อา โอ่แนโอ่ เด๊อ จ๊อแผ่ กู่แกล๊เท แถ่โลอาขุ เนอเตเพร เร๊อ เหย่ซี เฮ๊ แลแค เน๊อ, “อาเมน! ถู่เซ๊แถ่ จอแปแหร่!”

เตเด๊อะโลแถ่ 20:11

โทเรอ แว แม๊เถอะ จ๊อแผ่ กุแกล๊บูดุ แถ่โล เตเม เร๊อ เพร โอ่แน เด๊อ อาขุ เนอเตเพร. เร๊อ ม๊อขุ เร๊อ เห่ขุ ลูโก จว๊าแก เด๊อ อา เป๊เส่เง เร๊อ อู แม๊เถอะน๊อ ปาโต่เฮ๊อ.

เตเด๊อะโลแถ่ 21:10

จอแปแหร่ อา ซิปล่อเซอเพร โอ่เกอ เร๊อ แว เร๊อ เตเน่วพู๊ เตเพร พย๊าจว๊า แว เด๊อ โฉ่ดุโฉ่ทู เตเม อาคยา. เร๊อ อา ยูโล แว เร๊อ วีเยรูซาเล็ม บูโพ๊ เออตีวี. วีเออเนอ อา โอ่ เด๊อ ม๊อขุ เด๊อ แบ่เจ่ จอแปแหร่ อา โอ่ เร๊อ อา แฮแล.

เตเด๊อะโลแถ่ 21:5

โทเรอ เพร โอ่แนโอ่ เด๊อ จ๊อแผ่ กู่แกล๊เท แถ่โลอาขุ เนอเตเพร เฮ๊ เน๊อ, “กู๊แหน่เออ แว เมเซ ลอเฮ๊อ เตปว๊าเต๊อเจ่อ.” เร๊อ อา เฮ๊ เกอ ลาติ แว เน๊อ, “ราม๊าแก เต เออเต๊เห่เนอ, เมเตเฮ๊เรอ โหง่เออ เต๊เห่ เนอหม่า อาจ๊ออาเต เร๊อ เหล่ซิเล หยื่อเอ่หนิ อา.”

เตเด๊อะโลแถ่ 3:21

“แว เมเป่ โทเฮ๊อ เร๊อ แว โอ่แนหนิ เต่อเกอ เฮ๊อ เร๊อ แวเพ เด๊อ กู่แกล๊เท แถ่โล อาขุ เฮ๊อ. ฮู๊เนอเรอ แกแย เด๊อ อา เมเป่เต เต๊เห่เนอ, แว เก่ นอโอ่แนโอ่ เต่อเกอ เหย่ซี เร๊อ แว เด๊อ แว กู่แกล๊เท แถ่โล อาขุ เออเนอ ปา.

เตเด๊อะโลแถ่ 4:10

โหมะพรูโหมะเผร่ เนอเชอ เร๊อ ซิลุย เออเนอ อา แด๊งือแล เด๊อ เพร โอ่แนโอ่ เด๊อ จ๊อแผ่ อา กู่แกล๊เท แถ่โล อาขุ เนอเตเพร เป๊เส่เง เร๊อ อา จ๊อเบแถ่ แกแย เด๊อ อา เซอเพร ตูจูเพร เออเนอ เตเพร. เหย่ซี แด่ตาแก อา กู๊โก่เท เออเต๊เห่ เด๊อ จ๊อแผ่ กู่แกล๊เท แถ่โล อาเป๊เส่เง เร๊อ อา อิโรแถ่ แลแค เนอ,

เตเด๊อะโลแถ่ 4:5

เบ๊อะเนออาเค, เด๊อ จ๊อแผ่ กู่แกล๊เท แถ่โล เนอเตเม อากู เนอ, ฉ่าลีบ๊อ เถ่, ม๊อครอม๊อโหง่, ฉ่าแลลอปลี เจ๊อ, เด๊อ จ๊อแผ่กู่แกล๊ เทแถ่โล อาแบ๊เงเนอ, หมิเต๊โบโซซว๊าโตโบ หม่าดื่อ จอแปแหร่อาแหย่โยบูโพ๊ โซซว๊าเตเม เออเนอ, อาแกโลโซ แถ่ เบ๊อะเนอ.

เตเด๊อะโลแถ่ 4:9

เตเซอเพรเออ ลุยโดเนอ, อา อิโร เมลีเมเตเคแถ่ โทเร๊อ แด่ดุแด่ทู เร๊อ เฮ๊บุ๊ยเฮ๊เตอเรอแถ่ จอแปแหร่ เด๊อ อา โอ่แนโอ่ เด๊อ จ๊อแผ่ กู่แกล๊เท แถ่โล อาขุ เด๊อ อา เซอเพร ตูจูเพร ตาแลเคร๊ เออเนอ เตเพร. เร๊อ เบ๊อะเหย่ซี อี๊โรแถ่ ฮู๊เออ อาเบ๊อะเนอ,

เตเด๊อะโลแถ่ 5:1

แว แม๊เถอะ ลี ตูลู ตูกลู๊ โอ่ เด๊อ เพรโอ่แนโอ่ เด๊อ จ๊อแผ่ กู่แกล๊เท แถ่โลอาขุ เนอเตเพร อากู๊ขุ จ๊อทว๊า เนอตากยา อากู. ลีตูลู เออเนอ, อู ราโอ่ ลอปลี เร๊อ ลีปล่อ เนอโค๊เนอกยา ลอ เร๊อ อู เกล๊จิจือหม่า ลู เร๊อ เตม๊าเตแด โซซว๊าโต๊โก่.

เตเด๊อะโลแถ่ 5:13

เร๊อ แว หนิโฮ ล๋อ เต เด๊อ อาซิปล่อเซอเพร โอ่ เนอเต๊เห่ เด๊อ อา โอ่ เด๊อ ม๊อขุ เต๊เห่ เบ่เบ่, เด๊อ เห่ขุ เต๊เห่ เบ่เบ่, เด๊อ เห่เล เต๊เห่ เบ่เบ่, เด๊อ เทอดุซาวา อาเล เต๊เห่ เบ่เบ่, ล๋อ เต โอ่ เด๊อ ม๊อเล เต๊เห่เนอ เบ่เบ่, อา อิโรแถ่ เร๊อ อา เฮ๊ แลแค ฮู๊เออ, “เตถู่เซ๊แถ่, เตเมลีเมตาเค, เตแด่ดุแด่ทู เร๊อ เตโพรฉว่าชอ เนอ อา เก่ โอ่ เกอดื่อ เร๊อ แกแย เด๊อ อา โอ่แนโอ่ เด๊อ จ๊อแผ่ กู่แกล๊เท แถ่โล อาขุ เนอเตเพร เร๊อ ซิหมิพู๊ เนอโตโด ตูจูเพร แตแลเคร๊ นี๋.”

เตเด๊อะโลแถ่ 6:16

เหย่ซี เอ๊โทแถ่ แลแค โฉ่เต๊เห่ เร๊อ หล่อเต๊เห่ เร๊อ อา เฮ๊ แลแค เน๊อ, “แลตาพรอ เด๊อ เปโอ่ เออ เร๊อ แลตาพรอ โฮ๊บี๊ เป่แก เป เร๊อ เพร เด๊อ อา โอ่แนโอ่ เด๊อ จ๊อแผ่ กู่แกล๊เท แถ่โล อาขุ เนอเตเพร อาเป๊เส่ เน๊อ ซิหมิพู๊ อา เตซิปล่อดุ เป เออเน๋อ.