เตเด๊อะโลแถ่ 3:2 - ลีเทส่อพ๊าอาเซ เร๊อ เห่ขุทวาลู๊

² ฮู๊เนอ อาขว่าอาคยา, โอ่เมอ ปาโต่, ก๊อถ่อมอ, เตแร๊ เด๊อ อา โอ่แก ปา เร๊อ เน เนอเต๊เห่เนอ, อา เตเร เซอเฮ๊อ เด๊อะฉว่าเด๊อะชอแถ่ คยาแซ๊ เมอ อาเนอ, เมเตเฮ๊เรอ, แว แม๊เถอะ เร๊อ เต เด๊อ เน เมโทเฮ๊อ เต๊เห่เนอ, อาเล๊ออาบา ล๋าย เด๊อ แว จอแปแหร่ อา เป๊เส่เง โต่.

Eastern Kayah Shadaw Dialect

² ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤥ꤬ꤗꤣꤧ꤭ ꤕꤢ꤬ꤒꤥ꤬, ꤊꤣꤧ꤬ꤓꤢꤪ꤬ꤗꤣꤧ꤭, ꤒꤢꤩ꤬ꤚꤢꤧ ꤘꤣ ꤢ꤬ ꤥ꤬ꤊꤢꤧ꤭ ꤕꤢ꤬ ꤔꤢꤧ ꤔꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ꤚꤢꤩ꤭ ꤞꤣꤧ꤭ꤟꤣꤧ ꤘꤣꤧꤏꤝꤢ꤬ꤘꤣꤧꤏꤢꤪ꤭ꤓꤢꤧ꤬ ꤋꤛꤢ꤭ꤞꤢꤧ ꤗꤣꤧ꤭ ꤢ꤬ꤔꤣꤧ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤠꤢꤧ꤭ ꤗꤢꤧꤓ꤫ꤣꤧ꤬ ꤔꤢꤧ ꤒꤢꤩ꤬ ꤘꤣ ꤔꤢꤧ꤬ ꤗꤢꤩ꤬ꤓꤥ꤭ꤟꤣꤧ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ꤜꤣꤢ꤬ꤙꤢ꤭ ꤜꤢ꤭ꤟꤤ ꤘꤣ ꤠꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤒꤥ꤬꤯

เตเด๊อะโลแถ่ 3:2 Iomraidhean Croise

มัทธิว 23:5

ล๋อ เหย่ซี เม เฮ๊อ เนอเต๊เห่ เนอ อา ซิหยื่อ นอแม๊เถอะ อู เร๊อ อาเหน่ แพ๊. เหย่ซี เช๊ แต๊บย่า แหล่ดุ ลีเทส่อพ๊าทอ เร๊อ อา จอ แลแค เด๊อ อา มาเท๊ลู เร๊อ อาปลา ลู. โท๊โต่ เหย่ซี ซิหยื่อ แซ๊ แลแค จาจวาทู เด๊อ อานุยทู เล๊อ เร๊อ อู เนอ เต๊เห่.

มัทธิว 25:13

“ฮู๊เนอเรอ โอ่ส่าเซ แลแค, เมเตเฮ๊เรอ ม๊อเนอม๊อเซ เด๊อ แกแยพู๊คู เออ เก่ แฮคยาแซ๊ เบ๊อะเนอ ปาเนอ, ซี ซิเงแจ่โต่.

มัทธิว 25:7

“เพรเหมาะ พู๊เส่ เด๊อ อา ครวาโครอู เออ ล๊อ ปลี ก๊อถ่อ เร๊อ ตี๊หรี่แตแร แลแค อาหมิเคว๊กอ ปว๊าเตเพร.

เพรโด่แนพู๊ เต๊เห่ 18:23

อา จว๊าแล โอ่ เบ๊อะเนอ แตแปล๊เตอเปลอฮู๊ เร๊อ อา เถ่จว๊าแก คยา. อา จว๊าเล เบ๊อะกาลาเทียเก่ เร๊อ ฟรีเจีย เก่กูเนอ โต๊โผ่ โท โต๊โผ่. โทเรอ อา จว๊า เด๊อ ฉว่าเด๊อชอแถ่ เป่ เพรหยื่อเอ่ โอ่ เบ๊อะเนอ เต๊เห่ อาอ๊าอาเหร่.

เปโตร อาเหร่อเล๊อ ต๊าบ่า 4:7

เตล๋อ ปลี อา เตเร ตื๊อดื่อแกเฮ๊อเนอ อา แฮโต่ ผื่อเฮ๊อ. ฮู๊เนอ อาขว่าอาคยา, แซ่ฮู๊ ซี กุยจ๊อเบเบ๊ เกออู เนอ, โอส่าเซ เกอ แลแค เร๊อ เตอิซว๊าอี๊แส่ แล เกอเร๊อ แลแค ซีเหน่, โท๊โต่ โอ่เซอเพร ชาเผร่ เกอ แลแค นี๋.

เปโตร อาเหร่อเล๊อ ต๊าบ่า 5:8

อิซว๊าแล เกอเร๊อ เกอ ซีเหน่ เร๊อ โอ่รอโอ่เร เกอ แลแค, โอ่ส่าเซ เกอ แลแค นี๋. โลเน๊มู๊แหม่รีแจ่ กู่กล๊อ เด๊อ อา ซิเถ่ ซี เออ โตโดเนอ อา จว๊าเล แม๊โจแม๊กี อู แซ่เน๊อ แอ๊ซี เด๊อ อาก่ออาเตเง เร๊อ อา เลแม๊ปู แกแย เด๊อ อา เก่ ฉู่กลูโน เหย่ซี ปา เนอเต๊เห่ เจ๊อ.

เตเด๊อะโลแถ่ 16:15

เหย่ซู่ครี๊ เฮ๊ เน๊อ, “หนิดา แลแค, แว เก่ แฮ แซ๊เร๊อ เพรเอ่โห่ แฮ เนอ ปา. แกแย เตเพรเพร เด๊อ อา โอ่ ส่าเซ เร๊อ อา โอ่ ตี๊หรี่แตแร หนื่ออื่อ อา เตกือเตแซ๊ เต๊เห่เนอ, อา เก่ พย๊าหนิ เตเด๊อะบุ๊ยเด๊อะเตอเรอ ปา. เหย่ซี เก่ โอ่ตี๊หรี่แตแร หนื่ออื่อ อา เตกือเตแซ๊ ปา เฮ๊เร๊อ, เหย่ซี เก่ จว๊า กะโกล โต่, โท๊โต่ เหย่ซี เก่ ซิเตเร เด๊อ อูเกล โต่.”

เตเด๊อะโลแถ่ 2:4

“หม่าแน๊เรอ แว เหล่แด่เตซื๊อ เด๊อ เนโอ่ เนอ อาโอ่ เต๊อเจ่อ, อาโอ่ ฮู๊เตเฮ๊เร๊อ เน โม แว กู๊แหน่เออเนอ อา แซ่ ปา เร๊อ เน โม แว เด๊อ อาเหร่อเค เนอโต่.

เตเด๊อะโลแถ่ 3:1

“ราจว๊า ลีเออ เด๊อ วีซาร์ดิส เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ เพร เด๊อ อา เป๊อหนิ อา แหย่โยบูโพ๊ เออโซซว๊าเตเม เด๊อ อา เม จอแปแหร่ อาเตเม เออเต๊เห่ เร๊อ เส่เออ โซซว๊าเตเม อาโอ่. เน เมแคร๋ อิเต เนอหม่า แว ซิเง. เน โอ่เซอเพร จ๊อลา เร๊อ แว อู เฮ๊ ฮู๊เนอ หม่าแน๊เรอ เน ครวา แวคยา โต่, เน แซ่แพ๊เร๊อ แกแยเซอ.

เตเด๊อะโลแถ่ 3:3

เมฮู๊เนอเรอ เตเนแถ่เบ่ หนิคยา เตเด๊อ อู อิซว๊า โทเฮ๊อ เนเนอ เต๊เห่ เร๊อ เตเด๊อ เน หนิโฮ โทเฮ๊อ เนอเต๊เห่. จูเอ่ เตเออเต๊เห่ เร๊อ ถู่แหล่แต๊แกละ เนซิปล่อ เนอ. เก่ เน โอ่เมอ ตื๊อดื่อปา เฮ๊เนอหม่า แว เก่ แฮ เด๊อ เนโอ่ ฮู๊ เพรเอ่โห่ เตเพร เนอ ปา. แว แฮ เบ๊อะเกเต ปาเนอ เน ซิเงโต่.