ฟีลิปปี 3:8 - ลีเทส่อพ๊าอาเซ เร๊อ เห่ขุทวาลู๊

⁸ ตื๊อเนอโท๊โต่, กู๊แหน่เออ แว ล๋อ ซิเงแฮเฮ๊อ เร๊อ ซิเงเฮ๊อ แว แบ่เจ่ เหย่ซู่ครี๊ เออเนอ อา งูดุงูชอ เล๊อปา เจ๊อ เร๊อ เตล๋อ ปลี อาขว่าอาคยา, ล๋อ เต เออเต๊เห่เนอ, แว แด่แก อา ฮู๊ เตโอ่เล๊อโอ่กลอ เต๊เห่เนอ แพ๊. เด๊อ ครี๊ อาเง อาขว่าอาคยา, แว วีแก ลอเฮ๊อ ปว๋า เต๊อเจ่อ เฮ๊อ. แซ่ฮู๊ แว เก่ พย๊าหนิ ครี๊ เร๊อ แว เก่ ทวาแถ่ เต เตอเจ๋อโต เร๊อ ครี๊ อาเงเนอ, ล๋อ เต เออเต๊เห่เนอ, แว เตเนแก อา ฮู๊ ส่อซุ๊ย เต๊เห่เนอ แพ๊.

Eastern Kayah Shadaw Dialect

⁸ ꤒꤢꤦꤔꤣꤧ꤬ꤓꤥ꤭ꤒꤥ꤬, ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤜꤢ꤭ ꤞꤤꤑꤢꤩ꤭ꤟꤢꤧ꤭ꤟꤣꤧ ꤔꤢꤧ ꤞꤤꤑꤢꤩ꤭ꤟꤣꤧ ꤠꤢꤧ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ꤔꤣꤧ꤬ ꤢ꤬ ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤜꤣꤕꤢ꤬ ꤡꤣꤧ ꤔꤢꤧ ꤒꤢꤩ꤬ꤜꤢꤪ꤭꤮ ꤕꤜꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤜꤢꤪ꤭ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤘꤢꤧ꤬ꤊꤢꤧ꤭ ꤢ꤬ ꤟꤢꤨ ꤒꤢꤩ꤬ꤥ꤬ꤜꤣꤥ꤬ꤊꤜꤢꤪ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤖꤢꤧ꤯ ꤘꤣ ꤋꤚꤤ ꤢ꤬ꤑꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤠꤤ꤭ꤊꤢꤧ꤭ ꤜꤢꤪ꤭ꤟꤣꤧ ꤕꤝꤢ꤭꤮ ꤒꤣ꤬ꤡꤣ꤬ ꤟꤣꤧ꤯ ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤋꤚꤤ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤒꤢꤩ꤬ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤢ꤬ꤑꤢꤩ꤭ꤔꤣꤧ꤬, ꤜꤢꤪ꤭ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤒꤣꤧ꤬ꤔꤢꤩ꤬ꤊꤢꤧ꤭ ꤢ꤬ ꤟꤢꤨ ꤞꤢꤪ꤬ꤞꤝꤤ ꤒꤣꤧ꤬ꤟꤢꤩ꤬ꤔꤣꤧ꤬ ꤖꤢꤧ꤯

ฟีลิปปี 3:8 Iomraidhean Croise

ꤜꤢꤨꤊꤢ꤬ 1:43

แว แบ่เจ่ อาโหมะ จว๊าแฮโต่ เด๊อ แว โอ่ เมเต? แว พย๊าหนิ โค๊ดื่อ เตแม๊ดุ แว เมเต?

ꤜꤢꤨꤊꤢ꤬ 11:20

หม่าแน๊เรอ, แว เก่ เหว่เถ่แก โลเน๊ เออเต๊เห่ เร๊อ จอแปแหร่ อา เตโพรอาเตเตอเรอ เก่เฮ๊เรอ เออเนอหมา อา ยูโลเฮ๊อ เร๊อ จอแปแหร่ เก่ แฮเป๊อเทอ เป๊อเก่ เออเนอ อา แฮโต่เฮ๊อ เด๊อ ซี โอ่ เฮ๊อ.

ꤛꤥ꤭ꤟꤢ꤬ 14:20

เบ๊อะเนอเตอเนอ ปาเนอ, ซี เก่ ซิเง เน๊อ แว โอ่ เด๊อ แวเพ อากู เร๊อ ซี โอ่ เด๊อ แวกู เร๊อ แว โอ่ เด๊อ ซีกู ปา.

ꤛꤥ꤭ꤟꤢ꤬ 14:7

ซี เก่ ซิเง ตาเตเฮ๊อ แว เฮ๊เนอ, ซี ซิเง โต่เกอ ดื่อเฮ๊อ แวเพ เฮ๊อ. เป๊อแถ่ กู๊แหน่เออ ตาเป่แฮเนอ, ซี เกล๊ ซิเง แหน่เจ๊อ แวเพ เฮ๊อ เร๊อ ซี เกล๊ แม๊เถอะน๊อ แหน่ เฮ๊อ อา เฮ๊อ.”

ꤛꤥ꤭ꤟꤢ꤬ 16:3

อา จว๊า เมโต่ แลแค ฮู๊เออ เมเตเฮ๊เรอ เหย่ซี ซิเงน๊อ เพ โตโพ๋ โต่, โทเรอ อา ซิเงน๊อ แว โตโพ๋ โต่.

ꤛꤥ꤭ꤟꤢ꤬ 17:3

จอแปแหร่ หม่า ตื๊อ เน เตเพรแพ๊, เร๊อ แกแย เด๊อ อา ซิเง เน เร๊อ อา ซิเง เร๊อ แว หม่า เหย่ซู่ครี๊ เด๊อ เน ปลวาแฮ ลู เตเพร เต๊เห่ เนอหม่า หม่าเฮ๊อ เตซิเง เด๊อ อา เด๊อะ เหย่ซี ซิปล่อเซอเพร ตูจูเพร เฮ๊อ.

ꤛꤥ꤭ꤟꤢ꤬ 17:8

เมเตเฮ๊เรอ, เตหรี่เตแก เด๊อ เน เด๊อะ แว เนอเต๊เห่เนอ, แว เด๊อะ เร๊อ เหย่ซี เร๊อ เหย่ซี พย๊าฉื่อ โทเฮ๊อ. เหย่ซี ซิเง ตาเต เฮ๊อ เร๊อ แว โอ่ เด๊อ เน โอ่ แฮ เร๊อ เหย่ซี หยื่อเอ่ เร๊อ เน นอแฮ แว.

ꤛꤥ꤭ꤟꤢ꤬ 20:13

เร๊อ เหย่ซี แด๊เฮอ เหมาะมารีย์ เน๊อ, “เพรเหมาะ, เน โหง่ เมเต?” เร๊อ เหมาะมารีย์ เฮ๊ กาคยาฉื่อ เหย่ซี เน๊อ, “เหย่ซี พย๊าจว๊าแกโอ่เหม่ เฮ๊อ แว แบ่เจ่ เฮ๊อ, เหย่ซี จว๊าแด่โอ่ โต ลู เบ๊อะเตเนอ แว ซิเงโต่,” อา เฮ๊ฉื่อ ฮู๊เนอ.

ꤛꤥ꤭ꤟꤢ꤬ 20:28

“แว แบ่เจ่, แว จอแปแหร่,” คูโธมัส เฮ๊ฉื่อ ลู ฮู๊เนอ.

เพรโด่แนพู๊ เต๊เห่ 20:24

หม่าแน๊เรอ แซ่ฮู๊ แว เก่ เมโทแก เตเม เด๊อ แบ่เจ่ เหย่ซู่ เด๊อะแลแก แวเออ อาเงเนอ, แว แด่ดุ ซิโล เกอ เร๊อ ปา เจ๊อ แว ซิปล่อ เซอเพร เออเนอ โต่ เฮ๊อ. เตเม เด๊อ อา นอเม แว เออเต๊เห่ เนอหม่า หม่าเฮ๊อ แว เบ่ ข่าเฮ๊โล เน๊อ จอแปแหร่ อาบุ๊ยอาเตอเรอ อา เตซิครือมีลา เออ อาหรี่อาแก เออเนอ เฮ๊อ.

ꤚꤥꤗꤢꤩ꤬ 8:18

แว ซิเง แม๊เถอะ เร๊อ เตจาเตจือ เด๊อ เป ข่าเบ่ กู๊แหน่เค เออเนอ, แว เก่ โต๊โหล่แม๊ เร๊อ จอแปแหร่ เก่ เมลีเมเตเค เป ช๋า เนอปา ตือทือ เฮ๊เรอ, แว แด่ เร๊อ เต เตอเจ๋อโต่.

ꤚꤥꤗꤢꤩ꤬ 8:39

เต โอ่ เด๊อ ม๊อเล เต๊เห่ เบ่เบ่, อา โอ่ เด๊อ เห่ขุ ต๊าบ่าเออ อาเล เต๊เห่เนอ เบ่เบ่, เตแบ๊แล เด๊อ อาโร เต๊เห่ เบ่เบ่, เด๊อ เป แบ่เจ่ เหย่ซู่ครี๊ เมโท เป่เฮ๊อ เต เด๊อ เปเง อาขว่าอาคยา, ล๋อ เต เออเต๊เห่เนอ, อา ท๊อเปแกแจ่ เป เร๊อ จอแปแหร่ อาเตโม โต่.

โครินธ์ อาเหร่อเล๊อ ต๊าบ่า 2:2

เมเตเฮ๊เรอ, แว แด่แล โทเฮ๊อ แว ซิปล่อ เน๊อ แว เก่ แด๊โฉ่โด่แน แพ๊ตื๊อ เหย่ซู่ครี๊ เออเตเพร อาหรี่อาแก เน๊อ อาเตเซอ เด๊อ อี๊ถื่อดีเต่ลู อาหรี่อาแก เออเนอ แพ๊.

โครินธ์ อาเหร่อเล๊อ ต๊าบ่า 9:10

อา เฮ๊ เป่ เปเง หม่าโต่ แอ? เออ หม่า อา เฮ๊ หม่าแหน่ เป่ เจ๊อ เฮ๊อ เปเง เฮ๊อ. แกแย เด๊อ อา แฮ ท๊า เป่ อู แหล่ เร๊อ แกแย เด๊อ อา แฮ เก๊ เป่ อู โบ๊ เต๊เห่เนอหม่า, อา แม๊ชือ แหน่ เฮ๊อ เด๊อ อา เก่ พย๊าหนิ แลแค อาคว๊าอาเก่ เต๊เห่ เด๊อ อา เหล่เอ่เหล่โอ อาเง เฮ๊อ.

โครินธ์ เนอบ่า ต๊าบ่า 4:4

โลเน๊มู๊แหม่รีแจ่ กู่กล๊อ เด๊อ อา เป๊อหนิ เห่ขุ เออโตโดเนอ, อา เมคี๊ เมตาปาแก เหย่ซี เป๊เส่ อาขว่าอาคยา, เหย่ซี แม๊เถอะ เกออู เตซิครือมีลา อาเตลี เออเนอ โต่. แซ่ฮู๊ แกแย เห่ขุพู๊ เต๊เห่ เก่ ซิเงโปล แต่ ครี๊ อา เตซิครือมีลา เด๊อ อา เฮ๊โฉ่โล เป่ อู เร๊อ ครี๊ อา เตลีเตเตเค อาหรี่อาแก เออ แต่เหม่ เนอ, อา เมตาปา ตอครอแก เหย่ซี ฮู๊เนอ เฮ๊อ. เพร เด๊อ อา เด๊อะโล ตาเต เป เร๊อ จอแปแหร่ หม่า ครี๊ เฮ๊อ.

โครินธ์ เนอบ่า ต๊าบ่า 4:6

เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.

ꤊꤢ꤬ꤜꤢ꤬ꤒꤤ 1:16

แซ่ฮู๊ แว เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ ครี๊ อา เตซิครือมีลา อาเงเนอ, จอแปแหร่ ซิปล่อโอ่ เนอ อา เก่ เด๊อะโลแถ่ เป่ แว เร๊อ อาพู๊คู. เบ๊อะเนอเค, แว กุย เร๊อ แกแยเห่ขุพู๊ อา เตเด๊อะซิเง ยูแกล๊ยูโกล จว่า แว เตเพร่ว โต่.

เอเฟซัส 4:13

เร๊อ ครี๊ อาเหน่กล่อเออ อา เก่ ฉว่าแถ่ชอแถ่ โต่เด๊อ เป ล๋อ ปลี เก่ โอ่ลู เร๊อ เตหยื่อ เตอเจ๋อโต เร๊อ เตซิเงแฮ จอแปแหร่ อาพู๊คู เตอเจ๋อ โต ปา. โท๊โต่ เป เก่ ทวาแถ่ เพรหยื่อเอ่ เออ เด๊อ อา ดุเผร่ ตาเต เต๊เห่ ปา. เตดุเผร่ ตาเต เออเนอหมา หม่าเฮ๊อ เป ทวาแถ่เฮ๊อ แกแย เด๊อ อา เล๊อบา แซ่เน๊อ ครี๊ เด๊อ อาเล๊ออาบา เออเตเพร เนอเฮ๊อ.

ฟีลิปปี 1:1

เป หม่า คูเปาโล เร๊อ คูทิโมธี. เป หม่า เหย่ซู่ครี๊ อาหลู่ เต๊เห่. เป ราจว๊า เป่ ลี เออต๊าบ่า เนอ จอแปแหร่ อาแกแย เด๊อ อา ทวาแถ่ เฮ๊อ เตเตอเจ๋อ โต เร๊อ เหย่ซู่ครี๊ เร๊อ อา โอ่ แลแค เด๊อ วีฟีลิปปี อากู เนอเต๊เห่ อา โอ่. เป ราจว๊าป่าเต่อ เป่เกอ เร๊อ เพรหยื่อเอ่ตู๊หมู่ตอกล๊อ ทวาดุ ทวาเต เต๊เห่ เร๊อ เพรเมจว่า เพรหยื่อเอ่เต ตู๊หมู่ตอกล๊อพู๊ เต๊เห่.

ฟีลิปปี 3:10

ล๋อ เต เด๊อ แว ซิหยื่อ ซิเง เต๊เห่ เนอหม่า หม่า แพ๊ตื๊อ ครี๊ เร๊อ อาเตเซอ ก๊อถ่อเซอเพร กาคยา อา เตโพรเตเตอเรอ เออเนอ แพ๊. เร๊อ แว ซิหยื่อ ข่าจาข่าจือ เต่อเกอเร๊อ อา, เร๊อ แว ซิหยื่อ ทวาแถ่ แซ่เกอ เร๊อ อา ข่าเซอ อาเหน่ เออเนอ แพ๊.

ฟีลิปปี 3:12

เตเออเต๊เห่เนอ แว พย๊าหนิ โทเฮ๊อ แว เฮ๊น๊อ เร๊อ ฮู๊เนอโต่, โทเร๊อ แว เตโอ่เซอเพร เออเนอ, อา เล๊อบา ลอเฮ๊อ แว เฮ๊น๊อ เร๊อ ฮู๊เนอ โต่โต่. หม่าแน๊เรอ แซ่ฮู๊ แว เก่ ซิเง ครี๊ เร๊อ แว เก่ ทวาแถ่ แฮเง แซ่เกอเร๊อ อา อาเงเนอ, แว แอ๊จื๊อแอ๊เหร่ แหน่เจ๊อ. ครี๊ นว๊าแถ่ เฮ๊อ แว เร๊อ เตหรี่เตแก เออเต๊เห่ อาคยาเฮ๊อ.

ฟีลิปปี 3:7

โตโพ๊เค, เต เด๊อ แว แด่ อา เน๊อ อางูดุงูชอ แหน่เจ๊อ เด๊อ แวเง เต๊เห่เนอ, กู๊แหน่เร๊อ เด๊อ แว หยื่อเอ่ เฮ๊อ ครี๊ อาขว่าอาคยา, ล๋อ เต เออเต๊เห่เนอ แว แด่แก อา ฮู๊ เตโอ่เล๊อโอ่กลอ เด๊อ แวเง เนอแพ๊.

ทิโมธี เนอบ่า ต๊าบ่า 4:6

เมเตเฮ๊เรอ, ค๊าขิ โต่เฮ๊อ เด๊อ แว เก่ เถ่จว๊าแก เร๊อ เห่ขุเออ เฮ๊อ. ม๊อเนอม๊อเซ แฮโต่เฮ๊อ เด๊อ แว เก่ แด่แก แว เตโอ่เซอเพร เออเฮ๊อ.

ꤟꤤꤙꤚꤢꤨ 3:14

เมเตเฮ๊เรอ, เป เตหยื่อเอ่ จอแปแหร่ เด๊อ กูลู่เค เนอ, เป เก่ ปื่อหม่าแร๊หนิ อา โต่เด๊อ อาตื๊อดื่อ เฮ๊เรอ, เป ทวาเฮ๊อ เพรเมเต่อเต เร๊อ ครี๊ เฮ๊อ.

เปโตร อาเหร่อเล๊อ ต๊าบ่า 2:7

เร๊อ หล่อ เออเตเมเนอ, อางูดุงูชอ แหน่เจ๊อ เด๊อ ซี เพรหยื่อเอ่เต เออเต๊เห่ อาเง. หม่าแน๊เรอ แกแย เด๊อ อา หยื่อเอ่เกอ ลู โต่ เต๊เห่ อาเงเนอ: “หล่อ เด๊อ เพรช๊อหี่ วีแก อา เออเตเม เนอ, เด๊อคยาตื๊อดื่อ เร๊อ อา ทวาแถ่ หล่อ เด๊อ อา โหล่ดุเล๊อ เร๊อ อาโคเจ๊อ.” เร๊อ

เปโตร เนอบ่า ต๊าบ่า 1:2

ซี ซิเง จอแปแหร่ เร๊อ เป แบ่เจ่ เหย่ซู่ครี๊ อาขว่าอาคยา, เตบุ๊ยเตเตอเรอ เร๊อ เตตู๊จุเตอเจ๊อ เก่ โอ่เล๊อบา เกอดื่อ เร๊อ ซี นี๋.

เปโตร เนอบ่า ต๊าบ่า 1:3

เด๊อ เหย่ซู่ครี๊ อา เตโพรเตเตอเรอ เออ อาขว่าอาคยา, เบ๊อะเป ซิเงแฮ โป่เฮ๊อ ลู เบ๊อะเนอ, แซ่ฮู๊ เป เก่ โอ่เกอ เร๊อ ซิปล่อเซอเพร, โทเร๊อ แซ่ฮู๊ เป เก่ เมเกอฮู๊ อาโต ลูซิปล่อ อาเงเนอ, อา เด๊อะตา เฮ๊อเป ล๋อ เป โหล่ เนอเต๊เห่ เฮ๊อ. เด๊อ อา เตโพรเตเตอเรอ เด๊อ อาดุอาทู เร๊อ อาเตแร๊ หม่าแหน่ เร๊อดื่อ เออเต๊เห่ อาขว่าอาคยาเร๊อ อา เอ๊ เป่ เฮ๊อ.

เปโตร เนอบ่า ต๊าบ่า 1:8

เตเออเต๊เห่ เก่ โอ่เอ๊แถ่ เร๊อ โอ่เอ๊แถ่ เฮ๊เรอ, อา ทวาบุ๊ย ทวาเตอเรอ เด๊อ ซีเง เร๊อ ซี เก่ ซิเงแฮ ตาเตแร๊โป่ แบ่เจ่ เหย่ซู่ครี๊ ปา.

เปโตร เนอบ่า ต๊าบ่า 3:18

หม่าแน๊เรอ, ดุแถ่ แฮเงโป่ แลแค เด๊อ เตบุ๊ยดุเตอเรอทู อากู เร๊อ เด๊อ เตซิเง เพร เด๊อ อา เมแลเปล๊กา เป หม่าดื่อ เป แบ่เจ่ เหย่ซู่ครี๊ เออ อากู นี๋. กู๊แหน่เออ ตาแฮเงเนอ, อู เก่ ถู่เซ๊แถ่ ดื่อ เป แบ่เจ่ เหย่ซู่ครี๊ ตูจูเพร แตแลเคร๊ นี๋. อาเมน.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:3

แซ่ฮู๊ ซี เก่ แบ๊ซว๊าแบ๊โค เต่อเกอ เร๊อ เป อาเงเนอ, เป แด๊โฉ่ เป่เกอ ซี เต เด๊อ เป แม๊เถอะ โทเฮ๊อ เร๊อ เป หนิโฮเบ่ โทเฮ๊อ เนอเต๊เห่ เฮ๊อ. เป เตแบ๊ซว๊าแบ๊โค คยาลู เออเนอหมา, เป แบ๊ซว๊า เปเหน่ เร๊อ เพ จอแปแหร่ เร๊อ อาพู๊คู เหย่ซู่ครี๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:19

เหย่ซี เถ่จว๊าแก เด๊อ เปเกล เฮ๊อ. เหย่ซี เออเต๊เห่ เนอหม่า อา โอ่เต่อ แม๊เกอ หม่าแหน่ เร๊อ เป เตแบ๊ซว๊าแบ๊โค ลู เออเนอ หม่าโต่. เหย่ซี เก่ โอ่ป่าเต่อ หม่าเกอ หม่าแหน่ เร๊อ เป เฮ๊เนอหม่า, เหย่ซี แกล๊ โอ่เต่อเกอ แหน่ เร๊อ เป แพ๊. หม่าแน๊เรอ เหย่ซี เถ่จว๊าแก เด๊อ เปเกล เร๊อ เหย่ซี อาเตเถ่จว๊าแก เออเนอ อา เด๊อะโล หล่าลีแก เจ๊อ เฮ๊อ เร๊อ เหย่ซี โอ่เต่อเกอ หม่าแหน่ ปา เร๊อ เป เตเพร่ว โต่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

แซ่ฮู๊ เป เก่ ซิเง เกอดื่อ อู จอแปแหร่ เด๊อ อาโต เออเตเพรเนอ, เป ซิเงเฮ๊อ เร๊อ จอแปแหร่ อาพู๊คูเออ แฮ เด๊อะ ซิเงโปล เป่ เฮ๊อ. เป เฮ๊อ. เป โอ่ เด๊อ จอแปแหร่ เด๊อ อาโต เออเตเพร เร๊อ อาพู๊คู เหย่ซู่ครี๊ เออเตเพร อากู เฮ๊อ. อา หม่า จอแปแหร่ เด๊อ อาโต เตเพร, โท๊โต่ จอแปแหร่ เด๊อ อา เด๊อะ อู ซิปล่อเซอเพร ตูจูเพร เตเพร.