ฟีลิปปี 4:3 - ลีเทส่อพ๊าอาเซ เร๊อ เห่ขุทวาลู๊

³ เน หม่า แกแย เด๊อ อา เมโหร่ เต เร๊อ แว เด๊อ อาจ๊อ เน๊อ อาโหง่ เตเพร เฮ๊อ. เร๊อ แว ซิหยื่อ กุยเกอ เน เตเมจว่า เต๊อเจ่อ, แซ่ฮู๊ เพรเหมาะเออ ซิเนอ เก่ โครเกล คยาลู อาเงเนอ, เมจว่า เหร่อเป่ เหย่ซี นี๋. เมเตเฮ๊เรอ เหย่ซี เออซิเนอ เนอหม่า อา แอ๊จื๊อ ท๊ออ๊าท๊อเหร่ เมโหร่เกอ เตเฮ๊ตา เตซิครือมีลา อาเตเม เนอ แว หนิ. เหย่ซี เมโหร่เกอ เร๊อ คูเคลเมนท์ เร๊อ แวโค เด๊อ เป เมโหร่ลู เต เด๊อ อาโร เนอเต๊เห่, เร๊อ ล๋อ เหย่ซี เนอเต๊เห่ อามุย หม่า อา โอ่ ลอเฮ๊อ เด๊อ แบ่เจ่ อา ลีเซอเพร อากู เนอเฮ๊อ.

Eastern Kayah Shadaw Dialect

³ ꤔꤢꤧ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤚ꤫ꤥ꤬ ꤒꤢꤩ꤬ ꤔꤢꤧ ꤠꤢꤧ꤭ ꤘꤣ ꤢ꤬ꤡꤢꤪ ꤔꤢꤧ ꤢ꤬ꤍ꤫ꤥ꤬ ꤒꤣ꤬ꤖꤚꤢꤩ꤬ ꤟꤣꤧ, ꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤊꤝꤤ꤭ꤊꤣꤧ꤭ ꤔꤢꤧ꤬ ꤒꤢꤩ꤬ꤗꤢꤩ꤬ꤡꤝ꤫ꤢ꤬ ꤒꤣ꤬ꤡꤣ꤬, ꤞꤢꤧꤟꤢꤨ ꤖꤚꤢꤩ꤬ꤗꤢꤪ꤬ꤣꤧ꤭ ꤞꤤꤔꤣꤧ꤭ ꤊ꤫ꤢꤦ꤬ ꤋꤚꤥ꤭ꤊꤜꤢꤩ꤭ ꤋꤛꤢ꤭ꤜꤢꤨ꤭ ꤢ꤬ꤑꤢꤩ꤭ꤔꤣꤧ꤬, ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ꤚꤣꤧ ꤛꤢꤩ꤬ꤞꤤ꤭ ꤔꤤ꤮꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤛꤢꤩ꤬ꤞꤤ꤭ ꤣꤧ꤭ꤞꤤꤔꤣꤧ꤭ ꤔꤣꤧ꤬ꤗꤢ꤬ ꤢ꤬ ꤢꤧꤡꤢꤦ ꤓꤢꤪꤟꤢꤧ꤭ꤓꤢꤪꤚꤢꤩ꤬ ꤗꤢꤩ꤬ꤚ꤫ꤥ꤬ꤊꤣꤧ꤭ ꤒꤢꤩ꤬ꤠꤣꤒꤢ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤒꤢꤩ꤬ꤗꤢꤩ꤬ ꤔꤢꤧ ꤠꤢꤧ꤭ ꤗꤢꤩ꤭꤯ ꤛꤢꤩ꤬ꤞꤤ꤭ ꤗꤢꤩ꤬ꤚ꤫ꤥ꤬ꤊꤣꤧ꤭ ꤔꤢꤧ ꤋꤢꤨ꤭ꤊꤜꤢꤩ꤬ꤗꤢꤩ꤬ ꤔꤢꤧ ꤠꤢꤧ꤭ꤋꤥ꤭ ꤘꤣ ꤕꤢꤩ꤬ ꤗꤢꤩ꤬ꤚ꤫ꤥ꤬ꤜꤢꤨ꤭ ꤒꤢꤩ꤬ ꤘꤣ ꤢ꤬ꤚꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬, ꤚꤣꤧ꤬ ꤜꤢꤪ꤭ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤗꤝꤤ꤭ ꤗꤢ꤬ ꤢ꤬ ꤥ꤬ ꤜꤢꤪ꤭ꤟꤣꤧ ꤘꤣ ꤙꤢꤧ꤬ꤡꤢꤩ꤬ ꤢ꤬ ꤜꤤ꤬ꤞꤣꤧ꤭ꤖꤚꤢꤩ꤬ ꤢ꤬ꤊꤢꤨ꤭ ꤔꤣꤧ꤬ꤟꤣꤧ꤯

ฟีลิปปี 4:3 Iomraidhean Croise

ꤜꤢꤨꤊꤢ꤬ 10:20

หม่าแน๊เรอ, โลเน๊ เต๊เห่ จูเอ่ ซีโหง่ ขว่าคยา เร๊อ ซิครือ แลแค แต่เหม่ นี๋. ซิครือ แลแค เด๊อ อู ราม๊า โอ่ เฮ๊อ ซีมุย เด๊อ ม๊อขุ เออเนอ.”

ꤚꤥꤗꤢꤩ꤬ 12:1

ฮู๊เนอเรอ, โป่แหว่ ซี๋, จอแปแหร่ อา เตซิยอ เป เนอ, อาดุอาแย ตาลว๊าซิลือ เจ๊อ เด๊อ เปเง อาขว่าอาคยา, แว กุยซิยอ ซี เร๊อ ซี เก่ เด๊อะแล ซี เหน่กล่อ เออ เด๊อ จอแปแหร่ อา โอ่ ฮู๊ เตหลู่ เด๊อ อา เซอเพร, ฮู๊ เตหลู่ เด๊อ อา บูโพ๊ เร๊อ ฮู๊ เตหลู่ เด๊อ อาโต ลูซิปล่อ อา เตซิหยื่อ เนอ นี๋. ซี โต จ๊อเบแถ่ จอแปแหร่ ฮู๊เออเนอหม่า หม่าเฮ๊อ แกล๊ เด๊อ อาโตอาเบ่ โตโบ เฮ๊อ.

ꤚꤥꤗꤢꤩ꤬ 16:12

เฮ๊โมเฮ๊แร๊ หนิเป่ แว เหมาะตรีเฟนา เร๊อ เหมาะตรีโพสา เนอซิเนอ นี๋. เหย่ซี หม่า เพรเหมาะ เต๊เห่ เด๊อ อา เม แหน่เจ๊อ เต เด๊อ แบ่เจ่ อาเง. เฮ๊โมเฮ๊แร๊ หนิเป่ เกอ แวโคโม เหมาะเปอร์ซีสสัส เนอ นี๋. อา หม่า เพรเหมาะ เด๊อ อา แอ๊จื๊อ เมแหน่เจ๊อเต เด๊อ แบ่เจ่ อาเง เตเพร เฮ๊อเฮ๊อ.

ꤚꤥꤗꤢꤩ꤬ 16:9

แว ซูจว๊าหนิ แว เตเฮ๊โมเฮ๊แร๊ เด๊อ คูอูรบานัส เด๊อ อา เม โหร่เกอ ครี๊ อา เตเอ่เตแร เร๊อ แว เออเนอ เตเพร เร๊อ แว โคแบ๊ซว๊าโม คูสทาคิส อา โอ่.

ฟีลิปปี 1:12

แว โป่แหว่ ซี, ล๋อ เตเมทวาแถ่ อาเหน่ เร๊อ แว เออเต๊เห่ เนอหม่า หม่า แพ๊ อา เมจว่า เป่ เตซิครือมีลา เก่ ดุแถ่ ทูแถ่ อาเงแพ๊ เนอหม่า แว ซิหยื่อ นอซิเง เกอ ซี.

ฟีลิปปี 1:16

เหย่ซี โมเร๊อ แว เร๊อ อา เม แลแค แพ๊, เมเตเฮ๊เร๊อ โตเบ่ เฮ๊เบ่เตเกบี๊ ตาตือเร๊อ เตซิครือมีลา อาเตเม เออเนอหม่า จอแปแหร่ เด๊อ แว แพ๊ เนอ, เหย่ซี ซิเง แพ๊.

ฟีลิปปี 1:27

อา ทวาแถ่ ฮู๊เต๋ เบ่เบ่, ซี โต โอ่เซอเพร แลแค ฮู๊ ครี๊ อา เตซิครือมีลา แด๊โฉ่ เป่ ซีเนอ นี๋. ซี เก่ เมฮู๊เนอ เฮ๊เร๊อ แว แฮแม๊เถอะ ซี เบ่เบ่, แว โอ่ตาพายา เร๊อ ซี เร๊อ แว หนิโฮ แพ๊ ซีหรี่ซีแก เบ่เบ่, แว เก่ ซิเง แหน่ดื่อเฮ๊อ เร๊อ ซี ซิปล่อ จี่จื่อเฮ๊อ ลู เร๊อ ซี ก๊อถ่อช๊าฉื่อ แตแนโหร่เฮ๊อ ลู เด๊อ เตซิครือมีลา อา เตหยื่อเตแหน่ อาเงเฮ๊อ. โท๊โต่ ซี ชิอิเช ปา แกแย เด๊อ อา ซิเถ่ซิฮา ซี เนอเต๊เห่ อาเหล่ โต่เฮ๊อ. ซี เก่ เมฮู๊เนอ เฮ๊เรอ ซี ข่าเฮ๊โล เป่เฮ๊อ เหย่ซี เร๊อ จอแปแหร่ เก่ เมปย๊าแก เหย่ซี ปา, เร๊อ จอแปแหร่ เก่ เมแลเปล๊กา ลาติ ซี เร๊อ อาเหน่ เร๊อดื่อ ปา.

ฟีลิปปี 1:5

เมเตเฮ๊เนอ, แว เม เตซิครือมีลา เออเนอ, ซี ย๋อ เมเต่อเกอ เฮ๊อ เนอ แว เด๊อ กูลู่เค โต่กู๊แหน่ เจ๊อ เฮ๊อ.

ฟีลิปปี 1:7

แว ย๋อ โม แหน่เจ๊อ ซี อาขว่าอาคยา, แว เตเน ซีหรี่ซีแก ฮู๊เออเนอหม่า อาโต แพ๊. เบ๊อะแว โอ่ปา เด๊อ ทอกู อาเคเออเนอ เบ่เบ่, เบ๊อะแว โต เฮ๊เบ่ เตเก ตาตือ ฉื่อบี๊ เกอเร๊อ แว เตซิครือมีลา เร๊อ แว โต เฮ๊เบ่ หม่ากลอ ฉื่อ เกอเร๊อ แว เตซิครือมีลา อาเคเออเนอ เบ่เบ่, จอแปแหร่ เมแร๊ แหน่เจ๊อ เป เร๊อ อา เด๊อะตา โค๊ดื่อ เป เตเม เด๊อ เป เก่ เมโหร่ลู เต เร๊อ เล แด๊โฉ่โด่แน เป่ อู เร๊อ เตซิครือมีลา.

ฟีลิปปี 4:2

เหมาะยูโอเดีย เร๊อ เหมาะสินทิเค ซี๋, ซี โป่เร๊อแหม่ เฮ๊อ ลู เด๊อ ครี๊ อากู อาขว่าอาคยา, แว กุยซิยอ ซี เร๊อ ซี เก่ ซิปล่อโต เกอลู เตเพร เร๊อ เตเพร.

โคโลสี 1:7

คูเอปาฟรัส หม่า แกแย เด๊อ อา แด๊โฉ่โด่แน โล เหร่อเล๊อ เป่ ซี เร๊อ จอแปแหร่ อา เตบุ๊ยดุเตอเรอทู เตเพร เฮ๊อ. อา หม่า เหย่ซู่ครี๊ อา หลู่เล๊ เด๊อ อา เมเต่อ เต เร๊อ เป เร๊อ เป โม เกอเร๊อ ลู เตเพร. อา หม่า ครี๊ อา เพรแรเต เด๊อ อาจ๊อ เร๊อ อาโหง่ เตเพร. เร๊อ อา เม ฮู๊เออเนอหม่า อา เม แต๊เป่ เปเง เฮ๊อ.

เตเด๊อะโลแถ่ 13:8

ล๋อ แกแย เด๊อ อา โอ่ เด๊อ เห่ขุเออ ปว๋า เตเพร เนอ, อา เก่ จ๊อบู่จ๊อเบแถ่ ลอ ลู ปา. เป๊อะแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ลา เหย่ซีมุย เด๊อ ซิหมิพู๊ เนอโตโด อา ลีเซอเพร อากู ล๋ายโต่ เต๊เห่เนอ, อา เก่ จ๊อบู่จ๊อเบแถ่ ลอ แลแค เตมีเตแหม่ เออโตโด. ซิหมิพู๊ เนอโตโด หม่า หม่าเฮ๊อ อู เมเซอ อาเนอ เตเพร เฮ๊อ.

เตเด๊อะโลแถ่ 17:8

เตมีเตแหม่ เด๊อ เน แม๊เถอะ โทเฮ๊อ เน๊อ โตโพ๊เคเนอ อาโอ่ โทเฮ๊อ หม่าแน๊เรอ กู๊แหน่เออ อา โอ่ ปา โต่ เนอโตโด เก่ โอ่โลแถ่ คยาแซ๊ ปา. อา โอ่ เด๊อ ครอกูดุ ครอกูแย เนอตูกู เร๊อ อา เก่ แฮเถ่ ปา. เร๊อ แบ่เจ่ เอ๊จว๊า ลู เด๊อ เตเมจากาคยา อาเหล่โอ่ เร๊อ อา เก่ เมปย๊าแก ลู ตูจูเพร ปา. เป๊อแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ล๋าย เหย่ซีมุย เด๊อ ลีเซอเพร อากู ล๋ายโต่ เต๊เห่เนอ, อา เก่ คย๊ายื๊อ ลอ แลแค เบ๊อะเหย่ซี แม๊ เตมีเตแหม่ เออโตโด อาเค เนอ ปา, เมเตเฮ๊เรอ, โตโพ๊เคเนอ เตมีเตแหม่ เออโตโด ย๊อ โอ่เซอเพร เร๊อ กู๊แหน่ เร๊อ อา โอ่ ปา โต่, หม่าแน๊เรอ อา เก่ โอ่โล คยาแซ๊ ปา อาขว่าอาคยา, เหย่ซี คย๊ายื๊อ ลอ แลแค แพ๊.

เตเด๊อะโลแถ่ 20:12

เร๊อ แว แม๊เถอะ แกแย เด๊อ อามุย โลเทอโลเก่ เร๊อ แกแย เด๊อ อู เตเน ปีตี๊ ลู เร๊อ อา เซอโทเฮ๊อ เต๊เห่ ก๊อถ่อโอ่ เด๊อ จ๊อแผ่ กุแกล๊บูดุ แถ่โล เออ อาเป๊เส่เง เนอ. อู โบ๊โมแถ่ ลีเต๊เห่ โทเรอ อู โบ๊โมแถ่ ลี เด๊อ อาโร ต๊าบ่า เด๊อ อู เอ๊ เร๊อ ลีเซอเพร เออ. แกแยเซอ เออเต๊เห่เนอ, อู เมจากาคยา เหย่ซี ฮู๊ อา เมน๊อ โทเฮ๊อ เนอ เร๊อ ฮู๊ อู ราม๊าโอ่ เด๊อ ลีเออ อากูเนอ เต๊เห่.

เตเด๊อะโลแถ่ 20:15

แกแย เตเพรเพร เด๊อ อู เก่ แม๊เถอะ อู ราโอ่ อามุย เด๊อ ลีเซอเพร เออต๊าบ่า อากู โต่ เฮ๊ เนอ, อู เบ่ วีตาแก อา เด๊อ หมิเผ่ เออเต๊เผ่ อากู.

เตเด๊อะโลแถ่ 21:27

หม่าแน๊เรอ เด๊อ วีกู เนอ เต เด๊อ อา บูโพ๊ โต่ เนอเต๊เห่ โนหนิ เตอเจ๋อ โต่. แกแย เด๊อ อา เม เตมู๊แหม่รีแจ่ เบ่เบ่, อา แลโฮแลแฮ เต๊เห่ เบ่เบ่, โนหนิ เตเพร่ว โต่. โนหนิ แพ๊ตื๊อ แกแย เด๊อ อามุย โอ่ เด๊อ ซิหมิ อา ลีเซอเพร เออต๊าบ่า อากู เนอเต๊เห่ แพ๊.

เตเด๊อะโลแถ่ 3:5

แกแย เด๊อ อา เมเป่เต เต๊เห่เนอ อู เก่ เด๊อะกือเด๊อะแซ๊ แถ่เกอดื่อ เหย่ซี เร๊อ เห่อบูจาโพ๊ ฮู๊เออเนอ ปา. โทเรอ อามุย เด๊อ อา โอ่ เด๊อ ลีเซอเพร อากู เออเต๊เห่เนอ, แว ทื๊อปลีแก ลู โต่โต่. เด๊อ แวเพ เร๊อ อา ม๊อขุเตเน่วพู๊ เต๊เห่ อา เป๊เส่เง ปาเนอ, แว เก่ แด๊โฉ่โลแถ่โปล เป่ เหย่ซี เออเต๊เห่เนอ เนอ, เหย่ซี หม่า แวแกแย แพ๊, ฮู๊เนอ ปา.