ฟีลิปปี 1:4 - ลีเทส่อพ๊าอาเซ เร๊อ เห่ขุทวาลู๊

⁴ แว กุยจ๊อเบ เป่ เด๊อ ซีเง เบ๊อะเคเต๋ เบ่เบ่ เนอ, แว ซิครือซิลอ ปว๊า โตโพ๊ เจ๊อ.

Eastern Kayah Shadaw Dialect

⁴ ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤕꤢꤩ꤬ ꤘꤣ ꤞꤤ꤭ꤑꤢꤩ꤭ ꤙꤢꤪꤋꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ ꤔꤣꤧ꤬, ꤠꤢꤧ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯

ฟีลิปปี 1:4 Iomraidhean Croise

ꤗꤢ꤬ꤊꤢꤨ 5:5

เหมาะคี๊คี๊ เหมาะลีลี อา โอ่ เด๊อ หล่ากู เหล่โล๊โล เร๊อ เด๊อ โฉ่เกลแพ๊. อา เอ๊โทเอ๊โม เร๊อ อา เมจู่เมแท โตโมโตโม เกอเร๊ออาเหน่ เร๊อ หล่อ ปวา โพ๊ เจ๊อ.

ꤜꤢꤨꤊꤢ꤬ 15:10

ฮู๊เนอเฮ๊อ, แว เฮ๊ ซี๋, เพรเตเหล่ซื๊อโอ่ เตเพร ถู่แหล่แต๊แกละกาคยาแซ๊ อาซิปล่อ อาขว่าอาคยา, จอแปแหร่ อา เตเน่วม๊อขุพู๊ เต๊เห่ ซิครือซิลอ แหน่เจ๊อ.”

ꤜꤢꤨꤊꤢ꤬ 15:7

อา แซ่ เกอดื่อ ฮู๊เนอเฮ๊อ, แว เฮ๊ ซี, เพรเตซื๊อพู๊ เตเพร ถู่แหล่เต๊เปล่กา คยาแซ๊ อาซิปล่อ อาขว่าอาคยา, เด๊อ ม๊อขุเนอ อู เก่ ซิครือซิลอ เล๊อเล๊อ ปา เจ๊อ เร๊อ แกแยจ๊อ แกแยเต่ ลุยซว๊าเตอเชอ เร๊อ ลุยซว๊าเตเพร เด๊อ อา โหล่ ถู่แหล่เต๊เปล่กาเกอ อาซิปล่อ โต่ เออเนอ เต๊เห่ เจ๊อ.

ꤚꤥꤗꤢꤩ꤬ 1:9

เบ๊อะแว กุยจ๊อเบแถ่ จอแปแหร่ เบ๊อะเนอ, แว ซิเงแถ่เบ่ ซี ปว๋า โตโพ๊ เจ๊อ. แว เม หม่าแหน่ เจ๊อ ฮู๊เออ เนอหม่า จอแปแหร่ ซิเง แพ๊. แว เม เป่ ลู เตเม เร๊อ แว ซิปล่อซีเม, เร๊อ แว ข่าเฮ๊โล เป่ อาพู๊คู แบ่เจ่ เหย่ซู่ครี๊ อา เตซิครือมีลา อาหรี่อาแก เออ อาคยา เฮ๊อ.

ฟีลิปปี 2:2

โทเนอ, โอ่ แลแค เร๊อ เตเตเน เตอเจ๋อโต, เตโมเร๊อ ลู เตอเจ๋อโต, ซิปล่อ เตเมโต เน๊อ เตเตเนหนื่ออื่อ เตอเจ๋อโต นี๋. ซี เก่ เมฮู๊เนอ เฮ๊เนอหม่า ซี เมเล๊อเมบา เป่ เฮ๊อ แว เตซิครือซิลอ เฮ๊อ.

ฟีลิปปี 3:18

เด๊อ อาเหร่อเคเนอ หม่า, แว แด๊โฉ่ โตโมโม เป่ลา เฮ๊อ ซี เฮ๊อ. กู๊แหน่เออ แว เฮ๊ เป่ โป่ คยาแซ๊ ซี เร๊อ เป๊เส่เทอ. แกแย เด๊อ อา แด่ แลแค อา ซิปล่อสู่เทอ เนอ อา ซิเถ่ซิฮา ครี๊ อาเตเซอ อาโหง่แลช๊า เด๊อ อี๊ถื่อดีเต่ลู เต๊เห่เนอ อา โอ่ เอ๊แหน่เจ๊อ.

ฟีลิปปี 4:1

ฮู๊เนอ อาขว่าอาคยา, แว โป่แหว่ ซี๋, ซี หม่า แกแย เด๊อ แว โม เกอเร๊อ เต๊เห่ เร๊อ แว ซิหนิโส่ เกอเร๊อ แหน่เจ๊อ เต๊เห่, ซี หม่า เพร เด๊อ อา เม ซิครือซิลอ แหน่เจ๊อ แว เร๊อ แว พย๊าแถ่โล่โม เกอเร๊อ แหน่เจ๊อ แวเหน่ เร๊อ ซีคยา เจ๊อ. โคแบ๊ซว๊าโม ซี๋ เออ หม่า หม่าเฮ๊อ ซี โต โอ่หม่าโอ่กลอ แลแค เด๊อ แบ่เจ่ อากู ฮู๊เตเนอ เฮ๊อ.

โคโลสี 2:5

เมเตเฮ๊เรอ, แว เหน่กล่อ โอ่เต่อเกอ เน๊อ ซี โต่ ตื๊อดื่อเรอ แว ซิปล่อ จิจือ เน๊อ ซี เร๊อ แว หนิโฮ เด๊อ ซี โอ่ลู เร๊อ ซิปล่อ เตเม๊วโต, โท๊โต่ ซี ปื่อหม่าปื่อกลอ เตหยื่อเตแหน่ เด๊อ ครี๊ อากู อาขว่าอาคยา, แว ซิครือซิลอ แหน่เจ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:2

เบ๊อะเป กุยจ๊อเบ เด๊อ ซี ล๋อ ปลีเง เบ๊อะเนอ, เป เฮ๊บุ๊ยเฮ๊เตอเรอ จอแปแหร่ ปว๋า โตโพ๊ เจ๊อ.

ฟีเลโมน 1:7

โคแบ๊ซว๊า โม, เน เตโม เนอ, อา เม ซิครือซิลอ แหน่เจ๊อ แว เร๊อ อา เด๊อะ ชอแถ่ แหน่เจ๊อ แวอ๊าแวเหร่. เด๊อ หม่าเต อาขว่าอาคยา เฮ๊เร๊อ, เน เมโม โทเฮ๊อ ล๋อ แกแย หยื่อเอ่ จอแปแหร่ เนอเต๊เห่ อาซิปล่อ เฮ๊อ.

ยอห์น เนอบ่า ต๊าบ่า 1:4

แว แม๊เถอะเฮ๊อ เนพู๊เนเลอ เต๊เห่ โอ่เซอเพร เด๊อ เตหมะเตจ๊อ อากู ฮู๊ เพ จอแปแหร่ เมแก เป โหง่ เนอ อาขว่าอาคยา แว ซิครือ แหน่เจ๊อ.