ฟีลิปปี 2:2 - ลีเทส่อพ๊าอาเซ เร๊อ เห่ขุทวาลู๊

² โทเนอ, โอ่ แลแค เร๊อ เตเตเน เตอเจ๋อโต, เตโมเร๊อ ลู เตอเจ๋อโต, ซิปล่อ เตเมโต เน๊อ เตเตเนหนื่ออื่อ เตอเจ๋อโต นี๋. ซี เก่ เมฮู๊เนอ เฮ๊เนอหม่า ซี เมเล๊อเมบา เป่ เฮ๊อ แว เตซิครือซิลอ เฮ๊อ.

Eastern Kayah Shadaw Dialect

² ꤓꤥ꤭ꤚꤣꤧ꤬, ꤥ꤬ ꤜꤢ꤭ꤋꤢꤧ꤭ ꤔꤢꤧ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣ꤬ꤡꤣ꤬ꤡꤢꤦ꤭, ꤒꤢꤩ꤬ꤗꤥ꤬ꤚꤣꤧ ꤜꤢꤨ꤭ ꤒꤣ꤬ꤡꤣ꤬ꤡꤢꤦ꤭, ꤞꤤꤕꤜꤢꤪ꤬ ꤒꤣ꤬ꤗꤢꤩ꤭ꤡꤢꤦ꤭ ꤔꤢꤧ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤒꤣ꤬ꤡꤣ꤬ꤡꤢꤦ꤭ ꤔꤤ꤮꤯ ꤞꤤ꤭ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤔꤣꤧ꤬ꤗꤢ꤬ ꤞꤤ꤭ ꤗꤢꤩ꤬ꤜꤣꤗꤢꤩ꤬ꤙꤢ꤭ ꤕ꤫ꤢꤩ꤬ ꤟꤣꤧ ꤠꤢꤧ꤭ ꤒꤢꤩ꤬ꤞꤤꤋꤚꤢꤦ꤭ꤞꤤꤜꤢꤪ꤭ ꤟꤣꤧ꤯

ฟีลิปปี 2:2 Iomraidhean Croise

ꤛꤥ꤭ꤟꤢ꤬ 3:29

แว หม่า อาแซ่เน๊อ เพรครวาเกอ กาฉู่แด่ เพรคู เตเพรเนอ. กาฉู่แด่ เพรเหมาะ หม่า กาฉู่แด่ เพรคู อาเต. หม่าแน๊เรอ เพรครวาเกอ เนอเตเพร ก๊อถ่อ หนิดา กาฉู่แด่ เพรคู เฮ๊เบ่. อา หนิโฮ ลูโหง่ อาขว่าอาคยา, อา ซิครือซิลอ แหน่เจ๊อ. ฮู๊เนอเฮ๊อ แว เตซิครือ เออเนอ อา เล๊อแถ่บาแถ่ เฮ๊อ.

เพรโด่แนพู๊ เต๊เห่ 1:14

เหย่ซี เออเต๊เห่เนอ อา แฮ แม๊เถอะ ตาฉื่อ ตาปล๊อ โตโมโม เร๊อ เพรเหมาะ เด๊อ อาโรเต๊เห่ เร๊อ เหย่ซู่ อาโหมะ มารีย์ เร๊อ เหย่ซู่ อา โป่เพรคู เต๊เห่ เร๊อ เหย่ซี กุยจ๊อเบ โหร่ลอ ลู เบ๊อะเนอ.

เพรโด่แนพู๊ เต๊เห่ 2:1

เบ๊อะม๊อเนอ เด๊อ อู เฮ๊ เร๊อ เพ็นเทคอสต์ แฮโต่เฮ๊อ เบ๊อะเนออาเค, เหย่ซี ล๋อ ปลี แฮ โอ่ปล๊อโอ่ปลู โหร่ลอ ลู เด๊อ เหล่โอ่ โต๊โผ่โต.

เพรโด่แนพู๊ เต๊เห่ 2:46

เหย่ซี จว๊า โอ่กู๊ โร๊ลู เด๊อ เต หลู่แตโฮ ปว๋า เตอเนอ เร๊อ เหย่ซี ซิปล่อฉว่า เด๊อะเอ่เด๊อะโอ เป่ ลู เตเพร เร๊อ เตเพร. เร๊อ ซิครือซิลอ เอ่โหร่โอโหร่ลู เด๊อ เหย่ซี อาหี่ด๊อหี่แพ อากู.

เพรโด่แนพู๊ เต๊เห่ 5:12

เตเม อาโค๊ตีกลี๊ เต๊เห่ เบ่เบ่, เตเม ตาปาคย๊ายื๊อ เต๊เห่ เบ่เบ่, เพรโด่แนพู๊ เต๊เห่ เมโล เป่ เอ๊ลา อู ล๋อ เพรหยื่อเอ่ เออ เต๊เห่ แฮ แม๊เถอะ ตาฉื่อ ลู เด๊อ เตหลู่แตโฮ เบ๊อะเนอ โต๊โผ่ เด๊อ อู เฮ๊ เร๊อ คุ๊ยซาโลมอน หี่ล๊าเก่ เออเนอ อากู.

ꤚꤥꤗꤢꤩ꤬ 12:16

โอ่เซอเพร โหร่ลอ ลู เด๊อ ซิปล่อ เตเม๋ จือ อากู นี๋. พย๊าแถ่โล แต่ แลแค ซี ซิปล่อ แต่เหม่ นี๋. โท๊โต่ แบ๊ซว๊าเค๊โค หนิเกอ แลแค เร๊อ แกแย โซพ๊าโซแรพู๊ เนอเต๊เห่ นี๋. เตเนดุ เกอ เร๊อ เนเหน่ แต่เหม่ นี๋.

โครินธ์ อาเหร่อเล๊อ ต๊าบ่า 1:10

แวโป่แวแหว่ ซี๋ กู๊แหน่เออ แว กุยซิยอ ฉว่าแหน่ เฮ๊อ ซี เน๊อ เตเตอเรอฉว่าชอ เด๊อ แบ่เจ่ เหย่ซู่ครี๊ เด๊อะ แว เออเนอเฮ๊อ. แว ซิหยื่อ กุยซิยอ ซี หม่า ฮู๊เตเฮ๊เนอ, แว ซิหยื่อ เด๊อ ซี เก่ โครเกล ลู, โอ่โค๊เมโค๊ลู ตู๊หมู่ เร๊อ ตู๊หมู่ แต่เหม่. แว ซิหยื่อ แฉ่ครวา ซี เน๊อ ซี เหล่เตเน เต๊เห่ เบ่เบ่, ซี เตเตเนหนื่ออื่อ เต๊เห่ เบ่เบ่, นอ แซ่ แพ๊ ลู เต๊อเจ่อเจ่อ แพ๊ นี๋.

โครินธ์ เนอบ่า ต๊าบ่า 13:11

โคแบ๊ซว๊า ซี๋, แว ซิหยื่อ เฮ๊ ซี เด๊อ คยาตื๊อดื่อ เน๊อ, ซิลอซิอือ แลแค นี๋. เมแร๊กาคยา แลแค ซี เตโอ่เซอเพร นี๋. หนิดา แลแค แว เตกุยซิยอ ซี เออเนอ เต๊เห่ นี๋. โอ่ปล๊อโอ่ปลู, โอ่เพรโอ่ดือ เกอเร๊อดื่อ ลู นี๋. ซี เก่ เมฮู๊เนอ เฮ๊เรอ จอแปแหร่ เด๊อ อา หม่าดื่อ เตโม เร๊อ เตเพรอาดือ อา แก่ช๊าแก่แร เออเตเพร เก่ โอ่ เกอดื่อ เร๊อ ซี ปา.

โครินธ์ เนอบ่า ต๊าบ่า 2:3

ฮู๊เนอเรอ, พื๋อ เร๊อ แว เตเร แฮ เด๊อ ซี โอ่ เนอ, แว ราจว๊า เหร่อ เป่แก เฮ๊อ ซี ลี เด๊อ อาเหร่อเค เนอต๊าบ่า เฮ๊อ เน๋อ. เบ๊อะเนอเค แว เก่ แฮ โอ่เล เกอ ซี เฮ๊เนอ, แว ซิเง เร๊อ ซี เก่ เมซิเปล ซิหย่อแหน่ แว แพ๊. หม่าแน๊เรอ ซี หม่า แกแย เต๊เห่ เด๊อ อา โตเบ่ เมซิครือ แหน่เจ๊อ แว เต๊เห่. แว ซิเง เร๊อ เบ๊อะแว ซิครือซิลอ เบ๊อะเนอ, ซี เกล๋ ซิครือ เกอแหน่ ปา แพ๊.

โครินธ์ เนอบ่า ต๊าบ่า 7:7

คูติตัส แฮโต่ เร๊อ เป ซิครือ ตื๊อดื่อเนอ หม่าโต่, อา แด๊โฉ่ เป่ เป เร๊อ ซี เด๊อะอ๊าเด๊อะเหร่ ลู ฮู๊เต เนอ อาขว่าอาคยา, อา เมซิครือ เกอ แหน่เจ๊อ เป. อา เฮ๊โฉ่โล เป่ เป เร๊อ ซี ซิหนิโส่ แม๊เถอะ โกโน๊ แว โต่, โทเรอ ซี เตเนซิเปล เกอเร๊อ ซี เตเมซื๊อ เต๊เห่, โท๊โต่ ซี โอ่ ตี๊หรี่แตแร หนื่ออื่อเฮ๊อ เด๊อ ซี เก่ เฮ๊เบ่ เตเกบี๊เกอเร๊อ เป่ แว, อา แด๊โฉ่โลหนิ เป่ แว ฮู๊เออ อาขว่าอาคยา, กู๊แหน่เรอ แว เหล่ ซิครือเล๊อ ปาปา.

ฟีลิปปี 1:4

แว กุยจ๊อเบ เป่ เด๊อ ซีเง เบ๊อะเคเต๋ เบ่เบ่ เนอ, แว ซิครือซิลอ ปว๊า โตโพ๊ เจ๊อ.

ฟีลิปปี 2:16

แด๊โฉ่โด่แน เป่เกอ แลแค อู เตเซอเพร อาหรี่อาแก เออเนอ นี๋. ซี เก่ เมฮู๊เนอ เฮ๊เร๊อ เบ๊อะครี๊ แฮแล คยาแซ๊ อาม๊อเนอ ปา เตอเนอเนอ, ล๋อ แว เตแอ๊จื๊อ เต๊เห่ เนอ แว เตเอ่เตแร เออเต๊เห่เนอ อา ทวาแถ่ แกเด ปาโต่เฮ๊อ อาขว่าอาคยา, เด๊อ ซีขว่าซีคยา เร๊อ แว เก่ พย๊าแถ่โล เกอเร๊อ แวเหน่ ปา.

ฟีลิปปี 2:20

อาซิปล่อ โอ่ หม่าแหน่ เจ๊อ ซี เจ๊อ. ล๋อ แกแย เด๊อ อา โอ่ เกอ เร๊อ แว เบ๊อะเออ เต๊เห่ เด๊อ อา แซ่เน๊อ ลูเนอ แว แม๊เถอะน๊อ เตเพร่ว โต่.

ฟีลิปปี 4:2

เหมาะยูโอเดีย เร๊อ เหมาะสินทิเค ซี๋, ซี โป่เร๊อแหม่ เฮ๊อ ลู เด๊อ ครี๊ อากู อาขว่าอาคยา, แว กุยซิยอ ซี เร๊อ ซี เก่ ซิปล่อโต เกอลู เตเพร เร๊อ เตเพร.

โคโลสี 2:5

เมเตเฮ๊เรอ, แว เหน่กล่อ โอ่เต่อเกอ เน๊อ ซี โต่ ตื๊อดื่อเรอ แว ซิปล่อ จิจือ เน๊อ ซี เร๊อ แว หนิโฮ เด๊อ ซี โอ่ลู เร๊อ ซิปล่อ เตเม๊วโต, โท๊โต่ ซี ปื่อหม่าปื่อกลอ เตหยื่อเตแหน่ เด๊อ ครี๊ อากู อาขว่าอาคยา, แว ซิครือซิลอ แหน่เจ๊อ.

เธสะโลนิกา เนอบ่า ต๊าบ่า 2:13

โป่แหว่ ซี๋, ซี หม่า แกแย เด๊อ แบ่เจ่ โมหนิเร๊อ ซีเต๊เห่ เร๊อ เป เบ่ เฮ๊บุ๊ยเฮ๊เตอเรอ จอแปแหร่ เด๊อ ซีเง ปว๋า โตโพ๊ เจ๊อ, เมเตเฮ๊เรอ แซ่ฮู๊ ซี เก่ พย๊าหนิ เกอ เตเมแลเปล๊กา อาเงเนอ, จอแปแหร่ นว๊าแถ่ หนื่ออื่อ โทเฮ๊อ ซี เด๊อ กูลู่เค ปาเนอ เจ๊อ เฮ๊อ. เด๊อ แหย่โยบูโพ๊ แบ่เจ่ เมบูโพ๊ เฮ๊อ ซี เร๊อ ซี หยื่อเอ่ เตหมะเตจ๊อ อาขว่าอาคยา, จอแปแหร่ เมแลเปล๊กา ซี เฮ๊อ.

ทิโมธี เนอบ่า ต๊าบ่า 1:4

เบ๊อะแว ซิเงแถ่เบ่ เน เป๊เส่เทอแล เบ๊อะเนอ, แว ซิหยื่อ แม๊เถอะ แหน่เจ๊อ เน, เมเตเฮ๊เรอ แซ่ฮู๊ แว เก่ ซิครือ เล๊อเล๊อบาบา อาเงเนอเรอ, แว ซิหยื่อ แม๊เถอะ เน แพ๊.

ฟีเลโมน 1:20

ฮู๊เนอเรอ, แว โป่แหว่ คูฟีเลโมน๋ เป ย๋อ หยื่อเอ่เกอ แบ่เจ่ เหย่ซู่ อาขว่าอาคยา, แด่ทูซิปล่อ เร๊อ เมบุ๊ยเมเตอเรอ เหร่อเป่ แว เออเต๊อเจ่อ นี๋. แด่ทูซิปล่อเร๊อ เมโมแถ่ โก๊หลื่อ แว ซิปล่อ เด๊อ ครี๊ อากู นี๋.

ยอห์น เนอบ่า ต๊าบ่า 1:4

แว แม๊เถอะเฮ๊อ เนพู๊เนเลอ เต๊เห่ โอ่เซอเพร เด๊อ เตหมะเตจ๊อ อากู ฮู๊ เพ จอแปแหร่ เมแก เป โหง่ เนอ อาขว่าอาคยา แว ซิครือ แหน่เจ๊อ.

ยอห์น โซบ่า ต๊าบ่า 1:4

เบ๊อะแว หนิโฮ เร๊อ แวพู๊แวเลอ ครี๊พู๊ เต๊เห่ โอ่เซอเพร เด๊อ เตหมะเตจ๊อ อากู เบ๊อะเนอ, แว ซิครือ เจ๊อ ปว๋า โตโพ๊ เจ๊อ. เต เด๊อ อา เก่ เมซิครือ เล๊อ แว เร๊อ เออเนอ อาโอ่ ปา เตอเจ๋อ โต่ เฮ๊อ.