ฟีลิปปี 2:9 - ลีเทส่อพ๊าอาเซ เร๊อ เห่ขุทวาลู๊

⁹ ฮู๊เนอเร๊อ จอแปแหร่ แด่ดุแด่ทู เกอเร๊อ ลู เร๊อ อา แด่แถ่ ลู เด๊อ อาเหล่โอ่ แถ่โหล่เล๊ออู เร๊อ อา เด๊อ ลู มุย เด๊อ อาดุเล๊อ เจ๊อ เร๊อ อูมุย ปว๋า เตเพร.

Eastern Kayah Shadaw Dialect

⁹ ꤟꤢꤨꤔꤣꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤘꤢꤨ꤬ꤘꤢꤧ꤬ꤓꤢꤨ꤭ ꤚꤣꤧꤘꤢꤦ꤬ ꤜꤢꤨ꤭ ꤚꤣꤧ꤬ ꤢ꤬ ꤘꤢꤧ꤬ꤓꤢꤧ꤬ ꤜꤢꤨ꤭ ꤘꤣ ꤢ꤬ꤜ꤫ꤢꤩ꤬ꤥ꤬ ꤓꤢꤧ꤬ꤜꤥ꤭ꤜꤣꤢꤨ꤭ ꤚꤣꤧ꤬ ꤢ꤬ ꤘꤣꤧ ꤜꤢꤨ꤭ ꤗꤝꤤ꤭ ꤘꤣ ꤢ꤬ꤘꤢꤨ꤬ꤜꤣ ꤡꤣꤧ ꤔꤢꤧ ꤢꤨ꤭ꤗꤝꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯

ฟีลิปปี 2:9 Iomraidhean Croise

เห่ขุทวาลู่ 3:15

แว นอ ทวาแถ่ เนเออ เน๊อ เพรเหมาะ เออเตเพร เก่ ซิเถ่ซิฮา ลู ปา, เนกลุยเนลุ๊ย เน๊อ เพรเหมาะ อากลุยอาลุ๊ย เก่ ช๊า ลู ปา, เร๊อ เพรเหมาะ อากลุยอาลุ๊ย เก่ หยิหมื่อ เนกู่กล๊อ ปา, เร๊อ เน เก่ อ่าติ เพรเหมาะ อากลุยอาลุ๊ย เพรคู เนอเตเพร อากู๊โหน่แก ปา.”

มัทธิว 11:27

เร๊อ จอแปแหร่ เหย่ซู่ เฮ๊ เหย่ซี เน๊อ, “แวเพ เด๊อะตาลอ เฮ๊อ แว เตปว๋า เต๊อะเจ่อ เฮ๊อ. แกแย ซิเง แว เตเพร๊โต่, ซิเงตื๊อแพ๊ แวเพ จอแปแหร่ เตเพรเพร แพ๊” เร๊อ แกแย เด๊อ อา ซิ เง เพ จอแปแหร่ เนอหม่า ตื๊อแพ๊ อา พู๊ เพรคู เน๊อ แกแย เด๊อพู๊ คู นว๊า แถ่ลู เด๊อ อา เก่ เด๊อะโล เป่ ลู เนอ เต๊เห่ แพ๊.

มัทธิว 28:18

เร๊อ แบ่เจ่ เหย่ซู่ แฮ เด๊อ เหย่ซี โอ่ เร๊อ อา เฮ๊ เหย่ซี เน๊อ, “เตอเรอฉว่าชอ เด๊อ ม๊อขุ เบ่เบ่, เด๊อ เห่ขุเออเนอ เบ่เบ่, อู เด๊อะ ลอเฮ๊อ เน๊อ แว เฮ๊อ.

ꤜꤢꤨꤊꤢ꤬ 10:22

“แวเพ เด๊อะตาลอ เฮ๊อ แว เตปว๋า เต๊อเจ่อ เฮ๊อ. พู๊คู หม่า อูเปเนอ อู ซิเง เตเพร่ว โต่. ซิเง ตื๊อแพ๊ เพ เตเพร แพ๊. เร๊อ เพ หม่า อูเปเนอ อู ซิเง เตเพร่ว โต่, ซิเง ตื๊อแพ๊ พู๊คู เร๊อ แกแย เด๊อ พู๊คู นว๊าแถ่ ลู เด๊อ อา เก่ เด๊อะโล เป่ ลู ปา เนอเต๊เห่ แพ๊.”

ꤛꤥ꤭ꤟꤢ꤬ 13:3

แบ่เจ่ เหย่ซู่ ซิเงดื่อเฮ๊อ เร๊อ อาเพ เด๊อะตา โทลอเฮ๊อ ลู เตโพรเตเตอเรอ ฉว่าชอ เด๊อ เตล๋อ ปลี อาขุ เฮ๊อ. อา ซิเง เร๊อ อา โอ่ เด๊อ จอแปแหร่ โอ่แฮ เร๊อ อา เก่ กาคยา คยาแซ๊ เด๊อ จอแปแหร่ อา โอ่ ปา.

ꤛꤥ꤭ꤟꤢ꤬ 17:11

แว โอ่ ตื๊อดื่อ ปา เด๊อ เห่ขุเออ โต่, หม่าแน๊เรอ เหย่ซี เออเต๊เห่ เก่ โอ่ ตื๊อดื่อปา เด๊อ เห่ขุเออ ปา. แวเร๊อ, แว เก่ กาคยา คยาแซ๊ เด๊อ เนโอ่ ปา. เก๋อ เพ บูโพ๊! แซ่ฮู๊ เหย่ซี เก่ โอ่ลู เร๊อ ซิปล่อ เตเมเม๋ แพ๊ ฮู๊ แว เร๊อ เน โอ่ลู เร๊อ ซิปล่อ เตเมเม๋ แพ๊ อากูเนอ, ตอกอเตเก บี๊หนิดื่อ เหย่ซี เร๊อ เนมุย เด๊อ อาโพรอาฉว่าอาชอ, เนมุย เด๊อ เน เด๊อะ แว เออเนอ นี๋.

ꤛꤥ꤭ꤟꤢ꤬ 17:12

เบ๊อะแว โอ่เต่อเกอ เร๊อ เหย่ซี เบ๊อะเนอ, แว ตอกอเตเกบี๊ เกอเร๊อ เหย่ซี เฮ๊อ, แว โอ่ป่อ แม๊ตู่หนิ เหย่ซี เร๊อ มุย เด๊อ เน เด๊อะ แว เนอ เฮ๊อ. อา โอ่เหม่แก เร๊อ เตเพร่ว โต่. แซ่ฮู๊ ลีเทส่อพ๊า เก่ เล๊อบาแฮ อาเงเนอ, อา โอ่เหม่แก ตือแพ๊ แกแย เนอเตเพร เด๊อ อู แด่ หนื่ออื่อ แหน่เฮ๊อ อา เด๊อ อา เก่ ปย๊าแหน่ ปา เนอเตเพร ตื้อดื่อ แพ๊.”

ꤛꤥ꤭ꤟꤢ꤬ 17:5

เพ๋, ฮู๊ แว เตอเรอดุ เตอเรอทู โอ่เต่อเกอ เร๊อ เน เด๊อ เห่ขุ ทวาแถ่ แต่ล๋ายโต่ ปา เบ๊อะเนอ, เด๊อะคยามอ แว เตอเรอดุ เตอเรอทู เออเนอ เด๊อ เนเบ๊เส่เง กู๊แหน่เออ แต๋.”

เพรโด่แนพู๊ เต๊เห่ 5:31

แซ่ฮู๊ จอแปแหร่ เก่ เด๊อ เป่ อิสราเอล เต๊เห่ เตถู่แหล่แต๊แกละกา อา ซิปล่อ เน๊อ ปลวาแก เตซื๊อ เต๊เห่ อาเงเนอ, อา แด่โอ่เฮ๊อ เหย่ซู่ เด๊อ อากู๊ขุ จ๊อทว๊า ตากยา ฮู๊ แกแย ทวาดุทวาทู เตเพร เร๊อ เพรเมแลเปล๊กา อู เตเพรเนอ เฮ๊อ.

เอเฟซัส 1:10

ช๋า ตาโตตาเบ่ เฮ๊อ ปาเนอ, จอแปแหร่ เก่ เมเล๊อเมบาแถ่ อา เตตี๊หรี่แตแร หนื่ออื่อ เออเต๊เห่ ปา. ล๋อ เตเด๊อ อา โอ่ เด๊อ ม๊อขุ เนอเต๊เห่ เบ่เบ่, ล๋อ อา โอ่ เด๊อ เห่ขุ เออเต๊เห่ เนอเบ่เบ่, อา เก่ เมปล๊อเมจือ เต่อลอ ลู เด๊อ อา กู่กล๊อดุเล๊ออู ครี๊ เออเตเพร อาเล ปา.

โคโลสี 1:18

ล๋อ แกแย เด๊อ อา หยื่อเอ่ ครี๊ เต๊เห่เนอ, ครี๊ เป๊อตี๊หรี่หนิ เหย่ซี เร๊อ อา ยูแกล๊ยูโกล เหย่ซี แซ่เน๊อ กู่กล๊อ ยูแกล๊ยูโกล หนิ เหน่กล่อ เนอ, เร๊อ แกแย เด๊อ อา หยื่อเอ่ ลู เต๊เห่เนอ อาแซ่เน๊อ เหน่กล่อ เออเนอ เฮ๊อ. โท๊โต่ อา หม่า อา เด๊อะเป่ เพร เด๊อ อา หยื่อเอ่แหน่เอ่เต เต๊เห่ อา ซิปล่อเซอเพร เตเพร เฮ๊อ. โทเรอ แซ่ฮู๊ อา เก่ ทวาแถ่ เตล๋อ ปลี อากู่กล๊อ อาเงเนอ, จอแปแหร่ เม ก๊อถ่อเซอเพร กาคยา เหร่อเล๊อ เฮ๊อ อา เฮ๊อ.

เธสะโลนิกา เนอบ่า ต๊าบ่า 1:12

เป กุยจ๊อเบ ฮู๊เออ เนอหม่า แซ่ฮู๊ เป แบ่เจ่ เหย่ซู่ เก่ พย๊าหนิ เตเตอเรอดุเตอเรอทู เด๊อ ซี โอ่ เร๊อ อาเก่ ถู่เซ๊แถ่หนิซี ปา. เด๊อ เป จอแปแหร่ เร๊อ เป แบ่เจ่ เหย่ซู่ครี๊ อาบุ๊ยอาเตอเรอ อาขว่าอาคยาเร๊อ, อา เก่ ทวาแถ่ ดื่อ ฮู๊เออ ปา นี๋.

ꤟꤤꤙꤚꤢꤨ 1:4

จอแปแหร่ อาพู๊คูเออ อา ทวาแถ่เฮ๊อ เพร เด๊อ อาดุอาทู เล๊อ เจ๊อ เน๊อ เตเน่วพู๊ โอ่ เด๊อ ม๊อขุ เนอเต๊เห่ เจ๊อ. เออเนอหมา อา แซ่เฮ๊อ เน๊อ อา เด๊อะ อาพู๊คู อามุย เด๊อ อาดุทู เล๊อ เล๋อเจ๊อ เร๊อ ม๊อขุ เตเน่วพู๊ เนอเต๊เห่ อามุย เจ๊อ เฮ๊อ.

ꤟꤤꤙꤚꤢꤨ 1:9

เน โมเร๊อ เต เด๊อ อาโต เต๊เห่ เร๊อ เน ซิโตโคหนิ เต เด๊อ อาซื๊อ เต๊เห่. เด๊อ เออ อาขว่าอาคยาเร๊อ, จอแปแหร่ เด๊อ อา หม่า เน จอแปแหร่ เออ นว๊าแถ่ เฮ๊อ เน เร๊อ อา นอ ดุเล๊อทูเล๊อ เจ๊อเฮ๊อ เน เร๊อ เนซว๊าเนโค เต๊เห่ เฮ๊อ. อา แด่ดุแด่ทู เฮ๊อ เน, อา เด๊อะเฮ๊อ เน เตซิครือซิลอ เฮ๊อ,” อา เฮ๊ ลู ฮู๊เนอ.

ꤟꤤꤙꤚꤢꤨ 12:2

อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.

ꤟꤤꤙꤚꤢꤨ 2:9

หม่าแน๊เรอ, เตหรี่เตแก เด๊อ เป ซิเง หม่าแหน่ เนอหม่า หม่าเฮ๊อ เหย่ซู่ เออเนอเฮ๊อ. เบ๊อะอา แฮแล เด๊อ เห่ขุเออ เบ๊อะเนอ, อา พย๊าหนิ เตเตอเรอฉว่าชอ เด๊อ อาอ๊าเจ๊เล๊อ เน๊อ ม๊อขุ เตเน่วพู๊ เต๊เห่ เตอเปลอฮู๊, เมเตเฮ๊เรอ, เด๊อ จอแปแหร่ อาบุ๊ยอาเตอเรอ อาขว่าอาคยา, เหย่ซู่ เบ่ ข่าเซอ เป่ เด๊อ เป ล๋อ ปลี อาเง. เด๊อ เหย่ซู่ ข่าเซอ อาขว่าอาคยา, กู๊แหน่เออ เป ซิเง เน๊อ จอแปแหร่ นอ เมลีเมเตเค, แด่ดุแด่ทู อู เร๊อ เหย่ซู่ เฮ๊อ.

เปโตร อาเหร่อเล๊อ ต๊าบ่า 3:22

เหย่ซู่ครี๊ กา กี๊แถ่เฮ๊อ เด๊อ ม๊อขุ เร๊อ อา กา โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา เฮ๊อ. เร๊อ อา เป๊อตี๊หรี่ ลอ เตเน่วพู๊ เต๊เห่ เร๊อ เตเตอเรอฉว่าชอ เต๊เห่, เร๊อ เตโพรเตเตอเรอ เต๊เห่ เฮ๊อ.

เปโตร เนอบ่า ต๊าบ่า 1:17

เบ๊อะเพ จอแปแหร่ เด๊อะแล อา เตแด่หยื่อแด่แหน่ เร๊อ อา เตเตอเรอดุ เตอเรอทู เด๊อ เหย่ซู่โอ่ เบ๊อะเนอ, เป โอ่เกอ เจ๊อ เบ๊อะเนอ เจ๊อ. จอแปแหร่ เด๊อ อาโพรอาฉว่าอาชอ อาดุอาทูเล๊อ เร๊อ เตล๋อ ปลี เออเตเพรเนอ, อา เฮ๊ เน๊อ, “เออ หม่า แวพู๊คู เด๊อ แว โม เกอเร๊อ อา เร๊อ อาโต แว ซิปล่อ เตเพร.”

ยอห์น โซบ่า ต๊าบ่า 1:7

เมเตเฮ๊เรอ เหย่ซี เถ่จว๊า เป่ แกล๊ เด๊อ ครี๊ อาเง หม่าแน๊เรอ อา พย๊า เกออู เตเมจว่า เด๊อ แกแย หยื่อเอ่ เกออู ครี๊ โต่ เนอเต๊เห่ อา โอ่ เตอเจ๋อ โต่.

เตเด๊อะโลแถ่ 1:5

ซี เก่ พย๊าหนิ เกอโป่ดื่อ เหย่ซู่ครี๊ เด๊อ อา ข่าเฮ๊โล จ๊อจ๊อเตเต เออเตเพร อาบุ๊ยอาเตอเรอ เร๊อ อา เตโส่เตเคร นี๋. แกแยเซอ เร๊อ อา เซอเพร กาคยา อาเกลเนอ, อา หม่า เพร เด๊อ อา เซอเพร เหร่อเล๊อ อู เตเพร เฮ๊อ. อา หม่า เพร เด๊อ อา เป๊อ เห่ขุ อาคุ๊ยจ๊อแผ่ เต๊เห่. อา หม่า อา โมเร๊อ แหน่เจ๊อ เป โท๊โต่ เด๊อ อา เซอ อาขว่าอาคยา, อา เมแลเปล๊กา เป เด๊อ เตซื๊อเตปล๊า อากู.

เตเด๊อะโลแถ่ 11:15

โทเรอ เบ๊อะเตเน่วพู๊ อาเพร โซซว๊าเตเพร เออเตเพร โอ๊แถ่ อากวา เบ๊อะเนอ, โหง่เต๊เห่ พราแถ่ ฉว่าแหน่เจ๊อ เด๊อ ม๊อขุ เร๊อ อา เฮ๊ เนอ, “กู๊แหน่เออ เตโพรฉว่าชอ เด๊อ อา เก่ เป๊อ เห่ขุ เออเนอหม่า อา ทวาเฮ๊อ เป แบ่เจ่ เร๊อ อา เมสิยาห์ หม่าเฮ๊อ เพรเมแลเปล๊กาอาเต เฮ๊อ เร๊อ อา เก่ เป๊อเต ตูจูเพร แตแลเคร๊ เฮ๊อ.”

เตเด๊อะโลแถ่ 19:16

เด๊อ อา จาจวาทู ลูเนอ เร๊อ อาแข่ลู เนอ, อู ราโอ่ อามุย ต๊อปล่อ เน๊อ, “คุ๊ยเต๊เห่ อาคุ๊ย, แบ่เจ่ เต๊เห่ อาแบ่เจ่,” อู ราโอ่ ฮู๊เนอ.

เตเด๊อะโลแถ่ 3:21

“แว เมเป่ โทเฮ๊อ เร๊อ แว โอ่แนหนิ เต่อเกอ เฮ๊อ เร๊อ แวเพ เด๊อ กู่แกล๊เท แถ่โล อาขุ เฮ๊อ. ฮู๊เนอเรอ แกแย เด๊อ อา เมเป่เต เต๊เห่เนอ, แว เก่ นอโอ่แนโอ่ เต่อเกอ เหย่ซี เร๊อ แว เด๊อ แว กู่แกล๊เท แถ่โล อาขุ เออเนอ ปา.

เตเด๊อะโลแถ่ 5:12

เร๊อ เหย่ซี เอ๊โท อิโร ฉว่า แลแค เนอ, “ซิหมิพู๊ เด๊อ อู เมเซอ ลู เออเนอ, อา โต พย๊าเร๊อดื่อ เตอเรอฉว่าชอ, เตดุแหย่แถ่เซ, เตลีแมลีเพ๊, เตอ๊าเตเหร่, เตแด่ดุแด่ทู ลู, เตเมลีเมตาเค ลู, เร๊อ เตถู่เซ๊แถ่ ดื่อ ลู นี๋.”