ฟีลิปปี 3:20 - ลีเทส่อพ๊าอาเซ เร๊อ เห่ขุทวาลู๊

²⁰ หม่าแน๊เร๊อ เปเออ เต๊เห่ เนอหม่า ม๊อขุ อา เทอพู๊เก่พู๊ เร๊อ เป ซิปล่อฉว่า โอ่ป่อแม๊ชือ เกอเร๊อ เป แบ่เจ่ เหย่ซู่ครี๊ เด๊อ อา เมแลเปล๊กา เปเออ เก่ โอ่ เด๊อ ม๊อขุ แฮแล ปา เออเนอ เตเพร เฮ๊อ.

Eastern Kayah Shadaw Dialect

²⁰ ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ꤣꤧ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤗꤢꤪꤋꤢꤨ꤬ ꤢ꤬ ꤓꤣꤧ꤭ꤖꤢꤨꤊ꤫ꤢꤩ꤬ꤖꤢꤨ ꤚꤣꤧ꤬ ꤕꤢꤩ꤬ ꤞꤤꤕꤜꤢꤪ꤬ꤏꤝꤢ꤬ ꤥ꤬ꤕ꤫ꤢꤪ꤬ꤗꤢꤧꤏꤢꤦ꤭ ꤚꤣꤧꤘꤢꤦ꤬ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤘꤣ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ꤣꤧ꤭ ꤊ꤫ꤢꤦ꤬ ꤥ꤬ ꤘꤣ ꤗꤢꤪꤋꤢꤨ꤬ ꤟꤢꤧ꤭ꤜꤢꤧ꤬ ꤕꤢ꤭ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯

ฟีลิปปี 3:20 Iomraidhean Croise

มัทธิว 19:21

เร๊อ แบ่เจ่ เหย่ซู่ เฮ๊ ลู เน๊อ, “เก่ เน ซิหยื่อ ทวาแถ่ แกแย เด๊อ อา เล๊อบา เตเพร เก่เฮ๊เรอ กา อิเชแกลอ เน ตาหมื่อตาเต เนอเต๊เห่ เร๊อ เด๊อะแก เร๊อ แกแย โซพ๊าโซแรพู๊ เต๊เห่เนอ. เน เก่ เมฮู๊เนอ เฮ๊เรอ เน เก่ พย๊าหนิ เตดุแหย่แถ่เซ เด๊อ ม๊อขุ ปา. กา เม โท ฮู๊ เนอเรอ, แฮ ครวาเกอ แวคยา.”

ꤜꤢꤨꤊꤢ꤬ 12:21

เร๊อ เหย่ซู่ เฮ๊ เน๊อ, “แกแย เตเพร เพร เด๊อ อา แด่ปล๊อ เกอเร๊อดื่อ อา เตดุแหย่แถ่เซ เด๊อ อาเง, หม่าแน๊เรอ เด๊อ จอแปแหร่ อา เป๊เส่เงเนอ, อา เก่ โซพ๊าโซแร เฮ๊เนอ อา เก่ ทวาแถ่ แซ่แกแยดุแย่ เออตเพร ปา.”

ꤜꤢꤨꤊꤢ꤬ 14:14

เร๊อ เน เก่ เอ๊เอ่ แกแย ฮู๊เออ เต๊เห่ เฮ๊เนอ, เน เก่ พย๊าหนิ เตเด๊อะบุ๊ยเด๊อะเตอเรอปา, เมเตเฮ๊เรอ เหย่ซี เอ๊เอ่ กาคยาฉื่อเบ๊ เกอ เน เตอเจ๋อ โต่. เบ๊อะแกแยจ๊อเต เต๊เห่ ก๊อถ่อเซอเพร กาคยา เด๊อ เตเซอ เบ๊อะเนอ ปาเนอ, จอแปแหร่ เก่ เด๊อะคยา เน เตบุ๊ยเตเตอเรอ ปา.”

เพรโด่แนพู๊ เต๊เห่ 1:11

เร๊อ อา เฮ๊ เหย่ซี เน๊อ, “แกแยกาลิลีพู๊ ซี๋ ซี จว๊า ก๊อถ่อโอ่ แม๊แถ่ แลแค เด๊อ ม๊อเล เบ๊อะเออ เมเต? เหย่ซู่ เด๊อ ซี แม๊เถอะ อู เอ๊กา กาแถ่แก อา เด๊อ ม๊อขุ เออเตเพรเนอ, อา เก่ ตากาแล แซ่ คยาแซ๊ ฮู๊ ซี แม๊เถอะ อา กากี๊แถ่ กู๊แหน่เออเนอ ปา.”

โครินธ์ อาเหร่อเล๊อ ต๊าบ่า 1:7

ฮู๊เนอ อาขว่าอาคยา, เบ๊อะซี โอ่ป่อแม๊ชือ แบ่เจ่ เหย่ซู่ครี๊ เก่ แฮเด๊อะโลแถ่ ปา เออเนอ, ล๋อ แหย่โยบูโพ๊ แบ่เจ่ อาเชหยู่ หนิครา เด๊อ ซี โอ่ เต๊เห่เนอ จอแปแหร่ เด๊อะ ลอ เฮ๊อ ซี เฮ๊อ.

โครินธ์ อาเหร่อเล๊อ ต๊าบ่า 15:48

แกแยเห่ขุพู๊ ล๋อ ปลี เนอ อา โอ่ เร๊อ อาเหน่กล่อ เด๊อ อาแซ่เน๊อ แกแยเห่ขุพู๊ อาเหร่อเล๊อ เด๊อ อู แบ๊ตา ลู เร๊อ เห่หมื่อ เนอ เตเพร เฮ๊อ. หม่าแน๊เรอ แกแย เด๊อ อา ครวา เหย่ซู่ครี๊ อาคยา เต๊เห่เนอ, ช๋า ม๊อขุ ปา, อาเหน่กล่อ เก่ แซ่เน๊อ แกแย โอ่ เด๊อ ม๊อขุ แฮแล เนอเตเพร ปา.

โครินธ์ เนอบ่า ต๊าบ่า 4:18

ฮู๊เนอเรอ, เตแป่เตเช เด๊อ แว แม๊เถอะเบ่ เออเต๊เห่เนอ, แว แด่เน๊ออาเส่ เตอเจ๋อ โต่. เต เด๊อ อา โอ่ จิจือหมะ เล๊อ เด๊อ แว ซิปล่อกู เต๊อเจ่อเนอหม่า หม่าเฮ๊อ เตตว่าเตแร๊ เด๊อ จอแปแหร่ เก่ เด๊อะ แว ปา เออเนอ แพ๊. เต เด๊อ เป แม๊เถอะแจ่ เต๊เห่เนอ, อา เก่ โอ่งยา แพ๊ เตอเปลอฮู๊ แพ๊, หม่าแน๊เรอ เต เด๊อ เป แม๊เถอะแจ่โต่ เต๊เห่เนอ, อา เก่ โอ่งยา เจ๊อ ตูจูเพร ปา.

โครินธ์ เนอบ่า ต๊าบ่า 5:8

แว เก่ เฮ๊ เน๊อ, เป หยื่อเอ่เร๊อ แบ่เจ่ เออเนอ อาฉว่าอาชอ เร๊อ เป ซิหยื่อ เถ่จว๊าแก ลา เฮ๊อ เร๊อ เปเหน่กล่อ เออ เร๊อ เป ซิหยื่อจว๊า โอ่เต่อเกอ ลา เฮ๊อ เร๊อ แบ่เจ่ เด๊อ ม๊อขุ เฮ๊อ.

ꤊꤢ꤬ꤜꤢ꤬ꤒꤤ 4:26

หม่าแน๊เรอ หลู่เล๊เพรเหมาะ หม่าโต่ โหมะซาราห์ เออเนอหมา อา แซ่เฮ๊อ เร๊อ วีเยรูซาเล็ม เด๊อ ม๊อขุ อาขว่าอาคยา, อาพู๊ เต๊เห่เนอ อา ทวา หลู่เล๊ โต่ อา หม่า เปโหมะ เฮ๊อ.

เอเฟซัส 2:19

เก่ เมฮู๊เนอเรอ, ซี แกแยยิวพู๊ หม่าโต่ เออเต๊เห่เนอ, ซี ทวาปา เทอโรเก่กลอพู๊ เต๊เห่ หม่าปาโต่ เฮ๊อ, หม่าโต่เรอ ซี ทวาปา ซิเผระ เต๊เห่ หม่าปาโต่ เฮ๊อ. กู๊แหน่เออ ซี ทวาโต่ แซ่เกอเฮ๊อ จอแปแหร่ อา เทอพู๊เก่พู๊ แซ่เน๊อ อาแกแย เออเนอเต๊เห่ เฮ๊อ. โท๊โต่ ซี หม่า จอแปแหร่ อา หี่พู๊แพพู๊ เต๊เห่ เฮ๊อ.

เอเฟซัส 2:6

เป่ ย๊อ ทวาเฮ๊อ เตเต๊อเจ๋อโต เร๊อ ครี๊ เฮ๊อ อาขว่าอาคยา, จอแปแหร่ เมเซอเพร กาคยา เต่อเกอ เฮ๊อ เป เร๊อ ครี๊ เฮ๊อ. เป เร๊อ ครี๊ ทวาแถ่เฮ๊อ ลู เตเต๊อเจ๋อโต อาขว่าอาคยา, อา เด๊อะ เป๊อตี๊หรี่ เต่อเกอ เฮ๊อ เป เร๊อ ครี๊ เด๊อ ม๊อขุ อาเทออาเก่ กูเฮ๊อ.

ฟีลิปปี 1:10

แซ่ฮู๊ ซี เก่ ซิเงโปล ตาเต แร๊ เต เด๊อ อาแร๊เล๊อ เร๊อ ซี เก่ ซิปล่อ โพ๊แปละโพ๊, โท๊โต่ โต่ ช๋า ครี๊ แฮ คยาแซ๊ อาม๊อเนอ ปา เตอเนอเนอ, อู เก่ แด่แจ่ ปา แต่ เตซื๊อ เด๊อ ซีลู แต่เหม่ เนอ, แว กุยจ๊อเบ เป่ เด๊อ ซีเง.

ฟีลิปปี 1:27

อา ทวาแถ่ ฮู๊เต๋ เบ่เบ่, ซี โต โอ่เซอเพร แลแค ฮู๊ ครี๊ อา เตซิครือมีลา แด๊โฉ่ เป่ ซีเนอ นี๋. ซี เก่ เมฮู๊เนอ เฮ๊เร๊อ แว แฮแม๊เถอะ ซี เบ่เบ่, แว โอ่ตาพายา เร๊อ ซี เร๊อ แว หนิโฮ แพ๊ ซีหรี่ซีแก เบ่เบ่, แว เก่ ซิเง แหน่ดื่อเฮ๊อ เร๊อ ซี ซิปล่อ จี่จื่อเฮ๊อ ลู เร๊อ ซี ก๊อถ่อช๊าฉื่อ แตแนโหร่เฮ๊อ ลู เด๊อ เตซิครือมีลา อา เตหยื่อเตแหน่ อาเงเฮ๊อ. โท๊โต่ ซี ชิอิเช ปา แกแย เด๊อ อา ซิเถ่ซิฮา ซี เนอเต๊เห่ อาเหล่ โต่เฮ๊อ. ซี เก่ เมฮู๊เนอ เฮ๊เรอ ซี ข่าเฮ๊โล เป่เฮ๊อ เหย่ซี เร๊อ จอแปแหร่ เก่ เมปย๊าแก เหย่ซี ปา, เร๊อ จอแปแหร่ เก่ เมแลเปล๊กา ลาติ ซี เร๊อ อาเหน่ เร๊อดื่อ ปา.

โคโลสี 1:5

เบ๊อะซี หนิโฮ ลู่ เตซิครือมีลา เด๊อ อาหม่า อาจ๊อ เออ เบ๊อะเนออาเค, ซี หนิโฮ โทดื่อเฮ๊อ เตแม๊ชือ เด๊อ เตซิครือมีลา เด๊อะ ซี เออเนอ เฮ๊อ. เด๊อ เตแม๊ชือ เออ อาขว่าอาคยา, ซี หยื่อเอ่ จอแปแหร่, โทเรอ ซี โมหนิเร๊อ อูโร. จอแปแหร่ แด่ดว๊าแด่ปล๊อ เป่ เฮ๊อ ซี เตแม๊ชือ เออเนอ เด๊อ ม๊อขุ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:10

โทเรอ จอแปแหร่ อาพู๊คู เหย่ซู่ เด๊อ อาเพ เม ก๊อถ่อ เซอเพร กาคยา คยาแซ๊ ลู เด๊อ เตเซอ เออเตเพร เก่ แฮแล คยาแซ๊ เด๊อ ม๊อขุ ปาเนอ, ซี โอ่ป่อแม๊ชือ แลแค ฮู๊เต เนอ เหย่ซี เฮ๊ ลอปลี เป่ เป. เหย่ซู่ หม่า เพร เมแลเปล๊กา เฮ๊อ เป เร๊อ จอแปแหร่ อา เตซิปล่อดุ เด๊อ อา เก่ เมจากาคยา อู ปา เออเนอ เตเพร อา กู๊ยากู เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:16

เมเตเฮ๊เรอ แบ่เจ่ อาเหน่แบ่เจ่ เร๊อดื่อ เก่ โอ่ เด๊อ ม๊อขุ เร๊อ แฮแล ปา. เร๊อ อา เก่ เอ๊โทตา อาโหง่ ตือมือ ปา. โทเรอ ม๊อขุเตเน่วพู๊ อา กู่กล๊อดุเล๊อ เตเพร เก่ เอ๊โท เฮ๊เบ่ตา ปา. โทเรอ อู เก่ หนิโฮ จอแปแหร่ อากวา พราแถ่ ปา เร๊อ แกแย เด๊อ อา หยื่อเอ่ ครี๊ เร๊อ อา เซอ โทเฮ๊อ เต๊เห่เนอ, อา เก่ ก๊อถ่อ กาเหร่อเล๊อ อู ปา.

ทิโมธี เนอบ่า ต๊าบ่า 4:8

กู๊แหน่เรอ จอแปแหร่ แด่ดว๊า เป่เฮ๊อ แว เตจ๊อเตเต อา กู๊โก่เท เด๊อ อา หม่าเฮ๊อ เตเมหนิคว๊าเก่ เออเตเม เนอเฮ๊อ. โทเรอ ช๋า ม๊อเนอ ตื๊อดื่อ ปาเนอ, เพรเฮ๊เบ่เมโตเต จ๊อเต อา แบ่เจ่ เออเตเพร เก่ เด๊อะแล แว ปา หม่าแน๊เรอ เออเนอหมา แวเง ตื้อดื่อ หม่าโต่. ล๋อ แกแย เด๊อ อา โอ่ป่อแม๊ชือเกอ แบ่เจ่ เก่ แฮ โอ่โลแถ่ คยา ปา เนอเต๊เห่ อาเงหม่า อา โอ่เต่อเกอ ปาปา.

ꤒꤤꤒꤢꤨ 2:13

เบ๊อะเป โอะป่อแม๊ชือ เฮ๊อ เตเด๊อะบุ๊ยเด๊อะเตอเรอ อาม๊อเนอ หม่าดื่อเฮ๊อ ช๋า เปเพ จอแปแหร่ ดุเนอ เพรเมแลเปล๊กา เป แบ่เจ่เหย่ซู่ครี๊ อาเตเด๊อะบุ๊ยเด๊อะเตอเรอ อา แฮโอะโลแถ่ เฮ๊อ เนอปา เบ๊อะเนอ, เป เบ่ โอะเซอเพร ฮู๊ อา เฮ๊ เป เออเนอ เต๊เห่.

ꤟꤤꤙꤚꤢꤨ 12:22

หม่าแน๊เรอ, ซี เกอลาติ เร๊อ ซี แฮโต่เฮ๊อ เด๊อ ศิโยนโฉ่ เฮ๊อ. โฉ่เออเตเมเนอ หม่า หม่าเฮ๊อ จอแปแหร่ เด๊อ อา เซอ เพร เออเตเพร อาวี ตีวี เด๊อ อูเอ๊ เน๊อ วีเยรูซาเล็ม เด๊อ ม๊อขุเออเนอ ตีวี เฮ๊อ. จอแปแหร่ อาม๊อขุ เตเน่วพู๊ เด๊อ อา โอ่เจ๊อ เด๊อ อาซี เน๊อ อาซีกู เต๊เห่ แฮโอ่ ป่อ ซิครือซิลอ โหร่เกอ ลอ ลู เบ๊อะเนอ. เน๊อ ซี แฮ โอเต่อเกอ เน๊อ อา ม๊อขุ เตเน่วพู๊ เออเต๊เห่ เฮ๊อ.

ꤟꤤꤙꤚꤢꤨ 9:28

ฮู๊เนอเฮ๊อ แซ่ฮู๊ ครี๊ เก่ พย๊าจว๊า ตาพาแก ลอ แกแย โอ่โร๊ เต๊เห่ อาเตซื๊อ เต๊เห่เนอ เร๊อ อา ข่าเซอ แพ๊ โตโพ๊ แพ๊. อา แฮ คยาแซ๊ ปา หม่าแน๊เรอ อา เก่ แฮ พย๊าจว๊า ตาพาแก เป่ เป เตซื๊อ ปาเนอ หม่าโต่. อา เก่ แฮ เมแลเปล๊กา แกแย เด๊อ อา โอ่ป่อแม๊ชือ ลู เนอเต๊เห่ ปา แพ๊.

เตเด๊อะโลแถ่ 1:7

แม๊มอ แลแค, อา เตเร แฮเต่อเฮ๊อ เร๊อ อ๊อโหล่ เฮ๋อ. แกแย ปว๋า เตเพร เก่ แม๊เถอะ ลอ อา ปา. แกแย เด๊อ อา ชือเซอ ลู เนอเต๊เห่ เบ่เบ่, อา เก่ แม๊เถอะ ลู ปาปา. เมวเจอะ ปว๊า เตอเจ๊อ เด๊อ เห่ขุเออ เก่โหง่เก่เห่ ลอ เร๊อ อา อาขว่าอาคยา ปา. เต เก่ ทวาแถ่ หม่าแหน่ ฮู๊เออเนอ ป๋า อาเมน.