ฟีลิปปี 2:8 - ลีเทส่อพ๊าอาเซ เร๊อ เห่ขุทวาลู๊

⁸ เร๊อ อา แฮ เด๊อะโล เฮ๊อ อาเหน่ ฮู๊ แกแย เนอเฮ๊อ, โทเนอ, อา แด่หยว่า อาเหน่ เด๊อ อูเล. อา หนิดา จอแปแหร่ อาโหง่, อา เซอแก เจ๊อ เร๊อ อา แด่ เต เตอเจ๋อ โต่. โต่เด๊อ อา โตเบ่ เซอ เจ๊อ เด๊อ อี๊ถื่อดีเต่ลู เจ๊อ. เร๊อ อา จูเอ่ แพ๊.

Eastern Kayah Shadaw Dialect

⁸ ꤚꤣꤧ꤬ ꤢ꤬ ꤟꤢꤧ꤭ ꤘꤣꤧꤜꤥ꤭ ꤟꤣꤧ ꤢ꤬ꤔ꤫ꤢꤩ꤬ ꤟꤢꤨ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤔꤣꤧ꤬ꤟꤣꤧ, ꤓꤥ꤭ꤚꤣꤧ꤬, ꤢ꤬ ꤏꤢꤧ꤬ꤜꤢꤧ꤬ ꤢ꤬ꤔ꤫ꤢꤩ꤬ ꤘꤣ ꤢꤨ꤭ꤜꤢꤩ꤭꤯ ꤢ꤬ ꤔ꤫ꤤ꤬ꤘꤢ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬, ꤢ꤬ ꤞꤣꤧ꤭ꤊꤢꤧ꤭ ꤡꤣꤧ ꤚꤣꤧ꤬ ꤢ꤬ ꤘꤢꤧ꤬ ꤒꤢꤩ꤬ ꤒꤣ꤬ꤡꤣ꤬꤮ ꤒꤥ꤬꤯ ꤒ꤫ꤥ꤬ꤘꤣ ꤢ꤬ ꤒꤥ꤭ꤙꤢꤩ꤬ ꤞꤣꤧ꤭ ꤡꤣꤧ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤡꤣꤧ ꤚꤣꤧ꤬ ꤢ꤬ ꤡꤢꤨ꤭ꤢꤩ꤬ ꤖꤢꤧ꤯

ฟีลิปปี 2:8 Iomraidhean Croise

มัทธิว 17:2

เบ๊อะเหย่ซี โอ่ เบ๊อะเนออาเค แบ่เจ่ เหย่ซู่ อาเหน่กล่อ ถู่แหล่ แต๊แกละ โค๊ลอ เด๊อ เหย่ซี อาแบ๊เง. อาเป๊เส่ เต๊เบ่ เนอ อา เตเค แซ่เจ๊อเน๊อ ต๊อเหมาะเนอ, อาเห่อจา เนอ อา บูโซ แปล๊เตเค เจ๊อ.

มัทธิว 26:39

อา จว๊า เป่แฮโป่ เด๊อ เง ตี๊กิแพ๊ เร๊อ อา โอ่เมอ โตโกลตา เด๊อ เห่ขุ เร๊อ อา กุยจ๊อเบ เร๊อ อา เฮ๊ เน๊อ, “เก๋อ เพ เก่ หม่าแน๊เรอ เน เก่ พย๊า ตาพาแก เป่ แว เบหล่อ เตจาเตจือ เออเต๊เบ่ เด๊อแวโอ่ หม่า อาหนิ แพ๊ หม่าแน๊เรอ แว ซิหยื่อ เม จู๊ ดื่อ แว ซิปล่อ โต่ จู๊ ดื่อแพ๊ เน ซิ ปล่อ นี๋.”

มัทธิว 26:42

อา จว๊า โป่แซ๊ โตโพ๊เนอ เร๊อ อา กุยจ๊อเบ เน๊อ, “เก๋อ แว เพ๋, แว เบ่ โอ่แหน่ เฮ๊อ เตจาเตจือ เบหล่อเออ เออเต๊เบ่ เออ, พย๊าตาพาแกโต่ เก่ เฮ๊เรอ, จู๋ ดื่อ แพ๊ เน ซิปล่อ นี๋.”

ꤜꤢꤨꤊꤢ꤬ 9:29

เบ๊อะอา กุยจ๊อเบ เบ๊อะเนอ, อาเป๊เส่ ถู่แหล่โค๊ลอ เร๊อ อา เห่อจ่า เต๊เห่เนอ อาบูแปล๊เตเคแถ่ ลอปลี เจ๊อ.

ꤛꤥ꤭ꤟꤢ꤬ 10:18

แว เก่ นอเมเซอ อู เร๊อ แวเหน่ โต่ เฮ๊เนอ, อู เมเซอ แจ่ แว เตเพร่ว โต่. แว เด๊อะแลแก แว ซิปล่อ เออเนอหม่า, อู นอตื๊อดื่อ แว เตเพร่ว โต่, แว ซิปล่อ เร๊อ แว ซิปล่อ เด๊อะแล เกอเร๊อดื่อ แพ๊. แว โอ่ เร๊อ แว โพร เตอเรอฉว่าชอ เด๊อ แว ซิหยื่อ เด๊อะแลแก แวซิปล่อ หม่า อา หนิหนิ, แว ซิหยื่อ พย๊าดว้าคยา อา หม่า อา หนิหนิ แพ๊. แวเพ เมแฮหนิ แวโหง่ เร๊อ แว เบ่เม ฮู๊เออ,” อา เฮ๊ เป่ เหย่ซี ฮู๊เนอ.

ꤛꤥ꤭ꤟꤢ꤬ 14:31

แซ่ฮู๊ แกแย เห่ขุพู๊ เก่ ซิเงแฮ แลแค เร๊อ แว เพ อาเงเนอ, แว เม โตตื๊อแพ๊ ฮู๊ เพ เอ๊แฮ แว โหง่ เนอเต๊เห่ แพ๊. “จว๊า! เป เถ่จว๊าเฮ๊อ โป๊!”

ꤛꤥ꤭ꤟꤢ꤬ 15:10

ซี เก่ หนิดา หยื่อเอ่ แว โหง่เฮ๊แก เออเต๊เห่ เฮ๊เนอหม่า ซี โอ่จิจือหมะ เฮ๊อ เด๊อ แว เตโม อากู เฮ๊อ. ซี เก่ เม ฮู๊เออ เฮ๊เนอหม่า อา แซ่เฮ๊อ เน๊อ แว หนิดา แวเพ อาโหง่ เร๊อ แว โอ่จิจือหมะ เด๊อ อา เตโมกู เออเนอ เฮ๊อ.

ꤛꤥ꤭ꤟꤢ꤬ 4:34

เหย่ซู่ เฮ๊ เหย่ซี เน๊อ, “แว เมโต เพร เด๊อ อา นอแฮ แว เออเตเพร อา เตซิหยื่อ เร๊อ แว เมโทแก เตเม เด๊อ อา เด๊อ แว เออเนอหมา หม่าเฮ๊อ แวเหล่เอ่ เฮ๊อ.

เพรโด่แนพู๊ เต๊เห่ 8:33

อู เมเตเร ลู เร๊อ อู แด๊เฮอ เจแม๊จ๊อเต เป่ ลู โต่, แกแย เด๊อ อา โด่แนแจ่ เป่ อู เร๊อ อา กลุยอาแล อาหรี่อาแก เนอ อา โอ่ เตเพร่ว โต่, เมเตเฮ๊เรอ อู พย๊ากาแก ลู ซิปล่อเซอเพร เด๊อ เห่ขุเออ เฮ๊อ.”

ꤚꤥꤗꤢꤩ꤬ 5:19

เมเตเฮ๊เรอ เด๊อ แกแย เตเพร หนิดา จอแปแหร่ อาโหง่ โต่ อาขว่าอาคยา, แกแย ปว๋า เตเพร ทวาลอ เฮ๊อ เตซื๊อเตปล๊า อา พู๊เหมาะพู๊คู เต๊เห่ เฮ๊อ. หม่าแน๊เรอ เด๊อ แกแย เตเพร หนิดา จอแปแหร่ อาโหง่ อาขว่าอาคยา, จอแปแหร่ แด่จ๊อแด่เต ลอเฮ๊อ แกแย ปว๋า เตเพร เฮ๊อ.

โครินธ์ เนอบ่า ต๊าบ่า 8:9

เป แบ่เจ่ เหย่ซู่ครี๊ เออเนอ อาบุ๊ยดุอาเตอเรอทู เจ๊อ บ๋า เตเนอ, ซี ซิเงดื่อ เฮ๊อ. อา โอ่ เด๊อ ม๊อขุ เบ๊อะเนอ, อา ดุแหย่แถ่เซ แหน่เจ๊อ หม่าแน๊เรอ เบ๊อะอา แฮ กลว่าอาเหน่ ฮู๊ แกแย เห่ขุพู๊ เตเพร เบ๊อะเนอ, อา เบ่แฮ ทวา เจ๊อ แกแย โซพ๊าโซแรพู๊ เตเพร เด๊อ เปเง เจ๊อ. แซ่ฮู๊ ซี เก่ ดุแหย่แถ่เซ เกออู อาเงเนอเรอ, อา เบ่แฮ ทวา เจ๊อ แกแย โซพ๊าโซแรพู๊ เตเพร ฮู๊เนอ เจ๊อ.

ꤊꤢ꤬ꤜꤢ꤬ꤒꤤ 3:13

ล๋อ เตซว๊าเตแส่ เต๊เห่เนอ, อู ลือครวา เมเบ๊ เตเพร่ว โต่ อาขว่าอาคยา, จอแปแหร่ เก่ เมจากาคยา ลอ อูปว๋า เตเพร ปา, หม่าแน๊เรอ ครี๊ อี๊ถ่า เฮ๊อ เป เฮ๊อ. เด๊อ อา ข่าเป่ เป เตจา เด๊อ อี๊ถื่อดีเต่ลู เออ อาขว่าอาคยาเร๊อ, อา แฮโน ข่าเป่เฮ๊อ เป เตเมจากาคยา เด๊อ อา เก่ กาเบ่ เป ปา เออเนอ อาเง เฮ๊อ. เมเตเฮ๊เรอ ลีเทส่อพ๊ากู เฮ๊ เน๊อ, “แกแย เตเพรเพร เด๊อ อู มือเซอแถ่ อา เด๊อ อี๊ถื่อดีเต่ อาโอ่ เนอ, เตเมจากาคยา เบ่เฮ๊อ อา เฮ๊อ,” อา เฮ๊ ฮู๊เนอ.

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

ꤟꤤꤙꤚꤢꤨ 12:2

อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.

ꤟꤤꤙꤚꤢꤨ 12:4

ซี ช๊าฉื่อ เน๊อ เตซื๊อเตปล๊า เออเต๊เห่ หม่าแน๊เรอ ซี ข่าเบ่ เตจาเตจือ โต่ เจ๊อ เด๊อ อู เบ่เมเซอ ซีเนอ, อา โอ่ แต่ล๋าย เตเพร่ว โต่.

เปโตร อาเหร่อเล๊อ ต๊าบ่า 2:24

แซ่ฮู๊ เป เก่ จิจือปา แต่ เร๊อ เตซื๊อเตปล๊า เต๊เห่ แต่เหม่, โท๊โต่ แซ่ฮู๊ เป เก่ โอ่เซอเพรเบ๊ เกอ เด๊อ เตจ๊อเตเต ปา อาเงเนอเรอ, เบ๊อะอู มือเซอแถ่ ครี๊ เด๊อ อี๊ถื่อดีเต่ลู เบ๊อะเนอ, อา พย๊าแถ่แกเฮ๊อ เป เตซื๊อเตปล๊า เออเต๊เห่ เด๊อ อาเหน่ลู เฮ๊อ. เด๊อ อา ข่าเบ่ เตจาเตจือ เออเต๊เห่ อาขว่าอาคยา, อา แหย่โอ่เหม่แก ลอเฮ๊อ ซี เฮ๊อ.

เปโตร อาเหร่อเล๊อ ต๊าบ่า 3:18

เมเตเฮ๊เรอ ครี๊ ข่าเซอ เป่ แพ๊ อาเหน่ เด๊อ อู เตซื๊อ อาเง โตโพ๊แพ๊ เร๊อ อาโทอาปลื๊อ ลา เฮ๊อ, อา โหล่ ข่าเซอ ปาแหน่โต่ เฮ๊อ. แซ่ฮู๊ อา เก่ ซูจว๊า ซี เด๊อ จอแปแหร่ อา โอ่ เร๊อ แกแย จ๊อเต เออเตเพรเนอ, อา แฮ ข่าเซอ เป่โทเฮ๊อ แกแย เตซื๊อพู๊ เต๊เห่ อาเง เฮ๊อ. อู เมเซอ อาเหน่กล่อ หม่าแน๊เรอ จอแปแหร่ เมเซอเพร กาคยา อา เด๊อ แหย่โยบูโพ๊ แบ่เจ่ อากู.