ฟีลิปปี 1:26 - ลีเทส่อพ๊าอาเซ เร๊อ เห่ขุทวาลู๊

²⁶ แซ่ฮู๊ ซี เก่ ถู่เซ๊หนิ เหย่ซู่ครี๊ เม เป่ เตเด๊อ แวเง เออเต๊เห่เนอเร๊อ, แว เก่ กา โอ่เต่อเกอ คยาแซ๊ เร๊อ ซี ปา.

Eastern Kayah Shadaw Dialect

²⁶ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤓꤢꤨ꤬ꤞꤢꤩꤚꤣꤧ ꤛꤢꤩ꤬ꤏꤛꤢꤨꤋꤚꤤ ꤗꤢꤩ꤬ ꤕ꤫ꤢꤩ꤬ ꤒꤢꤩ꤬ꤘꤣ ꤠꤢꤧ꤭ꤑꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤊꤢ꤬ ꤥ꤬ꤒ꤫ꤣ꤬ꤊꤣꤧ꤭ ꤋꤛꤢ꤭ꤞꤢꤧ ꤔꤢꤧ ꤞꤤ꤭ ꤕꤢ꤭꤯

ฟีลิปปี 1:26 Iomraidhean Croise

ꤛꤥ꤭ꤟꤢ꤬ 16:22

เต เก่ ทวาแถ่ แซ่เกอดื่อ เน๊อ ซี ฮู๊เออเนอ ปา. กู๊แหน่เร๊อ ซี เก่ ซิเปลซิหย่อ ปา, หม่าแน๊เรอ แว เก่ แม๊เถอะ คยาแซ๊ ซี ปา เร๊อ ซี เก่ ซิครือซิลอ แหน่เจ๊อ ปา. โท๊โต่ อู พย๊าแก แจ่ ปา เจ๊อ ซี เตซิครือซิลอ เตเพร่ว เจ๊อโต่ ปา.

ꤛꤥ꤭ꤟꤢ꤬ 16:24

โต่กู๊แหน่ เออเนอ, ซี กุย เร๊อ แวมุย เตอเจ๋อ โต่. กุย แลแค, ซี เก่ พย๊าหนิ ปา. เร๊อ ซี เก่ พย๊าหนิ เล๊อบา เจ๊อ เตซิกอล๊อ แกแนปา.

โครินธ์ เนอบ่า ต๊าบ่า 1:14

กู๊แหน่เรอ ซี ซิเงโปล ปว๊า ลอ ล๋าย เปหรี่เปแก โต่, หม่าแน๊เรอ เด๊อคยาปาเนอ เป แม๊ชือ เร๊อ ซี เก่ ซิเงโปล ลอหล่าตี๊กลิ ลอ เจ๊อ เปหรี่เปแก ปา. ฮู๊เนอเรอ, เบ๊อะแบ่เจ่ เหย่ซู่ แฮคยาแซ๊ ปา เตอเนอเนอ, เด๊อ เปขว่าเปคยา เร๊อ ซี เก่ ซิครือซิลอ ฮู๊ เป ซิครือซิลอ เด๊อ ซีขว่าซีคยา เนอ ปา.

โครินธ์ เนอบ่า ต๊าบ่า 5:12

เตเน แต่ แลแค เร๊อ เป ซิหยื่อ เฮ๊เบ่ แถ่โผ่แถ่ม๊อ หนิ คยาแซ๊ เปเหน่ ฮู๊เนอ แต่เหม่. เป เฮ๊ ซี ฮู๊เนอ เมเตเฮ๊เรอ แซ่ฮู๊ ซี เก่ เฮ๊ กาคยาฉื่อ แจ่ เกอ แกแย เด๊อ อา เป๊อเจ่ออิแช๊ เป เนอเต๊เห่ อาเงเนอ, เป ซิหยื่อ นอซิเง ตาเต เกอ ซี เร๊อ เป เมแคร๋ อิเตเต ฮู๊เนอ แพ๊. แกแย เนอเต๊เห่ หม่า อา แด่ดุ แด่แถ่โล เกอเร๊อดื่อเง แพ๊ เตแจ่เตลีแม เด๊อ อา โอ่โล เด๊อ อากลอ เนอเต๊เห่ แพ๊, อา แด่ดุ เกออู เต เด๊อ อา โอ่ เด๊อ แกแย เตเพรเพร อา ซิปล่อกู เนอเต๊เห่ โต่.

โครินธ์ เนอบ่า ต๊าบ่า 7:14

เบ๊อะ คูติตัส จว๊า แต่ล๋าย เด๊อ ซี โอ่ โต่ เนอ, แว ถู่เซ๊ เกอเร๊อ ซี เด๊อ คูติตัส อาเป๊เส่เง เจ๊อ เม. ซี เม หม่าแหน่ เจ๊อ เฮ๊อ ฮู๊ แว ถู่เซ๊ เกอเร๊อ ซี เนอ เฮ๊อ. ซี เมเตเรน๊อ แว โตโพ๋ โต่. ฮู๊ แว เฮ๊เบ่จ๊อเฮ๊เบ่เต ซี ปว๋า โตโพ๊ เนอ, เป เฮ๊ เป่ คูติตัส เร๊อ ซีหรี่ซีแก เนอหม่า เป เฮ๊เบ่จ๊อเฮ๊เบ่เต แพ๊แพ๊.

โครินธ์ เนอบ่า ต๊าบ่า 7:4

แว หยื่อเอ่ ตาเต เกอเร๊อ แหน่เจ๊อ ซี เร๊อ แว ถู่เซ๊ เกอเร๊อ แหน่เจ๊อ ซี ปว๋า โตโพ๊ เจ๊อ เม. ฮู๊เนอ อาขว่าอาคยา เป แม๊เถอะเบ่ เอ๊แหน่เจ๊อ เร๊อ เตแป่เตเช หม่าแน๊เรอ เป ซิครือซิลอ แพ๊, โท๊โต่ เป ซิปล่อโม แพ๊.

โครินธ์ เนอบ่า ต๊าบ่า 7:6

หม่าแน๊เรอ จอแปแหร่ เด๊อ อา เด๊อะฉว่าเด๊อะชอแถ่ แกแย เด๊อ อา ซิปล่อปย๊า เต๊เห่ เออเตเพรเนอ, อา เด๊อะอ๊าเด๊อะเหร่ เฮ๊อ เป เฮ๊อ, เมเตเฮ๊เรอ คูติตัส แฮโตเกอ เฮ๊อ เป เฮ๊อ.

ꤊꤢ꤬ꤜꤢ꤬ꤒꤤ 6:4

แกแย ปว๋า เตเพร โต แด๊เฮอแล เกอเร๊อดื่อ อาเหน่. เร๊อ อา โตเบ่ ดี๊เจหนิ อาเหน่ เร๊อ แกแย เด๊อ อาโร เต๊เห่ โต่. เตเม เด๊อ อา เมโทเฮ๊อ เต๊เห่เนอ, อา เก่ แร๊ เฮ๊เรอ เด๊อ อา เตเมเออ อาขว่าอาคยา, อา เก่ ซิครือ หม่า อาหนิ แพ๊.

ฟีลิปปี 3:1

แว โป่แหว่ ซี, เด๊อคยาเล๊อเนอ, แว ซิหยื่อ เฮ๊ ซี เนอ, เด๊อ ซี ทวาแถ่ เฮ๊อ เตเตอเจ๋อโต เร๊อ แบ่เจ่ ครี๊ เฮ๊อ เออเนอ, ซิครือซิลอ แลแค นี๋. แว ราจว๊า เป่ คยาแซ๊ ซี ลี เด๊อ อา แซ่เน๊อ อาเหร่อเค เต๊เห่เนอ แพ๊ หม่าแน๊เร๊อ อา ดู๊ดี๊ดู๊แด เร๊อ แว เตอเจ๋อ โต่. แว รา เออเต๊เห่ เนอหม่า แซ่ฮู๊ อา ตอกอเตเก บี๊ หนิเป่ ซีเงแพ๊.

ฟีลิปปี 3:3

เป หม่า จอแปแหร่ อาแกแย หม่าแหน่ เต๊เห่ เฮ๊อ, เหย่ซี เนอเต๊เห่ หม่า อา หม่าแหน่ หม่าโต่, เมเตเฮ๊เร๊อ เด๊อ จอแปแหร่ อา แหย่โยบูโพ๊ อาขว่าอาคยา, เป จ๊อบู่จ๊อเบแถ่ เฮ๊อ จอแปแหร่ เร๊อ เป เฮ๊เบ่ถู่เซ๊ เกอเร๊อ เตเด๊อ เหย่ซู่ครี๊ เม เป่ โทเฮ๊อ เป เออเต๊เห่ เฮ๊อ. แซ่ฮู๊ เป เก่ พย๊าหนิ เตเมแลเปล๊กา อาเงเนอ, เป โต ซิเล แถ่หนิ เกอเร๊อ เตเด๊อ เป เม เฮ๊อ อา เออเนอเต๊เห่ โอ่โต่.

ฟีลิปปี 4:10

แว เฮ๊บุ๊ยเฮ๊เตอเรอ แหน่เจ๊อ แบ่เจ่ เร๊อ แว ถู่เซ๊หนิ แหน่เจ๊อ ลู, เมเตเฮ๊เร๊อ เด๊อ คยา ตื๊อดื่อเล๊อ เออเนอ, ซี ซูแฮ เป่ คยา แว เตเมจว่า เออเนอหม่า ซี เด๊อะโล คยาแซ๊ เฮ๊อ ซี เตแร๊ เต๊เห่ เด๊อ แวขุ เฮ๊อ. แว ซิเง เร๊อ ซี แร๊แหน่เจ๊อ เด๊อ แวขุ ปว๋า โตโพ๊ เจ๊อ หม่าแน๊เร๊อ ซี เตเร เด๊อะโล คยาแซ๊ ซี เตซิปล่อโอ่หนิ แว เออตื๊อหื่อเนอ, ซี แม๊เถอะ แต่ แล๋ เต ตาโตตาเบ่ แร๊ เด๊อ ซีเง ล๋ายโต่ เร๊อ ซี ซูแฮเล๊ เป่ล๋า แว โต่ ฮู๊เนอแพ๊.

ฟีลิปปี 4:4

ซิครือซิลอ แลแค เด๊อ แบ่เจ่ อากู ปว๋า โตโพ๊ นี๋, เร๊อ แว เฮ๊ คยาแซ๊ ซี๋, ซิครือซิลอ แลแค นี๋.