แซ่ฮู๊ อา เก่ เฮ๊ตา หนิเป่ อาพู๊อาเลอ, อากลุยอาลุ๊ย เด๊อคยา เต๊เห่ อาเงเนอเร๊อ, แว นว๊าแถ่ โทเฮ๊อ ลู เร๊อ เด๊อ เหย่ซี เม เต เด๊อ อาโตอาเบ่ เน๊อ อาจ๊ออาเต อาขว่าอาคยา, เหย่ซี เก่ จูเอ่ ครวาเม แลแค จอแปแหร่ ตูจูเพร อาโหง่ ปา. เหย่ซี เก่ เมฮู๊เนอ เฮ๊เรอ ฮู๊แว อ๊อแลนอแล โทเฮ๊อเนอ, แว เก่ เมเล๊อเมบา ลอปลี เป่ เจ๊อดื่อ อา ปา.”
ฟีลิปปี 4:8 - ลีเทส่อพ๊าอาเซ เร๊อ เห่ขุทวาลู๊8 โป่แหว่ซี๋, หนิดา แลแค แว เตเฮ๊เบ่ เด๊อคยา ตื๊อดื่อเล๊อ เออเต๊เห่ นี๋. เด๊อ ซี ซิปล่อกู เนอ ซี โต เตเน แคร๋ ฮู๊เตเฮ๊เนอ, ซี โต เตเน ตื๊อแพ๊ เตเด๊อ อาหม่าอาจ๊อ เต๊เห่, เตเด๊อ อู แด่หยื่อแด่แหน่ อา เต๊เห่, เตเด๊อ อาโตอาเบ่ เต๊เห่, เตเด๊อ อา โพ๊แปละโพ๊ เต๊เห่, เตเด๊อ อู ซิหยื่อโมเร๊อ เต๊เห่, เตแด่ซิปล่อสู่เทอ เด๊อ อาตว่าอาแร๊ เต๊เห่, เตเด๊อ อาแร๊ แหน่เจ๊อ เต๊เห่, เตเด๊อ อู โตเบ่ ถู่เซ๊แถ่ เต๊เห่ เนอแพ๊ นี๋. Faic an caibideilEastern Kayah Shadaw Dialect8 ꤕ꤫ꤥ꤬ꤠ꤫ꤢꤧ꤬ꤞꤤ꤭, ꤔ꤫ꤤ꤬ꤘꤢ꤭ ꤜꤢ꤭ꤋꤢꤧ꤭ ꤠꤢꤧ꤭ ꤒꤢꤩ꤬ꤟꤢꤩꤙꤢꤩ꤬ ꤘꤣꤋꤛꤢ꤭ ꤒꤣꤧ꤬ꤘꤢꤦ꤬ꤜꤣ ꤣꤧ꤭ꤒꤣꤧ꤬ꤟꤢꤩ꤬ ꤔꤤ꤮꤯ ꤘꤣ ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ ꤔꤣꤧ꤬ ꤞꤤ꤭ ꤒꤥ꤭ ꤒꤣꤧ꤬ꤔꤢꤩ꤬ ꤋꤚꤢꤧ꤮ ꤟꤢꤨꤒꤢꤩ꤭ꤟꤢꤩꤚꤣꤧ꤬, ꤞꤤ꤭ ꤒꤥ꤭ ꤒꤣꤧ꤬ꤔꤢꤩ꤬ ꤒꤢꤦꤖꤢꤧ ꤒꤢꤩ꤬ꤘꤣ ꤢ꤬ꤗ꤫ꤢ꤬ꤢ꤬ꤡꤢꤪ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢꤨ꤭ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤢ꤬ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢ꤬ꤒꤥ꤭ꤢ꤬ꤙꤢꤩ꤬ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢ꤬ ꤕꤜꤤ꤭ꤖꤥ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢꤨ꤭ ꤞꤤꤛ꤫ꤢꤦ꤬ꤗꤥ꤬ꤚꤣꤧ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤢꤧ꤬ ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤘꤣ ꤢ꤬ꤒꤝ꤫ꤢ꤬ꤢ꤬ꤚꤢꤧ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢ꤬ꤚꤢꤧ ꤔꤢꤧ꤬ꤡꤣꤧ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢꤨ꤭ ꤒꤥ꤭ꤙꤢꤩ꤬ ꤓꤢꤨ꤬ꤞꤢꤩꤓꤢꤧ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤖꤢꤧ ꤔꤤ꤮꤯ Faic an caibideil |
ฟีลิปปี 4:8
67 Iomraidhean Croise
เหย่ซี นอจว๊า เต่อเกอ อา โคเจ่ เต๊เห่ เนอ คุ๊ยเฮโรด ตู๊หมู่ตอกล๊อ เต๊เห่ เด๊อ แบ่เจ่ อา โอ่ เร๊อ เหย่ซี จว๊าเฮ๊ แบ่เจ่ เน๊อ, “ซ๊าร๊าดุ, เป ซิเง เร๊อ เน หม่า แกแย จ๊อจื้อเจ๊อ เตเพร. เน อิซว๊า เจ๊อ อู ฮู๊ จอแปแหร่ ซิหยื่อ นอ โอ่ เซอเพร อู เนอเต๊เห่เจ๊อ. เน ด๋า อิซว๊าอี๊แส่ อู เฮ๊ เร๊อหม่า เน อิซว๊า เป่แพ๊ อู เตจ๊ออาเต แพ๊. แกแย เห่ขุพู๊ เต๊เห่ เตเน เจ๊อ เน ฮู๊ เต๋ เบ่เบ่, เน ซิอิเช เกอ อู เตอเจ๋อ โต่. เน แม๊ดุ แม๊ปีตี๊ เกออู โต่โต่.
เหย่ซู่เฮ๊ เหย่ซี เน๊อ, “ซี หม่า แกแย เด๊อ อา จ่าจ๊อจ่าเต แพ๊ อาเหน่ เด๊อ แกแย อา เป๊เส่เง เนอเต๊เห่ แพ๊, หม่าแน๊เรอ จอแปแหร่ ซิเง ลอปลี เฮ๊อ ซี ซิปล่อกู. เมเตเฮ๊เรอ, เต เด๊อ แกแย เตเน เร๊อ อางูดุงูชอเล๊อ อู เต๊เห่เนอ, เด๊อ จอแปแหร่ เป๊เส่เง เนอหม่า หม่า แพ๊ เตมู๊แหม่รีแจ่ เด๊อ อู เหล่ซิรอซิเร อา เนอเต๊เห่ แพ๊.
แกแย เด๊อ อามุย เร๊อ คูโยเซฟ โอ่ เตเพร. อา โอ่ เด๊อ วีอาริมาเธีย, ยูดาห์เก่กู. อา หม่า แกแยแร๊, แกแยจ๊อจื้อ เด๊อ อา โอ่ป่อแม๊ชือ จอแปแหร่ อาเทออาเก่ เก่ แฮ ปา เตเพร. อา หม่า อา โอ่ป่าเต่อเกอ เร๊อ แกแย ทวาดุ อาตู๊หมู่ตอกล๊อกู เตเพร ตื๊อดื่อเรอ เบ๊อะอู อ๊อแล ลอ เร๊อ อู เก่ เมจากาคยา เหย่ซู่ เบ๊อะเนอ, อา อ๊อแล ป่าเต่อ เกออู โต่.
เร๊อ เหย่ซี เฮ๊ฉื่อ เน๊อ, “เกลอฮู๊ทวาดุ เพโครเนลิอัส นอแฮ เป. อา หม่า แกแยจ๊อแกแยเต เตเพร, โท๊โต่ แกแย เด๊อ อา เบ่หยื่อเบ่แหน่เกอ จอแปแหร่ เตเพร. แกแยยิวพู๊ เต๊เห่ เบ่หยื่อแหน่หนิ ลอปลี เจ๊อ ลู ปว๋า เตเพร เจ๊อ. แซ่ฮู๊ อา เก่ หนิโฮน๊อ เกอ เน เตเฮ๊เบ่อี๊โช เต๊เห่เนอ เร๊อ, จอแปแหร่ อา เตเน่วม๊อขุพู๊ แฮ เฮ๊ ลู เร๊อ เบ่ จว๊า เอ๊แฮ เน เด๊อ อาหี่.”
เออโตโพ๊เรอ, เป โอ่เซอเพร แซแร เอ่โอ เกออู ฮู๊ แกแย เด๊อ อา โอ่เซอ เพร เด๊อ เหมาะเชเกล เนอเต๊เห่ โป๋. เม ตอปลอแลยอ ป่วย เบ่เบ่, เอ่มือโอแพร๊ เบ่เบ่, สุ่ยหย่าเทอ อา เตซิหยื่อ มู๊แหม่ เต๊เห่ เบ่เบ่, เตเตเน ปาต๊าเปอเตอ เต๊เห่ เบ่เบ่, เตเตกย๊าตางา ลู เต๊เห่ เบ่เบ่, เตเตเน ซิเคว๊ ลู เต๊เห่ เบ่เบ่, เป เมปาโต่ เฮ๊อ โป๋.
แกแย เด๊อ อา เมเตแร๊ เต๊เห่เนอ, อา โหล่ ซิอิเช เร๊อ เพรเป๊อเทอเก่ เออเต๊เห่ อาเหล่ โต่. หม่าแน๊เรอ แกแย เด๊อ อา เมเตซื๊อ เต๊เห่เนอ, อา เก่ ซิอิเช เหย่ซี อาเหล่ ปา. ฮู๊เนอเรอ ซี เก่ ซิหยื่อ ซิอิเช เหย่ซีเหล่ โต่ เฮ๊เรอ, เม เตแร๊เนอ, เด๊อ ซี เมฮู๊เนอ อาขว่าอาคยา, เร๊อ เพร เป๊อเต เออเต๊เห่ เก่ ถู่เซ๊ เกอเร๊อ ซี ปา.
ฮู๊เนอเรอ เตเมจากาคยา เบ๊อะแฮเบ่ แต่ล๋ายโต่ เนอ, จว๊า เมจากาคยา แต่ อู เตเพร๊ แต่เหม่. โอ่ป่อ โต่ แลแค เด๊อ แบ่เจ่ แฮ เมจากาคยา อู ปา โตโพ๊ เนอ. เตโอ่โอ๊โอ่บี๊ เด๊อ เตคี๊ อากู เต๊เห่เนอ, อา เก่ เด๊อะแถ่โล ปา. เร๊อ แกแย อา เตเตเน ด๊อโอ๊ด๊อบี๊ เด๊อ อา นอเม โค๊ลู เต๊เห่เนอ, จอแปแหร่ เก่ เด๊อะโล ซิเง ปา. เบ๊อะเนอเค ปา เนอ, ฮู๊ แกแย เตเพร เร๊อ เตเพร เม เต เนอ, จอแปแหร่ เก่ ถู่เซ๊หนิ เหย่ซี ปา.
เป กุยจ๊อเบ เร๊อ ซี เก่ เม แฮเง ปา แต่ เตซื๊อ แต่เหม่, เมเตเฮ๊เรอ แซ่ฮู๊ อู เก่ ซิเง เร๊อ เป หม่า ครี๊ อา เพรโด่แนพู๊ เต๊เห่ หม่าแหน่ เต๊เห่ อาเงเนอเรอ, เป กุยจ๊อเบ ฮู๊เนอ หม่าโต่. ซี เก่ เตเน แลแค เป เร๊อ เป หม่า เพรโด่แนพู๊ เต๊เห่ เด๊อ อา หม่าแหน่ เต๊เห่ เบ่เบ่, อา หม่าแหน่ โต่ เต๊เห่ เบ่เบ่, อา เหล่เฮ๊โอ่ เน๊อ เตอเจ๋อ โต่, เต เด๊อ เป ซิหยื่อ หม่าแหน่ เนอหม่า อิเต เฮ๊เรอ ซี เก่ เมเตแร๊ เฮ๊เนอหม่า โป่ เฮ๊อ.
แว โป่แหว่ ซี, เด๊อคยาเล๊อเนอ, แว ซิหยื่อ เฮ๊ ซี เนอ, เด๊อ ซี ทวาแถ่ เฮ๊อ เตเตอเจ๋อโต เร๊อ แบ่เจ่ ครี๊ เฮ๊อ เออเนอ, ซิครือซิลอ แลแค นี๋. แว ราจว๊า เป่ คยาแซ๊ ซี ลี เด๊อ อา แซ่เน๊อ อาเหร่อเค เต๊เห่เนอ แพ๊ หม่าแน๊เร๊อ อา ดู๊ดี๊ดู๊แด เร๊อ แว เตอเจ๋อ โต่. แว รา เออเต๊เห่ เนอหม่า แซ่ฮู๊ อา ตอกอเตเก บี๊ หนิเป่ ซีเงแพ๊.
โทเรอ อา เบ่ ทวาดื่อ เพร เหมาะ เด๊อ อามีลา โลแร๊ เน๊อ อา เมเตแร๊ เต๊เห่ อาคยา. อา เบ่ ทวาดื่อ เพร เหมาะ เตเพร เด๊อ อา แม๊ตู่ ดุแถ่ หนิ แร๊โท ดื่อเฮ๊อ อาพู๊อาเลอ เต๊เห่, อา เบ่ เอ๊โมฉื่อ ซิเผระ เต๊เห่ เด๊อ อา หี่ด๊อหี่แพกู, อา เบ่ ทวาดื่อ เพรเหมาะ เตเพร เด๊อ อา ซู๊ปลี จอแปแหร่ อาแกแย เต๊เห่ อากู๊โด่, อา เบ่ เมจว่า แกแย เบ่แป่เบ่เช เต๊เห่ โทเรอ อา เบ่ทวา เพรเหมาะ เตเพร เด๊อ อา เด๊อะแล อาซิปล่อ เด๊อ อา เมเตแร๊ เต๊เห่ อาเง.
แซ่ฮู๊ โหมะเผระ เพรคู เต๊เห่ เก่ แอ๊ แซแรฉ่าเผระ เกอ แลแค อาเหน่, แซ่ฮู๊ อู เก่ แด่ดุหยื่อแหน่ เกอ เหย่ซี, เร๊อ แซ่ฮู๊ เหย่ซี เก่ ค๊อเบ๊ เร๊อ แลแค อาซิปล่อ เนอเรอ, อิซว๊าอี๊แส่ แลแค เหย่ซี นี๋. เหย่ซี โตเบ่ โอะ เร๊อ อา เบหยื่อเบแหน่ เด๊อ อาฉว่าอาชอ, เหย่ซี โตเบ่ เล๊อบา เร๊อ เตโมหนี่เร๊ออู, เหย่ซี โตเบ่ ข่าจาข่าจือ แด่ทูซิปล่อเบ๊ แลแค.
แซ่ฮู๊ เป ครีตกลื๊อขุครี๊พู๊ เออเต๊เห่ เก่ นอเอ่แจ่ เกออู ม๊อเนอม๊อเซ เด๊อ อา เก่ เม เตแร๊ เต๊เห่ อาเงเนอ, โตเบ่ อิซว๊า เป่เกอ เหย่ซี โทเรอ แซ่ฮู๊ อา เก่ เมจว่าเบ๊ เป่เกอ แกแย เด๊อ อา โหล่ แหน่ เนอเต๊เห่, โท๊โต่ แซ่ฮู๊ เหย่ซี เก่ โอ่เซอเพร แกเด ดื่อ เน๊อเต เด๊อ อาบุ๊ยเตอเรอ โอ่โต่ เนอเต๊เห่ อาเง แต่เหม่เนอ, โตเบ่ อิซว๊า เป่เกอ เหย่ซีซี.
เตจ๊อบู่จ๊อเบ เด๊อ เพ จอแปแหร่ แด่ เฮ๊อ เน๊อ เต เด๊อ อา อาโพ๊อาแปละ เล๊อเล๊อบาบา เต๊เห่ เนอหม่า หม่าเฮ๊อ เตแม๊ตู่หนิ ฮู๊โอ่แคร๊โอ่แต่ เต๊เห่ เร๊อ เพรเหมาะโอ่แคร๊ เด๊อ อา โต่เบ่ เร๊อ เตแป่เตเช เต๊เห่, โท๊โต่ แกแย เด๊อ อา ค๊อเป่ เกอเร๊อ อาเหน่ เร๊อ อา โอ่ตาพายาเบ๊ เร๊อ เห่ขุ อา เตมู๊แหม่รีแจ่ ซี เนอเต๊เห่ เฮ๊อ.
เบ๊อะซี โอ่เซอเพร เด๊อ เมวจ่อโรพู๊ เด๊อ อา หยื่อเอ่ เกออู จอแปแหร่ โต่ เออเต๊เห่ อาเกล, เร๊อ อา แด่ เตซื๊อ ซี เร๊อ ซี หม่า แกแย เด๊อ อา เม เตมู๊แหม่รีแจ่ เบ๊อะเนอ, โอ่เซอเพร แซแร แร๊ แลแค ซีเหน่ นี๋. เหย่ซี เก่ แม๊เถอะ ซี เตแรแร๊ เต๊เห่ ปา เร๊อ ช๋า จอแปแหร่ แฮแล อาม๊อเนอ ปา เตอเนอเนอ, อา เก่ แด่ดุแด่หยื่อ ลู ปา.
แว โคแบ๊ซว๊าโม ซี๋, ล๋อ แกแย เด๊อ อา เฮ๊ เน๊อ เป โอ่ เร๊อ แหย่โยบูโพ๊ แบ่เจ่ เฮ๊อ เต๊เห่เนอ, หยื่อเอ่ บูบย่า แลแค แต่เหม่. แซ่ฮู๊ ซี เก่ ซิเง เร๊อ ซิปล่อเออ เนอหม่า อา แฮ หม่าแหน่ เด๊อ จอแปแหร่ อา โอ่ แอ, หม่า อา แอ หม่าโต่ แอ เนอ เจแม๊ เหร่อ แลแค เหย่ซี นี๋, เมเตเฮ๊เรอ เด๊อ เห่ขุเออเนอ, เพรโพร อาก่าอาแปล โอ่โลแถ่ เอ๊ลู เฮ๊อ.
Sanasan