ฟีลิปปี 4:7 - ลีเทส่อพ๊าอาเซ เร๊อ เห่ขุทวาลู๊

⁷ จอแปแหร่ เก่ เด๊อ ซี อา เตเตอเจ๊อตู๊จู่ เด๊อ แกแย เห่ขุพู๊ เตเน ทว๊าโต่ เออเนอ ปา. เด๊อ ซี ทวาแถ่ เฮ๊อ เตเตอเจ๋อโต เร๊อ เหย่ซู่ครี๊เฮ๊อ อาขว่าอาคยา, จอแปแหร่ อา เต เตอเจ๊อตู๊จู่ เก่ โอ่ป่อหม่า เร๊อดื่อ ซี ซิปล่อสู่เทอ เร๊อ ซี เตเตเน เต๊เห่ ปา.

Eastern Kayah Shadaw Dialect

⁷ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧ ꤞꤤ꤭ ꤢ꤬ꤒꤢꤩ꤬ꤒꤣꤧ꤬ꤡꤣꤧꤒꤣꤧ꤬ꤡ꤫ꤢꤨ꤬ ꤘꤣ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤔꤢꤩ꤬ ꤓꤝꤢꤒꤥ꤬ ꤣꤧ꤭ꤔꤣꤧ꤬ ꤕꤢ꤭꤯ ꤘꤣ ꤞꤤ꤭ ꤓꤝꤢ꤭ꤓꤢꤧ꤬ ꤟꤣꤧ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤒꤣꤧ꤬ꤡꤣꤧꤒꤣꤧ꤬ꤡ꤫ꤢꤨ꤬ ꤊ꤫ꤢꤦ꤬ ꤥ꤬ꤕ꤫ꤢꤪ꤬ꤗꤢ꤬ ꤚꤣꤧꤘꤢꤦ꤬ ꤞꤤ꤭ ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤔꤢꤧ ꤞꤤ꤭ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬ ꤕꤢ꤭꤯

ฟีลิปปี 4:7 Iomraidhean Croise

ꤜꤢꤨꤊꤢ꤬ 1:79

เร๊อ ต๊อเหมาะเออ อา แถ่ เด๊อ ม๊อเล เร๊อ อา เก่ ลีเตเคตา เป่ แกแย โอ่ เด๊อ เตคี๊เต่ลอ, เตเซอ อาแหย่โย อาโอ่อากู เนอเต๊เห่ ล๋อ ปลี ปา, เร๊อ อา เก่ ยูแกล๊ยูโกล จว๊า หนิเป่ดื่อ เป เตโอ่เซอเพร เด๊อ เตตู๊จุเตอเจ๊อ อาแกล๊กู ปา.”

ꤜꤢꤨꤊꤢ꤬ 2:14

“อาลีอาเตเค ถู่เซ๊แถ่ แลแค จอแปแหร่ เด๊อ อา โอ่ เด๊อ อาเหล่โอ่แถ่โล ตื๊อดื่อเล๊อ อู เด๊อ ม๊อขุ เออเนอ เตเพร โป๋. เตเปเตดวา เร๊อ เตเตอเจ๊อตู๊จู่ เก่ โอ่แถ่ เกอดื่อ เด๊อ เห่ขุเออ เร๊อ อา เก่ โอ่เต่อเกอดื่อ เร๊อ แกแย เด๊อ จอแปแหร่ ซิปล่อ โอ่เร๊อ เกอ ลู เนอเต๊เห่ นี๋.”

ꤛꤥ꤭ꤟꤢ꤬ 14:27

แว แด่แก เป่ ซี ซิปล่อ อา เตตู๊จุเตอเจ๊อ เฮ๊อ. เร๊อ แว เด๊อะ เป่ เฮ๊อ ซี แว เตตู๊จุเตอเจ๊อ เฮ๊อ. แว เด๊อะ ซี เออเนอหมา อาแซ่เน๊อ แกแย เด๊อ ซี เนอเต๊เห่ หม่าโต่. ซิปล่อกู่ ซิปล่อแก แต่ แลแค แต่เหม่. ซิอิเช แต่ แลแค แต่เหม่เหม่.

ꤛꤥ꤭ꤟꤢ꤬ 16:33

“แซ่ฮู๊ ซี เก่ พย๊าหนิ เตซิปล่อ ตู๊จู่เตอเจ๊อ อาเงเนอ, แว เฮ๊ เป่ โท ลอ เฮ๊อ ซี ล๋อ เออเต๊เห่ เฮ๊อ. เด๊อ ซี ทวาแถ่เฮ๊อ เตเตอเจ๊ออู แพ๊ เร๊อ แว อาขว่าอาคยา, ซี พย๊าหนิเฮ๊อ ซิปล่อ อา เตตู๊จุเตอเจ๊อ เฮ๊อ. เด๊อ เห่ขุ เออเนอ, ซี เก่ แม๊เถอะเบ่ เร๊อ เตแป่เตเช เตจาเตจือ ปา, หม่าแน๊เรอ แด่ฉว่าแด่ชอ แลแค ซี ซิปล่อ นี๋. แว เมเป่ โทเฮ๊อ เห่ขุ อา เตอเรอฉว่าชอ เออเต๊เห่ เฮ๊อ.”

ꤚꤥꤗꤢꤩ꤬ 1:7

โคแบ๊ซว๊าโม เด๊อ อา โอ่ เด๊อ วีโรม อากู ซี, จอแปแหร่ โม เกอเร๊อ ซี, โท๊โต่ อา เอ๊ เฮ๊อ ซี เด๊อ ซี เก่ ทวาแถ่ อาแกแย เร๊อดื่อ เฮ๊อ. แว ราจว๊า เป่ลอ ซี ลีเออต๊าบ่า. เปเพ จอแปแหร่ เร๊อ เป แบ่เจ่ เหย่ซู่ครี๊ เก่ เด๊อะดื่อ ซี เตบุ๊ยเตเตอเรอ เร๊อ เตตู๊จุเตอเจ๊อ นี๋.

ꤚꤥꤗꤢꤩ꤬ 14:17

เมเตเฮ๊เรอ, จอแปแหร่ อาเทออาเก่กู เนอ, เหล่เอ่เหล่โอ หม่า เต เด๊อ อา โหล่ดุเล๊ออู หม่าโต่. เต เด๊อ อา โหล่ดุเล๊อ อู หม่า, เตจ๊อเตเต, เตโอ่โส่โอ่เคร, เร๊อ เตซิครือซิลอ เด๊อ แหย่โยบูโพ๊ แบ่เจ่ เด๊อะ เป เออเต๊เห่ เนอแพ๊.

ꤚꤥꤗꤢꤩ꤬ 15:13

เบ๊อะซี หยื่อเอ่หนิ เฮ๊อ จอแปแหร่ เด๊อ อา เมจว่า ซี เออ เบ๊อะเนอ, อา หม่า จอแปแหร่ เตเพร เด๊อ เป เหล่แม๊ชือ อา แก่ช๊าแก่แร อาขว่าอาคยา, อา เก่ เมเล๊อบา เป่ดื่อ ซี เตซิครือซิลอ เน๊อ ซี ซิปล่อ อา เตตู๊จุเตอเจ๊อ นี๋. โท๊โต่ แซ่ฮู๊ ซี เตแม๊ชือ เก่ ฉว่าแถ่ชอแถ่ แฮเง เกอโป่ เด๊อ เง เร๊อ แหย่โยบูโพ๊ แบ่เจ่ อา เตโพรเตเตอเรอ อาขว่าอาคยา แพ๊ เนอเรอ แว กุยจ๊อเบ เป่ เด๊อ ซีเง.

ꤚꤥꤗꤢꤩ꤬ 5:1

ฮู๊เนอเรอ จอแปแหร่ แด่จ๊อแด่เต เฮ๊อ เป เร๊อ เป เตหยื่อเตแหน่ อาคยา เฮ๊อ. เป โอ่โอ่เพรโอ่ดือ โอ่โครโอ่เกล เต่อ คยาแซ๊ เฮ๊อ เร๊อ จอแปแหร่ เฮ๊อ. เพร เม ทวาแถ่ เป่ เป ฮู๊เออเนอหม่า หม่าเฮ๊อ เป แบ่เจ่ เหย่ซู่ครี๊ เฮ๊อ.

ꤚꤥꤗꤢꤩ꤬ 8:6

แกแย เด๊อ อา เตเน โชชื่อแพ๊ เหน่กล่อพ๊าหย่า อา เตซิหยื่อซิลอ มู๊แหม่ เต๊เห่เนอ, อา โอ่เซอเพร เต่อเกอ ปา เน๊อ จอแปแหร่ ตูจูเพร โต่ เฮ๊อ. หม่าแน๊เรอ แกแย เด๊อ แหย่โยบูโพ๊ แบ่เจ่ เป๊อหนิ ลู เหล่เตเน เต๊เห่เนอ, อา เก่ พย๊าหนิ เตโมเตเป เออตือทือ ปา. โท๊โต่ อา เก่ โอ่เต่อเกอ เร๊อ จอแปแหร่ ตูจูเพร ปา.

โครินธ์ เนอบ่า ต๊าบ่า 10:5

เป เมตาพรอแก ลอ ล๋อ เตแด่ดุแด่แถ่โล เหน่ เด๊อ อา เมดู๊แด ตาตือฉื่อ เตซิเง จอแปแหร่ เนอเต๊เห่. ล๋อ แกแย อา เตเตเน เต๊เห่เนอ เป ปื่อด๊อโอ่ ลอ อา เร๊อ เป นอ จูเอ่ หนิดา อา เร๊อ ครี๊ อาโหง่.

โครินธ์ เนอบ่า ต๊าบ่า 13:11

โคแบ๊ซว๊า ซี๋, แว ซิหยื่อ เฮ๊ ซี เด๊อ คยาตื๊อดื่อ เน๊อ, ซิลอซิอือ แลแค นี๋. เมแร๊กาคยา แลแค ซี เตโอ่เซอเพร นี๋. หนิดา แลแค แว เตกุยซิยอ ซี เออเนอ เต๊เห่ นี๋. โอ่ปล๊อโอ่ปลู, โอ่เพรโอ่ดือ เกอเร๊อดื่อ ลู นี๋. ซี เก่ เมฮู๊เนอ เฮ๊เรอ จอแปแหร่ เด๊อ อา หม่าดื่อ เตโม เร๊อ เตเพรอาดือ อา แก่ช๊าแก่แร เออเตเพร เก่ โอ่ เกอดื่อ เร๊อ ซี ปา.

ꤊꤢ꤬ꤜꤢ꤬ꤒꤤ 5:22

หม่าแน๊เรอ แหย่โยบูโพ๊ แบ่เจ่ เนอหม่า อา เด๊อะ โอ่แถ่ เตโม, เตซิครือซิลอ, อาเพรอาดือ, เตแด่ทูซิปล่อ, เตซิยอกล่าเบ่, เตตว่าเตแร๊, เตจูลาพย๊าโหง่,

เอเฟซัส 3:19

อู ซิเงทว๊า ครี๊ อาเตโม เตเพร่ว โต่ หม่าแน๊เรอ แซ่ฮู๊ ซี เก่ ซิเง เกออู เนอเรอ, แว กุยจ๊อเบ เด๊อ ซีเง. เบ๊อะซี ซิเงแฮเฮ๊อ อาเตโม เบ๊อะเนอ, ซี เก่ พย๊าหนิ เล๊อบา ลอ ล๋อ จอแปแหร่ อาเหล่โกล เนอเต๊เห่ ปา.

ฟีลิปปี 1:1

เป หม่า คูเปาโล เร๊อ คูทิโมธี. เป หม่า เหย่ซู่ครี๊ อาหลู่ เต๊เห่. เป ราจว๊า เป่ ลี เออต๊าบ่า เนอ จอแปแหร่ อาแกแย เด๊อ อา ทวาแถ่ เฮ๊อ เตเตอเจ๋อ โต เร๊อ เหย่ซู่ครี๊ เร๊อ อา โอ่ แลแค เด๊อ วีฟีลิปปี อากู เนอเต๊เห่ อา โอ่. เป ราจว๊าป่าเต่อ เป่เกอ เร๊อ เพรหยื่อเอ่ตู๊หมู่ตอกล๊อ ทวาดุ ทวาเต เต๊เห่ เร๊อ เพรเมจว่า เพรหยื่อเอ่เต ตู๊หมู่ตอกล๊อพู๊ เต๊เห่.

ฟีลิปปี 1:2

เปเพ จอแปแหร่ เร๊อ แบ่เจ่ เหย่ซู่ครี๊ เก่ เด๊อะดื่อ ซี เตเด๊อะบุ๊ยเด๊อะเตอเรอ เน๊อ เตตู๊จุเตอเจ๊อ นี๋.

ฟีลิปปี 4:19

เด๊อ เหย่ซู่ครี๊ อาขว่าอาคยาเร๊อ, จอแปแหร่ เก่ เมจว่า เป่ ลอ ซี ล๋อ ซี โหล่เนอเต๊เห่ ปา. ฮู๊ อา ดุแหย่แถ่เซ เล๊อบา ตาป่อตาเป เฮ๊แจ่ ปา เจ๊อโต่ เออเนอ, อา เก่ เมจว่า เกอดื่อ ซี ฮู๊เนอ ปา.

ฟีลิปปี 4:21

แว เฮ๊โมเฮ๊แร๊ จว๊า เร๊อดื่อ จอแปแหร่ อาแกแย ปว๋า เตเพร เด๊อ อา หยื่อเอ่ เหย่ซู่ครี๊ เต๊เห่. โป่แหว่ ครี๊พู๊ เด๊อ อา โอ่ เกอ เร๊อ แว เบ๊อะเออ เต๊เห่ ซูจว๊า เป่เกอ อา เตเฮ๊โมเฮ๊แร๊ เต๊เห่ เด๊อ ซีโอ่.

ฟีลิปปี 4:9

ล๋อ ซี อิซว๊าพย๊าหนิ โทเฮ๊อ เร๊อ ซี แม๊เถอะ หนิโฮ โทเฮ๊อ แว เตเฮ๊เบ่เฮ๊โช เต๊เห่ เนอ แว เตเอ่เตแร เด๊อ แว โอ่ เต๊เห่เนอ, โอ่เซอเพร ครวาเม เกอ แลแค ฮู๊เนอ เร๊อ เตตู๊จุเตอเจ๊อ อา จอแปแหร่ เก่ โอ่ เกอดื่อ เร๊อ ซี ปา.

โคโลสี 3:15

ล๋อ ซีเออ เต๊เห่ เนอหม่า ซี ทวา ลอเฮ๊อ ครี๊ อาเหน่กล่อ เร๊อ จอแปแหร่ นว๊าแถ่ เฮ๊อ ซี เด๊อ ซี เก่โครเกล คยาลู เตเพร เร๊อ เตเพร เฮ๊อ. เมฮู๊เนอเรอ นอเป๊อหนิ ซี ซิปล่อ เร๊อ ครี๊ อาเพรอาดือ, เร๊อ เฮ๊บุ๊ยเฮ๊เตอเรอ แลแค จอแปแหร่ นี๋.

เธสะโลนิกา เนอบ่า ต๊าบ่า 3:16

เตตู๊จุเตอเจ๊อ อา แบ่เจ่ เก่ เด๊อะตา ดื่อ ซี เตตู๊จุเตอเจ๊อ ปว๋า โตโพ๊ เด๊อ แกล๊ ปว๋า โตโบ อากู นี๋. แบ่เจ่ เก่ โอ่เกอ ดื่อ เร๊อ ซี ปว๋า เตเพร นี๋.

ꤟꤤꤙꤚꤢꤨ 13:20

แซ่ฮู๊ ซี เก่ เมโตเมเบ่ เป่ดื่อ เตเป เตดวา อา จอแปแหร่ เออเตเพร อาซิปล่อ เนอเรอ, ล๋อ เตแร๊ เด๊อ ซี โหล่เบ่ เต๊เห่เนอ, อา เก่ เด๊อ ลอหล่าตี๊กลิ ดื่อ ซี นี๋. เด๊อ เหย่ซู่ครี๊ อาขว่าอาคยา, จอแปแหร่ เก่ เมดื่อเต เด๊อ เปกู ฮู๊ อา โตดื่อ เน๊อ ลูซิปล่อ เนอเต๊เห่ นี๋. จอแปแหร่ เมเซอเพร กาคยา โทเฮ๊อ เป แบ่เจ่ เหย่ซู่ เด๊อ เตเซอ เฮ๊อ. เร๊อ เด๊อ แบ่เจ่ เหย่ซู่ ข่าเซอ อาซิปล่อ เร๊อ อาสุ่ย เบ่ ทุ๊ยแล อาขว่าอาคยา, อา เมหม่าเมกลอแก โทเฮ๊อ จอแปแหร่ อา เตอ๊อแล อาเซ เด๊อ อา โอ่ ตูจูเพร เออเนอตือมือ เฮ๊อ. เด๊อ อา เมเฮ๊อ ฮู๊เนอ อาขว่าอาคยา, เหย่ซู่ ทวา เฮ๊อ เป เพรเกซิหมิ เด๊อ อาดุเล๊ออู เตเพร เฮ๊อ. เป หม่า เหย่ซีซิหมิ เต๊เห่ เฮ๊อ. อู เก่ แด่ดุแด่ทู ดื่อ เหย่ซู่ครี๊ อา ตูจูเพรเง นี๋.

ꤛꤢꤨꤘꤢ꤬ 1:1

แว หม่า คูยากอบ อาโป่ คูยูดาส, โท๊โต่ แว หม่า เหย่ซู่ครี๊ อาหลู่ เตเพร. แว ซิหยื่อ ราจว๊าเป่ แกแย เด๊อ เพ จอแปแหร่ เอ๊ เหย่ซี เร๊อ อา โม เกอเร๊อ เหย่ซี. โท๊โต่ เหย่ซู่ครี๊ โอ่ป่อ โฮ๊บี๊เตเก เกอเร๊อ เหย่ซี เนอเต๊เห่ อา โอ่.

เตเด๊อะโลแถ่ 1:4

แว หม่า คูยอห์น. แว ราจว๊า เป่ ลีเออ เด๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ เด๊อ อา โอ่ เด๊อ เอเซียเก่กู เนอเต๊เห่ อาโอ่. จอแปแหร่ เด๊อ อา เซอเพร มู๋ หนู่เค, โท๊โต่ กู๊แหน่เค๋ หม่า อา เซอเพรเพร, เนอปา หม่า อา เก่ เซอเพรเพร เออเตเพร เร๊อ ซิปล่อเซอเพร โซซว๊าเตเม เด๊อ อา โอ่ เด๊อ ลู กู่แกล๊แถ่โล อาเป๊เส่เง เออเต๊เห่ อาบุ๊ยอาเตอเรอ เร๊อ อา เตโส่เตเคร เออเนอ, ซี เก่ พย๊าหนิดื่อ นี๋.

เตเด๊อะโลแถ่ 2:17

“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. อา เฮ๊ ฮู๊เตเฮ๊เร๊อ, ล๋อ แกแย เด๊อ อา เมเป่ เต เต๊เห่เนอ แว เก่ เด๊อะ อา ค๊อมูมานา เด๊อ อู แด่โอ๊ อา เออเนอต๊อกล่อ ปา. โทเรอ แว เก่ เด๊อะ เหย่ซี หล่อบู เตเพร เตเม ปา, เร๊อ อู ราโอ่ มุยเซ เด๊อ อาลู เออเนอ ปา. มุยเซ เออเนอ อู ซิเง อา เตเพร่ว โต่, ซิเง ตื๊อแพ๊ แกแย เด๊อ อา พย๊าหนิ หล่อเออเนอ เตเพรเพร่ว แพ๊.”