ฟีลิปปี 2:17 - ลีเทส่อพ๊าอาเซ เร๊อ เห่ขุทวาลู๊

¹⁷ เด๊อ แว โด่แน เตซิครือมีลา อาขว่าอาคยา เร๊อ, เตแร๊หม่า แว เซอ เจ๊อ ปา แอ เบ๊อะซี หยื่อเอ่ เตซิครือมีลา อาเบ๊อะเนอ, ซี เด๊อะแล เฮ๊อ ซี ซิปล่อเซอเพร เด๊อ จอแปแหร่ อา โอ่ แซ่เจ๊อเฮ๊อเน๊อ เพรหลู่แตเต หลู่แถ่ เตมีเตดอ เด๊อ จอแปแหร่ อา โอ่ เนอ เฮ๊อ. อู เก่ เมเซอ แว เฮ๊เรอ, แวสุ่ย เก่ ทุ๊ยตา แซ่เจ๊อเร๊อ เพรหลู่แตเต เตเพร ยือตา เทอแย เด๊อ เห่ขุ เด๊อ อาแซ่เน๊อ อู หลู่แถ่ เตหลู่เตแต เนอเฮ๊อ. อา เก่ ทวาแถ่ ฮู๊เนอ เฮ๊เรอ แว เก่ ซิครือซิลอ, ซิกอล๊อแกแน เต่อเกอ ลอ เร๊อ ซี ปว๋า เตเพร แพ๊.

Eastern Kayah Shadaw Dialect

¹⁷ ꤘꤣ ꤠꤢꤧ꤭ ꤘꤥ꤬ꤔꤢꤧ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤒꤣꤧ꤬ꤚꤢꤧꤗꤢ꤬ ꤠꤢꤧ꤭ ꤞꤣꤧ꤭ ꤡꤣꤧ ꤕꤢ꤭ ꤟꤢꤧ꤬꤯ ꤙꤣꤧ ꤞꤤ꤭ ꤛ꤫ꤢꤦ꤬ꤢꤩ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤘꤣꤧꤜꤢꤧ꤬ ꤟꤣꤧ ꤞꤤ꤭ ꤞꤤꤕꤜꤢꤪ꤬ꤞꤣꤧ꤭ꤖꤚꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤞꤢꤧꤡꤣꤧꤟꤣꤧꤔꤢꤧ ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ ꤜꤢꤨ꤭ꤓꤢꤧ꤬ ꤒꤢꤩ꤬ꤖꤢꤨꤒꤢꤩ꤬ꤜꤣꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤔꤣꤧ꤬ ꤟꤣꤧ꤯ ꤢꤨ꤭ ꤊꤢꤩ꤬ ꤗꤢꤩ꤬ꤞꤣꤧ꤭ ꤠꤢꤧ꤭ ꤟꤢꤩꤚꤣꤧ꤬, ꤠꤢꤧ꤭ꤞꤝꤤ꤬ ꤊ꤫ꤢꤦ꤬ ꤓꤝꤤꤒꤢ꤭ ꤞꤢꤧꤡꤣꤧꤔꤢꤧ ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ ꤒꤣ꤬ꤖꤚꤢꤩ꤬ ꤛꤢꤦ꤬ꤒꤢ꤭ ꤓꤣꤧ꤭ꤛꤢꤧ꤭ ꤘꤣ ꤟꤢꤩ꤬ꤋꤢꤨ꤬ ꤘꤣ ꤢ꤬ꤞꤢꤧꤔꤢꤧ ꤢꤨ꤭ ꤜꤢꤨ꤭ꤓꤢꤧ꤬ ꤒꤢꤩ꤬ꤜꤢꤨ꤭ꤒꤢꤩ꤬ꤒꤢꤧ꤭ ꤔꤣꤧ꤬ꤟꤣꤧ꤯ ꤢ꤬ ꤊꤢꤩ꤬ ꤓꤝꤢ꤭ꤓꤢꤧ꤬ ꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤞꤤꤋꤚꤢꤦ꤭ꤞꤤꤜꤢꤪ꤭, ꤞꤤꤊꤣꤧ꤬ꤜꤢꤪꤊꤣꤧ꤬ꤖꤢꤦ꤭ ꤒ꤫ꤣ꤬ꤊꤣꤧ꤭ ꤜꤢꤪ꤭ ꤔꤢꤧ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤖꤢꤧ꤯

ฟีลิปปี 2:17 Iomraidhean Croise

เพรโด่แนพู๊ เต๊เห่ 20:24

หม่าแน๊เรอ แซ่ฮู๊ แว เก่ เมโทแก เตเม เด๊อ แบ่เจ่ เหย่ซู่ เด๊อะแลแก แวเออ อาเงเนอ, แว แด่ดุ ซิโล เกอ เร๊อ ปา เจ๊อ แว ซิปล่อ เซอเพร เออเนอ โต่ เฮ๊อ. เตเม เด๊อ อา นอเม แว เออเต๊เห่ เนอหม่า หม่าเฮ๊อ แว เบ่ ข่าเฮ๊โล เน๊อ จอแปแหร่ อาบุ๊ยอาเตอเรอ อา เตซิครือมีลา เออ อาหรี่อาแก เออเนอ เฮ๊อ.

เพรโด่แนพู๊ เต๊เห่ 21:13

หม่าแน๊เรอ คูเปาโล เฮ๊ฉื่อ เป เน๊อ, “ซีโหง่ซีเห่ เร๊อ ซี เม ซิเปลซิหย่อ แว เมเต? แว โอ่ตี๊หรี่แตแร หนื่ออื่อ เฮ๊อ แวเหน่ เด๊อ อู เก่ปื่อเก่จอ แว เบ๊อะวีเยรูซาเล็ม เออเนอ ปา ตื๊อดื่อ หม่าโต่, แว ตี๊หรี่แตแร หนื่ออื่อ โป่ เจ๊อเฮ๊อ เด๊อ แว เก่ เซอ เด๊อ แบ่เจ่ เหย่ซู่ อาเง เจ๊อ.”

ꤚꤥꤗꤢꤩ꤬ 12:1

ฮู๊เนอเรอ, โป่แหว่ ซี๋, จอแปแหร่ อา เตซิยอ เป เนอ, อาดุอาแย ตาลว๊าซิลือ เจ๊อ เด๊อ เปเง อาขว่าอาคยา, แว กุยซิยอ ซี เร๊อ ซี เก่ เด๊อะแล ซี เหน่กล่อ เออ เด๊อ จอแปแหร่ อา โอ่ ฮู๊ เตหลู่ เด๊อ อา เซอเพร, ฮู๊ เตหลู่ เด๊อ อา บูโพ๊ เร๊อ ฮู๊ เตหลู่ เด๊อ อาโต ลูซิปล่อ อา เตซิหยื่อ เนอ นี๋. ซี โต จ๊อเบแถ่ จอแปแหร่ ฮู๊เออเนอหม่า หม่าเฮ๊อ แกล๊ เด๊อ อาโตอาเบ่ โตโบ เฮ๊อ.

ꤚꤥꤗꤢꤩ꤬ 15:16

จอแปแหร่ อาบุ๊ยอาเตอเรอ อาขว่าอาคยา, อา เด๊อะ แว เตเม เด๊อ แว เก่ เม เหย่ซู่ครี๊ อาเตเม เด๊อ แกแยยิวพู๊ หม่าโต่ เต๊เห่ อาเกล. แซ่ฮู๊ แกแยยิวพู๊ หม่าโต่ เต๊เห่ เก่ ทวาแถ่ เตหลู่ เต๊อเจ่อ เด๊อ จอแปแหร่ เก่ พย๊าฉื่อ อา, โทเรอ เตหลู่ เต๊อเจ่อ เด๊อ แหย่โยบูโพ๊ แบ่เจ่ เมบูโพ๊ โทเฮ๊อ ลู เร๊อ, จอแปแหร่ นว๊าแถ่ โค๊ดื่อเฮ๊อ แว เร๊อ แว เก่ เมเต ฮู๊ เพรหลู่แตเต เด๊อ อา แด๊โฉ่โด่แน โลเป่ อู เร๊อ จอแปแหร่ อา เตซิครือมีลา เนอเตเพร เฮ๊อ.

โครินธ์ เนอบ่า ต๊าบ่า 12:15

แวลอแวแก แวรือแวเท, แวอ๊าแวเหร่, เตปว๋า เต๊อเจ่อ เด๊อ ซีเง เนอ, แว ซิครือซิลอ แพ๊. แว โม เจ๊อ ซี บ๊าเออ เจ๊อ หม่าแน๊เรอ ซี เตโม แว เนอ อา แซ่ เร๊อ อาปีตี๊ กาแล โต่บย่า ฮู๊เต?

โครินธ์ เนอบ่า ต๊าบ่า 4:12

เด๊อ เป แด๊โฉ่โด่แน เป่ อู เตซิครือมีลา อาขว่าอาคยา, เป แม๊เถอะ โตโมโม เจ๊อเร๊อ อู เตเร เมเซอ เป. หม่าแน๊เรอ เด๊อ เป แม๊เถอะ ฮู๊เออ อาขว่าอาคยา, ซี พย๊าหนิ เตเซอเพร เฮ๊อ.

โครินธ์ เนอบ่า ต๊าบ่า 6:10

เป แม๊เถอะ เอ๊แหน่เจ๊อ เตแป่เตเช หม่าแน๊เรอ เป ซิลอซิอือ ปว๋า โตโพ๊ เจ๊อ. อา แซ๊ เร๊อ เป โซพ๊าโซแร แหน่เจ๊อ หม่าแน๊เรอ เด๊อ เป อิซว๊าอี๊แส่ เป่ อู อาขว่าอาคยาเร๊อ, อู ดุแหย่แถ่เซ เด๊อ แหย่โย ตากยา เนอ อา โอ่ เอ๊แหน่เจ๊อ เฮ๊อ. อา แซ๊ เร๊อ เปเต โอ่ เกออู เตอเจ๋อ โต่ หม่าแน๊เรอ เป พย๊าหนิ ลอเฮ๊อ เตปว๋า เต๊อเจ่อ เฮ๊อ.

โครินธ์ เนอบ่า ต๊าบ่า 7:4

แว หยื่อเอ่ ตาเต เกอเร๊อ แหน่เจ๊อ ซี เร๊อ แว ถู่เซ๊ เกอเร๊อ แหน่เจ๊อ ซี ปว๋า โตโพ๊ เจ๊อ เม. ฮู๊เนอ อาขว่าอาคยา เป แม๊เถอะเบ่ เอ๊แหน่เจ๊อ เร๊อ เตแป่เตเช หม่าแน๊เรอ เป ซิครือซิลอ แพ๊, โท๊โต่ เป ซิปล่อโม แพ๊.

ฟีลิปปี 1:20

แว เตซิหยื่อ เร๊อ แว เตแม๊ชือ หม่า อิเต เฮ๊เรอ, เด๊อ ครี๊ อา เป๊เส่เง ปาเนอ, แว เกล๊ ซิเตเรน๊อ แหน่ ปา ตีกี๋ โต่ เฮ๊อ. แว เซอเพร เบ่เบ่, แว เซอ เบ่เบ่, แซ่ฮู๊ อู เก่ ถู่เซ๊แถ่หนิ ครี๊ อาเงเนอเรอ, แว ซิหยื่อ โอ่เซอเพร เล๊อบา เจ๊อ เร๊อ เตซิปล่อคือฮา ฮู๊ แว คือแฮ เกอเร๊อ ปว๋า โตโพ๊ เนอแพ๊.

ฟีลิปปี 2:18

ซี เบ่เบ่, ซี โตเบ่ ซิครือซิลอ, ซิกอล๊อแกแน เต่อเกอ แลแค เร๊อ แวแว.

ฟีลิปปี 2:30

เมเตเฮ๊เรอ, ซี ย๋อ เมจว่าเบ๊ แว โต่ อาขว่าอาคยา, แซ่ฮู๊ อา เก่ เมจว่า แว อาเงเนอ, เด๊อ ครี๊ อา เตเอ่เตแร อาเง เนอ, อา โอ่ผื่อ เจ๊อ เร๊อ เตเซอ เจ๊อ.

ฟีลิปปี 4:18

ล๋อ ซี ซูแฮ เป่ แว เต๊เห่เนอ แว พย๊าหนิ ลอ เฮ๊อ, เร๊อ อา เล๊อบา ตาลว๊าซิลือ เจ๊อ เด๊อ แวเง เจ๊อ. ล๋อ ซี เด๊อะ เต๊เห่เนอ คูเอปาโฟรดิทัส พย๊าแฮ เป่ เฮ๊อ แว, เร๊อ กู๊แหน่เออ, ล๋อ แว โหล่เบ่ เต๊เห่เนอ อาโอ่ ลอปลี เฮ๊อ. เตเด๊อะ เออเต๊เห่เนอ, อา แซ่เน๊อ เตหลู่โนมื๊อ เด๊อ อู หลู่แถ่ เด๊อ จอแปแหร่ โอ่ เนอเฮ๊อ. เตหลู่ เด๊อ อาโต จอแปแหร่ อาซิปล่อ, เร๊อ อา เมโม ลู ซิปล่อ เนอเต๊เห่ เฮ๊อ.

โคโลสี 1:24

แซ่ฮู๊ ซี เก่ หนิบุ๊ยหนิเตอเรอ อาเงเนอ, กู๊แหน่เออ แว ข่าเบ่เต เด๊อ ซีเง ฮู๊เออเนอหม่า แว ซิครือ แพ๊. ฮู๊ ครี๊ ข่า เป่ เฮ๊อ แกแย เด๊อ อา หยื่อเอ่ ลู เด๊อ อา แซ่ดื่อ เน๊อ อาเหน่กล่อ เต๊เห่เนอ, แว ซิปล่อฉว่า เด๊อ แว เหน่กล่อพ๊าหย่า เออ เก่ ข่า เป่เกอ ลอดื่อ ล๋อ แกแย เด๊อ อา หยื่อเอ่ ลู เนอเต๊เห่ อาเงเง.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:8

เป ย๋อ โม เกอเร๊อ แหน่เจ๊อ ซี, โทเรอ ซี ทวา เป โคแบ๊ซว๊า เด๊อ อา โมแหน่เจ๊อ เป เต๊เห่ อาขว่าอาคยา, เป ตี๊หรี่แตแร หนื่ออื่อ เปเหน่ เด๊อ เป เก่ แด๊โฉ่ ซิเง ตื๋อ เป่แพ๊ ซี เร๊อ จอแปแหร่ อา เตซิครือมีลา เออ อาหรี่อาแก เนอหม่าโต่. เป โอ่ ตี๊หรี่แตแร หนื่ออื่อ โป่ เจ๊อ เปเหน่ เร๊อ เป เก่ โอ่เต่อเกอ เร๊อ ซี เร๊อ, พย๊าจว่าเมจว่า เกอโป่ เจ๊อ ซี.

ทิโมธี เนอบ่า ต๊าบ่า 4:6

เมเตเฮ๊เรอ, ค๊าขิ โต่เฮ๊อ เด๊อ แว เก่ เถ่จว๊าแก เร๊อ เห่ขุเออ เฮ๊อ. ม๊อเนอม๊อเซ แฮโต่เฮ๊อ เด๊อ แว เก่ แด่แก แว เตโอ่เซอเพร เออเฮ๊อ.

เปโตร อาเหร่อเล๊อ ต๊าบ่า 2:5

ซี เออเต๊เห่เนอ อา แซ่ เกอดื่อเฮ๊อ เร๊อ หล่อเซอเพร เต๊เห่ เฮ๊อ. จอแปแหร่ นอเอ่ หล่อ เด๊อ อา หม่าเฮ๊อ ซีเออ เร๊อ อา เก่ ช๊อแถ่ หี่ เด๊อ แหย่โย ตากยา เตเม. ซี เก่ แรเต เด๊อ หี่กู เออเนอ แซ่เน๊อ เพรหลู่แต บูโพ๊ เต๊เห่เนอ ปา. โท๊โต่ ซี เก่ หลู่แถ่ เตหลู่ เด๊อ จอแปแหร่ อา โอ่ เด๊อซิซิเง จอแปแหร่ ตากยา เต๊เห่ ปา. เด๊อ เหย่ซู่ครี๊ อาขว่าอาคยาเร๊อ, จอแปแหร่ เก่ พย๊าฉื่อ ซี เตหลู่ เออ เต๊เห่ ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:16

เตโมเนอ เป ซิเงแจ่ อา ฮู๊เต เฮ๊เรอ, เหย่ซู่ครี๊ เด๊อะแลแก อา ซิปล่อเซอเพร เด๊อ เปเง, เร๊อ เป โตเบ่ เด๊อะแลแก เกอ เป ซิปล่อเซอเพร เด๊อ เป โป่แหว่ ครี๊พู๊ เต๊เห่ อาเง.