ฟีลิปปี 3:19 - ลีเทส่อพ๊าอาเซ เร๊อ เห่ขุทวาลู๊

¹⁹ เหย่ซี อาแกล๊ เออเนอ อา เก่ ตื๊อดื่อแก เบ๊อะเตปย๊าเตหลู่ หม่าดื่อเฮ๊อ ง่าหร่ากู เนอ ปา. เหย่ซี แบ่เจ่ หม่า อาเหน่กล่อ อา เตซิหยื่อซิลอ เออเนอ เต๊เห่ เฮ๊อ. เตเด๊อ เหย่ซี โต ซิเตเร เกอเร๊อ เจ๊อ เนอเต๊เห่ เร๊อ อา พย๊าแถ่โล เกอเร๊อ แลแค ปา เจ๊อ อาเหน่. โท๊โต่ เหย่ซี เตเน โชชื่อ แพ๊ เต เด๊อ แกแยเห่ขุพู๊ เตเนดุ เร๊อเนอเต๊เห่ แพ๊.

Eastern Kayah Shadaw Dialect

¹⁹ ꤛꤢꤩ꤬ꤞꤤ꤭ ꤢ꤬ꤊꤜꤢꤧ ꤣꤧ꤭ꤔꤣꤧ꤬ ꤢ꤬ ꤊ꤫ꤢꤦ꤬ ꤒꤣꤧ꤬ꤘꤢꤦ꤬ꤊꤢꤧ꤭ ꤙꤣꤧ ꤒꤢꤩ꤬ꤕꤛꤢꤒꤢꤩ꤬ꤜ꤫ꤢꤨ꤬ ꤗ꤫ꤢ꤬ꤘꤢꤦ꤬ꤟꤣꤧ ꤍꤢ꤬ꤚꤢ꤬ꤊꤢꤨ꤭ ꤔꤣꤧ꤬ ꤕꤢ꤭꤯ ꤛꤢꤩ꤬ꤞꤤ꤭ ꤙꤢꤧ꤬ꤡꤢꤩ꤬ ꤗꤢ꤬ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤟꤣꤧ꤯ ꤒꤢꤩ꤬ꤘꤣ ꤛꤢꤩ꤬ꤞꤤ꤭ ꤒꤥ꤭ ꤞꤤꤒꤣꤧ꤬ꤚꤢꤩ꤭ ꤚꤣꤧꤘꤢꤦ꤬ ꤡꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤖꤛꤢꤓꤢꤧ꤬ꤜꤥ꤭ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤕꤢ꤬ ꤡꤣꤧ ꤢ꤬ꤔ꤫ꤢꤩ꤬꤯ ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤒꤣꤧ꤬ꤔꤢꤩ꤬ ꤏꤥ꤭ꤏꤢꤦ ꤖꤢꤧ ꤒꤢꤩ꤬ ꤘꤣ ꤖꤚꤢꤩ꤬ꤜꤢꤨ꤬ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤔꤢꤩ꤬ꤘꤢꤨ꤬ꤚꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

ฟีลิปปี 3:19 Iomraidhean Croise

มัทธิว 16:23

แบ่เจ่ เหย่ซู่ ตีรี๊ กาคยาโต คูเปโตร เร๊อ อา เฮ๊ ลู เน๊อ, “เก๋อ โลเน๊มู๊แหม่รีแจ่ กู่กล๊อ, เถ่จว๊า ตาพาแก เร๊อ แว, เน หม่า อาแซ่เน๊อ หล่อ เตเม เด๊อ อู เหล่ตอพอเบ่ เตเม เนอแพ๊. เน เหล่เตเน เต๊เห่เนอ อาแซ่เน๊อ แกแยเห่ขุพู๊ อาเหล่เตเน เนอ แพ๊. อา แซ่เกอ เร๊อ จอแปแหร่ อา เหล่เตเน เต๊เห่เนอ หม่าโต่.”

มัทธิว 25:41

“โทเรอ อา เก่ เฮ๊ติ แกแย โอ่ เด๊อ อากู๊ขุ จ๊อจิ เต๊เห่ เน๊อ, ‘เถ่จว๊า ตาพาแก เร๊อ แว, ซี หม่า แกแย เด๊อ อา พย๊าหนิ เตอิชอมู๊แหม่ เต๊เห่, จว๊าโน เกอ แลแค เด๊อ อู ตี๊หรี่แตแร โอ่หนื่ออื่อ เป่ โลเน๊มู๊แหม่รีแจ่ กู่กล๊อ เนอโตโด เร๊อ อา โลเน๊โลหน่า เนอเต๊เห่ อาเง เด๊อ เหย่ซี เก่ จว๊าโอ่ เบ๊อะหมิ เด๊อ อา ปีเป่ โตโพ๋ โต่ เนอเต๊เผ่อากู เนอ.

ꤜꤢꤨꤊꤢ꤬ 12:19

โทเร๊อ แว เก่ เฮ๊ เกอเร๊อ แวเหน่ เน๊อ, “เพบุ๊ยแร๊, เน แด่โอ่ปล๊อ ลอ เฮ๊อ เตปว๋า เต๊อเจ่อ เด๊อ เน เก่ เอ่โอหนิ งยา เกอเร๊อ เจ๊อ อา เอ๊หน่าเอ๊เล เจ๊อ ปา. โอ่เมอเร๊อ เอ่ มอ, เอ่ก๊อโอบา มอ, เอ่โมโอเจ่ มอ.”’

ꤜꤢꤨꤊꤢ꤬ 16:19

“เบ๊อะเนอโตโพ๊เนอ, แกแย ดุแหย่แถ่เซ โอ่เตเพร. อากืออาแซ๊ โชชื่อ เจ๊อ เห่อจ่า เด๊อ อางู่ดุเล๊อ เต๊เห่, เร๊อ อา เอ่หวิโอชือ, เมโม เกอเร๊อ อาเหน่ ปว๋า เตอเนอ เจ๊อ.

ꤜꤢꤨꤊꤢ꤬ 18:4

“อา จูเกอ เพรเหมาะโอ่แคร๊ เออเตเพรโต่ ตื๊อดื่อเรอ เด๊อคยาเนอ อา เตเนแล เกอเร๊อ อาเหน่ เน๊อ, ‘แว หม่า แกแย เด๊อ อา ซิอิเช เกออู จอแปแหร่ โต่, เบ่หยื่อเบ่แหน่ เกออู แกแย โต่ ตื๊อดื่อเรอ,

ꤚꤥꤗꤢꤩ꤬ 16:18

เมเตเฮ๊เรอ แกแย ฮู๊เนอ เต๊เห่ หม่า อา เม แบ่เจ่ ครี๊ อาเตเม หม่าโต่. โท๊โต่ อา ลือเมโม เมเป่ หนิแลแค อาซิปล่อ เกอเร๊อ แลแค อาเหน่กล่อ อา เตซิหยื่อซิลอ เต๊เห่ แพ๊. อา เฮ๊เบ่โม เฮ๊เบ่แจ่ อู, ถู่เซ๊หนิ อู เร๊อ เหย่ซี อี๊หล่าแลโฮหนิ แกแย เด๊อ อา จูเอ่ยู เตเนอเต๊เห่ ปา.

ꤚꤥꤗꤢꤩ꤬ 6:21

เบ๊อะเนอเค เน พย๊าหนิ เกออู เตตว่าเตแร๊ เตอเจ๋อ โต่. เด๊อ เน เม ฮู๊เนอ อาขว่าอาคยา, กู๊แหน่เรอ ซี เตเน ซิเตเร เกอ เร๊อ เฮ๊อ ซีเหน่ เฮ๊อ. เตเม ฮู๊เนอเต๊เห่ หม่า อา ซูจว๊า อู เด๊อ เตเซอ ตูจูเพร อาเหล่โอ่ แพ๊.

โครินธ์ อาเหร่อเล๊อ ต๊าบ่า 3:3

เมเตเฮ๊เรอ ซี โอ่เซอเพร แซ่ ปาแพ๊ เน๊อ แกแย เห่ขุพู๊ เด๊อ อา ครวาลือ เม ปาแพ๊ แลแค ฮู๊ อา เตซิหยื่อซิลอ โอ่ เนอเต๊เห่ แพ๊. ซี ซิเคว๊ เกอเร๊อ เกอลู เตเพร เร๊อ เตเพร, ซีกย๊าตางา เกอเร๊อ เกอลู เนอหม่า อา เด๊อะโลแถ่เฮ๊อ เร๊อ ซี แซ่ ปาแพ๊ เน๊อ แกแย เห่ขุพู๊ เนอเต๊เห่ แพ๊ แวเฮ๊โต่? ซี เมแซ่ ปาแพ๊ เน๊อ แกแย เด๊อ อา หยื่อเอ่ เกออู ครี๊ โต่ เนอเต๊เห่ แพ๊.

โครินธ์ อาเหร่อเล๊อ ต๊าบ่า 5:2

เก่ เมฮู๊เนอเรอ, ซี จว๊า แด่แถ่โลแจ่ เกอเร๊อ ซีเหน่ ฮู๊เต? พื๋อ เร๊อ ซี แด่แถ่โล ซีเหน่ เนอ, ซี โต ซิเปลซิหย่อ เซอแก เจ๊อ ซีเหน่ เจ๊อ. แกแย เด๊อ จว๊าซื๊อ ฮู๊เออ เตเพรเพร เนอ, ซี โต เหว่เถ่แก ลู เด๊อ ซี ตู๊หมู่ตอกล๊อ อากู.

โครินธ์ อาเหร่อเล๊อ ต๊าบ่า 5:6

ซี จว๊า เฮ๊เบ่ แถ่โล โต่ ซีโหง่ ฮู๊เนอหม่า อาหม่า โต่. ซิเหน่แถ่ แลแค โหง่ ตือมือ เด๊อ อา เฮ๊ เน๊อ, “โฮหมื่อ ตีกี๊ฮู๊ แพ๊ เร๊อ อา เมโต๊โผ่ลอ ค๊อมู ต๊อกล่อ,” อู เฮ๊ เนอหม่า ซี ซิเง แวเฮ๊. ฮู๊เนอเรอ แกแย เออเตเพร อา เตซื๊อเนอ, อา เด๊อะทวาแถ่ เต่อเกอ ลอ เฮ๊อ ซี ตู๊หมู่ลอ อาเตซื๊อ เฮ๊อ.

โครินธ์ เนอบ่า ต๊าบ่า 11:12

แซ่ฮู๊ แกแย เด๊อ อา เฮ๊ เร๊อ เหย่ซี เตเม เต๊เห่ เนอหม่า อาแซ่เน๊อ เป เตเม แพ๊ เนอเต๊เห่ เก่ เฮ๊เบ่ถู่เซ๊ หนิแจ่ เด๊อะปา แต่ อาเหน่ ฮู๊เนอ แต่เหม่ เนอ, แว เก่ เม แฮเง ลา โป่ ฮู๊ แว เม กู๊แหน่ เออเนอ.

โครินธ์ เนอบ่า ต๊าบ่า 11:15

ฮู๊เนอเรอ, โลเน๊มู๊แหม่รีแจ่ กู่กล๊อ อาหลู่เล๊ เต๊เห่ กลว่า แลโฮแจ่ แซ่เกอ อาเหน่ ฮู๊ จอแปแหร่ อาหลู่เล๊ เด๊อ อาจ๊ออาเต เต๊เห่ เนอหม่า เหล่คย๊ายื๊อ เน๊อ เตอเจ๋อ โต่. เด๊อ คยาตื๊อดื่อ ปา, ฮู๊ เหย่ซี เมซื๊อ โทเฮ๊อเนอ, เหย่ซี เก่ ข่าเบ่ เมจากาคยาแกฮู๊ อา โต เร๊อ เหย่ซี เนอ ปา.

ꤊꤢ꤬ꤜꤢ꤬ꤒꤤ 6:13

เหย่ซี เด๊อ อา ดื๊อตีลี๊ เจ๊อพ๊า เนอเต๊เห่ เจ๊อ เร๊อ อา จูเอ่ เกออู เตซว๊าเตแส่ โต่. หม่าแน๊เรอ แซ่ฮู๊ เหย่ซี เก่ แด่แถ่โล แลแค อาซิปล่อ เร๊อ ซี ครวา ดื๊อตีลี๊ เป่ เกอ ลู พ๊า เออ อาคยา เนอเรอ, เหย่ซี ซิหยื่อ นอดื๊อตีลี๊ เกอ ซีพ๊า แพ๊.

ฟีลิปปี 2:21

แกแย เด๊อ อาโร ล๋อ ปลี เต๊เห่ เนอหม่า อา แม๊ปู เมหนิ แลแค แพ๊ตื๊อ เต เด๊อ อา ทวาบุ๊ยทวาเตอเรอ เด๊อ เหย่ซี อาเง เร๊อดื่อ เนอเต๊เห่ แพ๊. อา แม๊ปู เม เป่ แลแค เหย่ซู่ครี๊ อาเง โต่.

โคโลสี 3:2

เตเน แลแค ม๊อขุ อา เตงูดุงูชอ นี๋. เห่ขุ อาตาเต เต๊เห่เนอ, เตเน แต่ แลแค แต่เหม่.

เธสะโลนิกา เนอบ่า ต๊าบ่า 1:9

เหย่ซี เก่ ข่าเบ่ เตปย๊าเตหลู่ ตูจูเพร อา เต เมจากาคยา เออเนอ ปา. โทเรอ แบ่เจ่ เก่ แด่ตาพาแก เหย่ซี เด๊อ อา เป๊เส่เง เร๊อ อา เตเตอเรอดุทู เด๊อ อาโพรอาเตอเรอ เออเต๊เห่ อาเป๊เส่เง ปา.

เธสะโลนิกา เนอบ่า ต๊าบ่า 2:8

โทเรอ แกแย จามู๊แหม่ เออเตเพร เก่ โอ่โลแถ่ ปา หม่าแน๊เรอ เบ๊อะแบ่เจ่ เหย่ซู่ครี๊ แฮ ปา เบ๊อะเนอ, อา เก่ เมเซอแก ลู เร๊อ อา เตเซ๊เถ่ เด๊อ อาแกกู เออเนอ ปา, เร๊อ อา เก่ แฮ เมปย๊าแก ลู เร๊อ อา เตเตอเรอดุทู เออเนอ ปา.

ทิโมธี อาเหร่อเล๊อ ต๊าบ่า 6:5

โท๊โต่, อา นอโอ่แถ่ เตเคร๊แขะ อู ปว๋า โตโพ๊. แกแย เด๊อ อา เคร๊แขะ อู เออเต๊เห่ อา เหล่เตเน เนอหม่า อา มู๊แหม่รีแจ่ เร๊อ เตหมะเตจ๊อ โอ่ปา เจ๊อ เด๊อ เหย่ซีกู โต่. เตจ๊อบู่จ๊อเบ เนอหม่า เกล๊ เด๊อ อู เก่ ดุแหย่แถ่เซ อาเง โตโบ เหย่ซี เตเน แลแค ฮู๊เนอ แพ๊.

ทิโมธี เนอบ่า ต๊าบ่า 3:4

เหย่ซี เก่ หม่า แกแย เด๊อ อา อิแช๊เอ่ อูมุย, อา อิแช๊เอ่ อูเหน่ เร๊อ เมบูเมบย่า อาเหน่, จ่า แถ่ม๊อแถ่โผ่ อาเหน่, ซิหยื่อ เมโม ตาปา โชชื่อ เจ๊อ อาเหน่ เออเนอ อาดุเล๊อ เจ๊อเน๊อ เตโมหนิ จอแปแหร่ ปา.

ꤡꤛꤢꤩ꤭ꤗꤢ꤬ꤎꤣ꤬ 4:16

หม่าแน๊เรอ กู๊แหน่เออ ซี แด่แถ่โล แลแค ซี ซิปล่อ เร๊อ ซี เฮ๊เบ่ แถ่ม๊อแถ่โผ่ เกอเร๊อ แลแค ซีเหน่. ล๋อ เตแด่แถ่โล ซิปล่อ ฮู๊เนอ เต๊เห่หม่า เตมู๊แหม่รีแจ่ แพ๊.

เปโตร เนอบ่า ต๊าบ่า 2:1

เพรโพร กลว่าแลโฮ อาเหน่ เต๊เห่ โอ่แถ่โล โทเฮ๊อ เด๊อ แกแย เบ๊หมู่ อาเกล เด๊อ เหร่อเคเนอ เฮ๊อ. แซ่ฮู๊เนอเฮ๊อ, ซ๊าร๊า กลว่าแลโฮ อาเหน่ เต๊เห่ เก่ แฮ โอ่แถ่โล เกอ เด๊อ ซีเกล ปา. เหย่ซี เก่ พย๊าแฮโห่หนิ เตอิซว๊าอี๊แส่ซื๊อ เด๊อ อา เมปย๊าเต เต๊เห่ ปา. อา เก่ เท๊ฉื่อแก เจ๊อ แบ่เจ่ เด๊อ อา อี๊ถ่ากา โทเฮ๊อ เหย่ซี เนอเตเพรปา. เด๊อ เหย่ซี เมฮู๊เนอ อาขว่าอาคยา, จอแปแหร่ เมปย๊าแก เหล่แพร เหย่ซี ปา.

เปโตร เนอบ่า ต๊าบ่า 2:13

เด๊อ เหย่ซี เมจาเมจือ อู อาขว่าอาคยา, จอแปแหร่ เก่ เมเลอ กาคยา ฉื่อคยา เหย่ซี ฮู๊เนอ ปา. เหมาะเชเกล เจ๊อ เบ่เบ่ เหย่ซี ซิครือซิลอ จว๊าเมโม ตาปา เจ๊อ แลแค อาสุ่ยเทอพ๊าหย่า อา เตซิหยื่อ ปาต๊ามู๊แหม่ เนอเต๊เห่ เจ๊อ. เบ๊อะซี เมป่วยเมลา เบ๊อะเนอ, เหย่ซี แฮ เอ่เต่อโอเต่อ โข่เกอบย่า เร๊อ ซี เนอ, เหย่ซี เม แฮเง ตื๊อดื่อ ปา เจ๊อ แลแค เตซื๊อ เด๊อ อู ซิหย่อซิบี เนอเต๊เห่, อา เก่ แลโฮหนิ ซี เฮ๊เนอ อาโมตาปา เจ๊อ เหย่ซี เจ๊อ. ฮู๊เนอเรอ อาเมหมิปี เทอซิลอ ซี มีลาแร๊ เต๊เห่, โท๊โต่ อา เมเตเร ลอ ซี.

เปโตร เนอบ่า ต๊าบ่า 2:3

ซ๊าร๊า กลว่าแลโฮ อาเหน่ เออเต๊เห่เนอ, เด๊อ อา เตแม๊ปู กู๊หว่ากู๊เว เอ่หนิเร๊อดื่อ อาเง เร๊อ อา แด๊ แลโฮแจ่ เป่ ซี เตโด่แน เด๊อ อู แด๊แจ่ เนอเต๊เห่ อาขว่าอาคยา, เร๊อ อา แม๊ปู เมเอ่เฉ่เด๊อะ ซีขุ ปา. เพร เด๊อ อา เก่ เมจากาคยา เหย่ซี เนอ อา โอ่ตี๊หรี่แตแร หนื่ออื่อ อาเหน่ อางยา ลาเฮ๊อ, โทเรอ เด๊อ อา เก่ เมปย๊าแก เหย่ซี อาเงเนอ อา โอ่มอ ตาปา น๊อโต่.

ꤛꤢꤨꤘꤢ꤬ 1:10

หม่าแน๊เรอ แกแย เออเต๊เห่เนอ อา เป๊อะเจ่ออิแช๊เต เด๊อ อา ซิเง ตาปลู๊โต่ เนอเต๊เห่. เหย่ซี ซิปล่อ แซ่ แลแค เร๊อ เตมีเตดอ อาขว่าอาคยา, อา ลือครวา เมเกอ แลแค ฮู๊ อาซิปล่อ นอเม ลู เนอ แพ๊. เด๊อ เหย่ซี เมฮู๊เนอ อาขว่าอาคยา, อา เมปย๊าเมหลู่ เกอเร๊อ แลแค อาเหน่ เฮ๊อ.

ꤛꤢꤨꤘꤢ꤬ 1:16

แกแย เออเต๊เห่ เนอหม่า แกแย เด๊อ อา ตามวาเตเล ฉว่า เร๊อ อา แด่ ดื่อเง เตซื๊อ เด๊อ อูโร อาโอ่ ปว๋า โตโพ๊ เจ๊อ. เหย่ซี ครวาลือเม หนิเกอดื่อ อาเหน่กล่อ อา เตซิหยื่อซิลอ มู๊แหม่รีแจ่ เนอเต๊เห่ อาคยา แพ๊. เหย่ซี เฮ๊เบ่ ถู่เซ๊ เกอเร๊อ แลแค อาเหน่, โท๊โต่ แซ่ฮู๊ เหย่ซี เก่ พย๊าหนิ เต เด๊อ อา ซิหยื่อ เนอเต๊เห่ เนอ, อา เฮ๊เบ่ ถู่เซ๊หนิ แลแค อู.

ꤛꤢꤨꤘꤢ꤬ 1:4

เมเตเฮ๊เรอ, แกแย เด๊อ อา แด่ดุหยื่อแหน่ จอแปแหร่ โต่ เต๊เห่เนอ, อา แฮโนโห่ เฮ๊อ เด๊อ ซีเกล เฮ๊อ. แซ่ฮู๊ เหย่ซี เก่ เฮ๊เบ่ แลเปล๊ อาเหน่ เร๊อ อา เตโอ่เซอเพร แลโพร๊แลแพร เต๊เห่ อาเงเนอเรอ, อา ถู่แหล่ เต๊เปล่ ปย๊าแก เป แบ่เจ่ จอแปแหร่ อาบุ๊ยอาเตอเรอ เออเนอเต๊เห่ อาหรี่อาแก เฮ๊อ. โท๊โต่ เหย่ซี เออเต๊เห่เนอ อา หยื่อเอ่ เกออู เป ทวาดุทวาเต แบ่เจ่ เหย่ซู่ครี๊ เออเนอ โต่. ฮู๊ ลีเทส่อพ๊า แด๊โฉ่ หนื่ออื่อ เฮ๊อ เตเมจากาคยา เต๊เห่เนอ เหย่ซี เก่ พย๊าหนิ ลอปลี เจ๊อ ปา.

เตเด๊อะโลแถ่ 18:7

บ๋า อา ถู่เซ๊แล เกอเร๊อ อาเหน่ เร๊อ อา เมโมแล เกอเร๊อดื่อ อาเหน่ เนอ, นอข่าเบ่ เลอกาคยา ฉื่อเกอ ลาติ มอ อา เร๊อ เตจาเตจือ เร๊อ เตซิเปลเหน่เบ่ เออเนอ. อา เฮ๊แล เกอเร๊อ อาเหน่ เน๊อ, ‘แว โอ่แนโอ่ ฮู๊ คุ๊ยโหมะ เตเพร, แวเว โอ่น๊อ เกออู โต่ อาขว่าอาคยา, แว โอ่แคร๊ น๊อ เกออู โต่, กู๊แหน่เออ ตาแฮเง ปาหม่า, แว โหง่แวเห่ น๊อ เกออู โต่.’

เตเด๊อะโลแถ่ 19:20

อู ปื่อหนิแก เตมีเตแหม่ เนอโตโด เร๊อ อู ปื่อหนิ เต่อโหร่ เกอโป่ เร๊อ เพรโพร แลโฮ เด๊อ อา เมโล เป่ อู เตโค๊ตีกลี๊ เด๊อ เตมีเตแหม่ เนอโตโด อาเป๊เส่เง เนอเตเพร. เด๊อ อา เม โค๊ตีกลี๊ เป่ อู อาขว่าอาคยา, อา อิลออี๊โหล่ แลโฮ ลอ แกแย เด๊อ อา พย๊าหนิ เตมีเตแหม่ เนอโตโด อา เตเมม๊าเมแด เร๊อ อา จ๊อเบ ลู เนอเต๊เห่. เตมีเตแหม่ เนอโตโด เร๊อ เพรโพร เด๊อ อา อิลออี๊โหล่ แลโฮ อู เนอเตเพร ซิเนอ ลอ อู ต่าตา เซอเพร แก เหย่ซี เด๊อ หมิเผ่ เด๊อ อู ชื๊ออือ เร๊อ หย่าซู๊แบ เนอเต๊เผ่ อากู.

เตเด๊อะโลแถ่ 21:8

หม่าแน๊เรอ แกแย เด๊อ อา โต๊โหร่ เต๊เห่, แกแย เด๊อ อาจ๊อ เร๊อ อา เตหยื่อเตแหน่ โต่ เต๊เห่, แกแย เด๊อ อาซิปล่อ มู๊แหม่ เต๊เห่, แกแย เด๊อ อา เมเซอ แกแย เต๊เห่, แกแย เด๊อ อา จว๊าซื๊อ เพรเหมาะเพรคู เต๊เห่, แกแย เด๊อ อา ทวา โลเน๊มู๊แหม่รีแจ่ ซ๊าร๊า เอ่อูแหย่โย เต๊เห่, แกแย เด๊อ อา จ๊อเบ เตแหย่โย เต๊เห่, เร๊อ แกแย เด๊อ อา แลโฮ อู เต๊เห่เนอ อาเหล่โอ่เหล่แบ่ หม่าเฮ๊อ หมิเผ่ เด๊อ อา หม่า เตเซอ เนอโพ๊โตโพ๊ เด๊อ อู ชื๊ออือ อา เร๊อ หย่าซู๊แบ เออเต๊เผ่ เนอ เฮ๊อ.”

เตเด๊อะโลแถ่ 22:15

แกแย แซ่เกอ อาโค โต่ เปทวา ถุ่ย เต๊เห่, โลเน๊มู๊แหม่รีแจ่ ซ๊าร๊า เต๊เห่, แกแย จว๊าซื๊อ เพร เหมาะ เพรคู เต๊เห่, แกแย เมเซอ แกแย เต๊เห่, แกแย จ๊อเบ เตแหย่โย เต๊เห่, ล๋อ แกแย เด๊อ อา โม เกอเร๊อ เตแลโฮแลแฮ เร๊อ อา โอ่เซอเพร ครวาเมเกอ ฮู๊เนอ ปว๋า โตโพ๊ เนอเต๊เห่เนอ อา เก่ โอ่ แลแค เด๊อ วีกลอ ปา.