ฟีลิปปี 3:2 - ลีเทส่อพ๊าอาเซ เร๊อ เห่ขุทวาลู๊

² รอหนิ แลแค ซีเหน่ เร๊อ แกแย เม เตมู๊แหม่รีแจ่ เด๊อ อา แซ่เน๊อ ถุ่ย เนอเต๊เห่ นี๋. แกแย เนอเต๊เห่ หม่า ซี เบ่ ดื๊อตีลี๊พ๊า อา นอฉว่า ลอ อู ฮู๊เนอ.

Eastern Kayah Shadaw Dialect

² ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤘꤣ ꤢ꤬ꤞꤢꤧꤔꤢꤧ ꤓꤝꤤ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤊꤣꤧ꤬ꤛꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤞꤤ꤭ ꤙꤢꤩ꤬ ꤘꤢꤦꤒꤣꤧ꤬ꤜꤤꤖꤢ ꤢ꤬ ꤔꤢꤪ꤭ꤏꤝꤢ꤬ ꤜꤢꤪ꤭ ꤢꤨ꤭ ꤟꤢꤨꤔꤣꤧ꤬꤯

ฟีลิปปี 3:2 Iomraidhean Croise

มัทธิว 24:10

เบ๊อะเนอเค ปา แกแย เก่ วีแก เอ๊ลา อา เตหยื่อเตแหน่ปา. เหย่ซี เก่ เตเน เช เอ่ ลูมุย เตเพร เร๊อ เตเพร ปา. เร๊ออา เก่ ซิโตโคเกอ เร๊อ ลู เตเพร เร๊อ เตเพร ปา.

มัทธิว 7:15

“รอหนิ แลแค ซีเหน่ เร๊อ เพรกลว่า แลโฮ อาเหน่ ฮู๊ เพรโพร เนอเต๊เห่ นี๋. เหย่ซี หม่า แกแย กลว่า แหล่โฮ แซ่เน๊อ ซิหมิ เด๊อ อาซิโดซิงาเนอ หม่าแน๊เรอ เหย่ซี หม่า แกแย มู๊แหม่รีแจ่ แซ่เจ๊อเร๊อ ถุ่ยมี เนอ เจ๊อ.

มัทธิว 7:6

“เตบูโพ๊ เนอ เด๊อะ แต่ เร๊อ ถุ่ยเต๊เห่ แต่เหม่, โทปาเร๊อ อา เก่ อ่า กาคยา ซี ปา. วีตา เป่ แต่ หล่อเซ๊หล่อโพร เต๊เห่ เด๊อ แท๊ เต๊เห่ อาเป๊เส่เง เนอ แต่เหม่, ซี เก่ วีตา เป่ อา เฮ๊เนอหม่า อา เก่ หยิตาแก ลอ ปา, โทปาเรอ อา อ่า กาคยา ซีปา”

ꤚꤥꤗꤢꤩ꤬ 2:28

เก่ เฮ๊ ลอลอโหง่ เฮ๊เรอ, เด๊อ เป ครวา โอ่เซอเพร เกอ ฮู๊ แกแยยิวพู๊ อาเหล่โกล เนอเต๊เห่ อาขว่าอาคยาเร๊อ, เป ทวาแถ่ เบ๊แจ่ แกแยยิวพู๊ อา หม่าแหน่ เตเพร่ว โต่. โท๊โต่ แกแยยิวพู๊ อา หม่าแหน่ เตเพร เนอหม่า, อา ดื๊อตีลี๊ แพ๊ตื๊อ เหน่กล่อพ๊าหย่า เนอ หม่าโต่.

โครินธ์ เนอบ่า ต๊าบ่า 11:13

เหย่ซี เนอเต๊เห่ หม่า เพรโด่แนพู๊ เต๊เห่ อา หม่าแหน่ หม่าโต่. เหย่ซี หม่า เพรโด่แนพู๊ เต๊เห่ เด๊อ อา แลโฮ เต๊เห่ แพ๊. เหย่ซี จว๊า เฮ๊แลโฮ เป่ อู เร๊อ อาเตเม เต๊เห่ เร๊อ อา จะเม แลแค อาเหน่ ฮู๊ ครี๊ อา เพรโด่แนพู๊ เต๊เห่ หม่าแหน่ เต๊เห่เนอ แพ๊.

ꤊꤢ꤬ꤜꤢ꤬ꤒꤤ 5:13

แว โป่แหว่ ซี๋, แซ่ฮู๊ ซี เก่ พย๊าหนิ เตปาลา อาเงเนอเรอ, จอแปแหร่ เอ๊เฮ๊อ ซี เฮ๊อ. หม่าแน๊เรอ เด๊อ ซี พย๊าหนิ เตปาลา เออ อาขว่าอาคยาเร๊อ, นอเป๊อ แต่ ซีเหน่ เร๊อ ซี สุ่ยเทอพ๊าหย่า อา เตซิหยื่อซิลอ เนอเต๊เห่ แต่เหม่ นี๋. หม่าแน๊เรอ, ซี โต โม เกอเร๊อ ลู เตเพร เร๊อ เตเพร, ซี โต เมจว่าเกอ เกอเร๊อ ลู เตเพร เร๊อ เตเพร.

ꤊꤢ꤬ꤜꤢ꤬ꤒꤤ 5:15

หม่าแน๊เรอ ซี เก่ แอ๊ ซีเหน่ ฮู๊ เตมีเตแหม่ เร๊อ ซี เก่ เอ่เกอเร๊อ คยาลู เตเพร เร๊อ เตเพร เฮ๊เนอหม่า รอหนิ แลแค ซีเหน่ นี๋, เมเตเฮ๊เรอ ปาหม่า ซี เมปย๊าเมหลู่ เกอเร๊อ ลอคยา ซีเหน่ เตเพร เร๊อ เตเพร เห่.

ꤊꤢ꤬ꤜꤢ꤬ꤒꤤ 5:6

เมเตเฮ๊เรอ เบ๊อะซี ทวาแถ่เฮ๊อ เตเตอเจ๋อโต เร๊อ เหย่ซู่ครี๊ เบ๊อะเนอ, เตดื๊อตีลี๊พ๊า เบ่เบ่, เตดื๊อตีลี๊พ๊า โต่ เบ่เบ่, อา ทวาบุ๊ยทวาเตอเรอ เน๊อ เตอเจ๋อ โต่. เต เด๊อ อา ทวาบุ๊ยทวาเตอเรอ เล๊ออูโค เนอหม่า, เตหยื่อเตแหน่ เด๊อ อา เด๊อะโล เตโม จอแปแหร่ เร๊อ อูโร เออเนอ แพ๊.

ฟีลิปปี 3:19

เหย่ซี อาแกล๊ เออเนอ อา เก่ ตื๊อดื่อแก เบ๊อะเตปย๊าเตหลู่ หม่าดื่อเฮ๊อ ง่าหร่ากู เนอ ปา. เหย่ซี แบ่เจ่ หม่า อาเหน่กล่อ อา เตซิหยื่อซิลอ เออเนอ เต๊เห่ เฮ๊อ. เตเด๊อ เหย่ซี โต ซิเตเร เกอเร๊อ เจ๊อ เนอเต๊เห่ เร๊อ อา พย๊าแถ่โล เกอเร๊อ แลแค ปา เจ๊อ อาเหน่. โท๊โต่ เหย่ซี เตเน โชชื่อ แพ๊ เต เด๊อ แกแยเห่ขุพู๊ เตเนดุ เร๊อเนอเต๊เห่ แพ๊.

ฟีลิปปี 3:3

เป หม่า จอแปแหร่ อาแกแย หม่าแหน่ เต๊เห่ เฮ๊อ, เหย่ซี เนอเต๊เห่ หม่า อา หม่าแหน่ หม่าโต่, เมเตเฮ๊เร๊อ เด๊อ จอแปแหร่ อา แหย่โยบูโพ๊ อาขว่าอาคยา, เป จ๊อบู่จ๊อเบแถ่ เฮ๊อ จอแปแหร่ เร๊อ เป เฮ๊เบ่ถู่เซ๊ เกอเร๊อ เตเด๊อ เหย่ซู่ครี๊ เม เป่ โทเฮ๊อ เป เออเต๊เห่ เฮ๊อ. แซ่ฮู๊ เป เก่ พย๊าหนิ เตเมแลเปล๊กา อาเงเนอ, เป โต ซิเล แถ่หนิ เกอเร๊อ เตเด๊อ เป เม เฮ๊อ อา เออเนอเต๊เห่ โอ่โต่.

ทิโมธี อาเหร่อเล๊อ ต๊าบ่า 1:19

เร๊อ ปื่อหม่าหนิ เน เตหยื่อเตแหน่ เน๊อ เน ซิปล่อ อา เหล่เตเน อาโพ๊อาแปละ เนอเต๊เห่ นี๋. แกแย เต๊เห่เห่เนอ, อา ปลวาแก แลแค อาเต เออเต๊เห่ อาขว่าอาคยา อา เตหยื่อเตแหน่ ปย๊าแก ลอ แพ๊.

ꤒꤤꤒꤢꤨ 1:16

เหย่ซี เฮ๊ เร๊อ อา ซิเง จอแปแหร่ ตื๊อดื่อเรอ แรเต เด๊อ เหย่ซี เม เต๊เห่เนอ อา โอ่โลแถ่ เร๊อ เหย่ซี ซิเง จอแปแหร่ เตกี๋ โต่. เหย่ซี เนอเต๊เห่หม่า เล๊ซิหย่อซิบี, โทเรอ แกแย เด๊อ อา หนิดา เกออู โหง่ โต่ เต๊เห่, เหย่ซี เตเร แรเต อาแร๊ เต๊อเจ่อเจ่อเนอ อา เมเบ๊ เกออู โต่.

เปโตร เนอบ่า ต๊าบ่า 2:22

เต เด๊อ เหย่ซี เมโทเฮ๊อ เนอเต๊เห่ หม่า, อาโต หม่าแหน่ ฮู๊ โหง่ค๊าโข่ เฮ๊โอ่ ตือมือ เน๊อ, “ถุ่ย ตีรี๊ กาคยาโต เอ่ เกอ เร๊อ อาแพร๊,” โทเรอ “อู อี๊โหล่ปลี โทเฮ๊อ แท๊, เร๊อ อา ครอคยา ปาอ๊า” อา เฮ๊ ฮู๊เนอ.

ꤛꤢꤨꤘꤢ꤬ 1:4

เมเตเฮ๊เรอ, แกแย เด๊อ อา แด่ดุหยื่อแหน่ จอแปแหร่ โต่ เต๊เห่เนอ, อา แฮโนโห่ เฮ๊อ เด๊อ ซีเกล เฮ๊อ. แซ่ฮู๊ เหย่ซี เก่ เฮ๊เบ่ แลเปล๊ อาเหน่ เร๊อ อา เตโอ่เซอเพร แลโพร๊แลแพร เต๊เห่ อาเงเนอเรอ, อา ถู่แหล่ เต๊เปล่ ปย๊าแก เป แบ่เจ่ จอแปแหร่ อาบุ๊ยอาเตอเรอ เออเนอเต๊เห่ อาหรี่อาแก เฮ๊อ. โท๊โต่ เหย่ซี เออเต๊เห่เนอ อา หยื่อเอ่ เกออู เป ทวาดุทวาเต แบ่เจ่ เหย่ซู่ครี๊ เออเนอ โต่. ฮู๊ ลีเทส่อพ๊า แด๊โฉ่ หนื่ออื่อ เฮ๊อ เตเมจากาคยา เต๊เห่เนอ เหย่ซี เก่ พย๊าหนิ ลอปลี เจ๊อ ปา.

เตเด๊อะโลแถ่ 2:9

เนแป่เนเช, เน โซพ๊าโซแร เนอหม่า แว ซิเง. หม่าแน๊เรอ เด๊อ แหย่โย ตากยา เนอ, เน ดุแหย่แถ่เซ. แกแย เด๊อ อา เฮ๊แล เกอเร๊อ อาเหน่ เน๊อ เป หม่า แกแยยิวพู๊ เต๊เห่ หม่าแหน่ เจ๊อ หม่าแน๊เรอ อา หม่าแหน่ หม่าโต่ เออเต๊เห่ แด๊ ซีแหย่โย เนอหม่า แว ซิเง. เหย่ซี เนอเต๊เห่ หม่า โลเน๊มู๊แหม่รีแจ่ กู่กล๊อ อา เตจ๊อเบ โฮพู๊เต๊เห่ แพ๊.

เตเด๊อะโลแถ่ 21:8

หม่าแน๊เรอ แกแย เด๊อ อา โต๊โหร่ เต๊เห่, แกแย เด๊อ อาจ๊อ เร๊อ อา เตหยื่อเตแหน่ โต่ เต๊เห่, แกแย เด๊อ อาซิปล่อ มู๊แหม่ เต๊เห่, แกแย เด๊อ อา เมเซอ แกแย เต๊เห่, แกแย เด๊อ อา จว๊าซื๊อ เพรเหมาะเพรคู เต๊เห่, แกแย เด๊อ อา ทวา โลเน๊มู๊แหม่รีแจ่ ซ๊าร๊า เอ่อูแหย่โย เต๊เห่, แกแย เด๊อ อา จ๊อเบ เตแหย่โย เต๊เห่, เร๊อ แกแย เด๊อ อา แลโฮ อู เต๊เห่เนอ อาเหล่โอ่เหล่แบ่ หม่าเฮ๊อ หมิเผ่ เด๊อ อา หม่า เตเซอ เนอโพ๊โตโพ๊ เด๊อ อู ชื๊ออือ อา เร๊อ หย่าซู๊แบ เออเต๊เผ่ เนอ เฮ๊อ.”

เตเด๊อะโลแถ่ 22:15

แกแย แซ่เกอ อาโค โต่ เปทวา ถุ่ย เต๊เห่, โลเน๊มู๊แหม่รีแจ่ ซ๊าร๊า เต๊เห่, แกแย จว๊าซื๊อ เพร เหมาะ เพรคู เต๊เห่, แกแย เมเซอ แกแย เต๊เห่, แกแย จ๊อเบ เตแหย่โย เต๊เห่, ล๋อ แกแย เด๊อ อา โม เกอเร๊อ เตแลโฮแลแฮ เร๊อ อา โอ่เซอเพร ครวาเมเกอ ฮู๊เนอ ปว๋า โตโพ๊ เนอเต๊เห่เนอ อา เก่ โอ่ แลแค เด๊อ วีกลอ ปา.

เตเด๊อะโลแถ่ 3:9

โลเน๊มู๊แหม่รีแจ่ กู่กล๊อ อา เตจ๊อเบโฮฮู๊ เออตู๊หมู่ เนอ, อา แหล่โฮ แล เกอเร๊อ แลแค อาเหน่ เร๊อ เป หม่า แกแยยิวพู๊ เต๊เห่, หม่าแน๊เรอ เหย่ซี หม่า แกแยยิวพู๊ หม่าโต่. แว เก่ นอแฮ แด๊งือแล เหย่ซี เด๊อ ซี กู๊โด่ แก่ช๊า ปา เร๊อ เหย่ซี ปว๋า เตเพร เก่ ซิเง เร๊อ แว โมเร๊อ ซี เนอ ปา.