ฟีลิปปี 2:16 - ลีเทส่อพ๊าอาเซ เร๊อ เห่ขุทวาลู๊

¹⁶ แด๊โฉ่โด่แน เป่เกอ แลแค อู เตเซอเพร อาหรี่อาแก เออเนอ นี๋. ซี เก่ เมฮู๊เนอ เฮ๊เร๊อ เบ๊อะครี๊ แฮแล คยาแซ๊ อาม๊อเนอ ปา เตอเนอเนอ, ล๋อ แว เตแอ๊จื๊อ เต๊เห่ เนอ แว เตเอ่เตแร เออเต๊เห่เนอ อา ทวาแถ่ แกเด ปาโต่เฮ๊อ อาขว่าอาคยา, เด๊อ ซีขว่าซีคยา เร๊อ แว เก่ พย๊าแถ่โล เกอเร๊อ แวเหน่ ปา.

Eastern Kayah Shadaw Dialect

¹⁶ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ꤊꤣꤧ꤭ ꤜꤢ꤭ꤋꤢꤧ꤭ ꤢꤨ꤭ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ ꤔꤤ꤮꤯ ꤞꤤ꤭ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤙꤣꤧ ꤋꤚꤤ ꤟꤢꤧ꤭ꤜꤢꤧ꤬ ꤋꤛꤢ꤭ꤞꤢꤧ ꤢ꤬ꤗ꤫ꤢꤪ꤬ꤔꤣꤧ꤭ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤜꤢꤪ꤭ ꤠꤢꤧ꤭ ꤒꤢꤩ꤬ꤢꤧꤡꤢꤦ ꤒꤣꤧ꤬ꤟꤢꤩ꤬ ꤔꤢꤧ ꤠꤢꤧ꤭ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤓꤝꤢ꤭ꤓꤢꤧ꤬ ꤊꤢꤧ꤭ꤘꤢꤩ꤭ ꤕꤢ꤬ꤒꤥ꤬ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤘꤣ ꤞꤤ꤭ꤋꤝꤢ꤬ꤞꤤ꤭ꤋꤛꤢ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤖꤛꤢꤓꤢꤧ꤬ꤜꤥ꤭ ꤚꤣꤧꤘꤢꤦ꤬ ꤠꤢꤧ꤭ꤔ꤫ꤢꤩ꤬ ꤕꤢ꤭꤯

ฟีลิปปี 2:16 Iomraidhean Croise

มัทธิว 10:27

โหง่ เด๊อ แว เฮ๊ เป่ ซี เด๊อ อาคี๊เกล เต๊เห่เนอ, จว๊าเฮ๊เบ่ แลแค เด๊อ อาลีเกล เนอ นี๋. โหง่ เด๊อ ซี หนิโฮโห่ หนิโฮเซ๊ เต๊เห่เนอ, แถ่ เอ๊โท แลแค เด๊อ หี่กู่กล๊อขุ เนอ นี๋.

ꤜꤢꤨꤊꤢ꤬ 12:8

“แว เฮ๊ ซี, อูเปเป๋ เบ่เบ่ อา เก่ อ๊อแล เด๊อ เหย่ซู่ครี๊ หม่า แว แบ่เจ่ เด๊อ แกแย โอ่โร๊ อา เป๊เส่เง เฮ๊เนอ, แกแยพู๊คู หม่าเฮ๊อ แวเออ, แว เก่ อ๊อแลเกอดื่อ อา ฮู๊เนอเด๊อ จอแปแหร่ อา เตเน่วม๊อขุ เต๊เห่ อา เป๊เส่เง ปา.

ꤛꤥ꤭ꤟꤢ꤬ 6:63

แหย่โยบูโพ๊แบ่เจ่ เนอ อา เด๊อะ ซิปล่อเซอเพร ตูจูเพร. แกแยเห่ขุพู๊ เนอ, อา เด๊อะ แจ่ ซิปล่อเซอเพร ตูจูเพร โต่. โหง่ เด๊อ แว เฮ๊เบ่ ซี เออเต๊เห่ เนอหม่า, แหย่โยบูโพ๊แบ่เจ่ อา เตเฮ๊เบ่ เต๊เห่ เร๊อ อา เด๊อะเบ๊ อู ซิปล่อเซอเพร ตูจูเพร.

ꤛꤥ꤭ꤟꤢ꤬ 6:68

คูซีโมน เปโตร เฮ๊ กาคยาฉื่อ ลู เน๊อ, “แบ่เจ่, เป เตเร จว๊าโต เกอ อูเป? เตอิซว๊าอี๊แส่ เด๊อ อา เด๊อะ เป ซิปล่อเซอเพร ตูจูเพร เนอ อา โอ่ แพ๊ดื่อ เด๊อ เนโอ่ แพ๊.

เพรโด่แนพู๊ เต๊เห่ 13:26

“โป่แหว่ เพอับราฮับ อากลุยอาแล ซีเต๊เห่ เร๊อ แกแยยิวพู๊ หม่าโต่ เด๊อ อา โอ่ เบ๊อะเออ เร๊อ อา จ๊อบู่จ๊อเบแถ่ เกอ จอแปแหร่ เต๊เห่ ล๋อ ปลี ซี๋, เตเมแลเปล๊กา อาหรี่อาแก เออเนอ, อู ซูแฮ เป่ เด๊อ เปเง แพ๊.

โครินธ์ อาเหร่อเล๊อ ต๊าบ่า 1:8

ช๋า เป แบ่เจ่ เหย่ซู่ครี๊ แฮ อาม๊อเนอ ปา เตอเนอเนอ, แซ่ฮู๊ อู เหล่แด่ เตซื๊อ เด๊อ ซีโอ่ เก่ โอ่ ปา แต่เหม่ อาเงเนอ, แบ่เจ่ เก่ ปื่อหม่าปื่อกลอ เร๊อดื่อ ซี โต่เด๊อ อา ตื๊อดื่อ ปา.

โครินธ์ อาเหร่อเล๊อ ต๊าบ่า 9:26

ฮู๊เนอเรอ, แซ่ฮู๊ แว เก่ พย๊าหนิ เกอ เตเออ อาเงเนอ, แว แซ่เจ๊อเฮ๊อ เร๊อ แกแย แกล่ดี๊เจ เต เตเพร เด๊อ อา แกล่ จ๊อจ๊อ แฮ จ๊อราเน๊ เจ๊อ เด๊อ ม๊าโบ อา โอ่ เนอ เตเพร เจ๊อ. แว แซ่เจ๊อเฮ๊อ เร๊อ เพรปลู๊ลู เด๊อ อา ปลู๊ซื๊อปลู๊เบ่ เกออูโต่ เตเพรเฮ๊อ.

โครินธ์ เนอบ่า ต๊าบ่า 1:14

กู๊แหน่เรอ ซี ซิเงโปล ปว๊า ลอ ล๋าย เปหรี่เปแก โต่, หม่าแน๊เรอ เด๊อคยาปาเนอ เป แม๊ชือ เร๊อ ซี เก่ ซิเงโปล ลอหล่าตี๊กลิ ลอ เจ๊อ เปหรี่เปแก ปา. ฮู๊เนอเรอ, เบ๊อะแบ่เจ่ เหย่ซู่ แฮคยาแซ๊ ปา เตอเนอเนอ, เด๊อ เปขว่าเปคยา เร๊อ ซี เก่ ซิครือซิลอ ฮู๊ เป ซิครือซิลอ เด๊อ ซีขว่าซีคยา เนอ ปา.

ꤊꤢ꤬ꤜꤢ꤬ꤒꤤ 2:2

จอแปแหร่ เด๊อะโลแถ่ แว เนอ แว โตเบ่ จว๊า เบ๊อะเนอ อาขว่าอาคยาเร๊อ, แว จว๊า แพ๊. เบ๊อะแว โอ่ เบ๊อะเนอ อาเค, แว แม๊เถอะโห่หนิ เร๊อ แกแย เด๊อ อู แด่ เหย่ซี เร๊อ เพรหยื่อเอ่ตู๊หมู่ตอกล๊อ ทวาดุทวาเต เต๊เห่ เร๊อ แว เฮ๊โฉ่โปลหนิ เป่ เหย่ซี เร๊อ เตซิครือมีลา ฮู๊ แว แด๊โฉ่โด่แน เป่ อู ปว๋า โพ๊ เด๊อ แกแยยิวพู๊ หม่าโต่ เต๊เห่ อาเกล เนอแพ๊. แว เตเฮ๊โฉ่โด่แน เด๊อ อา ตาลว๊าแก โทเนอ เต๊เห่ เบ่เบ่, กู๊แหน่เออ เต๊เห่เนอ เบ่เบ่, แว ซิหยื่อ นอทวาแถ่ แกเด โต่.

ꤊꤢ꤬ꤜꤢ꤬ꤒꤤ 4:11

เด๊อ ซี เมฮู๊เนอ อาขว่าอาคยา, แว ซิปล่อกู่ ซิปล่อแก แหน่เจ๊อ เด๊อ ซีเง เจ๊อ. ปาหม่า ล๋อ เตเม เด๊อ แว เม เป่โทเฮ๊อ เด๊อ ซีเง เนอเต๊เห่, ทวาแถ่ แกเด ลอดื่อ เฮ๊อ ปา เฮ๊อ.

ฟีลิปปี 1:10

แซ่ฮู๊ ซี เก่ ซิเงโปล ตาเต แร๊ เต เด๊อ อาแร๊เล๊อ เร๊อ ซี เก่ ซิปล่อ โพ๊แปละโพ๊, โท๊โต่ โต่ ช๋า ครี๊ แฮ คยาแซ๊ อาม๊อเนอ ปา เตอเนอเนอ, อู เก่ แด่แจ่ ปา แต่ เตซื๊อ เด๊อ ซีลู แต่เหม่ เนอ, แว กุยจ๊อเบ เป่ เด๊อ ซีเง.

ฟีลิปปี 1:6

จอแปแหร่ เด๊อ อา เป๊อแถ่ ถู่แหล่ แร๊กา โทเฮ๊อ ซี ซิปล่อ เออเตเพรเนอ, แว หยื่อเอ่ ตาเต เจ๊อ เร๊อ อา เก่ เมแร๊ แฮเง ปลื๊อลา โต่เด๊อ เหย่ซู่ครี๊ อาม๊อเนอ แฮโต่ ปาเนอ โตโพ๊ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:19

หม่าเมเตเรอ เป ซิหยื่อ จว๊าโอ่เล เกอโป่ แหน่เจ๊อ ซี เฮ๊เนอหม่า, ซี ย๋อ โอ่ เร๊อ ซี เตหยื่อ เด๊อ อาฉว่าอาชอ อาขว่าอาคยา, เป โอ่ เร๊อ เตแม๊ชือ, เป โอ่ เร๊อ เตซิครือซิลอ, เร๊อ เบ๊อะแบ่เจ่ เหย่ซู่ครี๊ แฮ เตอเนอปาเนอ, ซี ทวาเฮ๊อ เป เหล่พย๊าแถ่โลหนิ เป ซิปล่อ เด๊อ อาเป๊เส่เง ปา เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:5

แว โอ่แค ปาโต่ อาขว่าอาคยา, แซ่ฮู๊ คูทิโมธี เก่ ซิเง เร๊อ ซี โอ่หม่าโอ่กลอปา เด๊อ ซี เตหยื่อ แอ, หม่า ซี โอ่หม่า ปา โต่ แอ เนอ, แว ซูแล อา เด๊อ ซี โอ่. แว เบ่ยอ เร๊อ โลเน๊มู๊แหม่รีแจ่ กู่กล๊อ เกล๊ อิลออี๊โหล่ แหน่ ซี เฮ๊อ. โทเรอ ล๋อ เตเอ่เตแร เด๊อ เป เมโท ลอเฮ๊อ เต๊เห่เนอ, อา เก่ แกเด ลอแหน่เฮ๊อ, แว เบ่ยอ ฮู๊เนอ.

ꤟꤤꤙꤚꤢꤨ 4:12

จอแปแหร่ อาลาอาโหง่ เนอ, อา เซอเพร เร๊อ อา เมแจ่ เต. อา แท เล๊อปา เจ๊อ เน๊อ เน๊ เด๊อ อา แทลอ เนอโค๊เนอกยา เต๊เบ่. อา โน เบ่เพ๊ โต่ เจ๊อ เด๊อ ซิปล่อเซอเพร เน๊อ ซิปล่อ เหล่โอ่ เต่อลู อาเหล่โอ่ เนอ, โทเรอ อา โน เบ่เพ๊ โต่เด๊อ ถว่า เน๊อ ครุ๊ยกิกู เหล่โอ่ เนอโต๊โผะ เจ๊อ. อา เด๊อะเถ่โล เป่ แกแย ซิปล่อ อา เตเตเน เต๊เห่ เร๊อ อา เตซิหยื่อ เด๊อ อาแร๊ เร๊อ อา มู๊แหม่ เต๊เห่.

เปโตร อาเหร่อเล๊อ ต๊าบ่า 1:23

เมเตเฮ๊เรอ จอแปแหร่ อาลาอาโหง่ เออเนอ, อา เซอเพร เร๊อ อา โอ่หม่าโอ่กลอ ตูจูเพร แตแลเคร๊ อาขว่าอาคยา, ซี โอ่เป๊เจ่แล คยาแซ๊ เฮ๊อ โตโพ๊ เฮ๊อ. ซี เตโอ่เซอเพร อาเซ เออเนอหมา, อา แฮ เด๊อ ซีโหมะซีเพ เด๊อ อา เซอแจ่ เออเต๊เห่ อา โอ่ เนอ หม่าโต่. หม่าแน๊เรอ, ซี เตโอ่เซอเพร อาเซ เออเนอหมา, อา แฮ เด๊อ จอแปแหร่ เด๊อ อา เซอแจ่ แตแค๋โต่ เออเตเพร อา โอ่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:1

เป รา จว๊า เป่ ซี เหย่ซู่ อาหรี่อาแก, อา หม่า ลาโหง่ เด๊อ อา เด๊อ อู ซิปล่อเซอเพร เตเพร. อาเออ อา โอ่หนื่ออื่อ โทเฮ๊อ เด๊อ เห่ขุ ทวาแถ่ แต่ล๋ายโต่ เบ๊อะเนอ ปา เจ๊อ. เป หนิโฮ โทเฮ๊อ เร๊อ เป แม๊เถอะ โทดื่อเฮ๊อ เร๊อ เปเป๊เส่ เร๊อดื่อ เฮ๊อ. เป แม๊ อา เร๊อ เป ปื่อขร่าซิเต่อ โทเฮ๊อ ลู เร๊อ เป กู๊ขุ เฮ๊อ.

เตเด๊อะโลแถ่ 22:17

จอแปแหร่ อา แหย่โยบูโพ๊ เร๊อ เพรกาฉู่แด่ เพรเหมาะ เฮ๊ เน๊อ, “แฮเมอ แลแค.” ล๋อ แกแย เด๊อ อา หนิโฮ เต เออเต๊เห่เนอ, นอเฮ๊เกอ แลแค เหย่ซี เน๊อ, “แฮเมอ แลแค.” เร๊อ แกแย เด๊อ อา ซิโอเทอ เต๊เห่เนอ, แฮเมอ, แฮพย๊า โอ ครา แลแค เทอ เซอเพรเออ.