ฟีลิปปี 4:6 - ลีเทส่อพ๊าอาเซ เร๊อ เห่ขุทวาลู๊

⁶ เบ่ยอ แต่ แลแค เตอเจ๋อ แต่เหม่ นี๋. หม่าแน๊เร๊อ เด๊อ เตล๋อ ปลี อากูเนอ, กุยจ๊อเบ เร๊อ กุย แลแค เต เด๊อ ซี โอ่ เนอเต๊เห่, เร๊อ กุย แลแค เน๊อ เตเฮ๊บุ๊ยเฮ๊เตอเรอ จอแปแหร่ นี๋.

Eastern Kayah Shadaw Dialect

⁶ ꤙꤢꤩ꤬ꤛꤢꤪ꤬ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤒꤣ꤬ꤡꤣ꤬꤮ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤗꤢ꤬ꤔꤢꤧꤚꤣꤧ꤬ ꤘꤣ ꤒꤢꤩ꤬ꤜꤢꤪ꤭꤮ ꤕꤜꤤ꤭ ꤢ꤬ꤊꤢꤨ꤭ꤔꤣꤧ꤬, ꤊꤝꤤ꤭ꤡꤢꤪꤙꤢꤩ꤭ ꤚꤣꤧ꤬ ꤊꤝꤤ꤭ ꤜꤢ꤭ꤋꤢꤧ꤭ ꤒꤢꤩ꤬ ꤘꤣ ꤞꤤ꤭ ꤜ꤫ꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬, ꤚꤣꤧ꤬ ꤊꤝꤤ꤭ ꤜꤢ꤭ꤋꤢꤧ꤭ ꤔꤢꤧ ꤒꤢꤩ꤬ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤔꤤ꤮꤯

ฟีลิปปี 4:6 Iomraidhean Croise

มัทธิว 10:19

หม่าแน๊เรอ เบ๊อะเหย่ซี ปื่อ ซี เบ๊อะเนอ, เบ่กู่เบ่แก หนื่ออื่อ แต่ เน๊อ ซี เก่ เฮ๊เบ่ แต่เหม่ปา. หม่าโต่เรอ ซี เก่ เฮ๊เบ่ ฮู๊เตเนอ แต่เหม่. เบ๊อะแฮโต่เบ่ ปาเนอ, จอแปแหร่ เก่ เด๊อะ ซี โหง่ เด๊อ ซี โต เฮ๊เบ่ เนอเต๊เห่ ปา.

มัทธิว 13:22

เตกลุย เด๊อ อา ลูตา เด๊อ ส่อแช๊ส่อกิเกล เนอเต๊เห่ หม่า อาแซ่เน๊อ แกแย เด๊อ อา หนิโฮ จอแปแหร่ อาลาอาโหง่ ตื๊อดื่อเรอ อา ย๋อ เบ่กู่เบ่แก เกอเร๊อ เน๊อ อา เตโอ่เซอเพร, โทเรอ อา ย๋อ ซิหยื่อ ดุแหย่แถ่เซ แลแค อาขว่าอาคยา, ล๋อ เตเออเต๊เห่เนอ อา แค๊ปลื่อแถ่บี๊แก ลอเฮ๊อ ลู เร๊อ อาเส่อาโพ เถ่เบ๊ ปาโต่เฮ๊อ.

มัทธิว 6:34

เมฮู๊เนอเรอ, ป่าโรปา อาเงเนอ เตเนกู่ เตเนแก แต่ แลแค แต่เหม่ นี๋, เมเตเฮ๊เรอ, ป่าโรปา อาเงเนอ, อา เตกู่เตแก โอ่ข่อ เกอเร๊อดื่อ ปา. เตอเนอ เน๊อ เตอเนอ อา เตกู่ เตแก เนอ อาโป่ อาชือ เร๊อดื่อ เฮ๊อ.”

มัทธิว 6:8

เม เกอ แต่ แลแค ฮู๊ เหย่ซี เมเนอ แต่เหม่ นี๋, เมเตเฮ๊เรอ เบ๊อะซี กุย แต่ล๋ายโต่ เนอ, ซีเพ ซิเง เหร่อลอ ดื่อเฮ๊อ ซี กุย แต่ล๋ายโต่ เนอ.

ꤜꤢꤨꤊꤢ꤬ 10:41

เร๊อ เหย่ซู่ เฮ๊ฉื่อ ลู เน๊อ, “เหมาะมารธา, เหมาะมารธา! เนเตเนกู๊เตเนแก เร๊อ เน ซิปล่อ ซู๊ซ๊า เร๊อ เตเม เอ๊เมเมวเอ๊เจ่อ เจ๊อ.

ꤜꤢꤨꤊꤢ꤬ 12:22

โทเรอ เหย่ซู่ เฮ๊ อา โคเจ่ เต๊เห่ เน๊อ, “ฮู๊เนอ อาขว่าอาคยา แว เฮ๊ ซี, เบ่กู่เบ่แก เต เด๊อ ซี เตโอ่เซอเพร อาเงเนอ แต่เหม่. ซี โหล่เอ่โหล่โอ อาเง เบ่เบ่, ซี โหล่กือโหล่แซ๊ บี๊เร๊อ ซี เหน่กล่อ อาเง เบ่เบ่, เบ่กู่เบ่แก แต่ แลแค แต่เหม่ นี๋.

ꤜꤢꤨꤊꤢ꤬ 12:29

ฮู๊เนอ อาขว่าอาคยา, ซีเตเนเบ่กู่เบ่แก เบ่ยอเบ่สี่ แต่ แลแค แต่เหม่. โต เอ่แคร๊ ปา อิเต, โต โอแคร๊ ปา อิเตเนอ, เตเน แต่ แลแค แต่เหม่ นี๋.

ꤜꤢꤨꤊꤢ꤬ 18:1

โทเรอ เหย่ซู่ ซิหยื่อ เร๊อ อา โคเจ่ เต๊เห่ เก่ กุยจ๊อเบ แลแค ปว๋า โตโพ๊. เร๊อ เหย่ซี เก่ ซิปล่อปย๊า แต่ ตีกี๋ แต่เหม่ เนอเรอ, อา แด๊ค๊าโข่ เป่ อา โคเจ่ เต๊เห่ เน๊อ โหง่ ตือมือ.

ꤜꤢꤨꤊꤢ꤬ 18:7

แกแย เด๊อ จอแปแหร่ นว๊าแถ่ อา เต๊เห่เนอ, เก่ อา กุย เตเมจว่า ปวาเนอปวาเซ เฮ๊เรอ, จอแปแหร่ เด๊อะโตเด๊อะเบ่ เป่ เหย่ซี โต่หม่า อา โอ่แจ่ แหน่ แอ? แซ่ฮู๊ อา เก่ เมจว่า เป่ อู อาเง เนอเร๊อ อา เก่ เมคอเมยอ ปา แอ?

โครินธ์ อาเหร่อเล๊อ ต๊าบ่า 7:21

เบ๊อะจอแปแหร่ เอ๊ เน เบ๊อะเนอ, เน ทวา เจ๊อ หลู่ เบ่เบ่, อา เหล่เฮ๊โอ่ เน๊อ โต่. หม่าแน๊เรอ เนแบ่เจ่ เก่ เฮ๊ เน เร๊อ ซิหยื่อ จว๊า เบ๊อะเตหม่า อาหนิ เฮ๊อ อา เก่ เฮ๊ เร๊อ เถ่จว๊า เนอ.

โครินธ์ อาเหร่อเล๊อ ต๊าบ่า 7:32

เห่ขุ อา ตาหมื่อตาเต เออเต๊เห่เนอ, แว ซิหยื่อ นอกู่นอแก ซี โต่. แกแย เด๊อ อาเม โอ่ โต่ เตเพรเนอ, อา ซิหยื่อ ครวาลือ เมโต แบ่เจ่ อาซิปล่อ อาขว่าอาคยา, อา เบ่ บูโพ๊ อา เตเตเน เต๊เห่ เด๊อ แบ่เจ่ อาเง.

โครินธ์ เนอบ่า ต๊าบ่า 1:11

แซ่ฮู๊ จอแปแหร่ เก่ เมแลเปล๊กา เป เร๊อ เตฮู๊เออ เต๊เห่ อาเงเนอ, เป โหล่ เด๊อ ซี เก่ เมจว่าเกอ เป เร๊อ ซี เตกุยจ๊อเบ. แซ่ฮู๊ แกแย เก่ ถู่เซ๊ เฮ๊บุ๊ยเฮ๊เตอเรอแถ่ จอแปแหร่ เอ๊ลา ปา อาเงเนอ, จอแปแหร่ เก่ หนิดา ซี เตกุยจ๊อเบ เต๊เห่ ปา เร๊อ อา เก่ เมแลเปล๊กา เป เด๊อ เตเซอ เร๊อ อาบุ๊ยดุอาเตอเรอทู ปา.

เอเฟซัส 5:20

อิเตเต๋ อาเง เบ่เบ่, เด๊อ เป แบ่เจ่ เหย่ซู่ครี๊ อามุย อาขว่าอาคยา, ตูรู๊ เฮ๊บุ๊ยเฮ๊เตอเรอ เปเพ จอแปแหร่ ปว๋า โตโพ๊ นี๋.

เอเฟซัส 6:18

กุยจ๊อเบ จอแปแหร่ เร๊อ กุยซิยอ หนิ ลู เด๊อ อา เก่ เมจว่า ซี เตปว๋า เต๊อเจ่อ นี๋. กุยจ๊อเบ แลแค ฮู๊ แหย่โยบูโพ๊แบ่เจ่ ยูแกล๊ยูโกล ซี เนอ ปว๋า โตโพ๊ นี๋. เร๊อ เบ๊อะซี กุยจ๊อเบ ฮู๊เนอ อาเค, โอ่ส่าเซ เร๊อ รอหนิ แลแค ซีเหน่ นี๋. กุยจ๊อเบ หนิเป่ลอ ล๋อ จอแปแหร่ อาแกแย เนอเต๊เห่ ปว๋า โตโพ๊ นี๋.

โคโลสี 3:15

ล๋อ ซีเออ เต๊เห่ เนอหม่า ซี ทวา ลอเฮ๊อ ครี๊ อาเหน่กล่อ เร๊อ จอแปแหร่ นว๊าแถ่ เฮ๊อ ซี เด๊อ ซี เก่โครเกล คยาลู เตเพร เร๊อ เตเพร เฮ๊อ. เมฮู๊เนอเรอ นอเป๊อหนิ ซี ซิปล่อ เร๊อ ครี๊ อาเพรอาดือ, เร๊อ เฮ๊บุ๊ยเฮ๊เตอเรอ แลแค จอแปแหร่ นี๋.

โคโลสี 3:17

ซี เฮ๊เบ่ เบ่เบ่, ซี เมเต อิเตเต๋ เบ่เบ่, แม๊ แบ่เจ่ เหย่ซู่ครี๊ อาเป๊เส่ เร๊อ เม แลแค นี๋. เด๊อ แบ่เจ่ เหย่ซู่ครี๊ อาขว่าอาคยา, เร๊อ เฮ๊บุ๊ยเฮ๊เตอเรอ ถู่เซ๊แถ่ แลแค จอแปแหร่ นี๋.

โคโลสี 4:2

กุยจ๊อเบ ฉาเผร่ แลแค จอแปแหร่ เร๊อ ซิเหน่ กุยจ๊อเบแถ่ ครือครือ อา นี๋. โอ่ส่าเซ แลแค, เร๊อ โอ่ แลแค เน๊อ เตเฮ๊บุ๊ยเฮ๊เตอเรอ แถ่ อา นี๋.

ทิโมธี อาเหร่อเล๊อ ต๊าบ่า 2:1

เด๊อ เตล๋อ ปลี อาเกลเนอ เตเด๊อ อา โหล่ดุเล๊อ เด๊อ แว ซิหยื่อ เด๊อะอ๊าเด๊อะเหร่ ซี เนอหม่า หม่าเฮ๊อ ซี เก่ กุยจ๊อเบ เป่ เด๊อ อูเง ปว๋า เตเพร. เร๊อ กุยหนิ เป่ เกอ อูโร อาเตโหล่ เต๊เห่, โทเรอ เฮ๊บุ๊ยเฮ๊เตอเรอแถ่ เป่ จอแปแหร่ เด๊อ แกแย ล๋อ ปลี อาเง.

ทิโมธี อาเหร่อเล๊อ ต๊าบ่า 5:5

เพรเหมาะ เตเพร เด๊อ อา โอ่แคร๊ หม่าแหน่ เร๊อ อู เพรแม๊เพรตุ ลู โอ่โต่ เตเพรเนอ, อา แม๊ชือ อา เตเมจว่า เด๊อ จอแปแหร่ อา โอ่. โทเรอ เหมาะคี๊คี๊ เหมาะเชเกลเกล อา กุยจ๊อเบ โตโมโม เจ๊อ. โท๊โต่ อา กุยซิยอ จอแปแหร่ เร๊อ อา เก่ เมจว่า ลู.

เปโตร อาเหร่อเล๊อ ต๊าบ่า 4:7

เตล๋อ ปลี อา เตเร ตื๊อดื่อแกเฮ๊อเนอ อา แฮโต่ ผื่อเฮ๊อ. ฮู๊เนอ อาขว่าอาคยา, แซ่ฮู๊ ซี กุยจ๊อเบเบ๊ เกออู เนอ, โอส่าเซ เกอ แลแค เร๊อ เตอิซว๊าอี๊แส่ แล เกอเร๊อ แลแค ซีเหน่, โท๊โต่ โอ่เซอเพร ชาเผร่ เกอ แลแค นี๋.

เปโตร อาเหร่อเล๊อ ต๊าบ่า 5:7

จอแปแหร่ ซิปล่อโอ่ แม๊ตู่หนิ ซี อาขว่าอาคยา, แด่แถ่ แลแค ซี เตเบ่ยอเบ่สี่ ล๋อ ปลี เด๊อ จอแปแหร่ อาโอ่ เนอ.