ฟีลิปปี 1:15 - ลีเทส่อพ๊าอาเซ เร๊อ เห่ขุทวาลู๊

¹⁵ แกแย เต๊เห่เห่เนอ อา ซิเคว๊ เกอ แลแค แว, อา ซิหยื่อ ดี๊เจ แลแค แว เร๊อ อา แด๊โฉ่โด่แน เป่เกออู เร๊อ ครี๊ อา เตซิครือมีลา แพ๊. หม่าแน๊เรอ เต๊เห่เห่ หม่า อา แด่จ๊อแด่เต แลแค แพ๊ อาซิปล่อ เร๊อ อา แด๊โฉ่โด่แน เป่ อู แพ๊.

Eastern Kayah Shadaw Dialect

¹⁵ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤞꤤꤋꤝꤢꤩ ꤊꤣꤧ꤭ ꤜꤢ꤭ꤋꤢꤧ꤭ ꤠꤢꤧ꤭, ꤢ꤬ ꤞꤤꤛ꤫ꤢꤦ꤬ ꤘꤤꤡꤢꤩ꤭ ꤜꤢ꤭ꤋꤢꤧ꤭ ꤠꤢꤧ꤭ ꤚꤣꤧ꤬ ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ꤊꤣꤧ꤭ꤢꤨ꤭ ꤔꤢꤧ ꤋꤚꤤ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤒꤣꤧ꤬ꤟꤢꤩ꤬ꤟꤢꤩ꤬ ꤗꤢ꤬ ꤢ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤜꤢ꤭ꤋꤢꤧ꤭ ꤖꤢꤧ ꤢ꤬ꤞꤤꤕꤜꤢꤪ꤬ ꤚꤣꤧ꤬ ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤖꤢꤧ꤯

ฟีลิปปี 1:15 Iomraidhean Croise

มัทธิว 23:5

ล๋อ เหย่ซี เม เฮ๊อ เนอเต๊เห่ เนอ อา ซิหยื่อ นอแม๊เถอะ อู เร๊อ อาเหน่ แพ๊. เหย่ซี เช๊ แต๊บย่า แหล่ดุ ลีเทส่อพ๊าทอ เร๊อ อา จอ แลแค เด๊อ อา มาเท๊ลู เร๊อ อาปลา ลู. โท๊โต่ เหย่ซี ซิหยื่อ แซ๊ แลแค จาจวาทู เด๊อ อานุยทู เล๊อ เร๊อ อู เนอ เต๊เห่.

เพรโด่แนพู๊ เต๊เห่ 10:36

ซี ซิเง โทดื่อ เฮ๊อ เตหรี่เตแก เด๊อ จอแปแหร่ นอจว๊า เป่ เหย่ซู่ เด๊อ อิสราเอล อากลุยอาแล เต๊เห่ อาเง เร๊อ อา จว๊า แด๊โฉ่โล เป่ เหย่ซี เร๊อ เตซิครือซิลอมีลา อาหรี่อาแก เออเนอ เฮ๊อ. เด๊อ เหย่ซู่ครี๊ เด๊อ อา ทวา อู ปว๋า เตเพร อา แบ่เจ่ เออเตเพร อาขว่าอาคยาเร๊อ, เป พย๊าหนิเฮ๊อ เตเปเตดวา เฮ๊อ.

เพรโด่แนพู๊ เต๊เห่ 11:20

หม่าแน๊เรอ ไซปรัสกลื๊อขุ แกแยไซริน เร๊อ วีอันทิโอก เด๊อ อา หยื่อเอ่แหน่หยื่อรี อาเกล เต๊เห่เห่เนอ, อา จว๊าโต่ เด๊อ วีอันทิโอก เร๊อ อา แด๊โฉ่โด่แน เป่ เมวเจอะโร กรีกพู๊ เต๊เห่ เร๊อ เหย่ซู่ครี๊ อา เตซิครือซิลอมีลา อาหรี่อาแก.

เพรโด่แนพู๊ เต๊เห่ 5:42

เร๊อ เด๊อคยาเนอ, เหย่ซี โอ่โก๊แก โต่. เด๊อ เตหลู่แตโฮ อากูเนอ เบ่เบ่, เด๊อ อูหี่อูแพ อากูเนอ เบ่เบ่, ปวาเนอเน๋อ เหย่ซี อิซว๊าอี๊แส่ แฮเง เป่ อู, เหย่ซี แด๊โฉ่โด่แน แฮเง โล เป่ โป่ อู เร๊อ เตซิครือซิลอมีลา อาหรี่อาแก. เตซิครือซิลอมีลา หม่า หม่าเฮ๊อ เหย่ซู่ หม่า แกแย เด๊อ อา เมแลเปล๊กา แกแย เห่ขุพู๊ ลอปลี เตเพร เฮ๊อ.

เพรโด่แนพู๊ เต๊เห่ 8:35

ฮู๊เนอเรอ คูฟีลิป เป๊อแถ่ เฮ๊ เป่ ลู เร๊อ ลีเทส่อพ๊า เออตามา เร๊อ อา เฮ๊โฉ่โลหนิ เป่ ลู เร๊อ เหย่ซู่ อา เตซิครือซิลอมีลา อาหรี่อาแก.

เพรโด่แนพู๊ เต๊เห่ 8:5

คูฟีลิป จว๊าโต่ เด๊อ วีดุเล๊อ เด๊อ อา โอ่ เด๊อ สะมาเรีย เก่กูเนอ เตอวี. เร๊อ อา จว๊า แด๊โฉ่โด่แน เป่ แกแย โอ่ เบ๊อะเนอ เต๊เห่ เร๊อ ครี๊ อาหรี่อาแก.

เพรโด่แนพู๊ เต๊เห่ 9:20

เร๊อ โตโพ๊เรอ คูเซาโล เถ่จว๊า จ๊อจ๊อ เด๊อ ยูดาห์ เตจ๊อเบโฮ เต๊เห่ อากู เร๊อ อา จว๊าแด๊โฉ่โด่แน เป่ อู เร๊อ เหย่ซู่ หม่า จอแปแหร่ อาพู๊ เตเพร อาหรี่อาแก.

ꤚꤥꤗꤢꤩ꤬ 2:8

หม่าแน๊เรอ แกแย เด๊อ อา โมแล เกอเร๊อดื่อ อาเหน่ เนอเต๊เห่, เร๊อ อา วีแก เตหมะเตจ๊อ, เร๊อ อา ครวาเมเกอ เตมู๊แหม่รีแจ่ เต๊เห่เนอ, จอแปแหร่ เก่ ซิปล่อดุ เหย่ซี ปา เร๊อ อา เก่ เมจากาคยา เหย่ซี ปา.

โครินธ์ อาเหร่อเล๊อ ต๊าบ่า 1:23

ฮู๊เนอเรอ เบ๊อะเป แด๊โฉ่โด่แน ครี๊ เซอ เด๊อ อี๊ถื่อดีเต่ลู เบ๊อะเนอ, แกแยยิวพู๊ เต๊เห่ เตเน ซิปล่อเช แหน่เจ๊อ. แกแยยิวพู๊ หม่าโต่ เต๊เห่ ลาติ เร๊อ อา เฮ๊ เน๊อ อาโหง่แลช๊า โอ่ เด๊อ เหย่ซี อาเง เตอเจ๋อ โต่.

โครินธ์ อาเหร่อเล๊อ ต๊าบ่า 13:3

ล๋อ เต เด๊อ อา โอ่ เร๊อ แว เต๊เห่เนอ, แว เก่ เด๊อ ลอแก เจ๊อ เร๊อ แกแย โซพ๊าโซแร เต๊เห่ เจ๊อเบ่เบ่, โท๊โต่ แว เก่ หลู่แถ่แก เจ๊อ แวเหน่ เด๊อ อู เก่ ซื๊ออือแก เจ๊อ แว เร๊อ หมิ เบ่เบ่, แว เก่ โมเร๊อ อู โต่ เฮ๊เนอ, อา หนิบุ๊ยหนิเตอเรอ เด๊อ แวเง เตอเจ๋อ โต่.

โครินธ์ เนอบ่า ต๊าบ่า 1:19

เมเตเฮ๊เรอ แว เร๊อ คูสิลาส เร๊อ คูทิโมธี แด๊โฉ่โด่แน เป่เฮ๊อ ซี เร๊อ เหย่ซู่ครี๊ อาหรี่อาแก เฮ๊อ. อา หม่า จอแปแหร่ อาพู๊คู เตเพร, อา เฮ๊เบ่จ๊อเฮ๊เบ่เต ปว๋า โตโพ๊ เจ๊อ, อา เฮ๊โทเฮ๊แล เกออู โตโพ๋โต่.

โครินธ์ เนอบ่า ต๊าบ่า 11:13

เหย่ซี เนอเต๊เห่ หม่า เพรโด่แนพู๊ เต๊เห่ อา หม่าแหน่ หม่าโต่. เหย่ซี หม่า เพรโด่แนพู๊ เต๊เห่ เด๊อ อา แลโฮ เต๊เห่ แพ๊. เหย่ซี จว๊า เฮ๊แลโฮ เป่ อู เร๊อ อาเตเม เต๊เห่ เร๊อ อา จะเม แลแค อาเหน่ ฮู๊ ครี๊ อา เพรโด่แนพู๊ เต๊เห่ หม่าแหน่ เต๊เห่เนอ แพ๊.

โครินธ์ เนอบ่า ต๊าบ่า 12:20

ช๋า แว แฮโตเกอ เด๊อ ซี โอ่ เคปาเนอ, ปาหม่า แว แฮ แม๊เถอะ ดื่อเฮ๊อ ซี เตแด่ซิปล่อสู่เทอ เต๊เห่ เด๊อ อา โค๊ดื่อ เร๊อ ฮู๊ แว ซิหยื่อ แม๊เถอะ เนอเต๊เห่ ปา เฮ๊อ, โทเรอ ซี เก่ แม๊เถอะ ดื่อเฮ๊อ แว เตซิปล่อสู่เทอ เต๊เห่ เด๊อ อา โค๊ดื่อ ฮู๊ ซี ซิหยื่อ แม๊เถอะ แว เนอ ปา เฮ๊อ, แว เบ่รอหนื่ออื่อ ฮู๊เนอ. แว เบ่รอ ดื่อเฮ๊อ เร๊อ ปาหม่า แว แฮแม๊เถอะ ซีกย๊าตางา ลู, ซี ซิเคว๊คยาลู, ซี ซิปล่อดุ สู่เทอทู ลู, ซี โอ่โค๊ลู ตู๊หมู่ เร๊อ ตู๊หมู่, เป๊อเจ่ออิแช๊อู, แด๊เเหมาะเถ่อโย อู, แด่ดุแด่แถ่โล เหน่, เมซู๊ซ๊า ตอปลอแลยอ เต, ฮู๊เนอ เต๊เห่ เฮ๊อ.

โครินธ์ เนอบ่า ต๊าบ่า 4:5

เป เล แด๊โฉ่โด่แน เกอเร๊อ เปหรี่เปแก หม่าโต่. หม่าแน๊เรอ เป เล แด๊โฉ่โด่แน โล เป่ อู เร๊อ เหย่ซู่ครี๊ หม่า แบ่เจ่ เตเพร อาหรี่อาแก. ฮู๊เนอเรอ เด๊อ ครี๊ อาขว่าอาคยา, เป ทวาเป่ ซี หลู่เล๊ เต๊เห่ เฮ๊อ.

ꤊꤢ꤬ꤜꤢ꤬ꤒꤤ 2:4

หม่าแน๊เรอ คูติตัส เออเนอ แกแย เต๊เห่เห่ ซิหยื่อ นอดื๊อตีลี๊ ลูพ๊า. เหย่ซี เนอเต๊เห่ หม่า แกแย เด๊อ อา ครวาแลโฮ อาเหน่ ฮู๊ โป่แหว่ เนอเต๊เห่ แพ๊. แซ่ฮู๊ เหย่ซี เก่ โนแม๊ปู ทื๊อโห่หนิ เป โทเฮ๊อ เตปาลา เด๊อ เหย่ซู่ครี๊ อากู เออเนอเร๊อ เหย่ซี แฮโนโห่ เด๊อ เปเกล แพ๊. เร๊อ เหย่ซี ซิหยื่อ นอทวาแถ่ เป เร๊อ แกแยยิวพู๊ เต๊เห่ อา เตซว๊าเตแส่ อาหลู่เล๊ แพ๊.

ฟีลิปปี 2:3

เบ๊อะซี เมเต เบ๊อะเนอ, แม๊ดุ เกอเร๊อดื่อ ตื๊อ ซี เตเพร อาเง แต่เหม่ นี๋, พย๊าดุพย๊าแถ่โล แต่ ซีเหน่ แต่เหม่, อู๊เตเต๋เบ่เบ่ แด่แลหนิ แลแค ซี ซิปล่อ เด๊อ เตเพร เร๊อ เตเพร อาเล นี๋, เร๊อ เตเนดุ เล๊อ อูโร เร๊อ ซีเหน่ เร๊อดื่อ นี๋.

ทิโมธี อาเหร่อเล๊อ ต๊าบ่า 3:16

เป เตจ๊อบู่จ๊อเบ อาจ่ออาแย อาดุอาแย เจ๊อ บ๋า เต บ๋า เตเนอ อู โชโม๊บิแก หนิแจ่ อา เตเพร่ว โต่. ครี๊ โอ่โลแถ่ เฮ๊อ ฮู๊ แกแย เห่ขุพู๊ เตเพร, เร๊อ แหย่โยบูโพ๊ แบ่เจ่ ข่าเฮ๊อ ซิปล่อ เน๊อ ครี๊ เออเนอ อา เมโต จอแปแหร่ อาซิปล่อ, เร๊อ ม๊อขุ เตเน่วพู๊ เต๊เห่ แม๊เถอะเบ่ เฮ๊อ อา. โทเรอ อา อาหรี่อาแก เออเนอ, อู แด๊โฉ่โด่แน เฮ๊อ อา เด๊อ เมวจ่อโรพู๊ เต๊เห่ อาเกลเฮ๊อ. แกแย โอ่ เด๊อ เห่ขุเออ เต๊เห่เห่ เนอ อา หยื่อเอ่แหน่ เกอ เฮ๊อ อา เฮ๊อ. จอแปแหร่ จอแถ่เฮ๊อ อา เด๊อ ม๊อขุ เด๊อ เตลีเตเค อากูเฮ๊อ.